Absalom Kibanda: Namuogopa Abdurahman Kinana

[Meitinyiku L. Robinson]

Katika mambo kama haya ndipo ama werevu au ujinga wa Watanzania walio wengi unapoweza kupimwa.

Kwanza binafsi nichukue fursa hii kumpongeza sana Absalom Kibanda kwa kuwa katika hili Kibanda amedhihirishia uma kuwa anachoheshimu yeye ni uhuru wake wa kusema yale anayoyaamini lakini vile vile yeye hayuko confined ndani ya box i.e si mtu wa kupewa ama wa kushurutishwa kuandika yale ambay yeye hataki au haoni haja, tija, na mantiki ya kuyaandika. Kwa maana nyingine nyepesi ni kwamba Kibanda anaheshimu TAALUMA yake na kaonesha kuwa kapikika kitaaluma.

Ila sisi Watanzania mi nadhani huu ushabiki na ujinga tunaojijengea kwamba kunya anye kuku akinya bata kaarisha utatugarimu vibaya mno. Yani hatuna hoja hatuna sababu ya msingi bali tunasimamia ushabiki na ile dhana kwamba kwa kuwa huyu yuko Uhuru ama Tz Daima basi anapaswa siku zote kuandika mema tu ya ule mrengo tunaoutaka sisi. Kwangu huu ni ubatili na upuuzi zaidi ya upuuzi wenyewe.

Kibanda kaelezea anavyomfahamu Abdulrahman kuanzia Jeshini, Uwaziri, mpaka alivyoendesha Kampeni za CCM na namna ambavyo yeye alikutana na kuzungumza na Kinana kwa mara ya kwanza. Hivyo kwa ufupi Kibanda anasema haya anayoyaandika ameshayafanyie tafiti hivyo ana haki kimsingi kuyasema na jamii ijue.

Sasa sisi wengine tafiti hatujawahi kufanya huyo Kinana mnamfahamu tu kwa kumsikia kwa watu wengine hasa wale ambao tunawaona kama Miungu yetu ambao wao wakisema basi nasi tunasujudia yale waliyoyasema na hatuna kazi ya kujiridhisha juu ya hayo waliyoyasema huu kwangu bado ni ulofa na uvivu wa kutafuta ukweli na kushabikia ujinga.

Watanzani ifikie mahali turidhike na tukubaliane kutokubaliana manake haitatokea siku sote tufanane kimtazamo, kifikra, kimawazo na hata kiitikadi haiwezekani utake Kibanda aseme yale ambayo wewe unataka ayasema. Mijitu mingine mko na elimu ya kutosha lakini bado tu mnadhalilisha hata hicho mlicho nacho. Kweli nimeamini kwenye msafara wa Mamba...............

Narudi tena Kibanda kwa namna alivyoandika hili kajipambanua kuwa yeye hayuko ndani ya box bali mawazo yake na fikra zake ziko kitaaluma zaidi. Wewe ujuaye tofauti na Kibanda weka yako nawe humu na si kumshambulia kijinga namna hii. Tunadhani na kuamini kuwa anachopaswa Kibanda ni kutupia mawe CCM, Serikali yake na Viongozi wake basi akienda kinyume hapo basi kakosea. Huu si uungwana kwangu huu utadndelea kubakI kuwa ulofa, upuuzi, ujinga, na kufilisika kimtazamo na kifikra na ni udhalilishaji wa mtu mwenyewe.

Eti Kibanda kanunuliwa guyz!!!!! Aibu kwenu; jipangeni kuheshimu fikra na mawazo ya wengine katika njanya zote iwe hasi ama chanya na tusiendelee kutamani kusikia yake tuyapendayo tu bali hata yale tusiyoyapenda. Kimsingi tujiamini na tuwe na uwezo wa kujibu na kupambanua yote...... Manake kama tukiendelee kuutendea hivi huu mti mbichi ule mkavu je???

Kibanda sina shaka hata kidogo na wewe pamoja na uwezo wako wengine umekuwa ukitugonga sana kuoita maelezo ila tumeendelea kutambua kuwa hatuna budi kutofautiana hivyo na vile vile kuheshimu tofauti hizo manake huo ndio uhuru wenyewe. Hivyo kwa hili umezidi kudhihirisha wewe ni kiwango cha namna gani.

Haihitaji uwe na Phd ama uwe Pro kujua na kuamini haya aliyoyasema Absalom Kibanda "Ni mtu asiyejali au mpuuzi asiyezijua vyema siasa za Tanzania anayeweza akasimama na kuudharau uteuzi uliofanywa na Rais Kikwete"

Absalom Kibanda critics are our friends........ Aluta continue

 

[POMPO]

we pompo do you think females are rubbish? please apologise, kila male anayemess anafananishwa na female? tunakusamehe bure

Apology
:majani7: Nyie ndio mama, nami!nisamehewe bure :majani7:

 

[OgwaluMapesa]

Nimekusoma nivea lakini nikuulize kitu, una uhakika kwamba kibanda amekuwa honesty katika hii makala yake ama anamtumikia kafiri apate mradi wake. Angekuwa honesty kama angekiri tu kwamba ana maslahi na mtu/watu hao.

Ukijitahidi kuunganisha dots utaona ni kwanini kibanda anaandika makala very cheap kama hii. Tafuta uhusiano ama ukaribu/umbali wa Kinana na Lowasa ndipo ujue kilichopo nyuma ya pazia.



Hakuna namna yoyote mtu unaweza kuwa honest kwa kutetea ufisadi na mafisadi. Angekuwa honest angewashambulia wote kwakuwa hakuna fisadi mdogo wala mkubwa.

Kibanda ni fisadi kama hamjui kibanda tayari amesain mkabtaba na kampuni ya new habari ya mtanzania rai anakuwa maneging group editor

 

[Baba_Enock]

Umaskini wa AKILI ni umaskini mbaya sana...!

 

[Baba Hellen]

waache wapige mbechecheee CCM KWISHINEI

 

[Mpitagwa]

Waungwana, mimi naona makala ya Kibanda ina mambo mawili makubwa, la kwanza kwamba yeye anamkubali sana kinana kiasi cha kwamba kwa mjibu wa yeye anaona sasa muda wa CCM kurudi kwenye hadhi yake umefika. Anamkubali kiasi kwamba eti alistaafu jeshini mwaka 1972 baada ya kutumikia jeshi kwa miaka 20?? Ina maana kinana alijiunga jeshini mwaka 1953 au hesabu zinanishinda hapo? La pili ambalo nami nalikubali kwa kiasi fulani ni kwamba tofauti na mtangulizi wake Mukama kinana anauwezo wa kujieleza na anaweza hata akashiriki mijadala ya kisoma na akajenga hoja na kueleweka. Nadhani kibanda anasema between za line kuwa Kinana anauwezo mkubwa sana kuiba kura kwa kutumia mbinu zake za kijeshi na hivyo ni hatari kwa wapinzani ambao watashinda ila kinana anaweza kuwa kikwazo cha kukubali kukabidhi nchi kwa amani.
Anachokisahau Kibanda ni kuwa wakati ni ukuta ukifika umefika, hata ufanyaje, vijana wa leo ambao ndiyo wapiga kura wengi hoja zao hazijibiwi majukwaani ila kwenye matendo na watendaji. Mfano kwenye kata yetu, sisi baada ya kuona unyanyasaji wa mtendaji wa kata na kushabikiwa kwake na diwani tukasema CCM hatuwapi tena udiwani hapa. Tukafanya uchaguzi CDM wakachukua, Mungu si Athman na mtendaji wakamhamisha. Sasa kata zingine nao wakisema shule zetu mbovu, wengine wakasema vituo vya Afya havina dawa wala dawa, wengine wakasema nauli kubwa mno na wengine wakaseama manyanyaso ya wawekezaji yamezidi, kwa pamoja wakaamua kupigia upinzani, kinana atakuwa na ujanja gani hapo? Hili sio suala la mtu mmoja ni la timu nzima

 

[Ritz]

Suala la kutelekeza watoto wako na kuacha wanateseke huko marekani ni zaidi ya uwendawazimu, na jinsi ulivyo na akili matope unajitahidi kuhalalisha ujinga wako kwa kujifananisha na kichwa cha ukweli. Mwanamke haibiwi mbwege wewe, mwanamke anatongozwa na anakubali kwa hiari yake mwenyewe.

Sasa wewe utuambie kama ulizungumza na wanao kuhusu kuwatelekeza, na wao wakakukubalia ukarudi bongo kuja kuishi kwa baba yako, hata aibu hauna zee zima kula kulala. pfyuuuuuuuuuuuuuu...

Acha siasa za makengeza wewe Mwita Maranya, hivi hunajua kuwa mke mkubwa wa Dr Slaa, Mama Rose Kamili Slaa, kafungua kesi mahamakani kumshtaki Dr Slaa kwa kutelekeza familia mke pamoja na watoto wake anadaiwa fidia ya milioni 150.

CC.. chama,

 

[WOWOWO]

Katika mambo kama haya ndipo ama werevu au ujinga wa Watanzania walio wengi unapoweza kupimwa.

Kwanza binafsi nichukue fursa hii kumpongeza sana Absalom Kibanda kwa kuwa katika hili Kibanda amedhihirishia uma kuwa anachoheshimu yeye ni uhuru wake wa kusema yale anayoyaamini lakini vile vile yeye hayuko confined ndani ya box i.e si mtu wa kupewa ama wa kushurutishwa kuandika yale ambay yeye hataki au haoni haja, tija, na mantiki ya kuyaandika. Kwa maana nyingine nyepesi ni kwamba Kibanda anaheshimu TAALUMA yake na kaonesha kuwa kapikika kitaaluma.

Ila sisi Watanzania mi nadhani huu ushabiki na ujinga tunaojijengea kwamba kunya anye kuku akinya bata kaarisha utatugarimu vibaya mno. Yani hatuna hoja hatuna sababu ya msingi bali tunasimamia ushabiki na ile dhana kwamba kwa kuwa huyu yuko Uhuru ama Tz Daima basi anapaswa siku zote kuandika mema tu ya ule mrengo tunaoutaka sisi. Kwangu huu ni ubatili na upuuzi zaidi ya upuuzi wenyewe.

Kibanda kaelezea anavyomfahamu Abdulrahman kuanzia Jeshini, Uwaziri, mpaka alivyoendesha Kampeni za CCM na namna ambavyo yeye alikutana na kuzungumza na Kinana kwa mara ya kwanza. Hivyo kwa ufupi Kibanda anasema haya anayoyaandika ameshayafanyie tafiti hivyo ana haki kimsingi kuyasema na jamii ijue.

Sasa sisi wengine tafiti hatujawahi kufanya huyo Kinana mnamfahamu tu kwa kumsikia kwa watu wengine hasa wale ambao tunawaona kama Miungu yetu ambao wao wakisema basi nasi tunasujudia yale waliyoyasema na hatuna kazi ya kujiridhisha juu ya hayo waliyoyasema huu kwangu bado ni ulofa na uvivu wa kutafuta ukweli na kushabikia ujinga.

Watanzani ifikie mahali turidhike na tukubaliane kutokubaliana manake haitatokea siku sote tufanane kimtazamo, kifikra, kimawazo na hata kiitikadi haiwezekani utake Kibanda aseme yale ambayo wewe unataka ayasema. Mijitu mingine mko na elimu ya kutosha lakini bado tu mnadhalilisha hata hicho mlicho nacho. Kweli nimeamini kwenye msafara wa Mamba...............

Narudi tena Kibanda kwa namna alivyoandika hili kajipambanua kuwa yeye hayuko ndani ya box bali mawazo yake na fikra zake ziko kitaaluma zaidi. Wewe ujuaye tofauti na Kibanda weka yako nawe humu na si kumshambulia kijinga namna hii. Tunadhani na kuamini kuwa anachopaswa Kibanda ni kutupia mawe CCM, Serikali yake na Viongozi wake basi akienda kinyume hapo basi kakosea. Huu si uungwana kwangu huu utadndelea kubakI kuwa ulofa, upuuzi, ujinga, na kufilisika kimtazamo na kifikra na ni udhalilishaji wa mtu mwenyewe.

Eti Kibanda kanunuliwa guyz!!!!! Aibu kwenu; jipangeni kuheshimu fikra na mawazo ya wengine katika njanya zote iwe hasi ama chanya na tusiendelee kutamani kusikia yake tuyapendayo tu bali hata yale tusiyoyapenda. Kimsingi tujiamini na tuwe na uwezo wa kujibu na kupambanua yote...... Manake kama tukiendelee kuutendea hivi huu mti mbichi ule mkavu je???

Kibanda sina shaka hata kidogo na wewe pamoja na uwezo wako wengine umekuwa ukitugonga sana kuoita maelezo ila tumeendelea kutambua kuwa hatuna budi kutofautiana hivyo na vile vile kuheshimu tofauti hizo manake huo ndio uhuru wenyewe. Hivyo kwa hili umezidi kudhihirisha wewe ni kiwango cha namna gani.

Haihitaji uwe na Phd ama uwe Pro kujua na kuamini haya aliyoyasema Absalom Kibanda "Ni mtu asiyejali au mpuuzi asiyezijua vyema siasa za Tanzania anayeweza akasimama na kuudharau uteuzi uliofanywa na Rais Kikwete"

Absalom Kibanda critics are our friends........ Aluta continue

Tatizo kubwa la makala ya Kibanda linaanza na hicho ulichokiandika hapo juu. Kama kweli kafanya utafiti wake kuhusu Kinana ndiyo alipaswa kuuweka kwenye andishi lake lakini hajafanya hivyo.Badala yake ameishia kutaja vyeo alivyowahi kushika Kinana na kuvihusisha na kaburi la upinzani nchini. Kwa ujumla ametoa profile ya Kinana tu ambayo kila mtu anaifahamu. Pili, Kibanda anauona ufisadi kama si tatizo, hoja dhaifu na isiyo na mashiko.

 

[zamlock]

haya ayawi ayawi sasa yamekuwa makala ya kibanda kuhusu kinana alikuwa anajua nn anafanya sasa saizi anakuja kufanya kazi new habari kwa rostam aziz na inasemekana mzee lowasa kainunua new habari kazi kwel kweli

 

[makelemo]

Great Thinkers,
Baada ya kuisoma makala hii ya Absalom Kibanda Mhariri Mtendaji wa Tanzania Daima, nimejikuta napata mashaka sana na zaidi kupoteza imani na uzalendo wake. Pia nimejikuta nikiamini maneno niliyokuwa nikiyapata kijiweni kwamba Kibanda ni mmoja wa beneficieries wa Ufisadi kutoka tasnia ya Habari nchini


NAMUOGOPA ABDURAHMAN KINANA

Na Absalom Kibanda

Kwa mara nyingine tena, Chama Cha Mapinduzi (CCM) kimeandika historia mpya baada ya kufanya mabadiliko mazito katika safu yake ya uongozi wa kitaifa.

Ni mabadiliko mazito si kwa sababu tu yamefanywa na CCM ambayo imekuwa na rekodi ya kubadili sura za watendaji wake kwa namna na kwa njia tofauti, bali kutokana na ukweli kwamba safari hii mabadiliko hayo yamehusisha watu wazito, wenye historia ya kipekee katika medani ya uongozi ndani na nje ya chama hicho.

Ingawa kwa mtazamo wa haraka haraka, mabadiliko hayo yanaweza yakaonekana kuwa ni ya kuyabeza au kuyapuuza kama ilivyotamkwa na baadhi ya wadadisi wa mambo wakiwamo wachambuzi wa masuala ya siasa na hata wanazuoni, ukweli unabaki pale pale kwamba kile kilichofanywa na CCM kinaweka alama ya kipekee katika mwenendo wa siasa za kitaifa za siku zijazo.

Wasifu mzito na historia za kutukuka za baadhi ya wateule wanaounda timu ‘mpya’ ya viongozi watendaji wa CCM kwa kiwango kikubwa ndicho kitu kikubwa pekee kinachosababisha mtu yeyote makini ajikute akipata shida kuyabeza yale yaliyofanywa na chama hicho tawala mwishoni mwa wiki kule Dodoma.

Msuko mpya wa safu ya wakuu wa idara za CCM uliotangazwa na Rais Jakaya Kikwete ukiwajumuisha wanasiasa wasiojua mizaha wawapo kazini kama alivyo Philip Mangula, au makada wa muda mrefu wa chama hicho wa kariba ya Muhammad Seif Khatib na Zakia Meghji una kila sababu ya kutafutiwa dawa mahususi na makamanda wa kambi ya upinzani ambao kwa muda mrefu wamekuwa wakipambana kuing’oa CCM madarakani.

Ni mtu asiyejali au mpuuzi asiyezijua vyema siasa za Tanzania anayeweza akasimama na kuudharau uteuzi uliofanywa na Rais Kikwete ambaye baada ya kushindwa mara kadhaa hatimaye amefanikiwa kumshawishi, mmoja wa wanasiasa makini na wakongwe, mtumishi wa umma wa muda mrefu, mwanadiplomasia na Kanali Mstaafu wa Jeshi, Abdulrahaman Kinana kuwa Katibu Mkuu wa CCM.

Kwa muktadha wa makala ya leo na kwa kuzingatia nafasi kuu ya utendaji aliyopewa, nitazungumzia kwa sehemu tu wasifu wa Kinana, mtu ambaye naamini anapaswa kuangaliwa kwa jicho la karibu na wakati mwingine kudhibitiwa ili kasi yake ya kukijenga chama alichopewa dhamana ya kukinusuru isije ikasababisha kuyumba kama si mauti ya kisiasa kwa baadhi ya vyama vya upinzani.

Ni wazi kwamba, kuteuliwa kwa Kinana kuwa Mtendaji Mkuu wa CCM Taifa, akirithi mikoba iliyomshinda, Wilson Mukama, kumetutia ganzi baadhi yetu ambao kwa muda mrefu tumekuwa ‘mashabiki’ au waumini wa kuchagiza kwa njia ya kalamu na wakati mwingine katika mijadala ya wazi kwamba, taifa lilikuwa na haja ya kutafuta mabadiliko ya uongozi kutoka nje ya chama tawala.

Sitaki kuwa miongoni mwa wapenda mabadiliko ambao kwa njia za kujifariji au za kujipa matumaini hewa wameingia katika mkumbo wa jumla jumla wa kumbeza Kinana kwa namna wanayotaka kuuaminisha umma wa Watanzania kwamba, mtu huyo anaweza akasukumwa kirahisi kwa namna ile ile ilivyopata kuwa kwa watangulizi wake kadhaa waliopata kushika wadhifa huo.

Hupaswi kuwa na akili nyingi kutambua kwamba, umahututi wa CCM kisiasa, kulikokifikisha chama hicho tawala kufikia hatua ya kupoteza dira na kuanza kuliona kaburi la kupoteza madaraka ya dola ndiko kulikorejesha hekima za usikivu kichwani mwa Kikwete hata akalazimika kuwarejesha akina Kinana, Mangula, Seif Khatib na Meghji katika kilinge cha siasa za ushindani mkali ndani na nje ya CCM.

Siyo siri hata kidogo kwamba, hekima hii mpya ya Kikwete ya kumrejesha Kinana ulingoni, ambaye siku chache tu zilizopita alitangaza kustaafu siasa huku akisema alikuwa akikusudia kuwaachia vijana kusukuma gurudumu la uongozi, inahusisha kichwa zaidi ya kimoja kutoka ndani na nje ya CCM.

Kama ilivyo kwa wengi wengine nilianza kulisikia jina la Kinana likihusishwa na ukatibu mkuu wa CCM miaka miwili au mitatu iliyopita hali ambayo ilipata kusababisha nifikie uamuzi hata wa kumuuliza yeye mwenyewe kuhusu taarifa hizo.

Jibu ambalo Kinana mwenyewe alipata kunipa kwamba alikuwa akipenda kuona akiendelea kupata fursa ya kukitumikia chama chake kama mshauri na kwa nyakati mahususi kama zile za kampeni na si kwa nafasi ya ukatibu mkuu lilikuwa likinipa sana faraja.

Kilichokuwa kikinipa faraja si kingine chochote bali fikra zangu (sahihi au potofu) ambazo siku zote zilikuwa zikinifanya niamini kwamba, ukatibu mkuu kwa Kinana ilikuwa ni silaha moja ya maangamizi kwa vyama vya upinzani ambavyo naamini vinapaswa kuendelea kupewa fursa ya kuaminiwa na kukomaa.

Katika mazingira ambayo CCM imeweza kuepuka zahama ya kumeguka vipande viwili kwa kuzingatia maono aliyokuwa nayo Baba wa Taifa, Mwalimu Julius Nyerere, kwangu mimi Kinana wa zama hizo alikuwa na anaendelea kubakia kuwa tishio kubwa kwa ustawi wa upinzani ambao ni rutuba muhimu kwa maendeleo ya demokrasia na misingi ya utawala bora.

Hili ndilo ambalo naamini wapinzani wanapaswa kulitazama na kulitafakari nyakati hizi wanapoendesha harakati zao za kukabiliana na maguvu ya dola na haya mapya ya hoja ambazo aghalab zitaongozwa na Kinana nyakati hizi taifa linapojiandaa kwa ajili ya Uchaguzi Mkuu wa miaka mitatu ijayo.

Haitoshi kwa kina Freeman Mbowe, Profesa Ibrahim Lipumba, James Mbatia, Dk. Willibrod Slaa na Zitto Kabwe kumbeza Kinana na timu ya watendaji wake eti kwa hoja nyepesi na zisizo na mashiko za ufisadi au uchafu wa jumla jumla wa CCM.

Wapinzani na wachambuzi wa mambo wanapaswa kujua na kutambua kwamba, Kinana ni mwanasiasa wa vitendo, msomaji mzuri wa vitabu, ripoti, taarifa, magazeti, msikilizaji na msikivu mzuri wa mambo mepesi na mazito kuliko alivyokuwa ‘utopia’ Mukama anayeamini na kuzitetea nadharia zisizotekelezeka.

Si hilo tu, wapinzani wanapaswa kutambua kwamba, historia yake ya uaskari alioutumikia miaka 20 hadi mwaka 1972 akifikia cheo halisi cha jeshi cha Kanali ikimhusisha na mafunzo mahususi ya kimkakati ni sehemu ya mambo ambayo yanatawala nidhamu ya kazi ya aina ya kipekee iliyomfanya Kinana akawa jemedari wa mapambano ya CCM tangu mwaka 1995 hadi leo.

Wachambuzi wa mambo, nikiwamo mimi mwenyewe ambao siku zote tumekuwa tukiiona CCM kuwa chama kinachokufa kwa maana ya kuchungulia kaburi, tunapaswa kuanza kutafakari upya mawazo yetu hayo, nyakati hizi Kinana alipopewa dhamana ya kuwa mtendaji wake mkuu.

Tutakuwa wendawazimu iwapo tutamlinganisha Kinana na Mukama na kusahau kwamba huyu aliye kilingeni leo ndiye aliyemuongoza Benjamin Mkapa katika mapambano makali ya kisiasa mwaka 1995, zama Augustine Mrema alipokuwa tishio la kwanza la kweli dhidi ya CCM katika Uchaguzi Mkuu.

Alikuwa ni Kinana aliyefanya kazi kubwa katika kipindi chote cha kampeni akiratibu na kuongoza kampeni zote za Mkapa zilizomjumuisha pia Mwalimu Nyerere katika mazingira ambayo wengi walikuwa wakiamini CCM ilikuwa katika mwelekeo wa anguko la kihistoria.

Kinana ambaye kabla ya mwaka 1995 alikuwa tayari amepata kuwa Naibu Waziri wa Ulinzi na Jeshi la Kujenga Taifa, Naibu Waziri wa Mambo ya Nje na Waziri wa Ulinzi alitumia vyema mbinu za medani na zile za kidemokrasia na kiplomasia kumjengea uhalali Mkapa ambaye wakati huo alikuwa mwanasiasa ambaye hakuwa akijulikana sana.

Ni jambo la bahati mbaya sana kwamba, siku chache tu baada ya kuingia Ikulu kwa mara ya kwanza mwaka 1995, kwa sababu ama ya ulevi wa madaraka au kwa kutingwa na kazi za kimamlaka, Mkapa alisahau kazi kubwa aliyofanyiwa na Kinana.

Ni katika kipindi hicho cha kati ya mwaka 1995 na 2000 ndipo nilipokutana kwa mara ya kwanza na mara kadhaa na Kinana nyumbani kwake Masaki, jijini Dar es Salaam nikiwa nimeongozana na mhariri wangu, Muhingo Rweyemamu, ambaye sasa ni Mkuu wa Wilaya ya Handeni ambako nilipata fursa ya kumsikiliza na kuufahamu upeo mkubwa wa kuona mambo aliokuwa nao mwanasiasa huyo.

Tangu wakati huo hadi wakati wa kampeni za mwisho za mwaka 2010, niliendelea kukutana kwa nyakati fupi fupi na Kinana na mara kadhaa nikawa mtu wa kufuatilia na kuzisikiliza kwa makini, habari zake kutoka ama kwa marafiki au maadui zake wa kisiasa.

Sikushangazwa hata kidogo niliposikia tena kwamba, Mkapa alilazimika kumuangukia tena Kinana na kumuomba aongoze tena kampeni zake mwaka 2000 kabla ya Kikwete naye hajafanya kile alichofanya mtangulizi wake alipomuomba mwanasiasa huyo adhibiti joto la kiti cha urais mwaka 2010.

Uwezo wake mkubwa wa kisiasa, umakini wake na upeo mkubwa alionao katika kuona na kuchambua masuala ya siasa, uchumi na jamii ndivyo vitu ambavyo kwanza kwa nyakati tofauti vimepata kumfanya Kinana awe Mbunge wa Jimbo la Arusha kwa miaka 10, Mbunge wa Afrika Mashariki na Spika wa Bunge hilo.

Si ajabu hata kidogo kwamba, hata kabla ya kufikia huko, ni Kinana huyo huyo ambaye alipata kuwa Mwakilishi wa Kidiplomasia wa Rais wa Tanzania katika eneo la Maziwa Makuu na kabla ya hapo akiwa Mwenyekiti wa Mawaziri wa Ulinzi wa Nchi za Kusini Mwa Afrika (SADC) zama akiwa Waziri wa Ulinzi katika Serikali ya Awamu ya Pili iliyokuwa ikiongozwa Rais Ali Hassan Mwinyi.

Uzoefu wake katika siasa za kiraia unaanzia mwaka 1972 wakati alipostaafu jeshi akiwa Kanali baada ya kulitumikia kwa miaka 20 ndiyo ambao amekuwa akiutumia kama silaha kubwa ya kukijua chama chake na pengine kumfanya awe mmoja kati ya watu wachache ambao wamepata kuwafanyia kazi marais wote wane wa Tanzania.

Anarithi mikoba ya Mukama akiwa mmoja wa wanasiasa wachache wa CCM wa rika ile ile la kina Kikwete ambaye alilikimbia na kulikana kundi la mtandao mwaka 2005 ambalo baadhi yetu tunaamini kuwa, ndilo lilisababisha kuzaliwa kwa siasa mpya za kupakana matope, kuzushiana na kuhujumiana ndani na nje ya CCM.

Lakini pengine kubwa katika yote hayo anaingia madarakani huku akiwa na hazina ya uzoefu mkubwa wa kuongoza mapambano dhidi ya vyama vya upinzani na kushinda katika mazingira ambayo aghalab yamekuwa yakiacha vidonda visivyopona kwa wapinzani tangu mwaka 1995. Huyu si mtu wa kumpuuza au kumbeza hata kidogo.


My Take:
-Hapo kwenye RED naona Kibanda kajikita katika kueleza kifo tarajiwa cha upinzani kwa kumezwa na rekodi ya kinana tu bila hata kuzingatia nyakati zilizopo za kisiasa, kupwaya kwa ushindi wa JK kwneye matokeo ya uchaguzi mkuu wa mwaka 2010 na zaidi mchoko wa kimaisha walionao watanzania sasa. Kibanda amejaza mahaba binafsi kwa Kinana pasipo kuzingatia muktadha wa kisiasa uliopo nchini.

Lakini pia Kibanda amejikita katika kusisitiza hatari ya upinzani kufa kutokana na Kinana kuwa GS wa CCM bila kueleza ni kwa vipi anaweza kupambana na hoja zinazotoka kambi ya upinzani hasa CDM au ni Uluteni wake tu Jeshini ndiyo utamfanya aue upinzani.

Aidha, Kibanda anatumia Umeneja Kampeni wa Kinana kwa wagombea wa urais wa CCM bila hata kusumbua kichwa chake,kwamba kuwa meneja haina maana unakuwa incharge wa ushindi wa mgombea bali timu nzima ya kampeni ya Chama ndiyo hufanya kazi hiyo. Mathalan, utamsifu vipi Kinana kwa ushindi wa Mkapa mwaka 1995 wakati Hayati Baba wa Taifa Mwalimu Nyerere kivuri chake kilikuwa bado kinaishi ndani ya mioyo ya watanzania? Ni kweli hili si la kubeza lakini si la kumpa credit kubwa kiasi anachotoa Kibanda

-Kwenye Blue, Kibanda kawa kipofu kiasi kwamba kwakwe yeye tuhuma za ufisadi zinazomkabili Kinana na baadhi ya wana safu wa Sekretarieti mpya ya CCM anaziona nyepesi na zisizo na mashiko. Kwake yeye (Ufisadi ni mwepesi na si hoja kwa sasa) bali hoja ni Kinana na rekodi yake tu tena ya huko nyuma.

Tujadili kwa pamoja hii makala.

Nafikiri ndg Kibanda kesi iliyoko mahakamani inamsumbua, anatafuta pa kutokea, hata hivyo ametoa hoja zisizo na mashiko zaidi ya kutoa maelezo ya jumla jumla, haelezi kwa nini Kikwete alipata kura chache nusura kushindwa (Kama si uchakachuaji) katika uchaguzi uliopita ilhali Kinana huyo huyo anaemsifia ndie alikuwa Meneja wa Kampeni. Kinana alionesha umahiri gani katika kampeni hizo? analo jipya gani nje ya mfumo wa CCM ambalo litampambanua yeye na wenzake?

 

[Pancras Suday]

Mh! Kibanda kajidharirisha jamani, hivi alidhani anawaandikia watu wa mtaa wa lumumba!

 

[tubadilike-sasa]

Lakini Kibanda si kasema amekuwa akimfuatilia Kina.Its seems he fell in love with his CV. Sasa CV inaweza kuisafisha CCM kweli. Kinana anaweza kuhakikisha kuwa Kagoda amewekwa ndani. Au ana uwezo wa kusisma jukwaani na kusema kuwa CCM ni chama cha wakulima na wafanyakazi? Au eti nchi yetu inaoongozwa kwa misingi ya ujamaa na kujitegemea kama katiba ya CCM inavyosema? The CCM has simply put a perfumed lipstick on a pig! It will remain a pig. Yaani secretariat mpya ndiyo lipstic and pig ni CCM. This voda fasta thinking,the likes of Kibanda is going to kill us!

 

[MUJARABU]

...mwanaume mzima unatangazia umma kuwa unamuogopa mwanaume mwezio...mambo ya ajabu sanaaaa....nyambafu kabisa..

 

[Dr Matola PhD]

Jamani, mbona wapuuzi tupo wengi! Mimi mwenyewe hapa mpuuzi , kwa mujibu wa bwana kibanda . Hivi kwanza wakuu, kesi ya huyu jamaa inaendeleaje
?

Uoga wa kwenda jela sasa umemfikisha hapa kuanza kuandika makala za kuwafurahisha majambazi ili kesi yake apewe favor ya Nole.

 

[KIM KARDASH]

Bado nasisitiza watu engi humu hamumjui kinana,wapo wengine wanadhani kinana ni mtu wa karibu na lowassa,wanakosea sana,wengine wanadhani ni mtu unaweza kumtumia kirahisi wanakosea sana,kumjua kinana ni mpaka ukae nae na kuongea nae ndio utamjua ni mtu wa dizaini gani,nashukuru mimi ni mmoja pia wa watu waliowahi kukutana na kuongea nae,jamaa ni kichwa sio msomali wa aina ya Rage ama Bashe,yuko tofauti sana,mnaofahamiana na kubenea jaribuni kumuuliza atawapa stori za huyu mtu,huwa sikubaliani na kibanda lakini kwa andishi lake hili ni kweli anamfahamu kinana.Mwenye hoja na anaetaka kushindana nae kwa hoja lakini,naomba niitoe namba yake hapa bila ridhaa yake lakini kwa nia njema ajaribu kuwasiliana nae..0787 051051,please uwe na hoja lakini,sio usumbufu.Ni mtu wa watu atakupa ushirikiano unaostahili.thanx.

 

[KIM KARDASH]

haya ayawi ayawi sasa yamekuwa makala ya kibanda kuhusu kinana alikuwa anajua nn anafanya sasa saizi anakuja kufanya kazi new habari kwa rostam aziz na inasemekana mzee lowasa kainunua new habari kazi kwel kweli

kinana sio mtu wa lowassa kabisa,mnachanganya mambo

 

[KIM KARDASH]

Ni jambo la kheri sana kusimama peke yako kuutetea ukweli. Ones man's freedom fighter is another man's terrorist. Kwangu mimi Kinana anazo sifa nilizozitaja na kimsingi ni tishio kwa ustawi wa upinzani. Sasa mnataka tuwe na taifa la watu wanaofikiri sawasawa kila siku? Huu hakika ni upuuzi wa kitaifa

tatizo hawa jamaa zako wa chadema mmewazoesha vibaya,kupenda kusifiwa tu hata kama hawana sifa zozote,hii ndio inakupa shida leo,natabiri hali hii kumtokea kubenea pia siku za usoni,unless aendelee kuandika habari wanazopenda kusikia tu hawa jamaa

 

[The Boss]

kinana sio mtu wa lowassa kabisa,mnachanganya mambo

Sasa Lowassa atapitia wapi kupewa ugombea urais na CCM?

 

[KIM KARDASH]

Sasa Lowassa atapitia wapi kupewa ugombea urais na CCM?

Watu sema hawataki kukubali,hii sekretariat mpya sio rafiki kabisa kwa lowassa na genge lake,na imewekwa pale purposely,ndio mana unaona mtu kama Nape yuko happy sana na mabadiliko haya,watu wanataka kulazimisha kwamba eti lowassa bado ana ushawishi kwenye sekretariet hii,sio kweli.Kinana ni anti lowassa,chukua maneno yangu,na nikweli anavosema kibanda mara kadhaa amekata teuzi za jamaa kwa kuwa alikua anamuona jamaa bado amefungamana na kina lowassa,alikataa pia hii nafasi aliokalia mama makinda sasa ambayo jamaa alitaka akae yeye

 

[Dr Matola PhD]

Bado nasisitiza watu engi humu hamumjui kinana,wapo wengine wanadhani kinana ni mtu wa karibu na lowassa,wanakosea sana,wengine wanadhani ni mtu unaweza kumtumia kirahisi wanakosea sana,kumjua kinana ni mpaka ukae nae na kuongea nae ndio utamjua ni mtu wa dizaini gani,nashukuru mimi ni mmoja pia wa watu waliowahi kukutana na kuongea nae,jamaa ni kichwa sio msomali wa aina ya Rage ama Bashe,yuko tofauti sana,mnaofahamiana na kubenea jaribuni kumuuliza atawapa stori za huyu mtu,huwa sikubaliani na kibanda lakini kwa andishi lake hili ni kweli anamfahamu kinana.Mwenye hoja na anaetaka kushindana nae kwa hoja lakini,naomba niitoe namba yake hapa bila ridhaa yake lakini kwa nia njema ajaribu kuwasiliana nae..0787 051051,please uwe na hoja lakini,sio usumbufu.Ni mtu wa watu atakupa ushirikiano unaostahili.thanx.

Hizi porojo na Propaganda zako peleka Lumumba, asiyemjuwa Kinana labda kijana aliyezaliwa miaka ya 90. labda hapa ungetupa Contact ya kampuni ya kusafirisha pembe za ndovu ili na sisi tukiwa na shehena zetu tusafirishe kwa usalama.

Kinana amekuwa mjumbe wa Kamati kuu, chombo kikuu cha maamuzi katika chama je alifanya nini cha ajabu? je ni kwa nini Amekimbia Arusha? Ngongo hebu tusaidie hapa kuna watu wanatulazimisha chupa tuiite Almasi.