Unajua kuna makundi matatu makubwa ambayo yanalalamika kuhusu hali ya kisiasa hapa nchini:
KUNDI LA KWANZA:
Hawa wako nje ya mfumo na wanaongozwa na vyama kama CHADEMA. Hawa wanapinga CCM kwasababu hawaamini katika falsafa zake wala mwenendo wake, na wanaamini kabisa kwamba mwarobaini ni kuiondoa kabisa CCM madarakani. Kinara mkuu wa siasa za kundi hili ni Mheshimiwa Tundu Antipass Lissu.
KUNDI LA PILI:
Hili kundi na la watu wenye maslahi kufalani na MFUMO. Hawa huwa wanapinga serikali iliyopo kwasababu za kidini au kimaslahi. Kundi hili linaongozwa na makada wa CCM au watu wa mfumo ambao hawaridhiki na serikali iliyopo, lakini wao ni wana CCM kindakindani. Kula, Kulala, Kuishi kwao kumetokana na CCM. Mfano, Bwana Humphrey Polepole, Prof Issa G Shivji, Prof Anna Tibaijuka, na viongozi wengi wa Kanisa Katoliki (Pindi Raisi Muislamu) na Masheikh (Pindi Raisi ni Mkristo).
Wengi wanaompinga SSH au waliompinga JPM, wanatokea kundi hili. Hata hapa mtandaoni utawaona kabisa wanataka mabadiliko lakini hawataki kukubali ukweli wa mabadiliko kwamba tatizo ni CCM iliyoanzishwa na Mzee Nyerere. Wao SSH akitoka na akingia Raisi ambaye ni mwana-ccm wanamkubali basi watamuunga mkono, hata kama hatafanya mabadiliko yoyote kimfumo. Hili kundi lina watu hatari sana kwa mustakabali wa hili taifa.
Watetezi wengi na wafuasi wa Nyerere wako kwenye hili kundi...
KUNDI LA TATU:
Hili kundi lina watu ambao wao siasa au harakati ni ajira. Hawa ni mawakala wa mataifa makubwa na taasisi kubwa za kimataifa duniani. Hili kundi hushirikiana na makundi yote mawili hapo juu endapo maslahi yao yanafanana kwa wakati huo. Wanaharakati wengi wa mtandaoni kama Maria Sarungi, Mange Kimambi, Liberatus Mwang'ombe, Kigogo, Tito Magoti, Tausi, Olenguruma na wanaharakati wengi na NGOs zao wako hili kundi.
Ndiyo maana kuna wakati unakuta walikuwa na CHADEMA bumper to bumper, halafu mara wakahitilafiana baada ya maslahi kupishana. Kuna kipindi walikuwa wanamshambulia Polepole lakini baadaye wakawa rafiki zake. Kiufupi, their political build-up is very synthetic and mechanical.
Kikawaida mtu yoyote huwa haanzi harakati za siasa ambapo anakuwa na mengi ya kupoteza, hasahasa baada ya kuvuka miaka 25. Ukiona mwanaharakati kaanza siasa baada ya miaka 25 basi fahamu that is Synthetic/Artificial/Mechanical. Mwanasiasa Genuine huwa anaaza siasa akiwa mdogo, 14-25. Kitaalamu hizi ndiyo Formative Years. Ndiyo maana jeshini na taasisi nyingi za kiusalama na kidini huwa hawataki mtu aliyevuka miaka 25, kwasababu wanaamini kwamba hawezi kufundishika katika ngazi ya kifalsafa na kiimani.
Hili kundi huanza la tatu, wanasiasa wake wengi wameingia kwenye harakati baada ya kuvuka miaka 30. Lakini pia wamekula maisha na wana mengi mno ya kupoteza. Wana familia na watoto, utajiri na sifa (Reputation) za kuzilinda. Hivyo wenye akili hawawezi kuliamini hili kundi hata kidogo. Ukiona mtu anaanza siasa baada ya miaka 30, hutakiwi kumwamini, mara zote huwa ni mamluki.
================================================================================