Askofu Bagonza: Taifa letu limekumbwa na virusi viwili vya hatari. Kimoja kinaitwa LISSUPHOBIA na kingine kinaitwa LISSUPHORIA

Askofu Bagonza: Taifa letu limekumbwa na virusi viwili vya hatari. Kimoja kinaitwa LISSUPHOBIA na kingine kinaitwa LISSUPHORIA

Jaji Mfawidhi

JF-Expert Member
Joined
Feb 20, 2016
Posts
17,434
Reaction score
27,177
Anaandika Baba Askofu Rev. Dr. Benson Bagonza (PhD), Mkuu wa KKKT Dayosisi ya Karagwe.

Taifa letu limekumbwa na virusi viwili vya hatari. Kimoja kinaitwa LISSUPHOBIA na kingine kinaitwa LISSUPHORIA. Inaonekana viliingia nchini tarehe 27/7/2020 kupitia jiji la DSM.

Madaktari wanadai dalili za LISSUPHOBIA ni hizi:
1. Hofu ya vyombo vya habari
2. Hofu ya mikusanyiko
3. Hofu ya matumizi ya mitandao ya kijamii
4. Kirusi kinashawishi kupindisha sheria na taratibu za kawaida
5. Hudhoofisha uwezo wa kutenda kwa haki
6. Hudhoofisha uwezo wa kukumbuka yaliyopita
7. Huzuia uwezo wa kujifunza kwa majirani na kinaongeza uwezo wa kujipendekeza kwa vyombo vya dola
8. Dalili mpya hujitokeza kwa mgonjwa kila wakati na kuhitaji kupimwa kila wakati
9. Kirusi kinamsukuma mgonjwa kuwa karibu na Mungu kinadharia na kumkimbia Mungu anapomkaribia mgonjwa

Dalili za kirusi cha LISSUPHORIA ni hizi:
1. Ujasiri uliopitiliza
2. Kuhisi kuonewa kila wakati
3. Kujiona ni tiba ya LISSUPHOBIA kwa sababu ndiye amesababisha LISSUPHORIA
4. Kuamini kuwa kinatibu kukosekana kwa ajira, na kuleta utawala bora
5. Kumfanya mgonjwa ajione ana uwezo wa kutibu kila ugonjwa ikiwemo kukosa "nguvu za kiume"
6. Mgonjwa kuamini anaanza na Mungu na kumaliza na Mungu
7. Kumfanya mgonjwa aamini kirusi hiki kinastawisha uzalendo
8. Kinamfanya mgonjwa kupoteza uwezo wa kutunza siri zake
9. Kinamfanya mgonjwa amshuku kila mtu aliyewahi kuwa karibu na mgonjwa wa LISSUPHOBIA

Virusi hivi viwili visambaa kwa kasi hapa nchini. Madaktari wanashauri wagonjwa wa virusi hivi viwili vya hatari, kutumia dawa moja inayofanana na wakiishapona wadungwe chanjo ili wasiambukizwe tena.

Dozi ya dawa hiyo ni:
1. Matumizi sawa ya vyombo vya habari kutwa mara tatu.
2. Matumizi ya hoja mara 12 kwa siku
3. Kuheshimu sheria mara 24 kwa siku
4. Kula upendo mara 2, kunywa uvumilivu mara 3 na kujipaka mafuta ya umoja mara 6 kwa siku.

Wakati wote wa kutumia dozi hii, wagonjwa waepuke:
1. Matusi na kejeli
2. Matumizi ya vyombo vya dola
3. Kutumia raslimali za nchi kwa masuala ya kiitikadi
4. Kutumia dini, kabila, au ubaguzi wa namna yoyote
5. Wote wajiepushe na imani ya kuwa mwisho wa dunia ni siku ya uchaguzi mkuu wa 2020. Kuna maisha baada ya uchaguzi. Wamwogope Mungu na Teknolojia.

1597121088394.png
 
Lissugaysm is very threatening above all the two. The solution is lissudeleting.
 
Akili mgando kweli. Hivi nani anayemuogopa mwenzake. Yule ambaye kila akihojiwa anamtaja taja mwenzio kila baada ya maneno mawili au yule ambaye yupo bize na spidi yake ile ile ya kuchapa kazi ambaye hana muda hata kujibizana?
Hapo imewaingia wapinzani hiyooooo mkuu hana muda mchafu ila muoga kila sentensi moja anataja jina
 
Back
Top Bottom