Wakuu, ni matumaini yangu wazima wa afya,
Nijikite Moja Kwa Moja kwenye mada husika. Naomba msaada juu ya biashara gani naweza fanya nikajikwamua katika hali ya chini.
Moja ktk harakati za utafutaji (Udalali), nimebahatika kufikia kiasi kadhaa Cha fedha 10M, changamoto ninayopitia mpaka sasa nimeshindwa kuiendeleza kutokana na kuwa sijajua nifanye biashara gani itakayo zalisha pesa kwa uharaka na bila maumivu makali.
Nimejaribu fatilia baadhi ya wafanyabiashara wamekuwa wakilalamikia suala la tozo kuwa nyingi kwenye shughuli zao lakini pia haitoshi nikajaribi ingia kwenye kilimo jambo ambalo linahitaji muda wa ziada na utayari wa chochote ktk kuvuna au kupata hasara.
Natamani sana kufanya biashara na ni ndoto niliyokuwa nayo katika maisha yangu naomba maoni yenu, msaada, connection na elimu pia juu ya biashara.
#MEK
Brother mimi nakushauri usianze kitu kipya kabisa usichokijua, jaribu kujiendeleza kwenye kitu ambacho unauzoefu nacho ambacho kimekuwezesha mpaka kuweza kufikisha hiyo milioni 10.
Kama wewe ulikua unafanya kazi ya udalali, basi jaribu kuifanya kwa ubora zaidi hiyo kazi yako, hii na maanisha kwa jaribu kuifanya ukiwa kwa usasa zaidi ukilenga aina flani ya wateja, ambao unaamini wanaweza kuongeza pato lako.
Kwa kuanzia, anza kwa kufanya ya fuatayo:-
1. Tafuta vibali na Leseni ili kuweza kuifanya kazi yako kisheria.
2. Tafuta ofisi rasmi ambayo itakuwa inajulikana na muda wote mteja ukimwelekeza basi ataweza kukufikia.
3. Ongeza circle ya connection ya madalali wanaofanya kazi kama yako.
4. Jaribu kulenga aina ya kazi/ vitu vya udalali unavyolenga ku specialize, yanai kama ni dalali wa majengo, vyumba, , magodown, mashamba na nk, au dalali magari, (Kikubwa hapa jaribu kuwa umelenga vitu flani)
5. Ongeza juhudi katika kujitangaza na kutafuta wateja ambao unaamini wataongeza kipato, kama mwanzo ulikua una wateja wa kuwasubiri mtaani, basi sasa anza kwa kuwatafuta wateja wakubwa zaidi kama makampuni, wafanyabiashara wakubwa na n.k
6. Tengeneza kanuni ambazo zitakutofautisha kazi yako ya udalali na madalali wengine ambao wapo mtaani, mfano uongo, kuweka bei kubwa ya juu, kutokuwa na uaminifu na n.k
7. Jipe muda katika kuendesha biashara yako kabla ya kuanza kuona faida, usitegemee faida ya haraka.
8. Tengeneza connection na watu wenye uelewa zaidi wanao husiana moja kwa moja na biashara yako kama Mawakili na wanasheria; Land officers, ma ofisa wa TRA, Polisi n.k (Hawa watakusaidia kwenye kazi zako za kila siku kama kuandaa mikataba, ushauri wa kuhus maswala ya kodi kwako na kwa mteja wako.
9. Fuatilia na kuwa na nidhamu ya kila pesa inayoingia na kutoka kwenye ofisi yako.
10. Fanya kazi kwa bidii na mtangulize Mungu katika kila hatua unayofanya katika kazi yako.
Yangu ni hayo nikiwa kama mtafutaji mwenzako wa kitaa.
AU Ukionashida kwenye yote kabisa tuite tuweke heshima Bar
