DodomaTZ
Senior Member
- May 20, 2022
- 197
- 233
Mafunzo hayo maalum ya ngazi ya juu yalijikita katika masuala ya Usalama na Mikakati (Security and Strategic Studies), na yalihusisha washiriki kutoka nchi 17 tofauti, yakiwemo mataifa ya Afrika na nje ya bara hilo.
Miongoni mwa wahitimu ni FRV. Said R. Mndeme, ambaye ni Mkurugenzi wa Miliki kutoka Wakala wa Majengo Tanzania (TBA). FRV. Mndeme amehitimu mafunzo hayo na kutunukiwa Nembo ya Fahari ya NDC (Prestigious NDC TZ Symbol) pamoja na Shahada ya Uzamili katika Usalama na Mikakati (Master of Security and Strategic Studies).
Hafla ya mahafali ilifanyika jijini Dar es Salaam, ambapo Rais wa Jamhuri ya Muungano wa Tanzania, Dkt. Samia Suluhu Hassan, aliwakilishwa na Waziri wa Ulinzi na Jeshi la Kujenga Taifa, Dkt. Stagomena Tax.
Katika ujumbe wake, Rais Samia aliwapongeza wahitimu wote na kuwataka kutumia elimu na maarifa waliyoyapata katika kukuza usalama, amani na maendeleo endelevu katika nchi zao. Alisisitiza kuwa changamoto za kiusalama katika enzi ya sasa zinahitaji viongozi wenye uelewa mpana na uwezo wa kimkakati katika kufanya maamuzi.
Chuo cha Ulinzi cha Taifa (NDC) ni taasisi ya juu ya kijeshi na kitaaluma inayotoa mafunzo ya kimkakati kwa viongozi wa juu wa sekta ya ulinzi, usalama na serikali, kikilenga kuwaandaa kwa nafasi nyeti za kufanya maamuzi katika mazingira ya usalama wa kikanda na kimataifa.
Kupitia mafanikio haya, FRV. Mndeme amejiunga na orodha ya viongozi wachache waliobobea kitaaluma katika nyanja ya usalama na mikakati, akitarajiwa kuchangia zaidi katika kuimarisha usalama, utawala bora na maendeleo ya taifa.