COVID-19 & DEEP STATE: Nini maana ya Uhandisi Jamii unaotokea Duniani!?

[John Doe Kellerman]

Mkuu, fanya uje uendelee

 

[Boniphace Bembele Ng'wita]

Jana nilifungua huu uzi ukanigomea kabisa

Sent using Jamii Forums mobile app

mkuu si kwel kwamba uzi huwa hAufunguki ila kunamambo 2
1)aina ua sim unayotumia na virsion yake inawezA kuwa kikwazo
2)kwama unatumia application ya jf na ukawa umewah sit ya mbele(ume subscribe) ili usipAte shida ya kuutafutA hiyo pia yAweza kuwa shida nyingne..

suluhisho tumiA chrome kama utakuwa unAendeleA kupAtA shida..

asant

 

[Jerry santonga]

Ni ya ukweli hayo? au watufitinisha na The Bold...

Anataka kutufinisha maana mzee wa kazi ngoja tusikilizie kwanza

 

[NyategaJr]

DEEP STATE, COVID-19: Nini Maana ya Uhandisi Jaamii Unaotokea Duniani?




#4



Niko mzima wa afya… tuendelee.
Wengi tuko nyumbani sababu ya karantini… nitajitahidi niweke content ya kutosha karantini iwe mwanana.



Nilikuwa naeleza kuhusu "Deep State" na namna gani inafanya kazi.
Nikaeleza kuhusu kampuni ya Blackwaters Worldwide na alafu nikageukia kwenye hafla ya White House Correspendents Dinner ya mwaka 2011 mwezi April.
Rejea tena kile ambacho nilieleza kuhusu nyaraka mbili za siri kubwa pale Marekani lakini zote mbili hazina muhuri wa SIRI. Mojawapo ya nyaraka hizo naweza kuifananisha na "Site Post Assignment Log" ya ndugu zetu wa Kisarawe hapa Tanzania.

Kabla ya Rais Obama kuwasili kwenye ile hafla, watu wa Secret Service walipata taarifa kwamba kuna binti ambaye ni mfanyakazi wa White House alikuwa amepoteza PIN ambayo ilikuwa inampa access ya maeneo muhimu ya pale Ikulu ya Marekani.


Sasa,

Nilisema zile nyaraka ziko mbili… moja ni hiyo ambayo nimeieleza ya kufanana na hii yetu ya "Site Post Assignment Log", nyaraka ya pili ina shabihiana na hii ya kwanza lakini ina tofauti kidogo.
Nyaraka hii ya pili yenyewe inaonyesha movement zote za Rais. Kwa mfano katika siku husika inaonyesha atakuwa wapi. Atapita njia gani kufika mahala anakokwenda. Atatumia usafiri gani kama ni motorcade au chopa au ndege. Inaonyesha mpaka lifti gani atatumia kama ni jengo fulani atakuwa anakwenda.
Kama ni tukio fulani anahudhuria basi itaonyesha ni watu gani ambao atasalimiana nao na ni mahala gani ataketi na kadhalika.
Movement zote za Rais zinakuwa kwenye nyaraka hii.
Jambo la muhimu pia kukumbuka ni kwamba nyaraka hizi zote ziko kidigitali.


Sasa,

Hiyo PIN ambayo mfanyakazi wa White House alikuwa ameipoteza ni kama 'key card' ambayo inakupa access ya maeneo ndani ya White House.
Huyo binti mwenyewe alikuwa anadai kwamba alikuwa nayo hapo White House masaa machache tu ba hajui namna gani imepotea.

Nimeeleza kwenye sehemu iliyopita kwamba katika hafla hii kulikuwa na wahudhuriaji adhimu kweli kweli… Rais mwenyewe, Mwenyekiti wa Joint Chief Staffs, Magavana, Maseneta n.k. Donald Trump pia alikuwa mgeni mualikwa kwenye hafla ile. Ile video ilikwenda 'viral' Obama akimtania Trump…ilikuwa ni siku hii.
Hivyo kama kulikuwa na mtu ana nia mbaya basi hii ilikuwa ni 'target' yenye kumfanya atoke udenda kwa kuitamani.
Hivyo kitendo cha binti huyu kupoteza Key Card ya Ikulu siku ile ile ambayo Viongozi wakuu wa nchi watahudhuria kwa pamoja tukio kwenye eneo la kiraia, hii ilikuwa ni 'compromise' kubwa ya kiusalama sababu walikuwa hawajui hiyo Key Card imekwenda wapi na iko mikononi kwa nani kwa muda huo. Na kama iko kwenye mikono hatari je mtu huyo tayari atakuwa amepata access ya kiasi gani cha taarifa nyeti na pengine ku-compromise usalama wa Rais kama akihudhuria hafla hiyo?

Kiusalama huwezi kusema tu kwamba hii ni 'coincidence' tu… kwamba ni bahati mbaya tu imetokea siku ambayo viongozi wa juu wote wa nchi wanahudhuria tukio sehemu moja alafu kuna mtu wa Ikulu amepoteza Key Card ya kumpa access ya maeneo nyeti ndani ya Ikulu.

Linapotokea tukio kama hili kuna hatua tatu za kiusalama ambazo unaweza kuchukua..
Mosi, unafanya tathimini ya 'damage' ya kiusalama ambayo inaweza kuwa imekwisha tokea kama hiyo key card imedondokea kwenye mikono hatari.
Pili, ukisha fanya hiyo tathimini kama 'damage' ya kiusalama si kubwa sana unaweza kubadili protocols, procedures na masuala kadhaa kisha kuweka mkakati mpya na kuendelea na oparesheni (Rais Kuhudhuria hafla).
Tatu; kama damage ni kubwa ya kiusalama basi mnaweza kuhahirisha tukio hilo kwa siku kadhaa kwanza mjiridhishe ni nini kimetokea kabla ya tukio hilo kufanyika.
Au Rais anaweza asihudhurie na badala yake akatuma mwakililishi.


Katika tathimini hiyo watu wa Secret Service wakaona kwamba damage ni kubwa sana kama Key Card hiyo imedondokea kwenye mikono hatari sababu kama iko mikononi mwa mtu huyo basi ataweza kwa urahisi kabisa kupata access ya zile nyaraka mbili ambazo nimezisema awali sababu zote ziko kidigitali na unaweza kuona movement za maafisa usalama na Rais in real time.
Hivyo mbele yao wana machaguo matatu… eidha wabadili protocol na procedures na pengine agents waliopangwa kwa tukio hilo wote wabadilishwe.
Lakini hii isingewezekana maana ilikuwa yamebakia kama masaa mawili tu kabla ya hafla kuanza. Na kama ambavyo nilieleza suala la ulinzi kwenye matukio kama haya, Secret Service wanaratibu kwa kushirikiana na jeshi pamoja na local PD. Hivyo isingewezekana kufanya 'overhaul' ndani ya muda mchache namna hiyo.
Kwa hiyo chaguo pekee ambalo lilikuwa limebakia mezani ni eidha wahahirishe hiyo hafla na ifanyike siku nyingine au Rais Obama asihudhurie kabisa tukio hilo atume mwakilishi.

Lakini hii isingewezekana, sababu Obama sio tu kwamba alikuwa anahudhuria tukio hili sababu ya utamaduni na ratiba.. tukio hili pia lilikuwa linatumika kama 'diversion' ya tukio kubwa zaidi ambalo lilikuwa linaendelea kwa siri kubwa nyuma ya pazia.
Kulikuwa na tukio kubwa zaidi linaendelea, na Obama alikuwa anapaswa kuhudhuria hafla hii kama sehemu ya geresha kuziba tukio ambalo lilikuwa linafanyika nyuma ya pazia ambalo hata Secret Service hawakuwa na 'clearance' ya kufahamu tukio hilo.
Kwa sasa karibia wote duniani tunalifahamu tukio lenyewe na kama umelisahau basi baada ya haya kadhaa hapo chini nitalieleza.. lakini kwa siku pengine hakukuwa na siri kubwa zaidi kuzidi ufanyikaji wa tukio hilo ambali limekuja kuwa moja ya matukio makubwa zaidi ya kiusalama yaliyotokea kwa miaka ishirini iliyipita.

Kwa hiyo ilikuwa ni lazima Rais Obama ahudhurie hafla ile.. na alihudhuria.

Kitu ambacho kilifanyika sidhani kama kimewahi kufanyika kabla na Rais yeyote wa Marekani. Mwaka 1985 Rais Nixon aliwahi kufanya kitu cha kufanana na hiki lakini si kwa ukubwa huu ambao ulifanyika siku ile April 30 mwaka 2011.

Ukipata nafasi igia mtandao wa Youtube au google… tafuta tukio hili ninalolieleza "White House Correspondents Dinner" mwaka 2011. Tazama motorcade ya Obama akiwa anawasili alafu kisha tazama ile 'inner perimeter' ya Maafisa wanaomlinda. Linganisha maafisa hao na maafisa kwenye matukio ya nyuma… utapata jawabu moja kwamba maafisa wale hawakuwahi kuwepo kwenye security detail yake hata mara moja kabla ya siku ile.
Kama ni mfuatiliaji wa masuala haya basi utakuwa unawajua 'body guards' wa Rais Obama enzi zile au Trump kwa sasa.
Ni kama hapa kwetu ambapo wafuatiliaji wa haya mambo ni kawaida tu watu wanawajua walinzi wa mzee… kuanzia yule mama kipindi mzee ndio ameingia madarakani, kisha yule jamaa aliyepelekwa TCRA, alafu huyu bonge black ambaye ni mwanasheria by profession, pamoja na huyu 'ustadh' wa siku hizi. Well, hatuwezi andika majina hapa kwa sababu ya maadili lakini 'vijiweni' huko wafuatiliaji wa habari za namna hii wanawajua.
Ndivyo kama vile ambavyo tulikuwa tunawajua mpaka kwa majina walinzi wa Obama na sasa Trump..
Sasa kama wafuatilia haya mambo nikuulize, ni mlinzi gani wa Obama ambaye amejizolea umaarufu sana mpaka sasa.?? Jawabu ni afisa Usalama anaitwa Dan Bongino ambaye kwa sasa baada ya umaarufu ametoka Secret Services na siku hizi ni political commentator.
Sasa tazama hiyo footage ya Obama akiwa kwenye hiyo hafla.. huwezi kumuona Dan Bongino na wenzake. Badala yake utaona sura mpya tupu.

Who were these guys?? Wametoka wapi… na nini kimetokea baada ya ile key card kupotea.??

Pale juu nimesema baada aya kadhaa nitaeleza kwa nini ilikuwa ni lazima Obama ahudhurie hafla ile.. sio tu sababu ya ratiba au utamaduni wa Ikulu, la hasha sababu pia alikuwa anatakiwa kuhudhuria kwa kuwa pia tukio hilo lilikuwa linatumika kama diversion.

Kwa sababu ya nini? Na tena, nini kilitokea…

Pale Marekani wenzetu wana utaratibu mmoja hivi mzuri sana kuhusu uratibu wao wa Intelijensia.
Wajua nchi zetu nyingi hizi za ulimwengu wa tatu na hata hapa kwetu bado ufanisi wetu wa uratibu wa intelijensia uko chini sana. Kwenye ulimwengu wa ujasusi haijalishi una taarifa adhimu kiasi gani… suala la msingi ni namna gani unafanyia kazi taarifa ulizonazo.
Mfano Jeshi la Polisi wa Idara za Intelijensia, Jeshi la Wananchi wana Idara ya Intelijensia, alafu pia tuna Idara ya Taifa ya Usalama… maana yake ni kwamba unakuwa na furushi kubwa sana la taarifa… sasa ni namna gani unameng'enya taarifa hizi ziweze kuliwa kwa urahisi na kiongozi mkuu wa nchi ambaye ndiye mwenye mamlaka ya kutoa maamuzi makuu ya nchi?

Mparaganyiko huu wa intelijensia uliwagharimu sana Marekani na kutoa mwanya wa kutokea tukio la shambulio la Septemba 11. Kuna taarifa adhimu FBI walikuwa nazo kabla ya tukio lakini CIA walikuwa hawazijui… na kuna taarifa adhimu ambazo CIA walikuwa nazo lakini FBI walikuwa hawazijui. Pia NSA walikuwa na taarifa muhimu lakini pia FBI na CIA walikuwa hawazijui. Kila mmoja alikuwa anashindana kumlisha Rais intelijensia kwa muono wake.
Baada ya tukio la Septemba 11, Marekani wakaanzisha ofisi ya Director of National Intelligence.
Taarifa zote za ujasusi na Intelijensia toka idara zote zinapita hapa na kisha kumeng'enywa, kuangalia namna gani zina compliment each other.. kuzitafasiri and try to make sense out of it… Director of National Intelligence ndiye anakuwa kama link ya idara zote za Ujasusi na huyu ndiye anawasilisha Rais intelijensia yote ya nchi ikiwa imemeng'enywa na yenye maana.
Yani kwa ufupi huyu ndiye anaratibu intelijensia yote ya nchi kutoka vyombo vyote ambazo zinapaswa kufika kwenye meza ya Rais.

Sasa, nataka uone kitu fulani..


Kipindi hili tukio linatokea, Mkurugenzi wa National Intelligence alikuwa anaitwa James Clapper. Huyu ni Luteni Jenerali mstaafu wa vikosi vya Anga, Air Force. Huyu alishika wadhifa huo kuanzia mwaka 2010 mpaka mwanzoni mwa Urais wa Trump mwaka 2017.
Kabla yake Director of National Intelligence alikuwa ni bwana mmoha anaitwa John McConell. Huyu ni Vice Admiral mstaafu wa vikosi vya Navy.
Sasa kuna jambo la ajabu sana nataka ulione…

Kabla ya James Clapper (ambaye ndiye alikuwa Director of National Intelligence kipindi lile tukio la April 30, 2011 linatokea) kuteuliwa kushika wadhifa huo alikuwa ni Executive kwenye kampuni binafsi inaitwa Booz Allen. Alikuwa ni Executive huko Obama akamteua kuwa Director of National Intelligence.
Yule aliyemtangulia, yaani aliyekuwa anampisha kwenye wadhifa huo, John McConell alipoachia wadhifa wa Director of National Intelligence akarudi uraiani na kuwa mwenyekiti wa bodi wa Kampuni hiyo hiyo inayoitwa Booz Allen.

Yaani kama ingekuwa hapa kwetu… tuseme mzee alivyoingia magogoni, amchukue Mkurugenzi wa Vodacom alafu amuweke kuwa Mkurugenzi wa Usalama wa Taifa. Alafu yule Mkurugenzi anayestaafu atoke usalama qa Taifa aende kuwa Mwenyekiti ya Vodacom.

Wakati wengine wanaisifu na kuipongeza Vodacom ni kampuni makini kwa kutoa watu adhimu… mimi na wewe ambao hatuishi kwenye ulimwengu wa 'maji na mchanga' tunapaswa kujiuliza why?? Kwa nini Vodacom?? Kuna nini pale kinaendelea??

Ndivyo hivyo unapaswa kuuliza… why Booz Allen?? Iweje marais wawili, kutoka vyama viliwi tofauti, wenye mitazamo tofauti kabisa wote wawili wachague "Wakurugenzi wa Usalama wa Taifa" kutoka kampuni moja binafsi ya kiraia inayoitwa Booz Allen.

Niliwaambia kwamba nataka nieleze Deep State ni nini na namna gani inafanyakazi…
Sasa hili tukio ambalo nawaeleza hapa ni mfano wa tukio tunayaita "Deep BEvents"... ni matukio ambayo yanahitaji jicho la tatu kuweza kuyang'amua.
Ni matukio ambayo yanapangwa with 'surgical precision' na yakishafanyika yanabadili kabisa upepo wa masuala fulani ya ulimwengu.


Bado sijajibu swali la zile sura mpya kwenye security detail ya Obama zilitoka wapi… na nini kilitokea. Na pia swali la msingi zaidi… kwa nini Booz Allen??


Naja..


Habib "The Bold" - 0718 096 811

Sent using Jamii Forums mobile app

Nadhan tukio lililokua nyuma ya pazia ni kukamatwa kwa Osama Bin Laden...Na kwenye hilo tukio Obama alilazimika kutoonyesha aina yoyote ya anxiety au pressure so alitakiwa kuwa so normal ili kisihisiwe chochote

Sent using Jamii Forums mobile app

 

[42774277]

Tatizo tu huku kwetu hatujielewi. Ila ingekuwa nchi za wenzetu. Basi ndio wangefilisika mazima.

Kwa usalama wa nchi na kwa usalama wa raisi wako sahihi

 

[Mo shyner]

Anataka kutufinisha maana mzee wa kazi ngoja tusikilizie kwanza

Ni kweli mkuu... Bold awezi kuwa ivyo

 

[Jerry santonga]

Ni kweli mkuu... Bold awezi kuwa ivyo

Kabisa

 

[ndukulusudicho]

SEHEMU YA PILI


DEEP STATE, COVID-19: Nini Maana ya Uhandisi Jaamii Unaotokea Duniani.!?




#2


Jana niligusia kuhusu maabara ya Wuhan Institute of Virology - WIV inayoongozwa na mwanamama msomi wa Kichina na mwanasiasa Dr. Wanga Yanyi, nikaeleza kuhusu kupanuliwa kwake na kisha kupandishwa hadhi toka BSL-2 mpaka BSL-4 ambayo ndiyo daraja la juu kabisa la kiusalama kwenye maabara zenye kuhusika na urutubishaji, uundaji na utumiaji wa biological agents.
Kisha nikaanza kueleza kuhusu tukio fulani lililotokea mwaka 2011 nchini Pakistan jimboni Lahore.

Sasa,


Wakati yule Mmarekani aliyekamatwa kwa tuhuma za kuua Wapakistani wawili akiwa anahojiwa na Polisi, kitengo kingine kilikuwa kinafuatilia mawasiliano yake katika simu ambayo walimkuta nayo. Simu ile ile ambayo ndani yake zilikutwa picha za maeneo ya siri ya kijeshi yaliyoko mpakani mwa Pakistan na India.
Katika kuchunguza mawasiliano ya simu ya Raymond Allen polisi wakagundua kwamba aliwasiliana na simu nyingine ambayo ilikuwa maeneo ya barabara maarudu hapo Lahore inayoitwa Jail Road.
Ubaya ni kwamba siku ile ambapo Raymond anapata mkasa kwenye makutano ya barabara Qurtaba eneo hilo lingine ambalo kuna mtu alimpigia simu, yaani Jail Road nako kulikuwa kuna mkasa mwingine wa ajabu sana ulikuwa unatokea.

Watu walioshuhudia tukio hilo lingine hapo Jail Road walidai kwamba ilitokea gari aina ya Toyota Land Cruiser ndani yake kukiwa na wanume wanne wenye asili ya kizungu ambayo ilikuwa inaendeshwa kwa kasi mno huku ikifanya 'overtake' za hatari kabisa. Bahati mbaya barabara hii Jail Road huwa kwa kawaida ina foleni kubwa.
Mashuhuda wanasema kwamba baada ya gari hiyo kukwamba kwenye foleni, dereva aliitoa gari kwenye upande anaopaswa kuwa na kuanza kuendesha kwa kasi ile ile upande mwingine dhidi ya magari yanayokuja mbele.
Mashuhuda wanadai kwamba ilikuwa ni kama wanaangalia filamu kwa namna ambavyo dereva alikuwa akiendesha kwa kasi huku akikwepa magari ambayo yalikuwa yanakuja mbele yao.

Ikatokea kwamba wakati gari hii Land Cruiser ikiendeshwa hivi kwa kasi kwenye 'saiti' ambayo sio yao, kulitokea pikipiki ambayo yenyewe ikawa inakuja kwa kasi sana mbele yao. Gari ikashindwa kukwepa pikipiki hii na wakagonga vibaya sana kiasi kwamba pikipiki na dereva wake wakatupwa nje kabisa ya barabara.
Ajabu ni kwamba gari hiyo haikusimama bali iliendelea na safari kwa mwendo ule ule wa kasi na upande ule ule wa barabara ambao hawakupaswa kuwa wanaendesha.


Sasa, awali polisi walisikia kuhusu mkasa huu lakini hakukuwa na hisia yoyoye kwamba labda pengine matukio haya yalikuwa yanahusiana.
Lakini baada ya ripoti ya wataalamu wao wa teknohama kugundua kwamba Raymond muda ule ule ambao alikuwa anapiga watu risasi aliwasiliana na mtu kwa simu ya mkononi simu ambayo ilikwenda kwenye namba ya simu ya mtumiaji ambaye alikuwa maeneo ya Jail Road hapo ambapo pia nako walisikia kuhusu tukio lile la gari kuendeshwa kana kwamba kwenye filamu wakaanza kuhisi pengine kulikuwa na uhusiamino kati ya matukio haya mawili.
Lakini sababu ya pili ni vile barabara hiyo ya Jail Road ukiifuata inakwenda kutokea moja kwa moja pale makutano ya barabara ya Qurtaba ambako kulitokea tukio la Raymond kupiga Wapakistani wawili risasi.
Lakini sababu ya tatu ambayo ilikuwa ya kushangaza zaidi ni kwamba kwa kutumia camera za usalama mtaani polisi walifanikiwa kupata namba za ile Land Cruiser ambapo ilionekana kwamba imesajiliwa kwa namba LZN-6970. Lakini walipofuatilia namba hizi wakang'amua kwamba zilikuwa za bandia sababu namba hizo zilikuwa zimesajiliwa jimboni Punjab kwa jina la mtu anayeitwa Sufi Munawwar Hussain.

Wasiwasi wa Polisi kituo kikuu hapo Lahore ukaongezeka zaidi juu ya huyu mtu ambaye majina yake kwenye kitambulisho yalionyesha anaitwa Raymond.


Kuna majina matatu ambayo ni muhimu sana kuyakumbuka kadiri ambavyo tunaendelea na andishi hili.
Wale Wapikistani wawili ambao Raymond aliwapiga risasi mmoja alikuwa anaitwa Faizan Haider, ambaye alikuwa na miaka 22 na yule mwenzake alikuwa anaitwa Faheem Shamshad (pia alikuwa anajulikana kwa majina ya Muhammad Faheem) ambaye huyu alikuwa ni kijana wa miaka 26.
Yule jamaa aloyegongwa na Lad Cruiser pale Jail Road jina lake alokuwa anaitwa Ebadur Rehman (pia jina hili kwa ligha ya Urdu linatafsiri kama Ibad-ur-Rehman).

Yakumbuke majina haya matatu.


Juzi niliwaeleza kwamba katika kitambulisho ambacho Raymond alikutwa nacho kilionyesha kwamba alikuwa ni muajiriwa wa kampuni inayoitwa Hyperion Protective Consultants ambayo nilieleza kuwa hii ilikuwa ni shell Company ya kampuni mama ya Blackwaters Worldwide ambao nikasema hawa ni moja ya 'contractors' wakuu wa CIA.
Kuna jambo la msingi sana kulielewa kuhusu hawa Blackwaters Worldwide kabla sijaendelea mbele sana.


Kama umekuwa mfuatiliaji wa vita ya Iraq basi sina shaka utakuwa umewahi kusikia kisanga cha Nisour Square Massacre.
Kisanga hiki cha Nisour Square Massacre pengine ndio moja ya skandali kubwa ya kwanza kufanya Marekani wakosolewe vikali na hatimaye wafanye mabadiliko makubwa katika oparesheni zao za pale Iraq.
Kisanga hiki kinahusu vifo vya Wairaq 17 huku wengine 20 wakijeruhiswa vibaya kwa kupigwa risasi mchana na hadharani kabisa na Wanajeshi wa Marekani ambao walikuwa wanasindikiza msafara wa Balozi wa Marekani pale Iraq. Tukio hili lilitokea mwaka 2007 mwezi Septemba tarehe 16…


Inaendelea


Habib - 0718 096 811 (WhatsApp Only)

Sent using Jamii Forums mobile app

Tupo pamoja mkuu

 

[Dividend]

Tupo pamoja mpaka tamati mwa kipindi

 

[Mathanzua]

KIDOKEZO

Mwaka jana katika group la Whatsapp niliwahi kuandika na kuchambua kuhusu mgogoro wa Kagame na Museveni uliokuwa unatishia mpaka nchi zao kuingia vitani. Kuna nyaraka fulani nikaweka na masuala fulani nikagusia kuna watu wakaniuliza umejuaje haya... wengine wakauliza "unataka kutuaminisha wewe unajua kuliko taasisi fulani.!"
Nategemea pia kuambiwa sentensi kama hizo kwenye uzi huu ninaouweka.. hivyo mapema kabisa kabla sijajichimbia kwenye hoja mezani nijieleze kwa kidokezo hiki.

Mwaka 2003 kulitokea tukio ambalo lilikuja kuzua mzozo wa kimataifa mkubwa sana. Kuna sheikh mmoja hivi ambaye alikuwa ni imamu wa msikiti kwenye jiji la Milan huko nchini Italia alitekwa na CIA kwa kushirikiaa na SISMI (hii ni idara ya intelijensia kwenye jeshi la Italia). Sheikh huyu jina lake anaitwa Abu Omar (hili ndio jina watu wengi wanalolijua lakini sheikh huyu jina lake halisi hasa anaitwa Hassan Mustafa Osama Nasr). Huyu imamu alikuwa anaishi hapo Italia baada ya kupatiwa ‘political asylum’ akitokea nchini Misri na alitekwa kwa kutuhumiwa kujihusisha na vitendo vya ugaidi.
Kabla ya kuja kuishi hapo Italia, Abu Omar kule kwao Misri alikuwa ni moja ya wahubiri mashuhuri sana wa kiislamu na alikuwa mwanachama wa kikundi cha harakati kinaitwa al-Gama’a al-islamiyya. Kikundi hiki bado kingalipo hata sasa na harakati yake kubwa ni kutaka kuigeuza Misri kuwa dola ya kiislamu japo hawa wanafanya harakati hii kwa njia za amani tofauti na wenzao wale wa Islamic State. Japo kuna tetesi kwamba pia walishirikiana na kikundi cha Egyptian Islamic Jihad kumuua Rais Anwar Sadat mwaka 1981. Lakini kwa muda mrefu kikundi cha al-Gama-a al-Islamiyya wamekuwa wakijihusisha na harakati za amani nchini Misri.

Sasa huyu Hassan Mustafa naweza kumfananisha na kama mzee wetu sheikh Ponda… huyu bwana ni mtu mwenye misisimamo mikali mno dhidi ya serikali. Kutokana na misimamo yake hii mikali ukafika wakati akawa tishio hasa kwa serikali na akaanza kusakamwa mno na serikali kumuweka kwenye kundi la ‘magaidi’ hatari nchini humo. Alisakamwa mno mpaka kufikia hatua ya kutishia maisha yake. Ndipo hapa ambapo aliamua kuondoka Misri na kukimbilia nchini Italia. Kule Italia alipokelewa kama mkimbizi wa kisiasa na akapewa asylum. Waweza kujiuliza ni kwa nini wazungu wale wampokee ‘gaidi’ ambaye hata nchi yake walikuwa wanamuhofu na kumsaka.

Nimesema pale mwanzo kwamba huyu bwana Abu omar majina yake halisi ni Hassan Mustafa Osama Nasr. Sasa kipindi hicho (kabla ya kukamatwa na CIA) hakuna ambaye alikuwa anajua kwamba huyu bwana Hassan Mustafa ndiye Abu Omar. Yaani kwamba katika ulimwengu wa ujasusi na intelijensia walikuwa wanafahamu kwamba kuna mtu anaitwa Abu Omar ambaye anajihusisha na shughuli za kigaidi kwenye ukanda wa Kaskazini mwa Afrika lakini walikuwa hawajui huyu Abu Omar ni nani (hawakujua kwamba Abu Omar ndiye Hassan Mustafa Nasr).

Mtu anaweza kujiuliza hii yawezekanaje? Umjue mtu mpaka jina na papo papo usimjue ni nani… hii ni kawaida sana kwenye ulimwengu wa ujasusi. Waweza kupata taarifa ya uhakika kabisa kwa asilimia mia moja na papo hapo usijue namna gani inanyumbulika. Mfano mdogo, mwishoni mwa mwaka jana (yaani mwaka 2018, niliweka kwenye group mwaka jana) mpaka miezi ya mwanzo ya mwaka huu (kwa hiyo 2019) hapa Dar es Salaam kulikuwa na taarifa ya uhakika kabisa kwamba kulikuwa na mpango wa kufanyika shambulio la kigaidi katika moja wapo ya maeneo maarufu sana ambako watu wanapenda kutembelea kwa ajili ya manunuzi ya bidhaa mbalimbali pamoja na kupumzika kwenye migahawa yake mwanana (tuhifadhi jina la sehemu). Hii illikuwa ni taarifa ya uhakika kabisa kwamba kuna shambulio lilikuwa linapangwa kufanyika hapo. Hata kwenye moja ya kambi za jeshi ambazo iko karibu na eneo hilo ninalolizungumzia walianza kutengeneza sehemu za dharura kwa ajili ya kuhifadhi majeruhi kama ikitokea shambulio limetokea. Lakini vyombo vyetu vya usalama hawakuwa wanajua ni lini shambulio hilo litafanyika au labda kuwa hata na list ya ‘potential suspects’. Twapaswa kuwapongeza idara zetu za intelijensia (hasa vipepeo na military intelligence) kwa kuweza kudhibiti hatari hiyo na mpaka sasa jiji liko shwari kabisa…

Nilikuwa naweka mkazo pale nilipoeleza kwamba huyu Hassana Mustafa idara za ujasusi duniani hawakujua kuwa yeye huyu ndiye Abu Omar ambaye wanamsaka. Tuko sawa sawa hapo?

Sitaki kutumia muda mwingi sana au kuandika paragraph nyingi sana kueleza kidokezo hiki… lakini naona ulazima wa kufafanua kidogo juu ya mnyumbuko wa taarifa na vipawa vya kuichambua.

Sasa baada ya kuhamia Italia akaendelea na shughuli zake za harakati za kiislamu na akawa imamu wa msikiti mkuu wa Milan. Sasa mwaka huo 2003 idara za ujasusi zinakapata taarifa kwamba kulikuwa na mpango wa kulipua ubalozi wa Marekani na shule ya msingi ambayo watoto wa wanadiplomasia wengi wa ulaya na Marekani walikuwa wanasoma hapo Milan. Na intelijensia hii ilitanabaisha kwamba mratibu wa shambulio hilo linalopangwa alikuwa ni Abu Omar na zaidi ya hapo intelijensia hiyo ilieleza kwamba Abu Omar pia alikuwa ndiye anaratibu mipango ya kusafirisha vijana kutoka kaskazini mwa Afrika kwenda Afghanistan kujiunga na al-qaida.
Lakini idara za intelijensia hawakuwa wanajua Abu Omar ni nani au anafananje.

Sasa,
Kuna kijana mmoja hivi anaitwa Federico Ilario mhitimu wa chuo kikuu cha Milan ambako alisoma masuala ya Diplomasia. Alikuwa ni kijana mdogo tu wa miaka ishirini na sita. Katika kipindi kile kwa karibia miaka miwili alikuwa anafanya utafiti kwa ajili ya kitabu ambacho alikuwa anakiandika kuhusu ugaidi na namna gani ambavyo kwa mtazamo wake alihisi mataifa ya magharibi yalikuwa na mbinu dhaifu katika ukusanyaji wa intelijensia dhidiya ugaidi.
Tufahamu kwamba huyu alikuwa ni raia wa kawaida, sio afisa usalama wala hakuwahi kuwa mwanajeshi na wala hakuwahi kuandika kitabu hapo kabla, kwa hiyo hakupata hata publisher wa kuchapa kitabu chake na hii ikampasa kufanye ile twaita ‘self-publishing’. Akagharamia kila kitu yeye mwenyewe kuchapa kitabu chake… akachapa kama nakala elfu kumi tu. Yes, nakala elfu kumi tu ambazo kwenye ulimwengu wa publishing ni kama punje ya mchanga kwenye pwani, ni chache mno.

Shughuli yake hii ya kitabu alikuwa anaifanya kienyeji sana kutokana na kukosa publisher, kwa hiyo, siku ambayo alitoka kuchukua mzigo wake wa vitabu kutoka mahala alikovichapa na kurejea navyo nyumbani kwake ili kesho yake aanze kuvisambaza kwa wenye maduka ya vitabu ambao watakubali kuviuza alipata ugeni adhimu kabisa kutoka kwa moja wa maafisa wa CIA aliyetoka stesheni ya CIA ya hapo Millan.

Afisa huyu wa CIA alikuwa na matakwa mawili kutoka kwa Ilario… moja alikuwa anataka kununua nakala zote elfu kumi alizozichapa. Hilo lilikuwa la kwanza. La pili aliomba kupewa ufafanuzi wa mojawapo ya sentensi ambayo iko kwenye kitabu… kitabu kile kilikuwa kimeandikwa kiitaliano na kwa tafsiri isiyo rasmi naweza kuitafasiri kwamba, Ilario aliandika kwamba “….hii ndio sababu ya Abu Omar kukimbia kambi zake huko kwao na kuichagua Milan kama kambi yake mpya…”
Idara za ujasusi na mahususi kabisa CIA walikuwa wanajua uwepo wa mtu anayeitwa Abu Omar lakini hawakuwa wanajua ni nani… lakini kijana huyu kupitia kitabu chake alikuwa ameandika kwamba kuna sababu fulani ambayo imemfanya Abu Omar kuhamishia makazi yake Milan. Kwanza amejuaje kuhusu uwepo wa mtu anayeitwa Abu omar? Hii ilikuwa ni taarifa classified mno…. Pili kijana huyu anapoandika kwamba Abu Omar amehamishia makazi Milan, ina maana kwamba yeye anamjua Abu Omar ni nani mpaka ajue kwamba sasa yupo Milan?


Nifupishe tu… suala lile ambalo kijana Ilario aliliandika kwenye kitabu chake, kwamba “….hii ndio sababu ya Abu Omar kukimbia kambi zake huko kwao na kuichagua Milan kama kambi yake mpya…” baada ya CIA kujadiliana naye kwa makini kijana yule aliwaeleza ni kwa namna gani katika tafiti zake za kuandika kitabu chake alikuja kung’amua juu ya uwepo wa mtu anayeitwa Abu Omar na baadae kuunganisha nukta kuwa Abu Omar ni Hassan Mustafa Nasr Osama ambaye ndiye imam wa msikiti mkuu wa Milan.

Siku ya tarehe 17 mwezi wa pili mwaka 2003, Imam Hassan Mustafa Osama Nasr alikuwa anatembea kwa mguu katika jiji la Milan mida ya mchana kweupe kama saa saba kasoro hivi. Alikuwa anaelekea msikitini kwa ajili ya swala ya dhuhr. Mita chache kabla ya kufika msikitini ilitokea gari ikiwa kwenye mwendo wa kasi mno… kwa kasi sana wakashuka watu wawili na kumsukumia iman Hassan Mustafa ndani ya gari na kuondoka naye. Kutoka hapo akasafirishwa mpaka kwenye kambi ya kijeshi ya Marekani ya Aviano Air Base. Kutoka hapo akasafirishwa mpaka Ujerumani kwenye kambi ya nyingine ya kijeshi ya Marekani ya Remstein Air Base. Na baada ya hapo akasafirishwa mpaka kwenye jela za siri za Marekani nchini Misri ambako kwa muda wa miaka minne Hassan Mustafa Osama Nasr (Abu Omar) alihojiwa kwa kuteswa huku ulimwengu mzima ukiwa haujui ni wapi alipo Imam wa msikiti mkuu wa Milan.

Kwa nini nimesimulia kisa hiki ili kujielezea nafsi yangu… nataka tuone kitu kimoja hapa… CIA ambayo ndio idara yenye rasilimali nyingi zaidi na weledi wa kutukuka wakisaidiwa na majasusi wa SISMI ya Italia kwa miaka kadhaa walikuwa wanajitahidi kumtambua Abu Omar ni nani bila mafanikio. Lakini kijana mmoja, Federico Ilario… kijana ambaye hajawahi hata kuchapa kitabu maishani mwake, kijana ambaye hajawahi kuwa hata mwanajeshi au kupitia mafunzo ya ujasusi, aliweza kuchimba taarifa, aliweza kuunganisha nukta, aliweza kuutafuna mfupa ambao CIA na SISMI uliwashinda licha ya weledi na rasilimali walizonazo.


Nimeanza na kidokezo hiki kwa makusudi kabisa kujibu hoja ya wale watakaosema… "kwa hiyo wewe Bold ndio wajiona wajua zaidi chanzo cha Corona kuliko taasisi za Dunia.."
Jibi ni hapana… sijui kuliko taasisi yeyote. Lakini makusihi, usidharau taarifa.. soma, take notes. Kuna jambo adhimu sana italipata kwenye andishi hili.

Karibuni.

COVID-19 & DEEP STATE: NINI MAANA YA UHANDISI JAMII UNAOTOKEA DUNIANI.!?


"Deception is a state of mind-and the mind of the state.."
James Angleton - CIA Chief of CI

Kama ni msomaji wangu wa muda mrefu basi hii si mara ya kwanza kuona nautumia msemo huu niliouweka hapo juu.. "Deception is a stste of mind-and the mind of the state".
Msemo huu kwa mara ya kwanza ulitamkwa na nguli anayeitwa James Jesus Angleton. Angleton ni aina ya watu ambao wanazaliwa mara moja tu kwenye kizazi.

Sidhani kama dunia imewahi kushuhudia nguli wa Counterintelligence kumzidi James Angleton. Mbinu na stadi nyingi za Counterintelligence tuzitumiazo sasa duniani kote kwenye idara mbali mbali za intelijensia zimeasisiwa na huyu mtabe.
Nguli huyu hakuwahi kushika wadhifa wa Ukurugenzi wa CIA lakini ana mchango mkubwa wa kuifinyanga CIA kuwa namna ilivyo leo hii. Ukiniuliza watu watatu ambao wana mchango mkubwa zaidi wa kuifanya CIA kuwa idara adhimu zaidi ya intelijensia duniani basi nitakwambia mmoja wa watu hao watatu ni huyu James Angleton.
Mtabe huyu namuweka daraja moja na mtu kama akina Allen Dulles na DCI Horbes.

Kama umewahi kusikia kuhusu Operation CHAOS ambayo twaiweka kama moja ya Oparesheni muhimu zaidi ya kiintelijesia kwenye historia ya Marekani, sasa huyu James Angleton ndiye alikuwa kichwa kilichokuwa nyima ya pazia ya Oparesheni hiyo.

Nimeanza makala hii mpya na nukuu ya shushushu huyu jasusi sababu pia ni mtu adhimu sana kwenye uasisi wa masuala ya "uhandisi jamii" (social engeneering).
Ni James Angleton ambaye alisimamia oparesheni hii ambayo ilikuwa na lengo la ku-manipulate fikra, mitazamo na maoni ya jamii kuhusi masuala yao ya nchi kwa CIA kutumia mbinu za kishushushu kuhakikisha ni habari wazitakazo tu zinatokea kwenye vyombo vya habari. Hii ilikuwa moja ya oparesheni adhimu zaidi ya CIA ambayo ilidumu kwa zaidi ya miaka ishirini na ikileta matunda makubwa.

Hivyo kama kuna mtu anafahamu kuhusu namna akili za wananchi wa kawaida zinachezewa na kuwa 'manipulated' pasipo kujua, basi ni huyu nguli James Jesus Angleton.

Kwenye siku zake za mwisho za utumishi na baada ya kustaafu, nguli huyu hakuwahi kuandika kitabu kama wenzake wengine wala kufanya mahojiano na ya televisheni au kutoa midahalo. Moja ya namna pekee aliyotaka kutuacha nayo ili tufahamu walau kiduchu ulimwengu alioishi tangu akiwa kijana, ulimwengu wa ujasusi.. akatuachia kauli hii kwamba ulimwengu wetu huu umejaa hadaa na hata serikali zetu kote duniani zinatumia hadaa hizi kuendelea kutawala.

Mimi binafsi yangu ni mtu mgumu mno kuamini jambo lolote hata liwe dogo kiasi gani, labda pengine ni asili ya kabila letu ubishi… lakini kwa asili huwa mgumu sana kuamini jambo kwa urahisi. Na ni sababu hii pengine huwa inanifanya siamini 'conspiracy theories' nyingi au sizipi daraja la uhalali wa moja kwa moja zaidi ya kuzifanya kama mstari wa kuchochea mjadala mpya juu ya jambo husika.

Kwa mfano, kwenye makala ya "Behind The Curtain" ilikuwa makala ndefu mno lakini mwishoni nilikataa kutoa 'conclusion' ya kwamba ni nani alihusika hasa na tukio lile la 9/11. Ukisoma maoni ya watu mwishoni mwa ule uzi utaona watu wengi walipenda na kuhoji kwa nini nimekataa kueleza kwamba Israel ilihusika… wengine wakalaumu kwa nini sikubainisha kwamba CIA walihusika.

Sikutaka kufanya hivyo sababu ni ngumu kwetu kunyoosha kidole na kuwa na hakika asilimia mia moja kwamba nani amehusika. Kitu pekee tunachoweza kufanya ni kuchambua dalili za kuonyesha nani alihusika na ndicho ambacho nilikifanya na mwishoni mwa makala ile nilimaliza kwa kutoa hitimisho la falsafa mbili ya uhusika…nilihitimisha kwa kuchambua falsafa ya LIHOP (Let it Happen On Purpose) na MIHOP (Make It Happen On Purpose).


Lakini…

Licha ya kutokuwa mwepesi kuamini vitu vingi lakini kipo kitu ambacho nakiamini kwa hakika kabisa.. kwamba dunia yetu hii na namna ambavyo inaendeshwa imejawa na hadaa nyingi sana.
Mambo mengi hayako vile namna ambavyo tunayaona. Kama miaka mitano hivi iliyopita nilipata bahati ya kusoma kitabu cha Andy Grove aliyekuwa Afisa Mtendaji Mkuu wa kampuni ya Intel. Moja ya vitu ambavyo nilivipenda sana kwenye kitabu chake ni hitimisho lake la kimtazamo anaposema "..only the paranoid survive.!"


Huu ulimwengu wetu namna ulivyo kwa sasa, ni hatari mno kuamini moja kwa moja kila kinachoshadadiwa na vyombo vya habari.
Nyakati hizi ni zile za kuishi kwa moto ya "believe nothing, question everything.!"

Kuna mambo mengi sana ambayo yanatokea yakionekana kama ya bahati mbaya lakini uhalisia wake ni masuala ambayo yamepangwa kwa ustadi mkubwa na kwa malengo mahususi kabisa.

Katika kipindi kifupi kilichopita dunia imepita kwenye mtikisiko mkubwa sana.
Mwishoni mwa mwaka jana kuliibuka tishio la mlipuko wa vita kuu ya tatu ya dunia. Na baada ya mwaka kugeuka, mwaka huu mpya tumeanza na moja ya balaa kubwa zaidi kuwahi kuikumba dunia kwenye historia ya karibuni.. mlipuko wa maambukizi ya virusi vya COVID-19.

Kwa mara ya kwanza kabisa baada ya karne kadhaa kupita tunashuhudia nchi zikifunga mipaka yake. Kwa mara ya kwanza kwa zaidi ya karne moja kupita tunaona Marekani kuna kila dalili ya Rais wao kutangaza utekelezwaji wa Martial Law. Mwaka 2017 kwenye simulizi yangu ya "The Other Half" (fiction story) niliandika kuhusu Rais wa Marekani kutangaza Martial Law kutokana na kuibuka kwa balaa la miji kukumbwa na hali ya ajabu ya watu kupotea na kubadilika hali yao ya ubinadamu baada ya kudhuliwa na watu waliopata "maambukizi" yatokanayo na "kirusi" kilichookotwa bahati mbaya kwenye chupa baharini uko nchini Maldives.

Riwaya ile niliyoandika ni kama inaelekea kutokea kwa uhalisia endapo kama Rais Trump atatangaza Martial Law kutokana na mlipuko wa virusi vya COVID-19.
Na mpaka muda huu ninapoongea tayari Magavana kwenye majimbo Kumi na tano ya Marekani wametangaza amri ya "Stay at Home" na kuamuru biashara zote zifungwe.

Tumebakisha hatua moja tu kwenda kwenye Martial Law.. National Guard wamwagwe mtaani, na Martial Law ianze kutekelezwa.

Nchi kama Italy wao ni kama tayari wameshaingia kwenye Martial Law japo serikali haijatangaza rasmi.

Kwenye historia ya karibuni, hatujawahi kuona dunia ikipitia kipindi kama hiki.

Papa Francis ametoa wito kwa madhehebu yote duniani kufanya maombi maalumu siku ya leo March 25 ili "muujiza" utokee tuepukwe na baa kubwa linalokuja sababu ya COVID-19.
Juzi Imam aliyekuwa anasalisha pale Mecca amelia kilio baada ya kuona Kaaba ikiwa tupu bila waumini kitu ambacho hakijawahi kutokea kabla.
Msikiti wa Mtume Muhammad (S.A.W) Al Masjid an Nabawi juzi umefungwa kwa mara ya kwanza kwa zaidi ya karne 14 kuepuka waumini kusambaza maambukizi ya Corona.

Ni nini kinatokea Duniani? Na hatma yake ni nini hasa.!?

Kumekuwa na maneno mengi yakisemwa kuhusu kinachoendelea. Maafisa waandamizi wa serikali ya Uchina na kiongozi Mkuu wa Iran wakiwashutumu Marekani kwamba wamekitengeneza kirusi hicho kama silaha, huku Wamarekani wakiwalaumu Wachina kwa Uzembe wa kudhibiti kirusi hicho.
Huku watu adhimu kama Mhandishi, Mbunifu wa teknolojia na Mfanyabiashara mshuhuri Elon Musk akionyesha wasiwasi wake dhahiri kwamba nyuma ya pazia kuna "sinema" tunachezeshwa juu ya baa hili la COVID-19.

Wako pia watu kama Mwenyekiti wa Kamati ya Ulinzi ya Bunge la Ungereza, Mbunge Tobias Elliwood akishutumu kwamba jeshi la Uchina lichunguzwe ili kung'amua asili ya kirusi hicho.

Papo hapo shirika la afya duniani WHO wakijikanyaga kila uchwao juu ya kauli zao.. juzi tu january 14 walitoa waraka kwa vyombo vya habari wakisema kwamba wataalamu wao wamekichunguza kirusi hiki kipya na kubaini kuwa hakina uwezo wa kuambukizwa kutoka kwa mtu mmoja kwenda kwa mwingine.. lakini leo hii dunia nzima inahaha na hao hao WHO wameramba matapishi yao wakituasa kujikinga dhidi ya virusi hivyo.

Ni nini kinaendelea Duniani?


Kwa namna yeyote hakuna ambaye anaweza kuandika andiko na kututaulia vitendawili vyote kuhusu suala hili… tunachoweza kufanya ni kukusanya ushahidi na kuunganisha nukta ili hatimaye tuweze kujenga hoja.
Hivyo makala hii naiandika kwa dhumuni kuu la kuchochea mjadala ili hatimaye tusugue mbongo na kupata majawabu ya mafumbo tunayofumbwa.

Dunia yetu hii imejaa hadaa sana… dunia hii kuna watu wameiweka mkononi wakituchezesha sinema namna watakavyo.

Baada ya tafakari, kufuatilia, kukusanya 'nukta' na ushahidi.. basi nami nikawiwa nitie wino kalamu niyaandike haya kuhusu Deep State na 'Coronavirus'.


OCTOBER, MWAKA 2017 - MAREKANI

Pale Marekani yuko bwana mmoja anaitwa Richard H. Ebright. Bw. Ebright ni mbobezi wa masuala ya Molecular Biology.
Ebright amehitumu shahada ya kwanza ya biolojia kutoka chuo kikuu cha Havard akipata daraja la juu kabisa kwa _summa cum laude_ (highest distinction).

Pia Ebright amehitimu shahada ya Uzamivu kwenye Microbiology na Molecular Genetics toka chuo hicho hicho cha Havard. Sasa hivi Ebright ni profesa katika chuo kikuu cha Rutgers University akifundusha Chemical Biology na pia ni Mkurugenzi Mkuu katika Maabara za Utafiti za Waksman Institute of Microbiology.

Mwaka 2017 Ebright alitoa moja ya rai muhimu zaidi ambayo kwa muda ule kwa kuwa hakuna ambaye alijua nini kitakuja kutokea tulipuuza.
Ebright aliandika chapisho la kisayansi akionya juu ya mwenendo wa maabara ya WIV (Wuhan Institute of Virology).
Maabara hii iko kwenye jimbo la Wuhan, wilaya ya Jiangxia eneo la Hubei. Kituo hiki kinaongozwa na Mkurugenzi Mkuu mwanamama msomi na mwanasiasa Dr. Wang Yanyi ambaye ni mbobezi wa masuala ya Cell Biology.
Mwanamama huyu amesomea shahada yake ya kwanza Peking University huku shahada ya Uzamili na Uzamivu akizipatia nchini Marekani chuo Kikuu cha Colorado.

Licha ya kuwa mtafiti wa sayansi, mwanamama huyu pia ni mwanasiasa akiwa ndiye Mkurugenzi Msaidizi wa Chama cha China Zhi Gong Party.

Sasa, kituo hiki cha Wuhan Institute of Virology awali kilikuwa kundi la BSL-2 lakini mwaka huo ikapanuliwa na kupandishwa hadhi kuwa maabara ya kwanza nchini Uchina kuwa na hadhi ya Biosafety Level 4 (BSL-4).
Chapisho lake hilo la kutoa tahadhari hakugusia hasa nini kilikuwa kinafanyika ndani ya kituo cha Wuhan Institute of Virology, bali alikuwa anatoa tahadhari juu ya upanuzi na upandishaji hadhi huu unaweza kuwa kiashiria ya jambo la hatari linaloweza kuwa linaendelea ndani yake.

Labda tuelewe kwa ufasaha maana ya hadhi hii ya BSL-4 na kwa nini Dr. Ebright alipata wasiwasi baada ya kuona kituo hiki kimepandishwa hadhi hii na kisha kutoa tahadhari ambayo hakuna aliyeitilia maanani kipindi hicho.

Ziko maabara za kibaolojia ambazo zenyewe wanajihusisha na kurutubisha, kutafiti na kuunda 'biological agents'.
Biological agents ni aina za bacteria, virusi, protozoa, parasite, au fungus ambao wanaweza kuundwa kwa dhumuni la kuwa silaha ya kibaolojia. Pia ziko aina ya pathogens, toxins na biotoxins ambazo pia zinatumika kama biological agents.


Sasa kwenye maabara hizi ambazo zinahusika na kurutubisha, kutafiti na kuundaji hizi 'biological agents' kuna tahadhari ambazo zimewekwa kimataifa zinazopaswa kufuatwa. Tahadhali hizi za kibaolojia kwa umombo twaita 'Biocontainment Precautions' ambazo zapaswa kufuatwa katika uhifadhi wa hizo biological agents ndani ya maabara.
Hivyo maabara hizi zenye kujihusisha na uundaji na matumizi wa biological agents zinawekwa kwenye makundi kutokana na aina ya hizo 'precautions' wanazopaswa kufuata kulingana na biological agents wanazounda. Makundi haya ndio hayo yaitwa Biosafety Levels, na level hizo ziko nne.

Maabara ambazo ziko kwenye level ya kwanza (BSL-1) maana yake ni kwamba maabara hiyo inaunda/wanatumia biological agents ambazo haziwezi kuleta madhara kwenye mwili wa binadamu mwenye afya au madhara yake ni madogo mno yenye uwezo wa kudhibitika.

Maabara ambazo wako level ya pili yaani BSL-2 hii ni sawa kwa kila kitu na BSL-1 isipokuwa kunakuwa na pathogenic agents mahususi ambayo maabara hiyo wanahusika nayo, na pia 'access' ya maabara inakuwa 'limited' kwa wataalamu wachache ambao wanahusika na kinachoendelea humo.

Maabara ambazo ziko kwenye BSL-3 zenyewe zinahusika kuunda na utumiaji wa biological agents ambazo zinaweza kuleta madhara makubwa kwa binadamu na mara nyingi kusababisha kifo.

Level ya juu kabisa ni BSL-4 ambazo zenyewe hizi ni maabara zenye kuhifadhi, kuunda au kutumia biological agents ambazo zinaweza kusababisha madhara makubwa zaidi kwa binadamu na kifo na pia madhara hayo (au ugonjwa) ni mpya na hivyo hayana chanjo au matibabu hivyo hayawezi kudhibitika.
Kwa lugha nyingine, maabara zilizo kundi la BSL-4 wanatafiti na kuunda biological agents mpya (bacteri, virusi vipya) vinavyoweza kutumika kama silaha lakini kutokana na upya wake bacteria au virusi hivyo havina chanjo au tiba na huwezi kudhibiti.


Sasa hiki kituo cha Wuhan Institute of Virology (WIV)awali ilikuwa iko kwenye BSL-2 lakini mwaka huo 2017 ilipanuliwa na kupandishwa hadhi kuwa BSL-4.

Kwa hiyo, Dr. Ebright aliandika chapisho kutahadhalisha jamii ya wanasayansi kuhoji na kuwabana Uchina waeleze ni nini hasa kinafanyika hapo WIV.
Ifahamike kwamba china wana haki ya kuwa na vituo vya namna hii, lakini zimewahi kutokea 'incidents' kadhaa miaka iliyopita za pathogenic agents kuvuja toka kwenye maabara zao na kuingia kwenye jamii na wasiwasi wa Dr. Ebright ukawa hapo.

Niwarejeshe tena nyuma zaidi.


LAHORE, PAKISTAN - MWAKA 2011

Hii ilikuwa ni mwezi January tarehe 28 mwaka 2011ambapo Polisi wa kituo kikuu cha eneo la Mozang Chungi jimboni Lahore siku hiyo walikuwa katika siku yao ya pili wakifanya mahojiano na mtuhumiwa ambaye mpaka muda huo hawakuwa wanajua hata kama jina lake lilikuwa ni halisi. Kwenye chumba kingine walikuwa wamewekwa mashahidi karibia watano wakieleza kile walichokiona siku moja iliyopita.
Maelezo ambayo mashahidi hawa walikuwa wanayatoa yalikuwa yanarandana lakini yakipingana na maelezo ambayo mshitakiwa alikuwa anayatoa.

Mashahidi walikuwa wanaeleza kwamba kwenye eneo la makutano ya barabara ya Qurtaba ambako kuna mataa ya kuongoza magari walimshuhudia mshukiwa huyo akitoa bastola na kuwapiga risasi watu wawili ambao walikuwa kwenye pikipiki pembeni ya gari. Baada ya kuwapiga risasi alitoka nje ya gari na kuwapiga picha watu hao ambao walikuwa chini tayari wamepoteza maisha na kisha akarejea kwenye gari yake na kuondoka.

Lakini mshitakiwa mwenyewe alikuwa anadai kwamba alitoka nyumbani kwake na kupita kwenye ATM kutoa fedha. Akiwa anaondoka, alipofika makutano ya barabara ya Qurtaba walitokea watu wawili kwenye pikipiki ambao mmoja akatoa bastola wakataka kumpora. Kwenye kujitetea, naye akatoa bastola na kufanikiwa kuwatandika risasi wote wawili.

Suala hili lilikuwa limeanza kuleta mtafaruku wa kidiplomasia sababu mshukiwa huyo alikuwa ni raia wa Marekani huku watu hao wawili waliouwawa walikuwa ni Wapakistani.

Maelezo yake haya yalikuwa na mantiki lakini yalikuwa na mashaka makubwa.
Mashaka hayo yalitokana masuala matatu makubwa.
Mosi; mtu huyo alikutwa na bastola ambayo ilikuwa haijasajiliwa.
Pili; mtu huyu kitambulisho chache kilikuwa kinaonyesha kwamba jina lake alikuwa anaitwa Raymond Allen akiwa ni mwajiriwa wa kampuni inayoitwa Hyperion Protective Consultants. Lakini walipofuatilia anuani ya Kampuni hiyo ambayo ilikuwa inaonyesha ipo Orlando, Marekani walipewa taarifa na ubalozi wao wa kule Marekani kwamba jengo hilo liko tupu na hiyo kampuni haipo

Jambo la tatu ambalo liliwashitua zaidi ilikuwa ni simu yake. Ndani ya simu yake walikuta picha za maeneo ambayo hayaruhusiwa raia kufika wala kupiga picha.. kulikuwa na maeneo kadhaa lakini mojawapo ya maeneo hayo ambayo yaliwashitua zaidi ilikuwa ni "installation" za kijeshi zilizoko mpakani na India.

Sasa,jambo ambalo mara ya kwanza siku ile Polisi wa Kituo kikuu cha Mozang Chungi hawakuking'amua ni kwamba kampuni ile ya Hyperion Protective Consultants ambayo ilikuwa imeandikwa kwenye kitambulishi cha Raymond Allen ilikuwa ni kampuni hewa (shell) inayomilikiwa na Kampuni mama ya Blackwater Worldwide. Hawa Blackwater Worldwide ni moja ya 'contractors'wakuu wa CIA…


Nawakaribisha twende sambasamba na makala hii mpya..


Kesho mchana nitaweka sehemu ya Pili.


Habibu B. Ang "The Bold" - 0718 096 811
To Infinity and Beyond



SEHEMU YA PILI POST # 66

View attachment 1428214​

Mkuu social engineering inaendelea,tena kwa speed ya kutisha sana.COVID-19 agenda yake kubwa ni social engineering, aidha through fear or vaccines!

Social engineering ni fani ya sayansi jamii ambayo inalenga kubadilisha tabia na mitizamo ya jamii husika kwa kiwango kidogo au kikubwa.Inaweza kufanywa na serikali,taasisi binafsi ndogo au za kidunia, kama New World Order, kwa kutumia vyombo vya habari(media) au direct contact.Hata hivyo zipo mbinu ambazo ni more covert.

Social engineering ikiwa kwa malengo maovu ni mbaya.Social Engineering inaweza kufanywa kwa kutumia soft power ya Hollywood au British Council.Hizi ni mbinu ambazo naweza kuziita za kistaarabu,ingawa ni mbaya.Zipo ambazo ni traumatic,kama kuwaletea watu hofu kwa kutumia C-19.Nia kubwa katika mbinu zote iwe kutumia Hollywood,British Council,au traumatic kama C-19,ni enslavement and domination under a one world government,nothing less.

 

[Jeho]

Mkuu social engineering inaendelea,tena kwa speed ya kutisha sana.COVID-19 agenda yake kubwa ni social engineering, aidha through fear or vaccines!

Social engineering ni fani ya sayansi jamii ambayo inalenga kubadilisha tabia na mitizamo ya jamii husika kwa kiwango kidogo au kikubwa.Inaweza kufanywa na serikali,taasisi binafsi ndogo au za kidunia kama New World Order kwa kuitumia vyombo vya habari(media) au direct contact.Hata hivyo zipo mbinu ambazo ni more covert.

Social engineering ikiwa kwa malengo maovu ni mbaya.Social Engineering inaweza kufanywa kwa kutumia soft power ya Hollywood au British Council.Hizi ni mbinu ambazo naweza kuziita za kistaarabu ingawa ni mbaya.Zipo ambazo ni traumatic,kama kuwaletea watu hofu kwa kutumia C-19.Nia kubwa katika mbinu zote iwe kutumia Hollywood,British Council,au traumatic kama C-19 ni enslavement and domination,nothing less.

Au ile ya kusajili laini kwa alama za vidole.

 

[hearly]

daaahh.... the bold uko wapiiiiiiiiiiiiiii

 

[Mathanzua]

Au ile ya kusajili laini kwa alama za vidole.

Who knows,kale ka-gadget mahali unapoweka kidole chako kama ulivyosema kweli ni kwa ajili ya kusajili your mobile number,ila data zingine zinazokusanywa hatuzijui.Labda zipo na zinakuwa relayed to the Deep State.

Pia hatuna hakika kale kadubwasha unapoweka kidole chako kana impact gani kwenye mwili,hasa the brain.Kanaweza kuwa na effect kwenye brain,kwa maana kwamba kana badilisha tabia, mitizamo yako na your reasoning capacity,which of course is social engineering!So yea,all things are possible na hawa watu,you can never trust them for anything.

 

[Nchi Kavu]

Shukrani

mkuu si kwel kwamba uzi huwa hAufunguki ila kunamambo 2
1)aina ua sim unayotumia na virsion yake inawezA kuwa kikwazo
2)kwama unatumia application ya jf na ukawa umewah sit ya mbele(ume subscribe) ili usipAte shida ya kuutafutA hiyo pia yAweza kuwa shida nyingne..

suluhisho tumiA chrome kama utakuwa unAendeleA kupAtA shida..

asant

Sent using Jamii Forums mobile app

 

[mtingi1]

Sehemu ya nne inakuja lini!?

Sent using Jamii Forums mobile app

 

[MOSELBAY]

Sehemu ya nne inakuja lini!?

Sent using Jamii Forums mobile app

Alidondosha sim ikavunjika kioo kashalekebisha fresh leo jioni atashusha vitu.

 

[The Genius]

Mkuu hautasahau kweli,unakumbuka main point ya story yetu ni ile maabara ya kule Wuhan??

 

[NAMBA MOJA AJAYE NCHINI]

Tumfuate kule whatsap!!!Lakini ile makala ya roman abramovich ilichora mwelekeo wa siasa za tanzania!!Ndo maana unaona ujasusi wa kiuchumi kwa matajiri wazawa hadi wanakufa kwa presha na matatizo mengine!!!!BADO NAMTAFUTA ROMAN ABRAMOVICH WETU HAPA NCHINI JE NI ROSTAM?MAKONDA?NANI? NA PUTIN WETU JE NI JIWE???NAJIULIZA BADO HADI SASA!!

 

[Nyabutoro]

Karibu the Bold

Sent using Jamii Forums mobile app

 

[TumainiEl]

Nimekuwa nikifuwatilia mambo mazito kiusalama kiukweli USA. Niwanatisha sana