Nijielekeze moja kwa moja kwenye mada!
Kwanza nitoe pole kwa waliopoteza ndugu zao kwa ushenzi na unyama kutokana na tamaa na ulafi wa madaraka wa kikundi cha wahuni wachache, kwangu mimi ule kamwe siwezi utambua kama uchaguzi.
Nimetumia wiki hii kwa muda wangu mchache kusimama na haki ya sauti zilizopotea kikatili ili watu wachache wajitwalie madaraka kidhalimu , kwa kupitia video 178 na picha 43 tofauti nami nimechagua picha 18 na video 32 ambazo nimeziweka katika kanzidata yangu nami nitazipakia katika wavuti huu ili haki itendeke.
Nimegundua haya machache.
Katika uchunguzi wangu nimebaini kwamba asilimia 70-85 ya watu waliuwawa katika maeneo ambayo hayakuhusisha maandamano [majumbani, mitaani, kumbi za starehe n.k] na sijaona katika video.
Pia nimebaini uwepo wa mashambulizi ya moja kwa moja kutoa uhai na sio kutuliza ghasia katika maandamano maana wengi [80-90%] ya risasi watu wamepigwa katika vichwa , tumbo, mgongo na wachache miguuni, hii ni tafsiri tosha kuwa kulikuwepo na amri na kusudio la mauaji kuliko kutuliza ghasia.
Nimebaini uwepo wa silaha nzito za kivita kupitia maganda ya risasi, na pia aina ya risasi na aina za silaha walizokuwa nazo washambuliaji [wauaji]
Hivyo basi nitoe rai kwa yoyote mpenda haki tusimame na kupaza sauti kwa kuambatanisha ushahidi katika wavuti huu kwa hawa waliopotea maana hawana utashi tena wa kujisemea na ninaamini haki itashinda na huu ushenzi kamwe hautakuja kujirudia .
Safari ya ICC ndio imeanza, uzi huu uwe endelevu na ngao ya kupata haki kwa damu zote zilizopotea.