carbohydates
JF-Expert Member
- Oct 13, 2026
- 260
- 607
Tukio la mauaji linalodaiwa kusababishwa na wivu wa mapenzi limetikisa Kijiji cha Mapinduzi, Kata ya Kigwe, Wilaya ya Bahi, mkoani Dodoma, baada ya mwanamke mwenye umri wa miaka 58, Clementine Pius, kudaiwa kuuawa na mumewe, Raphael Ulanga kwa kushambuliwa kwa shoka kichwani.
Tukio hilo limetokea Octoba 14, 2026 majira ya saa 4 usiku, ambapo Kwa mujibu wa ndugu wa marehemu wamesema mtuhumiwa Raphael Ulanga baada ya kutekeleza shambulio hilo alijisalimisha mwenyewe katika kituo cha polisi.
Ndugu wamesema kifo cha Marehemu kimewaacha katika majonzi makubwa, huku wakihimiza wanandoa wenye migogoro kutafuta suluhu kupitia mazungumzo, usuluhishi na msaada wa kisheria badala ya kutumia nguvu.
Akizungumzia tukio hilo, Diwani wa Kata ya Kigwe, Adon Mabalwe, ameeleza kusikitishwa na mauaji hayo na kutoa wito kwa wanandoa na familia zinazokabiliwa na migogoro kutafuta msaada kutoka kwa viongozi na vyombo husika kabla tofauti zao hazijafikia hatua ya kusababisha madhara makubwa.
Soma Pia: Dodoma: Adaiwa Kumuua Mkewe kwa kumchoma kitu chenye ncha kali shingoni
Aidha Jeshi la Polisi lilifika eneo la tukio na kuuchukua mwili wa marehemu kwa ajili ya uchunguzi na hatua nyingine za kisheria, huku mtuhumiwa akishikiliwa kwa ajili ya hatua za kisheria
Chanzo: Jambo Tv
Tukio hilo limetokea Octoba 14, 2026 majira ya saa 4 usiku, ambapo Kwa mujibu wa ndugu wa marehemu wamesema mtuhumiwa Raphael Ulanga baada ya kutekeleza shambulio hilo alijisalimisha mwenyewe katika kituo cha polisi.
Ndugu wamesema kifo cha Marehemu kimewaacha katika majonzi makubwa, huku wakihimiza wanandoa wenye migogoro kutafuta suluhu kupitia mazungumzo, usuluhishi na msaada wa kisheria badala ya kutumia nguvu.
Akizungumzia tukio hilo, Diwani wa Kata ya Kigwe, Adon Mabalwe, ameeleza kusikitishwa na mauaji hayo na kutoa wito kwa wanandoa na familia zinazokabiliwa na migogoro kutafuta msaada kutoka kwa viongozi na vyombo husika kabla tofauti zao hazijafikia hatua ya kusababisha madhara makubwa.
Soma Pia: Dodoma: Adaiwa Kumuua Mkewe kwa kumchoma kitu chenye ncha kali shingoni
Aidha Jeshi la Polisi lilifika eneo la tukio na kuuchukua mwili wa marehemu kwa ajili ya uchunguzi na hatua nyingine za kisheria, huku mtuhumiwa akishikiliwa kwa ajili ya hatua za kisheria
Chanzo: Jambo Tv
