Katibu wa CHADEMA Mkoa wa Mara, Donald Felix Mwembe, amemtaka Makamu Mwenyekiti wa Chama hicho John Heche akubali kukaa mezani na Watawala kwa ajili ya kufanya maridhiano ili kusaidia Mwenyekiti wa CHADEMA aachiwe huru na kwa pamoja waendeleze mapambano ya kisiasa.
Akiongea na Waandishi wa Habari, Mwembe amesema“Ni kweli Mh. Mwenyekiti wetu wa Chama Taifa Lissu yupo ndani na juzi tumesikia ana kesi ya kujibu, ni rai yetu kwamba kuna kila sababu Viongozi wetu wakuu kukaa na kutafakari wakiongozwa na Heche, kukaa na Watawala kujua namna gani tunatoka kwenye mtanziko mkubwa wa kisiasa, tumeona nchi mbalimbali mfano South Afrika, Mandela alikaa ndani baadaye akakaa na Watawala wakayaweka sawa”“
Tumeshuhudia Mashirika mbalimbali ya kikanda, Bunge la Ulaya wakishangaa Mtu yule kukaa ndani, tumeona Maaskofu wa TEC wametoa ushauri kwamba tufike kwenye meza ya mazungumzo ili kuliponya Taifa letu, namshukuru Mh. Rais alishiriki kongamano la BAWACHA ni jambo zuri, tuna kila sababu ya kukaa na Watawala tusonge mbele na kuondoa vikwazo ambabyo vinachelewesha maendeleo nchini”“Mh. Lissu kukaa ndani muda mrefu kwangu naumia sana na imepelekea nikumbuke kauli ya Mnyika aliyesema kama kwa Mbowe ilitumika busara kwanini kwa Lissu isitumike busara?
Sisi tunaona ni vema Mh. Heche aone na kutafakari, kama Lissu alivyokutana na Mh. Rais Ubelgiji wakati ule wakazungumza na Mbowe akaachiwa, tunaamini mazungumzo yatakayotuunganisha yawe mazungumzo ya kuliponya Taifa”“Migogoro mingi inamalizwa mezani hata Mwl. Nyerere wakati anadai uhuru walikaa mezani, Iran na Marekani wanapigana ilaWanakaa mezani, Urusi na Ukraine wanakaa mezani , Heche kazi yake tunaikubali lakini ili iive vizuri akubali maridhiano Lissu atoke nje, Heche akienda mezani Lissu atakaa nje”
Pia soma:
Odero: Heche hutaki maridhiano, acha kusingizia Lissu kuwa huru
