Waufukweni
JF-Expert Member
- May 16, 2024
- 5,383
- 18,776
Taarifa kwa Vyombo vya Habari
Tunasonga Mbele! Kituo #D25 kuelekea #J1
Itolewe kwa Uharaka
Dar es Salaam, 12 Disemba 2025
Na. 028
Tunatambua wazi kwamba Samia Suluhu Hassan kwa kushirikiana na vyombo katili vya ulinzi na usalama na tume batili ya uchaguzi wamefanya uhaini wa kupindua mamlaka ya wananchi wa Tanganyika nchini Tanzania kwa kujiweka madarakani bila uhalali.
Tunakuja kwenu tukiwa kwa moyo wa shukrani na wenye fadhila nyingi kushukuru kwa namna ambavyo kwa pamoja tumeweza kufanikisha hatua muhimu katika maandamano yasiyo na kikomo 9 Disemba 2025 #D9.
Sisi ni washindi na wao WAMESHINDWA!
Tumefanikiwa:
1. Kuwezesha maandamano makubwa nchi nzima ambayo hayajawahi kutokea toka Vita vya Maji Maji mwaka 1905-1907
2. Kuwachangaya watawala haramu wakiongozwa na Samia Suluhu Hassan kutoa kauli za kujichangaya kuhusu kilichotokea Oktoba 29 #MO29
3. Kuwaunganisha wananchi kupambania nchi yao bila kujali itikadi za kisiasa, dini, jinsi au tabaka. Mshikamano huu ni wa kwanza toka kurejeshwa kwa siasa za vyama vingi nchini mwaka 1992
4. Kuzima kwa ujasiri mkuu hila za kuchonganisha wananchi kwa kutumia dini, imani za kidini na udini
5. Kuwezesha vyombo vyote vya ulinzi na usalama hasa polisi na wanajeshi kuandamana nchi nzima bila kikomo
6. Kuvunja rekodi ya kuweka nchi kwenye lock down ambayo haijawahi kutokea toka Uhuru wa Tanganyika mwaka 1961
7. Kusimamisha shughuli za uchumi wa nchi nzima kwa zaidi ya saa 36
8. Kuwezesha watalii na kampuni za utalii nje na ndani ya nchi kufahamu hatari ya kutembelea Tanganyika na Zanzibar kwenye nyakati hizi
9. Kutengeneza na kusambaza mabango zaidi ya 100,000 nje na ndani ya Tanzania kwa ajili ya kudai haki, uhuru na uwajibikaji kwa vibaka, wahalifu, wahaini, majahili, majangili na maharamia wote wa demokrasia wanaoitawala Tanganyika kimabavu
10. Kuhakikisha dunia inasimama na wananchi jasiri na mashujaa wa Tanganyika kupambana na vyombo katili vya Samia Suluhu Hassan hadi vikaogopa kugusa raia
11.Kuwanyoosha watawala fedhuli kwa maarifa ya hali ya juu hadi wakagwaya kuzima internet
12.Kuwalazimisha watawala haramu kujadili maandamano badala ya miradi ya maendeleo
13.Kuwafanya watawala haramu kuheshimu raia hasa GenZ kwa kufuatilia kwa karibu mijadala yao mitandaoni na vijiweni
14. Kuwasaidia wawekezaji kwenye sekta muhimu kutambua hatari za sasa na za muda mrefu ya uwekezaji wao nchini Tanzania
15.Kuwawewesesha watawala dhalimu wanaotumia zaidi ya bilioni 100 kila mwezi wananchi wakitangaza maandamano
16. Kuhakikisha bajeti ya mwaka mzima ya Wizara ya Mambo ya Ndani imetumika ndani ya miezi 3
17.Kulipa kazi Jeshi la Ulinzi la Wananchi wa Tanzania (JWTZ) kuzurura mitaani kama sungusungu
18. Kuwafikisha wahaini kwenye Mahakama ya Kimataiifa (ICC)
Watesi wetu wanahaha!
Pamoja na mafanikio haya makubwa, bado kuna kazi kubwa mbele yetu kuudhibiti na kuuondoa utawala haramu wa Samia Suluhu Hassan na majangili wenzake. Hivyo tunaelekeza:
1. Wananchi na mashujaa wetu GenZ kuendeleza maandamano yasiyo na kikomo wakati wote mahali popote
2. Kubandika mabango kila mahali ya kupinga utawala haramu, kudai haki na kuwakumbuka mashujaa wetu zaidi ya 10,000 waliouliwa kikatili kwa kupigwa risasi
3. Kupiga nyimbo za ukombozi kwenye kila kutaniko hasa wimbo wa 'Makomborero' na 'Teremsha Bunduki'
4. Kuhakikisha hakuna msanii msaliti atakayeweza kufanya show sehemu yoyote ndani na nje ya nchi. Iwapo wasanii hawa mabaradhuli watakaidi agizo hili, tunaelekeza wananchi kuandamana wakati wote wa show wakiwa na mabango ndani na nje ya kumbi
5. Kuandamana mahali popote na wakati wote wa mashindano ya michezo hasa wakati wa mechi za ligi kuu ya mpira wa miguu hasa siku timu ya Yanga iliyochangia pesa za kulipia wauaji, inapocheza
6. Kuhakikisha mikusanyiko/mikutano yote ya viongozi wa kisiasa inatumika kama sehemu ya maandamano kwa kukusanyika kwa wingi pamoja na mabango
7. Kuendeleza mijadala ya live ya TikTok, Instagram na XSpace kudai haki kwa nguvu kubwa zaidi
8. Kususia biashara na bidhaa zote za wachangiaji majangili wote walioshiriki kuchangia bilioni 100 chama cha kigaidi cha CCM wakati wa kampeni pale Mlimani City
9. Kuendelea kudai uwajibikaji wa kila mtu aliyehusika kwenye mauaji ya raia zaidi ya 10,000 waliouliwa bila hatia kwa maagizo ya Samia Suluhu Hassan
10. Kushikilia msimamo kwamba hakukuwa na uchaguzi hivyo Samia Suluhu Hassan, bunge na mabaraza ya madiwani ni batili na haramu
11.Kudai kukomeshwa mara moja matukio ya utekaji, mateso, mauaji na kupotea kwa raia kunakofanywa na genge la Counter Terrorism (CT)/chinja-chinja, Majeshi ya mamluki kutoka nje ya mipaka yetu, Kikosi Maalumu cha Kuzuia Magendo (KMKM), vikundi haramu vya Task Force vilivyopo kwenye mikoa yote pamoja na magenge mengine ya wahalifu yaliyopo chini ya Idara ya Usalama wa Taifa (TISS) wanaofanya kazi na askari wasio waaminifu wa Jeshi la Polisi Tanzania
12. Kuandaa Mkutano Mkuu wa Kitaifa kwa ajili ya kuunda Serikali ya Mpito
Tunaendelea tulipoishia kwa maandamano yasiyo na kikomo kila siku ya Jumatano mahali na muda wowote tukijipanga kuelekea siku ya kilele ya tarehe 25 Disemba 2025 hadi tutakapouona Mwaka Mpya wa 2026.
Tumeazimia!
#D9 #SamiaMustGo #Karibu The Hague
Imetolewa na:
Wananchi Wazalendo wanaodai Haki, Uhuru, Usawa, Uwajibikaji, Ukweli, na Kupatikana kwa Katiba Mpya inayotambua Jamhuri huru ya Tanganyika na Serikali ya Mapinduzi ya Zanzibar
