Kafulila: Serikali Haiwezi Kujenga Kila Kitu, Sekta Binafsi Ipewe Nafasi.
==
Mkurugenzi Mtendaji wa Kituo cha Ubia kati ya Sekta ya Umma na Sekta Binafsi (PPPC), David Kafulila, amesema Serikali haiwezi kumudu kugharamia kila aina ya mradi nchini, hasa miradi ya kibiashara, wakati mahitaji ya wananchi yanaendelea kuongezeka na rasilimali za umma zina mipaka.
Kafulila amesema kuna umuhimu wa Serikali kubadili namna inavyopanga na kutumia fedha za umma kwa kuipa nafasi zaidi sekta binafsi kushiriki katika ujenzi na uendeshaji wa miradi yenye uwezo wa kujiendesha kibiashara.
Amesema ubia kati ya Serikali na sekta binafsi si suala la anasa, bali ni njia muhimu ya kuongeza ufanisi, kupunguza mzigo wa matumizi ya Serikali na kuhakikisha fedha za umma zinaelekezwa kwenye maeneo yenye umuhimu mkubwa kwa wananchi.
“Serikali haiwezi kuwa na bajeti ya kutosha kujenga barabara kuu, masoko na vituo vya mabasi, kisha ikagharamia hadi ujenzi wa vyoo ndani ya stendi hizo na kubakiwa na uwezo wa kuwapatia elimu bora watoto wa familia masikini,” alisema.
Kwa mtazamo wake, kampuni binafsi zinaweza kushirikishwa katika kujenga na kuendesha miradi ya kibiashara, wakati Serikali ikijikita zaidi katika huduma ambazo ni wajibu wake wa msingi, ikiwemo elimu, afya, upatikanaji wa dawa na mafunzo ya ufundi.
Kafulila amesema hatua hiyo inaweza kuisaidia Serikali kupunguza matumizi yasiyo ya lazima na kutumia rasilimali zilizopo katika maeneo yatakayokuwa na matokeo makubwa zaidi kwa wananchi.
Akizungumzia ongezeko la idadi ya watu, Kafulila amesema Tanzania inakabiliwa na kasi kubwa ya ongezeko la watu, akitaja kiwango cha asilimia 3.4, ambacho amesema ni juu ya wastani wa Afrika wa takribani asilimia mbili.
Amesema ongezeko hilo linamaanisha mahitaji makubwa zaidi ya shule, hospitali, ajira, miundombinu na huduma nyingine za kijamii, hivyo Serikali inapaswa kuwa na mikakati madhubuti ya kukabiliana na hali hiyo.
Kafulila ameonya kuwa iwapo ongezeko la watu, hasa kutoka katika kaya zenye kipato cha chini, halitaendana na uwezo wa Taifa kuongeza fursa na huduma, shinikizo kwenye bajeti ya Serikali litaendelea kuongezeka.
Amesisitiza pia umuhimu wa elimu ya uzazi wa mpango pamoja na uwekezaji katika elimu na ujuzi wa ufundi, akisema hatua hizo zinaweza kusaidia kujenga nguvu kazi yenye maarifa na uwezo wa kushiriki kikamilifu katika uchumi.
Kwa ujumla, Kafulila amesisitiza kuwa Serikali inapaswa kujikita zaidi katika majukumu yake ya msingi, huku sekta binafsi ikipewa nafasi kubwa zaidi katika miradi ya kibiashara.
Kwa kufanya hivyo, amesema, Serikali itaweza kuelekeza fedha nyingi zaidi kwenye maeneo muhimu kwa wananchi na wakati huo huo kuchochea uwekezaji, ajira na ukuaji wa uchumi kupitia ushiriki mpana wa sekta binafsi.
==
Mkurugenzi Mtendaji wa Kituo cha Ubia kati ya Sekta ya Umma na Sekta Binafsi (PPPC), David Kafulila, amesema Serikali haiwezi kumudu kugharamia kila aina ya mradi nchini, hasa miradi ya kibiashara, wakati mahitaji ya wananchi yanaendelea kuongezeka na rasilimali za umma zina mipaka.
Kafulila amesema kuna umuhimu wa Serikali kubadili namna inavyopanga na kutumia fedha za umma kwa kuipa nafasi zaidi sekta binafsi kushiriki katika ujenzi na uendeshaji wa miradi yenye uwezo wa kujiendesha kibiashara.
Amesema ubia kati ya Serikali na sekta binafsi si suala la anasa, bali ni njia muhimu ya kuongeza ufanisi, kupunguza mzigo wa matumizi ya Serikali na kuhakikisha fedha za umma zinaelekezwa kwenye maeneo yenye umuhimu mkubwa kwa wananchi.
“Serikali haiwezi kuwa na bajeti ya kutosha kujenga barabara kuu, masoko na vituo vya mabasi, kisha ikagharamia hadi ujenzi wa vyoo ndani ya stendi hizo na kubakiwa na uwezo wa kuwapatia elimu bora watoto wa familia masikini,” alisema.
Kwa mtazamo wake, kampuni binafsi zinaweza kushirikishwa katika kujenga na kuendesha miradi ya kibiashara, wakati Serikali ikijikita zaidi katika huduma ambazo ni wajibu wake wa msingi, ikiwemo elimu, afya, upatikanaji wa dawa na mafunzo ya ufundi.
Kafulila amesema hatua hiyo inaweza kuisaidia Serikali kupunguza matumizi yasiyo ya lazima na kutumia rasilimali zilizopo katika maeneo yatakayokuwa na matokeo makubwa zaidi kwa wananchi.
Akizungumzia ongezeko la idadi ya watu, Kafulila amesema Tanzania inakabiliwa na kasi kubwa ya ongezeko la watu, akitaja kiwango cha asilimia 3.4, ambacho amesema ni juu ya wastani wa Afrika wa takribani asilimia mbili.
Amesema ongezeko hilo linamaanisha mahitaji makubwa zaidi ya shule, hospitali, ajira, miundombinu na huduma nyingine za kijamii, hivyo Serikali inapaswa kuwa na mikakati madhubuti ya kukabiliana na hali hiyo.
Kafulila ameonya kuwa iwapo ongezeko la watu, hasa kutoka katika kaya zenye kipato cha chini, halitaendana na uwezo wa Taifa kuongeza fursa na huduma, shinikizo kwenye bajeti ya Serikali litaendelea kuongezeka.
Amesisitiza pia umuhimu wa elimu ya uzazi wa mpango pamoja na uwekezaji katika elimu na ujuzi wa ufundi, akisema hatua hizo zinaweza kusaidia kujenga nguvu kazi yenye maarifa na uwezo wa kushiriki kikamilifu katika uchumi.
Kwa ujumla, Kafulila amesisitiza kuwa Serikali inapaswa kujikita zaidi katika majukumu yake ya msingi, huku sekta binafsi ikipewa nafasi kubwa zaidi katika miradi ya kibiashara.
Kwa kufanya hivyo, amesema, Serikali itaweza kuelekeza fedha nyingi zaidi kwenye maeneo muhimu kwa wananchi na wakati huo huo kuchochea uwekezaji, ajira na ukuaji wa uchumi kupitia ushiriki mpana wa sekta binafsi.
