Azizi J Hamad
JF-Expert Member
- Sep 20, 2020
- 442
- 230
Huu ni upupu na upotoshaji wa kiwango cha lami.Niliahidi wiki iliyopita kwamba nitaandika tena baada ya hukumu dhidi ya Tundu Lissu ambayo tayari ilikwishavuja hata kabla ya mashtaka kuandikwa.
Hatimaye Tume ya Taifa ya Uchaguzi imetangaza rasmi kumfungia mgombea Urais wa Chadema Tundu Lissu kutojihusisha na kampeni kwa siku 7.
Wiki iliyopita niliandika hapa kwamba taarifa zilizokuwepo ni kwamba makubaliano ya CCM na Mkurugenzi wa Uchaguzi Charles Mahera ni kwamba Tundu Lissu azuiwe kwa siku 14 kufanya kampeni.Huenda baada ya taarifa hizi kuvuja ndiyo sababu ya kupunguza siku hizo na kuwa 7.
Angalau kilichojionyesha dhahiri kwa Sasa ni kwamba Tume ya Taifa ya Uchaguzi haijifichi tena bali imeamua kukaa mstari wa mbele kupambana na Tundu Lissu na Chadema.
Kwa wiki nzima iliyopita Mkurugenzi wa NEC Charles Mahera amekuwa akijitokeza mbele ya wanahabari kumshsmbulia vikali Mgombea wa Chadema Tundu Lissu.
Mkurugenzi huyo wa NEC amefika mbali na kuanza kuijibia CCM hoja mbalimbali za kisiasa zinazotolewa dhidi yake na mgombea wa Chadema Tundu Lissu.Bila aibu na bila kupepesa macho Charles Mahera aliapa kushirikiana na Polisi kuishambulia Chadema na Mgombea wake Tundu Lissu kwa mabomu ya machozi na kupongeza kwa vurugu zile zilizofanyika kule Nyamongo dhidi ya Tundu Lissu.
Hukumu dhidi ya Tundu Lissu ni Utekelezaji wa maelekezo ya CCM na Charles Mahera kwa inayojiita Tume ya Maadili ya Uchaguzi isiyokuwa huru.
Tundu Lissu ameadhibiwa na Charles Mahera na genge lake bila hata kumpa Fursa ya kusikilizwa na wala kupelekewa mashtaka yanayomkabili.
Ni kichekesho Cha mwaka kwa Tume ya Taifa ya Uchaguzi yenye majaji wanaoheshimika kukubali Charles Mahera na genge lake kumhukumu mtu asiye na hatia bila hata kumpa Fursa ya kujitetea na Kisha kupima ule utetezi.
Wakati hayo yakifanyika Chama Cha Chadema kimeandika malalamiko matatu tofauti dhidi ya Mgombea wa CCM kukiuka Maadili na kanuni za Uchaguzi.Siyo tu kwamba mgombea huyo wa CCM hajaitwa kujitetea bali Tume ya Taifa ya Uchaguzi imeshindwa hata kutangaza hadharani kupokea malalamiko hayo.
Cha kufurahisha ni kwamba Watanzania si wajinga wanaelewa Sana na kufahamu kwamba adhabu ya kumfungia Tundu Lissu ni kumpunguzia kasi baada ya Mgombea anayeungwa mkono na Tume ya Taifa ya Uchaguzi kuelemewa kwa kila kona katika kampeni hizi.Hivyo ni kutafuta njia ya kumnusuru.
Kwa adhabu hii dhidi ya Tundu Lissu ni dhihirisho la wazi la uwakala wa Tume hii ya Taifa ya Uchaguzi kwa CCM.Anachoongea Hamphrey Polepole dhidi ya Chadema ndiyo hicho hicho anachoongea Mkurugenzi wa Tume Charles Mahera utadhani wamekaririshwa maneno.
Ziko hujuma nyingi zinazoratibiwa na CCM na wakala wao Charles Mahera dhidi ya Tundu Lissu na Chadema.Tutarajie makubwa zaidi ya haya katika wiki za lala salama za kampeni.
Nitaandika tena baada ya adhabu dhidi ya Tundu Lissu kumalizika tarehe 9/10
Hoja kuu ni moja tu, UTII WA SHERIA BILA SHURUTI. ukienda kinyume na sheria na kanuni zinavyotaka na kuongoza utachukuliwa hatua stahiki kwa maana hakuna namna. Utalipwa juu ya kile unachostahili kulipwa.