Uko sahihi kuona siku mbili ni chache sana kusoma na kutoa uamuzi. Lakini hukumu yoyote sio swala la siku moja au mbili au tatu. Kila SIKU jaji aliposikiliza mashahidi, maswali ya mawakili - ALITENGENEZA uamuzi mdogo. Alijiuliza maswali na alipata au hakupata majibu. Kuna maswali yake yatakuwa bila majibu (haya ndio yatatumiwa kutoa uamuzi wa kutokuwa na kesi ya kujibu - si juu ya Jaji kutafuta majibu). Kwa hakika jaji tayari ana uamuzi mara tu baada ya kusikiliza shahidi wa mwisho. Anachoenda kufanya ni kuandika uamuzi huo na hilo si jambo la kuchukua muda. Hawa majaji ni watu waliobobea na uwezo wao usilinganishwe na sisi tusiokuwa na utaalamu wala uzoefu.
Ninaona kuna kesi ya kujibu hasa kwenye silaha. Kuna kesi ya kujibu kwa sababu madai yaliyotolewa na upande wa mashtaka hayajatolewa ushahidi na upande wa utetezi. Kuna kesi ya kujibu na kwa kuwa tumeshaanza kusikiliza kesi, ni vema waTanzania wakaendelea kujua zaidi. Binafsi nina hamu ya kusikia utetezi ili kupata kufahamu nini hasa kilitokea. Ni vema kufanya uamuzi baada ya kusikiliza pande mbili.
Na kama hakutakuwa na kesi ya kujibu - Jaji atajikita zaidi kwenye PGO na jinsi kesi ilivoanzishwa, ilivopelelezwa. Kuna makosa mengi sana ya kipolisi yamefanyika katika kesi hii kwa sababu tu ya mazoea. Haitakuwa ni kwa sababu ya ushahidi kutotosha.