Kuna nyakati nyingi ambazo akili zetu huwaza mambo ya kijinga au yasiyo na mantiki, na hata kutufanya tuyandike au tuyazungumze
Hali hii ni ya kawaida kibiolojia na kisaikolojia, lakini pia hugusa sana maisha yetu ya kiroho na kihisia.
Ubongo wetu unapokosa utulivu wa ndani, unakuwa kama chombo kilichopoteza uelekeo katikati ya dhoruba.
Hali hii mara nyingi ni ishara ya vita vya kiroho vinavyoendelea ndani ya nafsi zetu au matokeo ya mshtuko mkubwa wa moyo unaotokana na mahusiano.Kiroho...!
Akili inapowaza mambo ya kijinga, mara nyingi inakuwa imepoteza ulinzi wa amani ya kimungu na kuruhusu mishale ya hofu, mashaka, na majaribu kupenya.
Hali hii inakuwa mbaya zaidi pale mtu anapopitia msongo mkubwa wa mapenzi, ambapo moyo unakuwa umejeruhiwa kwa usaliti, kukataliwa, au upweke.
Maumivu ya mapenzi yanapovuruga mfumo wa fahamu, ubongo huishiwa nguvu na kuanza kuzalisha mawazo ya hovyo na ya kufikirika! ambayo huishia kwenye maandishi ya majuto au ujumbe wa usiku wa manane unaoonekana wa kijinga asubuhi inayofuata.
Unapokuwa na kiu ya kiroho huku ukisumbuliwa na majeraha ya moyo, akili inakosa kichujio cha ukweli na kuanza kuona mambo yasiyokuwepo.
Sasa ili kuiponya akili na kuepuka kuandika mambo yanayoweza kukuaibisha au kukuumiza zaidi, ni lazima utafute utulivu wa kiroho kupitia sala, kutafakari, na kujisamehe mwenyewe.
Unapohisi dhoruba stress za maisha au mapenzi zimejaa kifuani, weka simu mbali na usiruhusu vidole vyako kuandika maumivu yako katika hali ya hasira au kukata tamaa.
Linda nafsi yako kwa kukubali kuwa maisha ni safari yenye milima na mabonde, na mpe Mungu nafasi ya kuganga donda la moyo wako ili akili yako irudi kwenye mstari wa nuru, hekima, na amani ya kudumu.
Nimemaliza Mimi✍🏿👌🏿
View attachment 3597973