COMRED TLAATLAAH!
Habari? Kazi na Utu!
mimi nataka kusema machache kwenye hoja yako ya kidiplomasia na nitaomba kutofautiana na wewe!
kwanza kabisa Katika ulimwengu wa sasa, hakuna nchi inayojitegemea kwa 100% (absolute autarky), na utegemezi wa kibajeti na kiuchumi sio utumwa, bali ni uhalisia wa nchi zinazoendelea.
Huwezi kusema nchi "inajitegemea kiuchumi" wakati sehemu kubwa ya miradi ya maendeleo inafadhiliwa na mikopo ya masharti nafuu na misaada kutoka nje.
Katika bajeti kuu za kila mwaka za Tanzania, takriban
30% hadi 40% ya bajeti ya maendeleo (miradi ya maji, barabara, afya, na elimu) inategemea fedha kutoka kwa Washirika wa Maendeleo (Development Partners) ikiwemo Benki ya Dunia (World Bank), IMF, na nchi wahisani (ikiwemo USA kupitia USAID).
tusisahau kuwa
Marekani ina kura ya turufu (veto power) au ushawishi mkubwa sana ndani ya IMF na World Bank.
Wakiamua kuweka "rungu" la vikwazo vya kiuchumi, wanaweza kuzuia idhini ya mikopo mipya na misaada, jambo ambalo litaleta mshtuko mkubwa kwenye fedha za kigeni na utekelezaji wa miradi ya ndani.
Mkuu unaposema "hakuna taifa lenye uwezo wa kuipangia Tanzania," unasahau kuwa biashara ya kimataifa inaendeshwa kwa mikataba. Marekani ikitupa vikwazo, haituhumu kwa maneno, inakata agreements zote na mikataba.
Unaifahamu kuhusu Hii mikataba?>
- AGOA (African Growth and Opportunity Act): Huu ni mkataba unaoruhusu nchi za Afrika kuuza bidhaa zake (kama nguo na mazao) nchini Marekani bila ushuru. Marekani ikiondoa Tanzania kwenye AGOA (kama walivyofanya kwa mataifa mengine yaliyokiuka misingi ya kidemokrasia au haki za binadamu huko nyuma), viwanda vyetu vya ndani vinavyotegemea soko hilo vitafungwa, na maelfu ya Watanzania watapoteza kazi.
- Misaada ya Sekta ya Afya (PEPFAR & Global Fund): Marekani ndio mfadhili mkuu wa mapambano dhidi ya UKIMWI, Kifua Kikuu, na Malaria nchini kupitia PEPFAR. Mabilioni ya shilingi yanayoingia kwenye sekta ya afya kuokoa maisha ya Watanzania yanatoka huko. Kusema "tumejipatia uhuru na tunajitegemea" huku wagonjwa wetu wanategemea ARVs za bure kutoka kwa walipa kodi wa Marekani ni kujidanganya.
Sera ya mambo ya nje ya Tanzania kwa sasa imejikita kwenye
Diplomasia ya Kiuchumi kutafuta masoko, wawekezaji, na watalii. Uhusiano mbaya wa kidiplomasia unaharibu
"Country Risk Rating index" (Kielelezo cha hatari ya nchi). Marekani ikitoa tahadhari ya kiusalama au kisiasa (Travel Advisory), inaua sekta ya utalii papo hapo kwa sababu watalii wengi wa kiwango cha juu (high-spending tourists) wanaoingia Zanzibar na Serengeti wanatoka Marekani na Ulaya.Wawekezaji wakubwa wa kigeni (FDI) hawawezi kuleta mitaji yao kwenye nchi ambayo inagombana na mataifa makubwa yanayodhibiti mifumo ya kifedha duniani (kama SWIFT).
Ndugu yangu, uzalendo sio kufumba macho na kukataa ukweli wa kiuchumi (economic reality). Ndio, Tanzania ni taifa huru kisheria (sovereign state), lakini kiuchumi tuko kwenye ulimwengu unaotegemeana (interdependent world).
Kushindwa kwa diplomasia yetu kumesababisha mataifa makubwa kuanza kuandaa miswada ya kutuwekea vikwazo. Tukileta ubabe wa 'sisi ni taifa huru' bila kuangalia ukweli wa takwimu za kibajeti, tutakwama. Uhuru wa bendera hauwezi kulisha wananchi kama uchumi na mifumo ya fedha ikivurugika kwa sababu ya diplomasia mbovu. Ni vyema tukajadili mambo kwa ukweli wa takwimu (facts) na sio kwa hisia za kijasusi za kufikirika.
nimeandika maelezo mengi sana ila ninaunga mkono Uamuzi wa Waziri wa mambo ya nje, Aliposema kuna haja ya kukaa na wamarekani na kuongea nao vizuri kabla mambo hayajaharibika..
nikutakie Asubuhi njema
