Katika siku hizi za mwisho, wapinga Kristo wameanza kutumia njia mbalimbali kuwapotosha waumini wa kweli. Mojawapo ya njia hizo ni kuzalisha Biblia potofu au tafsiri potofu za Biblia.
Kama huna habari kuna kitabu kinaitwa "The Satanic Bible" (Biblia ya Shetani), kilichoandikwa na Anton LaVey. Hii sio Biblia ya ki-Mungu bali ni kitabu kinachotukuza uasi, ubinafsi, na ibada za kishetani. Na wala sio tafsiri ya Biblia, bali ni maandiko ya kidini ya dhehebu la kishetani (Church of Satan).
Lakini pia yapo matoleo ya Biblia ambayo, japo yanadai kuwa ni tafsiri halali za kibiblia, yamehaririwa kwa makusudi ili kupotosha mafundisho ya msingi ya Kikristo. Tafsiri hizo huondoa au kubadilisha maandiko ya awali kuhusu Uungu wa Kristo, wokovu kwa neema, hukumu ya dhambi nk. Tuwe macho, hizi ni nyakati za mwisho.
1 Tim 4:1-5
"Basi Roho anena waziwazi ya kwamba nyakati za mwisho wengine watajitenga na imani, wakisikiliza roho zidanganyazo, na mafundisho ya mashetani.."
Hivyo, usiamini kila toleo jipya la Biblia bila kuelewa chanzo chake. Kwa wazungumzaji wa Kiswahili, nashauri wasome tafsiri ya kuaminika iitwayo: Biblia ya Kiswahili ya Union Version (SUV). Biblia hiyo imetafsiriwa kwa uaminifu mkubwa kwa kuzingatia lugha za awali za Biblia — yaani Kiebrania (kwa Agano la Kale) na Kigiriki (kwa Agano Jipya).
Kuna tafsiri mpya ya Kiswahili, imebadili kile kifungu: "Isipokuwa kwa sababu ya uasherati," wameandika: "Isipokuwa kwa sababu ya uzinzi." Uasherati na uzinzi ni maneno mawili tofauti. Mtu anaruhusiwa kumwacha mkewe kwa sababu ya uasherati tu, sio uzinzi.
Kwa wapenzi wa lugha ya Kiingereza tafuta Biblia ya King James(KJV). Ukiona kiingereza chake ni kigumu, tafuta toleo lake jipya(NKJV).
Tafsiri hizo pia zimezingatia lugha za awali.
