Jinsi biashara ya Uber ilivyonikutanisha na dada huyu mrembo wa ajabu

Jinsi biashara ya Uber ilivyonikutanisha na dada huyu mrembo wa ajabu

CAPABLE GOD said:
Habari wakuu!....
Tusubiriapo next ep., waweza pitia huu uzi...... full of lessons

View attachment 3067815
Link:
www.jamiiforums.com

Mambo muhimu niliyojifunza katika maisha yangu ya kuajiriwa

UTANGULIZI Wakuu habari. Naandika hii story yangu ikiwa ni mwaka sasa nipo mtaani nikiendelea na harakati za kusaka ajira mpya toka mkataba wangu wa ajira ulipoisha mnamo Desemba 2022. Nimeamua kushea uzoefu wangu kwa mtindo wa Masimulizi (katika episodes) kwa kuamini pengine inaweza kuwa na...
www.jamiiforums.com www.jamiiforums.com
Click to expand...
Moja kati ya nyuzi zenye mafunzo sana hasa kwa waajiriwa na wanaotaka kuajiriwa.
 
I
INSIDER MAN said:
EPISODE 8
A TRUE STORY BY INSIDER MAN’

Nilirudi nyumbani huku barabara nzima nikiwa nawaza mambo mawili kichwani. Jambo la kwanza nilikua nawaza Iryn atakua anafanya kazi gani?, nilikua bado najiuliza kazi gani hii ya usiku??, au anafanya illegal?, …mmh hapana yule dada ni mrembo, pia kaniambia ana saloon sidhani kama anafanya hizi dili.

“….Anyway mimi naangalia pesa mambo mengine mimi hayanihusu kabisa, atajua yeye na maisha yake bwana, as long I get paid no problem”

Lakini pia nilikua nafuraha ya kufahamiana na mrembo kama yule niliamini pia ni bahati na nyota.

Upande mwingine nilikua nawaza jinsi ya kudeal na mama Junior maana sikutaka kumuweka wazi juu ya hili suala.

Nilikua bado najiuliza muda ule….

“Hivi kama nitarudi usiku bila kuwa na reason maalum inayoeleweka ,sindo chanzo cha ugomvi na makelele?, au nimwambie tu kieleweke??”. Lakini bado nilikua nakosa maamuzi kwa upande wa Mama J.

Wakati muda ule nikiwa nawaza simu ilianza kuita kucheki naona Dullah….Nikapokea.

“Dullah vipi ndugu yangu hatuonani”

“Tuonane wapi wakati ushaanza kuwa busy na watoto wazuri?”

Nikampa story Dullah jinsi ambavyo nimekutana na Iryn na mpaka kunipa kazi. Dullah akanambia “naona ushaanza kupagawa mapema hivi ndugu yangu hio ni intro tu”

Nikakatisha maongezi na Dullah baada ya kuona mama anapiga simu:

“Mwanangu hujambo?, hivi mama Junior karudi nyumbani?”

“Mama amerudi, haujaongea na mkamwana wako?”

“Sijaongea naye na muda kweli”

“Mhh mama yakweli hayo, maana naona kama haiwezekani”

“Kama amerudi nimefurahi msalimie Mjukuu wangu” (Mama yangu na Junior wamefanana sana, humwambii kitu kuhusu mjuu wake)

Ipo hivi mama yangu na mama J ni marafiki sana, hata mama alivyokua ananiuliza kuhusu mama J kurudi home nilikua najua lazima anafahamu ila ananizunguka tu.

Sielewagi mama J alitumia mbinu gani kuwa close sana mama yangu yaani ni wanapatana balaa, sio kwa upande wa mama tu hata dada yangu pia. Yaani anaweza kuwa na kosa yeye ila mimi ndo nikaonekana mkorofi.

*******

Kesho yake niliwai kuamka ili niwai kumchukua Mama wawili na mwanae, baada ya kumdrop mwanae nikampitia Maggy hao Posta. Japo kuamka asubuhi sometimes ilikua inakera sana unakua kama mtumwa. Lakini ukicheki una mkataba wa kazi na watu huwezi kuleta ufedhuli inabidi uwe mpole tu.

Upande mwingine yule dada wa kule Masaki- Olive alikua kanicheki kwamba kama nitaenda masaki tuonane ili tukubaliane bei, jumatatu nianze kazi ya kuwachukua watoto.

Nikaenda Kariakoo kuchukua Rim za gari na tairi mpya ili kubadilisha muonekano wa gari yangu. Baada ya kutoka hapo nikaelekea “@thewheel” Mikocheni, tukabadilisha tairi na Rim, aisee gari ikawa kali balaa, pale garage kila mtu akawa anaisifia IST yangu (nitawatumia picha chini).

Nikatoka hapo kuelekea Masaki kuonana na dada, nilikua pale saa 9 mchana, tukaongea pale, watoto walikua watatu (3) ambapo wakwanza nitakua namuacha pale Mikocheni karibu na Clouds media, hawa wawili walikua wanakaa Kunduchi- Bahari Beach ila maeneo tofauti.

Tukakubaliana kwa watoto wa Kunduchi atanipa 13,000 kwa kichwa na yule wa mikocheni atanipa 7,000. Japo baada ya week 2 aliongezeka mtoto 1 mwingine alikua anakaa kawe jumla nikawa na watoto 4, ila huyu mtoto wa kawe sikutaka kumtoza niliamua kutoa shukran kwa dada.

Hapo nilikua na uhakika wa kuingiza 165,000/= kwa week na tulikubaliana malipo yawe yanafanyika kwa week.

Baada ya deal kuwa done nikafurahi sana hapo tayari nilikua na uhakika wa kuingiza zaidi ya 2,000,000/= kwa mwezi.

Nilijiona na bahati sana kwa muda mfupi kupata wateja wa uhakika, hapo nilikua na uhakika hata nisipowasha App pesa itaingia tu.

******

Ijumaa ndo siku ambayo nilikua na miadi na Iryn kama tulivyokubaliana, niliamka asubuhi mapema sana 06:00. Kwa siku za weekend nilikua napenda sana kuvaa buti au sando, tshirt na cap kichwani, nikivaa buti/raba bhasi lazima nitembee na sando kwenye buti.

Nikapata trip ya kwenda Pwani “Marian boys school” kuna mzee alikua anampeleka mtoto wake shule.

Nikampigia simu chap

MZEE: “Kijana wangu hujambo nataka kumpeleka kijana wangu Marian schools pwani”

MIMI: “Mzee unakwenda na kurudi?”

MZEE : “Hapana kijana kuna kikao pia nitakuweka sana”

MIMI : “Mzee mimi sina shida kama utanilipa muda wangu”

MZEE : “si nitatumia gharama kubwa sana, maana sijui kikao kitachukua muda gani”

MIMI: “Sawa mzee wangu ila sasa kama unataka twende huko itabidi tusitumiee App, tukubaliane bei maana ukishaingia Pwani Uber haisomi, mpaka nirudi tena Dsm ndo nitaweza pata request. Na uhakika wa request mpaka nirudi Bunju atlist, kama upo tayari nikupeleke”

MZEE: “Sawa kijana wangu nimekuelewa unataka kiasi gani?”

MIMI: “Mzee kwenye App ilikua inaonyesha kiasi gani?”

MZEE: “30,000/=“

MIMI: “Bhasi utanipa 50,000”

MZEE: “Nitakupa 45,000 kijana wangu, uje haraka tuondoke”

MIMI: “Sawa mzee nakuja”

Mzee hakuwa mbali sana na mimi nakoishi yeye alikua anakaa nyuma ya Hospital ya Massana.

Unajua hawa watu ambao walikua wanaishi ushuani nilikua siwachekei kabisa, nilikua najua kabisa wanahela. Huwezi mpeleka mtoto Marian kama hauna hela.

Nikawapeleka mpaka Marian school, mzee akachukua namba yangu mimi nikageuka kurudi Dsm. Nilichoma wese, sasa wakati nakaribia “Bunju mwisho” nikapata request ya kwenda Airport.

Kufika pale nashangaa kumbe alikua ni kigogo wa serikalini.(Naibu waziri wa Wizara X)

“Mzee shikamoo hata nyie huwa mna request kumbe?”

“Kijana unashangaa tena, huu ni usafiri wangu sana”

“Nilijua unapiga simu, dereva anakuja chap kukubeba”

“Dereva naye ni binadamu leo ni weekend pia na haraka acha apumzike najali pia maisha yao binafsi”

“Sawa mzee hata hivyo tunashukuru hata mimi hapa nimepata ridhiki”

“Ni kweli ndo kutegemeana huku, sasa tutapitia pale TFNC kumchukua mke wangu afu tutaelekea Airport”

Tukatoka pale huku tukipiga story na yule Kigogo, akawa anauliza hali ya Maisha huku anamsifia Mama Samia na mimi namuunga mkono. Na mimi palepale sikutaka kuwa mzembe nikaanza kutengeneza connection maana nilisema hizi chance zinatokea mara chache sana.

Tulifika pale TFNC hizi ofisi zipo kule chini Ocean Road, bhasi tukafika pale tukasubiri kama dk 10 mke wake akawa amekuja hao tukaelekea Airport.

Kigogo alinisifia sana gari yangu kuwa safi, akanambia nimepanda Uber nyingi ila hii ni kiboko sana, akaniahidi atakua ananitumia. (Ila hakuwai nitafuta na alipigwa chini kwnye nafasi yake)

Niliwadrop pale Airpot Terminal 2, palepale kuna ndege ilikua inashuka nikapata request ya kwenda Mikocheni.

Baada ya kupiga kazi mpaka sa12 jioni nikasema acha nipumzike ofcoz ubao ulikua unasoma vizuri sana, kwenye ubao ulikua unasoma 95,000 ukijumlisha na ile 45,000 ya Asubuhi nakua na 150,000 tayari. Wakati nimemshusha yule kigogo pale Airport aliniongezea 10,000 ya ahsante nikasema hii nitaoshea gari badae.

“Ipo hivi mimi pesa ya kuoshea gari huwa sitoi kwenye faida zangu bali huwa natoa kwenye zile ahsante ambazo mteja ananipa, kuna wateja wako poa sana akifurahia huduma utakuta anakuachia chenji, sasa hizi nilikuaga nazitunza kwenye droo”

Nikapeleka gari carwash lipigwe usafi maana likikua lishachafuka tayari, nilitaka gari ing’ae kabla ya kumiti na Iryn. Nilitaka akute gari ikiwa safi.

Muda huo ilikua sa12 na madakika tayari, Iryn akanipigia simu kunikumbusha niwe on-time, nikamwuuliza timetable ikoje tunakwenda wapi na wapi?.

“Leo tutakwenda Ledger Plaza na Serena Hotel”, Iryn alijibu hivo.

Muda huo nilikua zangu pale Texas nimechili nimepumzika huku napiga story na wahuni. Texas nilipazoea sababu Uncle wangu alikua anapenda sana kuoshea gari pale.

********

Hatimae muda ulifika, ontime nilikua pale kumchukua dada kama kawaida alikua kawaka sana asee, niliishia kumtamani tu. Aliweka bag lake kwa nyuma ya siti “duffel bag” akaingia kwenye gari akakaa siti ya mbele, tukasalimiana hao tukaanza safari ya kwenda Bahari Beach, Ledger plaza Hotel.

Wakati tuko njian IRYN alinambia atakua ananitambulisha mimi kama dereva wake kwa mabosi zake, nikamwambia sawa haina shida.

Tulifika pale Ledger Plaza nikapark gari mrembo akashuka akachukua bag lake akanambia kaka sitokaa zaidi ya masaa 2, nikamwambia usiwe na wasiwasi bossy wangu. Nikaishia kumtizama mpaka anavyopotea.

Mimi nikashusha kiti nikalala zangu nikiwa pale Parking, sikutaka kutoka ndani ya gari na muda huo ilikua saa 3 tayari.

Kwa muda wa usiku pale Ledger panakuaga pametulia sana, sikutaka kwenda upande wa kule chini maana hata ningeenda wahudumu wangenisumbua tu. Na sikuwa na mpango wa kutumia pesa yangu niliona bora nichill kwenye gari.

Nilikaa pale parking, nilipitiwa na usingizi nakuja kushtuka ilikua ni text ya wife “Unarudi sangapi?”

“Wife leo ntachelewa kidogo samahani sikukupa taarifa nilikua nimebanwa, nimetembea na key zangu usiwe na wasiwasi”

“Okay, takecare” alijibu hivo.

Kuangalia muda ilikua ni saa 5 tayari lakini Iryn hakua na dalili za kurudi nikalala tena. Nilikuja kushtuka pale niliposikia mtu anagonga dirishani, nikashusha kioo fasta

“Huku aki tabasamu, Kaka sorry nimekuweka sana”

“Hapana usiwe na wasiwasi Bossy wangu, upo tayari tuondoke?”

Nilimwona kabadili mavazi sio yale ambayo alikuja nayo, akaweka bag lake nyuma, hao tukaanza safari ya kwenda Serena hotel.

Baada ya kufika Serena hotel, huyo akaingia ndani mimi nikaenda kutafuta parking. Kwa mazingira ya hotel kama zile huwezi kutoka nje kushangaa lazima utakutana na upinzani wa Askari na mimi sikutaka kukaa reception, hivyo niliamua niwe nakaa ndani ya gari tu.

Alitumia masaa 2 pale akanipigia simu nisogee mpaka reception ili tuondoke, kufika pale nikaona kasimama na Mzungu. Akanambia Insider shuka msalimie bossy wangu, mimi nikashuka akanitambulisha pale.

“Mr Robert, huyu anaitwa Insider ni dereva wangu” (kwa kiingereza)

“Nimefurahi kukufahamu Mr Insider naomba uwe makini sana na Iryn”

“Don’t worry Mr Robert, Iryn ni Boss wangu”

Palepale mzungu akatoa €20 akanipa, nikamshukuru, hao tukaondoka nimrudishe kwake. Nikamdrop pale kwake na mimi nikarudi home.

Wakati niko njian nilikua nawaza Iryn anafanya mishe gani hizi? “Huyu dem anajiuza ila atakua ni International maana hata hotel anazoingia ni 5 star”. Upande mwingine nilikua najiuliza mbona anaingia na kibag ndani au anauza sembe??

“Ila mambo yake binafsi mimi hayanihusu, hiyo sio kazi tuliokubaliana lakini siku nitamwuliza.”

Niliingia home saa 9 kasoro mama J alikua kalala, na mimi sikutaka kumuamsha nikaoga nikapanda kulala.

*****
Kwa biashara ya Uber siku za kupiga hela ni weekend nazungumzia ijumaa, jumamosi na jumapili kwa siku za kawaida bhasi jumatatu na alhamis (mwisho wa hii story nitawaelezea)

Kama kawaida niliamka jumamosi nikaaendelea na majukumu yangu ya kutafuta hela, nakumbuka hii siku niliimalizia kisarawe huko. Nilipata customer alikua anakwenda huko akaomba nimsubiri amalize kikao afu nimrudishe Dar.

Mimi kama nalipwa pesa nilikua sijali kabisa cha msingi tukubaliane sina neno. Tulikaa sana pale kisarawe kulikua na kikao mambo ya chama, walimaliza kwenye saa 10 jioni.

Tulirudi mpaka Dar nikamdrop jamaa pale Lumumba, tulichelewa sana kuingia sababu ya foleni pale Mbagala, sababu barabara ilikua inatanuliwa.

Nilivyotoka hapo uelekeo ulikua ni Kijitonyama kuonana na Iryn, saa 2 kasoro ilinikutia getini. Nikampigia simu kuwa nimefika akasema anakuja.

Alivyofika akanipa time table za usiku huo ilikua tunakwenda sehem 3, ratiba haikua ngumu sana kwani tulikua tunakwenda Hyatt, Golden tulip hotel ya Masaki na Palm village.

Yeye akasema tuanze na Golden tulip hotel, kama kawaida yake na kibag chake kakiweka nyuma tukaanza safari. Pale Golden alitumia masaa 2 tutatoka kuelekea Hyatt Posta, mimi kama kawaida yangu nikatafuta parking nikatulia.

Wakati niko parking mlinzi alikuja akanambia siruhusiwi kukaa parking, kama namsubiri mtu bhasi niende reception. Kama mnavyojua pale Hyatt ulinzi ni mkali sana.

Baada ya saa na nusu hivi Iryn akanipigia simu kwamba niende “level 8” ananisubiri, akaniambia niulizie nitaoneshwa iliko, ndo mara yangu ya kwanza naingia Hyatt. Kufika pale namkuta yuko na jamaa (kwa kumtizama alikua ni mtu wa S. Africa).

Level 8 ni restaurant ya pale Hyatt Hotel.

Akanitambulisha kwa jamaa kama dereva wake, Iryn akanambia niagize chakula tule then tuondoke. Mimi niliagiza seafood maana nilikua hata sioni cha kuagiza.

Jamaa akatusindikiza mpaka parking wakakumbatiana na Iryn, jamaa akaja upande wangu akanambia “Takecare of her”, mimi nikatingisha kichwa kama kukubaliana naye.

Tukaondoka, uelekeo ulikua ni Palm village. Iryn akatoa $100 akanipa, akanambia jamaa alinipa hii pesa ya mafuta itakua so busara nikiiweka mfukoni so keep it.

Kwenye gari tulikua tunazungumza kwa nadra sana, wakati tuko pale mataa ya NMB HQ/Puma filling station, tulikua tunatokea Ohio street ili tuingie Alli hassan road, nikaamua kuvunja ukimya, nikamwuliza kwa utani “Iryn wewe ni Mtanzania?”

IRYN: “Huku akicheka, kwani sionekani Mtanzania?”

MIMI: “Kabisa hapa bongo kama umevamia hivi”

IRYN : “Mama yangu alikua Mmursi-Ethiopia ila baba yangu ni Msouth Africa”.

MIMI: “Sasa ilikuaje mpaka ukaja Tanzania?”

IRYN: “Baba ameishi Tanzania toka 1995 kuna kampuni zake alikua anazisimamia huku na mimi nimekulia Masaki na nimesoma pale FK international school”

MIMI: “Ndomana umebarikiwa kwa uzuri Bossy wangu maana watu wa Ethiopia ni hatari”

Maongezi yetu yalipotea ghafla baada ya simu yake kuanza kuita, nilimind sana kimoyo moyo.

Tulifika pale Palm Village nikamdrop akanambia huku sitakaa sana, pale alitumia kama 1hr hivi akawa ametoka, muda huo ilikua saa7 tayari. Nikamrudisha kwake na mimi nikarudi home kulala.

Ile nimefika home namkuta wife hajalala yuko seblen anaangalia movie. Nikamsalimia nikakaa kwenye kiti.

WIFE: “Baba Junior umetoka wapi sahivi?”

MIMI: “Nilikua nimemsindikiza Michael Airpot, anakwenda masomoni Scottland” niliamua kumdanganya tu.

Michael ni jamaa yangu sana mpaka sasa, wakati tumetoka kwenye ile Taasisi X yeye aliamua kwenda kusoma Mastaz huko Ulaya. Wife anamjua vizuri sana hyu jamaa yangu.

WIFE: “Mbona kaondoka haraka hivyo hata kuniaga ameona shida”

MIMI: “Mambo mengi wife si unajua sisi wanaume, umepika nini? Naskia njaa sana” ilibidi nipotezee mada.

Huku wife akiniandalia msosi,

WIFE: “Mwanao anasumbua sana halali, kalala sio muda”

MIMI : “Pole ndo maana ya kuwa mama”

Baada ya kumaliza msosi nikamwambia wife mimi naenda kulala baada ya kuona yuko busy na movie yake.

Nikachomeka simu kwenye chaji nikakutana na message ya Iryn akinitakia usiku mwema, nikareply “Same to you Bossy wangu”.

*********
Jumapili sikwenda church kwanza nilichelewa kuamka, wife akaniamsha akaomba nikamsaidie kununua vitu sokoni.

Sababu dada alikua mgeni ikabidi niondoke naye hata akiwa peke yake awe anayajua mazingira.

Iryn akanipigia simu akanambia leo tutaenda sehemu 1 tu by 21:00 niwe around, tutakwenda Peninsula hotel. Hii Peninsula hotel ipo “Haile selasie road” karibu na Puma Filling station.

Nilitoka zangu home mapema nikaenda poteza muda pale survey, ilivyofika 3 kasoro nikaelekea Kijitonyama. Katika vitu ambavyo Iryn nilikua namsifu ni pamoja na kwenda na muda yaani akikwambia muda wa kufika utamkuta yuko tayari.

Nikamsifia pale, umependeza sana Bossy wangu,
akajibu “thank you, Gentleman”.
Siku ya leo hakua na kibag chake bali alikua na mkoba.

Kwenye upande wa kuvaa au kupendeza dada alikua yuko vizuri sana.

Ndani ya nusu saa tulikua tumeshawasili Peninsula hotel nikamdrop nikamwambia mimi nakwenda Samak samak kupoteza muda. Atakapokuwa tayari bhasi anipigie ili nikamchukue.

Nikachili pale Samaki samaki huku napiga zangu heineken mdogo mdogo. Wakati niko pale Samaki samaki kuna jamaa nilimkuta so nikaamua kumjoin story zikawa zinaendelea mdogo mdogo.

Iryn akanipigia simu nikamchukue yuko tayari nikamwaga jamaa huyo nikamchukua mrembo nikamrudisha kulala.

Wakati niko njiani nilijikuta ni mtu mwenye furaha sana. Nikawa najisemea huyu Iryn anaroho nzuri sana, kama anaweza kunipa $100 alopewa ya mafuta, je angekua mtu mwingine angenipa?? Na bado amenilipa 300,000 yangu.

Nikasema acha niendelee kuwa mpole tu, ni watu wachache sana wenye roho kama yake, mwingine asingenipa kabisa.

Nikawa nakumbuka jinsi anavyo nitambulisha kwa watu wake, nikasema huyu dada ananithamini na anaheshimu kazi yangu. Acha na mimi niheshimu kazi zake naamini ipo siku nitajua mishe zake.


Nilivyorudi home kama kawaida nilimkuta wife yuko seblen na movie yake, muda huo ilikua saa7 tayari. Nikamsalimia, hakujibu ila alikua akiniangalia, na mimi sikutaka kupoteza muda nikaingia chumbani then nikaenda kuoga.

Wakati naoga kumbe wife kachukua key na kwenda kukagua gari, ile natoka bafuni naona mtu kashika lipstick mkononi.

“Nilijua tu lazima una mwanamke maana nilishaona dalili mapema, ukirudi tu breki ya kwanza kuoga. Toka ijumaa unarudi usiku afu unarudi umechoka kumbe kuna mwanamke anakuchosha huko. Hii lipstick ni yanani? Gari nzima inatoa harufu ya mwanamke, Baba Junior nataka maelezo yakueleweka mimi sio mtoto”

Ghafla wife akaanza kubadilika

Tutaendelea:

Jinsi biashara ya Uber ilivyonikutanisha na dada huyu mrembo wa ajabu
Click to expand...
LI UJUE HII NI STORY YA KUTUNGA INAISHIA PAZURI KABLA YA KUANZA EPSODE NYINGINE ILI KUMVUTIA ZAIDI MSOMAJI AENDELEE KUFUATILIA😁
 
Naomba muendelezo kuna kitu najifunza hapa mkuu....

Nina kesi ila Dah

Nilimlamba beki3. Kwa sasa ana mtoto hatujui mimba ni ya nani.

Katika kupelelewlza wakti namla bikira kuna mjanja aliishaitoa, huyo ni kijana wa mtaani, muuza duka. ..katika kumbana akamtaja, ila mimi nilikula vile vile..... kuuza duka alkubali baadae akasepa...


Hii kitu inaniuma kwa sababu mtoto hana hatia..

Nawaza nikubali au nikatae

Pembeni kuna wapambe kibao wanasubiri Saudi ya nimekubali




Mtoto ana miaka mitatu..inaniuma isije akawa damu yangu...

Hata kama sio bali mtoto hana hatia.

Mytake..sitakuja kumpa mimba mtu asiye au nisiye mipango naye
 
ammoshi said:
Wakati mwingine unajichanganya mpaka inafika sehemu unakua huna namna ya kufanya uamuzi. Sasa una mchepuko, ana mimba, unatembea na mfanyakazi wake.
Hapo tayari una mke, mtoto na huwezi muomba mama ushauri au Mzee wako, na kwao yeye ndo wa kiume mkubwa. Lazima uwe limited na option unazokua nazo kuhusu kuomba ushauri. Simcheki sana maana labda ninachomzidi ni kwamba huwa narudi tu Kwa Yesu na kumwambia tu Bwana Mkubwa Yesu nimefika mwisho wa kufikiria niongoze.
Click to expand...
😃😃😃 Bwana mkubwa Yesu
 
INSIDER MAN said:
SEASON 02:
EPISODE 24
“A TRUE STORY BY INSIDER MAN.”

CONTINUE:

Kipindi tuko kwenye flight kwa pembeni yangu dirishani alikuwa amekaa mzee wa makamo kwa kumkadiria umri wake kama miaka 60, kwa pembeni yetu opposite walikaa dada wawili, ambao walionekana kuwa busy sana wakijisnap.

Mzee alikuwa anawaangalia sana wale warembo huku akitabasamu, ilibidi nianze kuongea na mzee;

“Mzee nakuona unawaangalia bint zako kwa makini sana vipi kuna tatizo?”

“Najaribu kufikiria kizazi chetu enzi hizo tunakua na kizazi hiki kipya, naona mabadiliko makubwa sana.”

“Upo sahihi mzee, sahivi technologia ni kubwa sana.”

“Sahivi unaweza kuwa na mtu pembeni yako na mnaelekea safari moja na hata msijuane wala kusalimiana sababu ya simu, unakuta mtu muda wote yuko busy na simu.“

“Ni kweli kabisa sahivi mtu anacheka na simu kama binadamu mwenzie.”

“Wazungu wamefanikiwa kwa kiasi kikubwa sana kututeka na kucontrol akili zetu, ule ubinadamu naona unakufa kila siku, mtu anathamini simu kuliko binadamu mwenzie.”

“Mzee upo sahihi, hiki kizazi cha sasa Mungu atusaidie, simu zimetukamata akili kiasi kwamba hata ukiishiwa bando unaona kama maisha hayaendi.”

“Kila generation inapita na sifa zake, sijui hii ndo ile tuliyotabiriwa?. Anyway, wewe ni Mtanzania kama mimi, sina haja ya kukuuliza hili, unakwenda Zambia kwaajili ya nini?”

“Nakwenda kumsalimia mzee wangu pamoja na kuangalia fursa za biashara.”

“Safi sana hii ndo akili na umri wako?”

“Miaka 27.”

“Wewe ni kama kijana wangu wa mwisho kwa huu umri wako, bado ni kijana mdogo sana.”

“Hahahaa nashukuru mzee, vipi na wewe Zambia unaharakati gani?”

“Mimi nina deal na biashara za copper, kwahiyo nakwenda kwaajili ya masuala ya kibiashara.”

“Nimekuwa interested na biashara ya Copper unaweza kunipa ABC hata hapo baadae nikitaka kuifanya niwe na idea?.”

Mzee alinipa elimu kuhusu biashara ya Copa na namna ya kuanza pamoja na mtaji, Ila sasa changamoto kubwa niliyoiona ni namna ya kuingia sokoni maana wazee wa system wameshateka soko tayari la Copper.

Nilipiga story nyingi sana na mzee mpaka tunawasili Lusaka Airport, nakumbuka tulifika saa 3 za usiku na tulibadilishana namba za simu, alisema anakwenda hotelini.

Kwa upande mwingine, mzee wangu alikuwa amenisubiri pale uwanja wa ndege, kwani alifika mapema sana kwa ajili ya kunipokea. Alikuwa akisubiri kwenye sehemu ya mapokezi, na nilipotoka nje, alikuwa wa kwanza kuniona.

Baada ya kuonana tulisalimia na tulianza safari ya kwenda home, lakini tulianza kwanza kupitia kwenye moja ya mgahawa mzuri kwaajili ya kupata chakula cha usiku.

Mazingira ya Zambia pamoja na hali ya hewa yalikuwa ni ya tofauti sana, baridi ilikuwa ni kali kwa wakati huu wa usiku. Muda huu tukipata dinna mzee alianza kuniuliza kuhusu maendeleo yangu kwa ujumla, nami nikamuuliza jinsi maisha yalivyo nchini Zambia. Mzee aliishia kusifia maisha ya Zambia, akisema kuwa ni mazuri na sehemu salama ya kuishi.

Tulitumia kama dakika 45 kisha tukaondoka kwenda nyumbani kwake, anakoishi Lusaka, sehemu inayoitwa Roma. Alikuwa anakaa huko, na sehemu anayokaa ni kota nyingi ambazo zimepangiliwa vizuri sana.

Baada ya kuingia ndani hakukuwa na mtu yoyote nami sikutaka kuuliza maswali sana ukizingatia ndo ninafika hapa kwa mara ya kwanza. Tulifanya mazungumzo kidogo sana mambo mengi tulikuwa tumeshaongea njiani, na mzee aliishia kunionesha chumba changu, akasema nilale na mambo mengine tutaongea kesho.

Niliamka kwa kuchelewa ile asubuhi nikihisi njaa, nikajisemea, 'wacha niende jikoni nione kama kuna chochote cha kula.' Nilikuwa na uhakika nisingekosa kitu. Lakini nilipotoka chumbani, nikakutana na dada aliyekuwa amekaa sebuleni akipanga nguo. Sikuwa na wazo la kwamba kuna mtu mwingine ndani, kwa hiyo nilishtuka kidogo.

Hata dada naye alishtuka kuniona, maana hakutegemea kama kuna mgeni humu ndani. Alianza kupoteza ujasiri kwa sababu alikuwa amejiachia sana, mnavyojua jinsi wanawake wanavyovaa wakiwa peke yao. Nilimchunguza haraka na nikaanza kuwaza, ‘Huyu ndiye mamdogo nini?’ Nikamsalimia, na kwa bahati nzuri, dada alikuwa anaongea Kiingereza vizuri kabisa.

MIMI: “My name is Insider. Yesterday, I arrived here late but didn’t see you”

DADA: “Oh, really? What time did you get here?.”

MIMI: “I got here around 10 PM. Were you already gone by then?”

DADA: “Yes, I left around 7:30 PM. I don’t sleep here, I just come to work and then leave. Also, I don’t have any information about your presence here."

MIMI: “Mr. William is my father. I thought he told you everything about my presence."

DADA: “Oh, I didn't know that, maybe he forgot to tell me, and how long will you be here?"

MIMI: “I'm planning to stay for a while.”

DADA: “Nice, do you want to explore the area?"

MIMI: “Yeah! I'm looking forward to it. Do you have any recommendations?"

DADA: “Definitely, there's a great park nearby and some wonderful cafes, I can show you around if you would like."

MIMI: “That sounds great, thank you! I would love to.”

DADA: “Great, let's arrange for this weekend. It should be a lot of fun."

MIMI: “Have been loving our conversation but realize I don't even know your name lol.”

DADA: “Well my name is Sandra.”

Ndani ya muda mfupi nilikuwa nimeshazoena na dada huku tunapiga story na alikwenda kuniandalia chai, muda huu nilikuwa nimekaa sebleni nikishangaa TV.

Niliendelea kuwaza kuhusu dada pale, “ina maana mzee amemuajiri huyu dada awe anafanya usafi wa nyumba, anamfulia nguo na kumpikia afu anaondoka, na anamlipa mshahara kila mwezi?, ni vizuri lakini.”

Baada ya kupata breakfast nilirudi chumbani kuendelea na mambo mengine, niliwasha laptop yangu ya Macbook niliyopewa na Iryn kama zawadi na nikaanza kupanga mipango yangu.

Mipango yangu ilikuwa niwekeze kwenye real estate na kufungua biashara kubwa kwa kule Dodoma, hivyo nilipanga nikitoka huku, nitakwenda Dodoma. Nilipata wazo la kuwasaliana na madalali wa kule ili waanze kunichekia fremu za biashara.

Baada ya kumaliza mipango yangu niliishia kulala pale kitandani maana sikuwa na kitu cha kufanya. Mchana nilitoka kupata lunch, nikarudi tena kulala na jioni dada alinigongea mlango, kisha akaniaga anaondoka na tutaonana kesho.

Saa 2 usiku mzee alirudi home na tulianza maongezi, kwa upande wangu nilimwambia sababu nyingine ya kuja Zambia ni kuangalia fursa za kufanya kama zipo.

MZEE: “Fursa nyingi sana kwa huku Zambia zipo ukanda wa Copper belt wanakochimba Copper, kule kuna fursa nyingi na vijana wengi wameaniriwa kule migodini.”

MIMI: “Vipi kuhusu biashara za nguo na mavazi maana naona wazambia wengi wanakuja Kariakoo kununua nguo.”

MZEE: “Biashara ya nguo ukisema ufungue huku itakusumbua ufuatiliaji, labda nikushauri uwe unauza kwa jumla, uwe na mtu wa kushirikiana nae huku, mimi baba yako niko busy sana, muda mwingi nakuwa site.”

MIMI: “Kuna dada nimeshinda nae siku nzima hapa home, umemuajiri awe anakufanyia kazi za humu ndani?”

MZEE: “Hapana, ameajiriwa na kampuni kwaajili ya hili, humu ndani sisi tunaishi wawili tu! mimi na ndugu yangu mmoja amesafiri.”

MIMI: “Na ofisi yako ipo wapi?”

MZEE: “Ipo Lusaka mjini kabisa itabidi kesho twende wote ukaijue.”

MIMI: “Sawa haina shida, jambo jingine naomba msaada wa Wi-fi tangu jana siko online.”

MZEE: “Wifi ilipata hitilafu kidogo, kesho tukienda ofisini tutachukua nyingine.”

Tuliendelea kuongea masuala mengine na nilitamani nimwambie kuhusu suala la Iryn, lakini Roho yangu ilikuwa inagoma katakata kumshirikisha hili suala, nilimuaga nikaenda zangu kulala.

Asubuhi na mapema tuliondoka kwenda kazini kwake, baada ya kuwasili pale ofisini alianza kunitambulisha kwa wafanyakazi wenzake na wao waliishia kumsifia mzee kuwa na kijana mkubwa na walionesha kunifurahia sana.

Kuna mama mmoja alitokea kunionyesha ukarimu na upendo wa hali ya juu sana, mpaka nikaanza kuwa na wasiwasi huenda akawa mchepuko wa mzee maana alikuwa akinijali sana.

Mzee wangu anafanyia kazi kwenye moja ya kampuni kubwa sana ya construction kwa kule Zambia na anafanya kama quantity surveyor, kazi zake nyingi asilimia kubwa ni kwenda site sehemu mbalimbali, ni mara chache sana kuwa ofisini.

Nilishinda na mzee ofisini siku nzima na jioni wakati tunarudi home alisema kesho anasafari ya kwenda kusini mwa Zambia sehemu inaitwa ‘Livingstone’ na angetamani twende wote. Niliona wazo la mzee ni zuri ukizingatia sababu kubwa ya kuja huku ni kutembea na kutuliza akili, kuondoka na mzee niliona ni heri kuliko kulala ndani tu.

Baada ya kurudi home niliingia online kuangalia watu walionicheki maana tangu nije Zambia sikuwasha data kabisa, nilikuta Hilda, Allen, Jane, Lucy, Mary, Wife, Dullah bila kumsahau Asmah walikuwa wamenicheki na wengine wengi.

Nilianza kwa kumpigia simu mke wangu ili kujua maendeleo ya familia, kisha nikajaribu kumpigia Asmah, lakini hakuwa online, hivyo nikamtumia ujumbe kumjulisha kuwa nimefika salama. Baadaye, nikampigia Dullah, ambaye alikuwa anatarajia kufunga ndoa Jumamosi hii. Ilibidi nimpe udhuru wa kutokuweza kushiriki, ingawa alilalamika sana, hatimaye alikubali kwa shingo upande.

Nilituma ujumbe mfupi kwa Hilda, kisha nikampigia simu Lucy, na ndani ya sekunde chache, Lucy alijibu simu yangu;

LUCY: “Wewe Insider kwanini hupatikani kwa simu? unanipa mashaka sana.”

MIMI: “Nimesafiri niko Zambia one time ndomana unaona hunipati kwa simu.”

LUCY: “Zambia? Una mishe gani huko?”

MIMI: “Nimekuja kutembea na kumsalimia mzee wangu.”

LUCY: “Ohh! Sawa, nimekupigia simu sana leo, hupatikani.”

MIMI: “Nambie kuna jambo gani unataka kushare mummy.”

LUCY: “Ni kuhusu Iryn maana hapatikani kwa simu since niongee nae ijumaa.”

MIMI: “Unajua hili suala linaniumiza sana akili ndomana nimekuja huku, nataka nitulize akili yangu kwanza, huenda nitapata solution.”

LUCY: “Solution ni kwenda South kuoanana naye myamalize, Iryn bado anahasira juu yako kwa kitendo cha kumpiga kule hotelini na bado anataarifa zako kuhusu kutembea na Asmah, na hili suala la mimba ndo linampa mawazo sana.”

MIMI: “Mimi niko tayari kufanya hayo yote ila sasa hapatikani, mpaka kaka yake Jimmy nae hapatikani nafanyaje?.”

LUCY: “Jaribu kumtafuta kaka yake kwa mara nyingine tena, huenda utampata.”

MIMI: “Sawa nitamcheki tena.”

Niliagana na Lucy pale, kwa upande mwingine alikuwa kashanikumbusha kuhusu Iryn maana nilikuwa nimeshamsahau tangu nije huku Zambia, nilijikuta naanza tena kufikiri upya kuhusu mambo yote yanayoendelea.

Muda huu simu ya Hilda iliingia na nilipokea tukaanza mazungumzo na kubwa nilitaka kujua maendeleo ya ofisi kwa ujumla, alisema kila kitu kinakwenda vizuri na niliendelea kumtia moyo kwamba awe ananitafuta pindi apatapo changamoto.

Baada ya kuagana na Hilda nilimpigia simu Iryn, hakuwa online, nilimcheki na Jimmy tena hakuwa online, bhasi nikalala zangu kwaajili ya safari ya kesho asubuhi.

Asubuhi na mapema dereva wa ofisi alikuja kutuchukua kwaajili ya safari ya kwenda Livingstone kusini mwa Zambia. Ilikuwa ni safari ya kukaa siku mbili na tungerudi jumapili, hivyo nilitembea na nguo za kubadilisha.

Saa 2 asubuhi ndo tulianza safari yetu, na umbali wa kutoka Lusaka mpaka Livingstone ni kama 450km, barabarani dereva alikuwa anatembea balaa, gari ilikuwa ni Hilux, na jumla ya watu tuliokuwa kwenye gari ni watano.

Saa 6 mchana tuliwasili Livingstone mjini, kingine kilichonishangaza ni vile eneo kuwa busy sana na asilimia kubwa ya watu wanaopatikana huku ni foreigners, wazungu ndo walikuwa wengi sana.

Mzee alinambia huku wazungu ni wengi sababu ya utalii kama unavyoona vile Arusha, na alisema hatupo mbali sana na Victoria falls, mbuga za wanyama, na watalii wengine wanavuka boda kwenda Zambezi National Park ya Zimbabwe.

Tulipofika ofisini kwao, ambapo wana tawi katika eneo hili, walianza kupanga mipango na kisha wakaondoka kwenda kukagua mradi. Kulikuwa na sheli mpya ambayo ilikuwa inaanza kujengwa, na hiyo ndiyo kazi iliyowaleta huku.

Mzee alinambia niende hotelini kupumzika wakati yeye anaendelea na majukumu ya ofisi, na kwamba baadaye tutakutana. Aliagiza dereva anipeleke hotelini, ambapo dereva alinipeleka New Fairmount Hotel. Booking ilikuwa tayari imefanywa, na mara tu nilipofika na kuoneshwa chumba changu, niliishia kulala kutokana na uchovu.

Mnamo saa 1 usiku, mzee alinicheki ili kupata chakula cha usiku pamoja na rafiki zake wawili, ambao tulikuwa wote safarini na tulifika katika hoteli hiyo. Kwa upande mwingine, walionekana watu kutoka mataifa mbalimbali ambao walikuwa wamekuja kwa ajili ya utalii, hotel za huku Livingstone zote ni za kitalii.

*****
Jumapili kabla ya kurudi Lusaka, mzee alinipeleka Victoria falls kushuhudia maajabu yake na alinambia bila kwenda kuona, sitakuwa nimefika Zambia kwa kweli, kwani ndoto ya kila mgeni ni kuona Victoria falls.

Saa 6 mchana tulitoka hotelini kuelekea Victoria Falls, na ilikuwa ni mwendo wa takriban dakika 10. Tulipofika, tulishuka kutoka kwa gari na kuanza kutembea kwa miguu hadi kwenye eneo la maajabu. Kwa mara ya kwanza, macho yangu yaliona maporomoko haya ya maji, na ilikuwa ni jambo la kushangaza kweli. Eneo lile linavutia sana, jinsi maji yanavyoshuka na mvuke unaopanda juu ni jambo la ajabu kabisa.

Tulisogea karibu na maporomoko ya maji kwa sababu kuna njia maalum zilizotengenezwa kwa ajili ya kutembea kwa miguu, ili uweze kushuhudia maporomoko haya moja kwa moja kwenye mto Zambezi. Upande huu tulikutana na watalii wengi sana.

Maajabu mengine Victoria falls imegawanyika kati ya Zambia na Zimbabwe na ndo mpaka unaotenganisha kati hizi nchi mbili. Pia, kuna daraja ambalo linatumika kama mpaka ‘Victoria falls bridge’, mbele kidogo kuna border ya Zimbabwe, ukienda mbele tena 12km unakutana na Zambezi National park, sisi tuliishia palepale border.

Jambo lingine ukifika huku utasikia kuna sehemu inaitwa ‘Devil pool’ ambayo inapatikana juu kabisa kwenye edge za mto Zambezi (Sehemu ambayo maji yanaanza kuanguka chini ndo hii pool inapatikana). Watu au watalii wengi huwa wanapenda sana kuogelea kwenye hio pool, nilijisemea ‘hawa jamaa hawako serious na lazima wana Roho ngumu’.

Tulimia kama masaa 4 kutalii maeneo haya na ndani ya muda mfupi nilitokea kulipenda sana hili eneo maana lilinavutia na mazingira yake ni mazuri, kwa upande mwingine nilikuwa nimeona kitu kipya kwenye mboni zangu, niliishia kupiga picha nyingi sana hii siku.

Saa 1 usiku tulianza safari ya kurudi Lusaka, kazi iliyokuwa imewaleta huku ilikuwa imekwisha tayari. Nakumbuka tuliingia Lusaka saa 6 za usiku maana kuna sehemu tulitumia masaa 2 kwaajili ya kupumzika na kupata dinna.

Kesho yake nilichelewa sana kuamka sababu ya uchovu wa safari na nilikuwa nikihisi njaa sana, niliamka ili nicheki chochote kitu nile. Nilikwenda dining na nilikuta chai ipo kwenye chupa imeandaliwa tayari, na muda huu nilimuona dada akitokea jikoni, baada ya kuniona alitabasamu na tukasalimiana.

SANDRA: “Nimekugongea sana leo, ulichoka sana na safari?”

MIMI: “Umejuaje? Jana tumeingia saa 7 za usiku na kule nilikuwa silali kabisa.”

SANDRA: “Kaka ameniambia mlikuwa Livingstone, hope ulienjoy.”

MIMI: “Nimeenjoy kawaida, nimepapenda pale Victoria falls, wish tungekuwa wote.”

SANDRA: “Hahahaa kaka ataniua akijua niko na kijana wake.”

MIMI: “Mzee hawezi kuharibu furaha yangu, labda wewe ukatae lakini hio sio sababu.”

SANDRA: “Unaondoka lini kwanza?”

MIMI: “Ijumaa nafikiri nitaondoka. Kesho tukatembee mjini bhasi, niyaone na mazingira na fursa za kuwekeza.”

SANDRA: “Sawa.”

Baada ya kupata chai nilimshukuru na nikarudi room kuendelea na mambo yangu, na ile kuwasha data nakutana na message kutoka kwa Mary, alikuwa akilalamika nimeondoka bila kumpa taarifa.

Nilimpigia simu ili tuongee na iliita kwa sekunde kadhaa akapokea;

MIMI: “Mambo Mummy.”

MARY: “Safi, nimekutafuta juzi na hujataka kunitafuta, na kwanini umesafiri bila kunipa taarifa?”

MIMI: “Sorry sana, nilikuwa na haraka mpaka nikasahau, I’m really sorry.”

MARY: “Insider sio kweli, kama uliweza kwenda kumuaga dada Jane?, ulishindwaje kunitumia ujumbe?”

MIMI: “Ndomana nimekuomba msamaha, kichwa changu kwasasa kimevurugwa kina vitu vingi sana, huwezi kunielewa kwasasa.”

MARY: “Not true, it’s just a matter of priorities, have a good day.” Na akakata simu.

Ukweli nilikuwa nimezingua sana kuondoka bila kumpa taarifa na sio kwamba nilifanya kusudi ila nilisahau sababu ya mambo yanayoendelea. Niliwaza ni busara nimtafute pindi kitakavyo rudi Dar ili tuongee, ila kwasasa nimuache atulie maana alionesha kuchukia waziwazi. Nilimpigia simu Jane kumjulia hali pamoja na mtoto na alisema anaendelea vizuri kabisa, na aliuliza nitarudi lini? maana amenimiss tayari.

Kwa upande mwingine wife alikuwa kanitumia ujumbe kwamba kuna plot nzuri ya kununua na tunaweza kulipa kwa awamu, alisema ni connection ambayo kapewa na mzee wake na ameshauri tuichukue maana ni potential sana na ipo Mapinga. Niliwaza pale nikaona wacha nirudi Dar kwanza ili nikaione, baada ya hapo ndo nitakwenda Dodoma kuendelea na mipango yangu.

Nilimpigia simu Iryn kwa mara nyingine tena, lakini hakuwa online na hapa sasa nilianza kupatwa na wasiwasi, nilijiuliza kwanini hapatikani? Kuna shida gani? Ni nini kinaendelea?, Au Iryn katoa mimba kwahiyo hataki usumbufu?.

Nilimpigia simu kaka Allen kumpa taarifa ya kinachoendelea kuhusu Iryn, lakini nae alinipa jibu jepesi sana, ‘eti nisiwe na wasiwasi atanitafuta tu’. Niliona bro! anazingua na sikutaka kumjibu chochote zaidi ningemvunjia heshima, nikamyamaza na kukata simu. Niliona kuendelea kumsikiliza ataniingiza shimoni, wacha nirudi Dar mapema, kisha nionane na Lucy, huenda tukapata solution.

“Kuendelea kubaki huku Zambia na wakati sijui afya yake na mtoto, nitakuwa sifanyi jambo la busara, nikirudi Dar nitafanya maamuzi magumu hata ya kwenda huko Ethiopia.”

Niliplan kuongea na mzee badae akirudi ili nimpe taarifa ya kuondoka jumatano, kwa bahati mbaya hii siku alichelewa sana kurudi na kesho yake asubuhi aliwahi sana kuondoka. Niliwaza kumpa taarifa kwa simu, lakini niliona sio heshima, hivyo nilimtumia ujumbe kumpa taarifa kuwa nina maongezi na yeye baadae.

Saa 4 asubuhi tulindoka na Sandra kwenda mjini, nilitembea mfukoni na dolla 200 kwaajili ya kutusaidia njiani, tulipitia moja ya bureau de change nikampa afanye exchange na tulipata kwacha 4,000 na point.

Tulikwenda East Park Mall ambayo ipo Lusaka, kipindi tupo pale nilimpa offa ya shopping ya nguo mpaka viatu, na aliishia kufurahi sana maana hakutegemea hii surprise. Nilienjoy sana kuwa maeneo haya, kisha tulikwenda Manda Hill Mall ipo Lusaka pia, tuliingia moja ya mgahawa jina lake unaitwa Nando’s kwaajili ya kupata lunch.

Kipindi tunapata lunch tuliendelea kupiga story za hapa na pale kuhusu Zambia, kwa upande wangu nilikuwa namdodosa ili nimjue kiundani zaidi. Kupitia story nilibaini ni mkubwa kwangu kwa miaka 2, pia ana degree ya sociology na ameajiriwa na kampuni ambayo ilimpangia kazi pale home, lakini alisema amejishikiza bado anaendelea kutafuta ajira sehemu zingine.

Sandra alinitembeza maeneo mengi sana ya Lusaka na kwa upande wangu nilienjoy sana kampani yake na tulirudi home jioni sana, kwa lengo la kuwahi kupika chakula cha usiku. Baada ya kurudi home tulikuwa wote jikoni nikimsaidia kupika na nilimpa taarifa za kuondoka, lakini bado sijaongea na mzee.

Kwa upande wake alizipokea taarifa vibaya sana maana hakutegemea kuona nikiwahi kuondoka, alitamani sana niendelee kubaki Zambia, kwa kipindi kifupi tumetengeneza mahusiano na ukaribu.

Usiku tukipata chakula cha usiku, niliongea na mzee na kumpa taarifa ya kurudi Dar, ilikuwa ni taarifa ya kushtukiza, lakini nilimwambia ni mambo ya office ndo yanafanya nirudi mapema, pia, nina safari nyingine ya kwenda Dodoma.

Mzee kwa upande wake hakukubali mimi kuondoka kesho na alisema niondoke alhamis maana nimemshtukiza, sababu alijua nitaondoka weekend. Sikuweza kupinga, hivyo ilibidi nikubaliane na mzee niondoke siku ya alhamis, alinambia kesho kuna sehemu tutakwenda wote na tutaanzia kwanza ofisini.

Kesho yake saa 3 asubuhi tuliondoka pamoja kwenda ofisini kwake kuna vitu alisema anakwenda kuviweka sawa, baada ya hapo ndo tutaondoka kwenda hio sehemu.

Baada ya kuwasili ofisini kama kawaida mama alifurahi sana kuniona na aliishia kunikaribisha ofisini kwake kwaajili ya maongezi, yeye yuko department ya marketing.

Mama alikuwa akinijali sana, alinitengeneza kahawa akaniletea, kwa kumkadiria ni mama wa miaka 45 hivi mwenye asili ya Rwanda, alionekana kujipenda kuanzia uvaaji kwa ufupi ni mashallah!.

Tulikuwa tunapiga stori nyingi sana, maana alitokea kunikubali sana. Alisema huwa anakuja sana Dar es Salaam, hivyo atakuwa ananitafuta tuonane. Wakati wa mazungumzo, nilimgusia kuhusu familia yake, na akaniambia ana watoto wawili.

Nilianza kuwaza mbali sana, huenda mzee amejiweka hapa, kukaa Zambia kwa miaka 8 bila mchepuko haikumake sense kichwani, na kile kitendo cha mama kunijali nilikuwa nazidi kupata ukakasi.

Mchana tulitoka kupata lunch tukiwa wote watatu pamoja na mama, tulikwenda moja ya mgahawa wa karibu na ofisi;

MAMA: “Kijana wako ni mstaarabu sana anajitambua.”

MZEE: “Dume langu la kwanza nalitegemea hili, limenipa na mjukuu mkubwa.”

MAMA: “Ulinambia hili, amewahi majukumu maana vijana wengi wa age yake bado wanakaa kwao na wengine hawana direction.”

MZEE: “Kwahili kama baba najivunia sana.”

MAMA: “Insider embu nioneshe picha za mjukuu wangu nimuone.”

Nilitoa simu nikampa azione picha za Junior na aliishia kufurahi pale,

MAMA: “Anaonekana mjanja sana, nikija Dar nitakuja kuwasalimia.”

MIMI: “Karibu sana.”

Baada ya kupata lunch tuliagana pale, mama alikuwa anarudi kazini, alinitakia safari njema, tukapeana namba za simu. Kwa upande wake alitamani sana niende kwake nikapajue, lakini kutokana na muda isingewezekana.

Mimi na mzee tulikwenda moja kwa moja mpaka sehemu inaitwa Leopard hill, ulikuwa ni mwendo wa nusu saa hivi, njiani nilikuwa nashauku ya kujua mzee anataka kunionesha nini?.

Baada ya kufika eneo la tukio mzee alipark gari yake chini ya mti mkubwa, nilikuwa wakwanza kushuka kwa gari, nikaanza kushangaa mazingira. Eneo lilionekana kuwa na utulivu wa hali ya juu sana, nyumba zake zilionekana kuwa ni mpya na nyingine ujenzi ulikuwa ukiendelea.

Mijengo ilikuwa imesimama sana mazingira yake ni mazuri sana, kwa Dar es Salaam tunaweza kufananisha na Mbweni/ Kigamboni, jinsi ambavyo watu wanajenga majumba ya kifahari.

MZEE: “Nimekuleta hapa ili uone kiwanja nilichonunua, nina mpango wa kuanza ujenzi mwezi wa 6 na familia yote itakuja huku.”

MIMI: “What? Unataka umtoe mama kule mkoani aje huku?”

MZEE: “Ni mke wangu yule, hata kukaa nae mbali haitakiwi ndomana nikapata wazo nimalize ujenzi ili nimchukue tuishi huku na wadogo zako wale wadogo.”

MIMI: “Na nyumba ya kule mkoani itakuwaje?”

MZEE: “Tutapangisha au wewe ukitaka ukakae ni sawa, kwasasa wewe sikuhesabii maana unafamilia tayari.”

MIMI: “Ni kweli mzee.”

Tuliendelea kuangalia kiwanja pale na ukubwa wake ulikuwa ni ekari moja na kimezungushiwa senyenge.

“Bei za viwanja huku zikoje? Kwa haya mazingira nahisi bei zitakuwa juu sana.”

MZEE: “Kwa maeneo ya huku viwanja viko juu sana hasa miaka ya hivi karibuni, asilimia kubwa wageni na matajiri ndo wanajenga sana huku. Mimi nilinunua hiki kiwanja toka 2018, huku kulikuwa bado porini, kipindi kile viwanja vilikuwa ni cheap sana, na aliyenisaidia mpaka napata hiki kiwanja ni Manager wetu ila hayupo, amekwenda likizo.”

MIMI: “Ni kizuri sana, kwahiyo maisha yako yote utamalizia huku Zambia?.”

MZEE: “Nimeshakaa miaka 8 huku, tayari ni nyumbani, sioni sababu ya kurudi Tanzania.”

Tulishinda pale mpaka jioni maana mzee alikuwa anafanya vipimo vyake, mimi haya mambo sijui kwakweli, nilikuwa namsaidia tu pale huku tunapiga story za hapa na pale.

Baada ya kumaliza tulikwenda moja ya bar tukatulia kwaajili ya kupata dinna na kupata moja mbili tatu, story na mzee ziliendelea;

MZEE: “Ninafurahi kuona umekua mtu mzima sasa na una akili ya maisha, na ushukuru sana Mungu umepata mke mzuri na anayejitambua. Sikuzote familia bora inaanzia kwenu nyinyi wawili, mkishindwa kuelewana na kuishi vizuri, mtatengeneza kizazi cha hovyo sana.”

MIMI: “Ni kweli mzee kwa hili upo sahihi kabisa.”

MZEE: “Kuwa makini sana na wanawake wa nje, watakuharibia familia yako usipokuwa makini.”

Nikajisemea mzee anaongea nini sasa;

MIMI: “Siwezi kufanya mistake kwenye hili jambo, ahsante kwa ushauri.”

MZEE: “Wewe ushakuwa mtu mzima tayari na unaonesha njia nzuri kwa wadogo zako, naomba muendelee kupendana na kushikamana kama ndugu, hata pindi sisi hatupo duniani, bhasi familia inakuwa ipo sehemu salama.”

MIMI: “Sawa mzee kwa hili ondoa wasiwasi, lazima nihakikishe madogo nao wanatoboa.”

MZEE: “Violet ni dada yenu msimtupe pia, hata kama kaolewa, ni binti yangu, muendelee kuwa pamoja. Nina mpango Pasaka hii au ikishindika Christmas tukutane pamoja kwaajili ya kusherehekea.”

MIMI: “Ni wazo zuri, sisi hatuna shida tunakusikiliza wewe, nina ratiba ya kwenda home na familia Pasaka hii.”

MZEE: “Nitaangalia ratiba zangu, kisha tutawasiliana.”

MIMI: “Ahsante sana mzee mimi nimefurahi sana kukuona na kukaa hivi pamoja, ni muda mrefu sana umepita.”

MZEE: “Huku tumekuwa na muda wa kukaa sana pamoja, kipindi kile Dar nilikuwa nina haraka sana.”

MIMI: “Inshort nime enjoy sana, niwe mkweli na nimetokea kukupenda sana huku.”

MZEE: “Suala la mipango ya kufanya biashara huku, subiri kwanza mama yako aje ili iwe rahisi kukuangalizia project zako na zangu pia.”

MIMI: “Hili wazo zuri sana, tuendelee kuomba uzima naamini penye nia pana njia.”

MZEE: “Nikuombe sana ukawe baba mzuri kwenye familia yako, hakikisha Junior anakua katika misingi yako, malezi ya sasa yanachangamoto sana, ukifananisha na zamani. Heshima ya mwanaume ni familia na watoto ndo baraka, kama mimi navyojivunia sasa kuwa na wewe, badae iwe wewe kwa Junior.”

Tuliongea mambo mengi sana na mzee, kwa upande wangu nilikuwa nimepata kitu kikubwa sana kutoka kwake, na sikujutia kuja Zambia. Mzee alinishauri mambo mengi sana muhimu na ya msingi na tuliishia kuondoka kurudi home ili nikajiandae kwaajili ya safari.

Kesho yake niliwahi kuamka kwaajili ya kujiandaa na safari maana nilikuwa nategemea kuondoka na flight ya saa 8 mchana. Asubuhi Hilda anilipigia simu kunipa taarifa kuwa anaona kampuni inamuelemea sana, kwani anaona ofisi haina muelekeo. Habari nyingine mbaya aliyonipa ni kuhusu stock, ilikuwa inaishia afu hajui kama mzigo umeagizwa au laah, niliona ni changamoto sana, hivyo nilimwambia najiandaa kurudi Dar, na pindi nitakavyo land, nitamtafuta ili tuongee.

Nilimuachia ofisi Hilda katika kipindi kigumu sana ukizingatia hana experience ya kutosha, mbaya zaidi maboss wote mpaka mimi hatuko katika maelewano mazuri. Nilifikiri sana nikaona kuna haja ya kufanya something ili kuinusuru kampuni katika kipindi hiki kigumu.

Mzee aliondoka mapema kwenda kazini, alisema atarudi mapema kunichukua kunipeleka airport, hivyo niendelee kujiandaa. Kwa upande mwingine Sandra alikuwa amefika home na nilianza kupiga nae story za mwishomwisho huku namsubiri mzee.

Sandra kwa upande wake alikuwa haamini kama kweli naondoka leo, ukizingatia ndani ya muda mfupi tuliokuwa pamoja tulishakuwa na mahusiano mazuri sana. Nilimwambia siku aje Dar kutembea na apajue home, aliishia kukubali na alisema atafanya hivo, alisisitiza sana nisimdanganye kwa hili maana hajawahi fika Dar.

Saa 6 mchana mzee alirudi kunichukua, kabla ya kuondoka nilimuaga Sandra kwa kumkumbatia, tukabadilishana namba za simu na nikaondoka. (Sandra ni moja ya marafiki zangu wakubwa sana mpaka sasa, ameshaniconnect na rafiki zake wengi sana ambao wanakuja Dar).

Tuliondoka kwenda airport baada ya kuwasili, mzee aliomba nimpe akaunti yangu ya bank ili aniwekee pesa za matumizi ya mjukuu wake. Nilimpa akaunti ya Junior ili aziweke pesa huko maana zilimlenga yeye hivyo, sikuona sababu ya kuziweka kwangu.

Mzee aliniaga maana alikuwa anawahi kurudi kazini na mimi nikaenda kucheck in, lakini sasa niliambiwa ndege itachelewa kuondoka na itabidi tusubiri kwa masaa 2. Sikuwa na jinsi zaidi ya kuendelea kushangaa pale airport, baada ya masaa 2 na nusu ndo tulianza safari ya kurudi Dar, tuliwasili JNIA saa 2 za usiku, nikarequest bolt na kuanza safari ya kurudi home.

Baada ya kurudi home jambo la kwanza kufanya, nilimpigia simu Hilda kumpa taarifa kuwa nimerudi na kesho tutaonana kwaajili ya maongezi.
*****
Click to expand...
hii 'story' ya zambia ni mimi peke yangu au na nyie wenzangu mmegundua ni 'kamba'?
 
INSIDER MAN said:
Thanks God result imetoka vizuri mpaka sasa nina 1st class imenyooka, still hata research ikija vibaya nina uhakika wa 1st class.

Mwakani sikosi cheti cha Best student 🙏

Kwa kusherehekea results, kesho tutaendelea na mwendelezo.
Click to expand...
Nasubiri Mtanange wa Sister v Iryn sijui nani alishinda🤦🏻‍♂️
 
dong yi said:
hii 'story' ya zambia ni mimi peke yangu au na nyie wenzangu mmegundua ni 'kamba'?
Click to expand...
Ni wewe peke yako, maeneo yote nayajua hakuna alikokosea hata moja, kujichanganya kupo kwa mgeni, but yuko sahihi. Nandos restaurant nimeshapata dinna pale, maeneo karibu yote nayajua. Victoria falls amekwenda mlemle,
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register