Yani hii jinsia ina shida sana halafu mkiambiwa ukweli mnakimbilia kuwatukana wanaowaambia ukweli badala ya kujibu hoja, hivi kwanini huwa mnapenda kujiona watakatifu sana na kuwatupia lawama wanawake kwenye kila kitu, sasa ugomvi wa baba na mama unahusiana nini na watoto
Baba anapomkosea mama mbona huwa mnataka watoto wasiingilie kati wala wasiwaone ninyi wabaya, kwa kusema kuwa ugomvi wa wazazi wao hauwahusu ila mama anapomkodea baba basi huo ugomvi unawahusisha mpaka watoto, kwa kusitishiwa huduma ambazo ni haki yao ya msingi na wajibu wako wewe kama baba
Wanawake wanaweza kuwa wabinafsi ila hata siku moja hawawezi kuwa wabinafsi kwa watu wanaowapenda hasa watoto wao wa kuwazaa, hizo hela mnazowatumia mnaona kama wanazifaidi sana siyo, kama wangekuwa wanatumia hizo hela za matunzo vibaya hao watoto wangeishije sasa
Kwenye cases kama hizi kiuhalisia ninyi wanaume ndio wabinafsi kwa sababu hamyafikirii majukumu aliyonayo mwanamke kwa watoto, ukiachilia mbali kubeba mimba, kuzaa, kunyonyesha (maana hayo mnasingizia ni majukumu ya kimaumbile), bado kuna jukumu la kuwalea hao watoto toka wakiwa wachanga hadi watakapoweza kujitegemea, mfano kuwalisha, kuwasafisha, kuwauguza wakiumwa je mnawasaidia hayo
Hayo majukumu siyo ya kimaumbile hata ninyi mnaweza kuyafanya lakini hamko tayari kuyafanya, hata mkiachiwa hao watoto mtaishia kuwapa wanawake wengine wawalelee, ilihali wakiwa kwa mama zao mnategemea mama zao ndio wawalee na hapo hapo wawatafutie pesa wakati huo ninyi wanaume mkiwa mmebweteka tu
Hebu acheni kutafuta visingizio vya kukwepa majukumu yenu ugomvi wenu hauwahusu watoto, hata hao wanawake wawakosee vipi tafuteni namna ya kuhudumia watoto wenu acheni kuplay victims na kutafuta sympathy, hakuna namna mtakwepa kuonekana hamna hatia kwa kuwatelekeza watoto wenu hata msemeje timizeni wajibu wenu
Hayo mambo ya baraka za kina baba sijui malezi mabaya ya kina mama ni propaganda kama propaganda nyingine tu kuna watoto wengi wamefanikiwa huku wakiwa na uhasama na baba zao, na kuna watoto wengi wamelelewa na single mothers na wamekuwa na maadili mema usitake kulazimisha mawazo yako ndio yawe uhalisia, tena usivyo na aibu unaandika kwa kujiamini kabisa kana kwamba uliambiwa wote unaowaandikia humu ni watoto wa primary wasiojua maisha ya mahusiano na ndio wanaanza kujifunza kupitia maandiko yako