abulaaliyah77
JF-Expert Member
- Oct 13, 2021
- 1,750
- 1,158
Jiwe alishasema hapangiw
Watendaji wengi ambao hayati Magufuli alikuwa akiamka ama usiku wa manane akiwafurumusha hatimaye wengi wanarejeshwa kwa kasi tena wakipanda vyeo maradufu. Kwa uchache
1. Lawrence Mafuru alifurumushwa kutoka msajili hazina kwa kupinga kuwa hakuna mkurugenzi anayelipwa milioni 15. Leo amepandishwa cheo hadi kuwa Naibu Katibu Mkuu Wizara ya Fedha ambayo hazina ipo chini yake.
2. Felschemi Mramba alifurumushwa kutoka ukurugenzi mkuu wa Tanesco leo ni katibu mkuu nishati ambayo Tanesco ipo chini yake.
3. Nape Mosses Nnauye alifurumushwa kutoka waziri wa habari na michezo. Leo kateuliwa kwenye nafasi ile ile.
Pia wapo watu wa karibu sana na hayati ambao walikuwa wakiaminika naye sana na walipewa kipaumbele huku tukiaminishwa kuwa upigaji umetokomezwa serikalini na kila fedha sasa inaenda sehemu sahihi. Cha ajabu mwaka mmoja baada ya Magufuli kufariki watu hao wamefurumushwa kwa kasi ya ajabu.
1. Uongozi wote wa wizara ya nishati na Tanesco uliokuwa umesimikwa na hayati umeondolewa na sasa wamerejeshwa wale waliokuwa wakiongoza hapo kabla. Nini tatizo?
2. Ndugu wa karibu wa hayati bwana Dotto James aliyekuwa hazina hapo kabla alihamishwa kwenda viwanda na biashara na sasa amefurumushwa kabisa. Nini tatizo?
3. Mawaziri pendwa wa hayati kina Kabudi, Kitila, Lukuvi wamefurumushwa. Hata waliobaki ni kama hawana amani.
4. Chawa wote wa hayati kwa sasa wameufyata kweli kweli kuanzia mitaani, kwenye media mpaka maofisini. Kwa ufupi ni kuwa wazee wa kutetea legacy wamepigwa ganzi vibaya mno.
Mradi pendwa wa hayati wa bwawa la umeme alilolipa jina la Nyerere unaenda kwa kusua sua mno na ni kama January Makamba hana mzuka nao. Hauongelei na wala haupi kipaumbele.
Vitambulisho vya machinga hatimaye vimezikwa na hakuna anayejishughulisha navyo tena.
Cha ajabu wakati anatumbua na kufanya haya yote msaidizi wake mkuu alikuwepo na huyo msaidizi alipochukua tu hatamu ameyabadilisha kwa kasi ya ajabu! Lipo tatizo tena kubwa. Sasa kuliko kuficha ficha moto kwa blanketi ni bora tukaambiwa mapema ikiwa hayati alibugi pakubwa.