Kampuni ya MOFAT ya Tanzania yapewa tenda ya kuendesha Mwendokasi kipande cha Gerezani-Mbagala kwa miaka 12

Kampuni ya MOFAT ya Tanzania yapewa tenda ya kuendesha Mwendokasi kipande cha Gerezani-Mbagala kwa miaka 12

DART YAPIGA HATUA: FURSA KAMPUNI YA KIZAWA MOFAT YAPEWA MKATABA WA KUENDESHA MWENDOKASI KUTOKA GEREZANI - MBAGALA KWA MIAKA 12

Na Mwandishi wetu

KAMPUNI ya Kizalendo ya Mofat imepewa mkataba wa miaka 12 na Wakala wa Mabasi Yaendayo Haraka Dar es Salaam (Dart) kwa ajili ya kuendesha Awamu ya Pili ya mfumo wa Mabasi Yaendayo Haraka (BRT), unaotoka Gerezani hadi Mbagala.

Kampuni hiyo ya Kizalendo ya Mofat inatarajiwa kuanza kutumia mabasi 255 yanayotumia gesi ifikapo Agosti 2025.

Akizungumza hayo hivi karibuni Mkurugenzi Mtendaji wa Dart, Dkt. Athuman Kihamia, alithibitisha kuhusu mkataba huo jana katika mahojiano ya simu akiwa nje ya nchi.

Alisema maendeleo yanakuja wakati serikali ikihamia rasmi katika kuhamisha uendeshaji wa awamu ya kwanza na ya pili ya mfumo wa BRT kwa sekta binafsi, ikiwa ni juhudi za kuongeza ufanisi na kushughulikia changamoto za muda mrefu za usafiri kwa wakazi wa jiji la Dar es Salaam.

''Hii ni kampuni ya kizalendo na tayari imepata mitaji na dhamana zinazohitajika kuendesha huduma hii.

"Hivyo hii ni hatua kubwa katika juhudi zetu za kutoa huduma za usafiri wa uhakika na bora kwa wakazi wa jiji. Kampuni hiyo imejitolea kuleta mabasi ndani ya muda tuliokubaliana,"alisema Dkt. Kihamia.

Mwelekeo wa kuwashirikisha zaidi waendeshaji wa ndani ulisisitizwa pia Jumatatu na Msajili wa Hazina, Nehemiah Mchechu, aliyewaambia wahariri jijini Dar es Salaam kuwa Dart sasa inalenga kuvutia wawekezaji zaidi—hasa kwa kuwa ujenzi wa Awamu ya Kwanza na ya Pili umekamilika, huku Awamu ya Tatu ikitarajiwa kukamilika mwishoni mwa mwaka huu.

Kwa mujibu wa mfumo mpya, mfumo wa BRT utaendeshwa na kampuni kati ya nne hadi sita, badala ya mfumo wa sasa wa mtoa huduma mmoja unaoongozwa na UDA Rapid Transit (Udart).
Mbona unakazania uzalendo? what is uzaledo? Kuuza mali za watanganyika?
 
Tujifunze kutofautisha kati ya uzalendo na uzawa. Hiyo ni kampuni ya kizawa au wazawa sio ya kizalendo, japo kulingana na utendaji wake inaweza hapo badae kupata hiyo hadhi ya kizalendo
 
Kumnanga mtu sio hoja
Ni hoja,huyo atapinga kila kitu cha serikali,kuanzia sgr,bwawa la nyerere,daraja busisi,ruzuku kilimo, irrigation schemes,elimu bure mpaka sekondari, wawekezaji wa nje, wawekezaji wa ndani etc
 
Ni hoja,huyo atapinga kila kitu cha serikali,kuanzia sgr,bwawa la nyerere,daraja busisi,ruzuku kilimo, irrigation schemes,elimu bure mpaka sekondari, wawekezaji wa nje, wawekezaji wa ndani etc
Matumizi ya kodi za wananchi kuwaletea maendeleo japo ni kidogo atapingaje mfano 🤔
 
Back
Top Bottom