Waufukweni
JF-Expert Member
- May 16, 2024
- 5,383
- 18,776
Kesi ya Uhaini ya Lissu inaendelea huku John Heche akitarajiwa kuendelea kutoa ushahidi Mahakamani Sept. 11. 2026 ambapo jana Septemba 10 Mahakama Kuu ilikataa ombi la mshtakiwa Tundu Lissu la kuwaita baadhi ya mashahidi wa utetezi katika Kesi ya Uhaini Na. 19605/2025, ikieleza kuwa ushahidi wao hauna umuhimu kwani wajibu wa kuthibitisha kosa ni wa Jamhuri.
Aidha, Mahakama imeamuru kutolewa kwa wito (summons) kwa Mkuu wa Majeshi ya Ulinzi na Usalama (CDF) Jenerali Jacob Mkunda, Mkuu wa Jeshi la Polisi (IGP) Camillus Wambura na Mkurugenzi wa Makosa ya Jinai (DCI) Ramadhani Kingai ili wafike kutoa ushahidi upande wa utetezi. Kesi imeahirishwa hadi Septemba 11, 2026
Kutoka Mahakama Kuu ya Tanzania, Masjala ndogo ya Dar es salaam kwenye kesi ya uhaini inayomkabili Mwenyekiti wa CHADEMA, Tundu Lissu na kuulizia kama salamu zake za rambirambi zimefika kwa Samia aliyefiwa na Mume wake.
Mahakama imeanza na leo tunaendelea na Sehemu ya 398
Mahakama Kuu ya Tanzania, Masjala ya Dar es Salaam, kesi ya uhaini inayomkabili Mwenyekiti wa Chadema, Tundu Lissu, inaendelea kwa shahidi wa tano wa utetezi kuendelea kutoa ushahidi wake. Shahidi huyo wa tano ni John Heche, ambaye kama kawaida alishawasili hapa mahakamani asubuhi na mapema sana, majira ya saa moja na nusu.
Mwenyekiti wetu Mhe. Tundu Lissu pia amewasili tayari ndani ya Ukumbi wa Mahakama.
Majaji pia wameingia, watu wote wakiwa wamesimama.
Mwenyekiti alikuwa kama na Dakika tatu za kusalimiana humu ndani kwa kuwaita wa watu kwa Majina kama kawaida yao.
Anasimama Wakili wa Serikali Ajuaye kutambulisha mawakili wa Serikali waliopo.
Anasema wao wapo tayari.
Mhe. Lissu kaulizwa kama yupo tayari, kajibu yupo tayari.
Shahidi anaambiwa apande Kizimbani so anaelekea kwenye kizimba cha kutolea ushahidi.
Lissu: Waeleze Majaji kwenye simu aliyokupigia Amani Golugwa alikuambia nini hasa.
Heche: Waheshimiwa Majaji Simu aliyonipigia Amani Golugwa alikuwa ananipa taarifa ya kuhudhuria Mkutano na watiania
Lissu: Waeleze Majaji Amani Golugwa alikuambia lengo la kukutana na watia nia ni nini?
Heche: Lengo la kukutana na watia nia ni kuendelea kufafanua kuhusu msimamo wa chama wa No Reforms No Election
Lissu: Waeleze majaji, Amani Golugwa alikuambia mkutano huo umeandaliwa na nani na utafanyika wapi?
Heche: Aliniambia Mkutano umeandaliwa na Sekretarieti ya Chama chini ya Katibu Mkuu na utafanyika Makao Makuu ya Chama Mikocheni Dar es Salaam.
Lissu: Sasa shahidi, tuhuma inayonikabili hapa Mahakamani inadai kwamba mimi ndio niliandaa huo mkutano, wewe unasemaje
Heche: Waheshimiwa Majaji hilo sio kweli, kwasababu Lissu hakuandaa mkutano mimi na yeye tulikuwa ziarani wala hakuhusika.
Lissu: Waeleze Majaji alikuambia nini juu ya waalikwa wengine nje ya watia nia.
Heche: Aliniambia kwamba Sekretarieti imeshaandaa mkutano na waalikwa wengine wote kupitia sekretarieti.
Lissu: Waeleze Majaji Amani alikuambia hao waalikwa wengine ni wakina nani
Heche: Hakufafanua kwa undani wageni wengine lakini aliniambia wapo waalikwa wengine.
Lissu: Tuhuma dhidi yangu zinasema kuwa mimi nilialika waandishi wa habari kwenye huo mkutano wewe unasemaje?
Heche: Hilo nalo sio kweli kwasababu maandalizi yote yalifanywa na Sekretarieti na sisi tulikuwa ziarani kwahiyo Lissu hakuhusika kabisa
Lissu: Waeleze Majaji hiyo tarehe 3/4/2025 wewe ulikuwa wapi.
Heche: Siku ya tarehe 3/4/2025 mimi pia nilikuwa miongoni mwa viongozi walioshiriki na nilipata nafasi pia ya kuzungumza kwenye huo mkutano uliofanyika makao makuu ya chama Mikocheni.
Lissu: Waeleze majaji viongozi wengine waliokuwepo kwenye huo mkutano
Heche: Alikuwepo Mwenyekiti Chadema Taifa Tundu Lissu, Makamu Mwenyekiti Chadema Zanzibar, Nilikuwepo mimi, Katibu Mkuu John Mnyika, Naibu Katibu Mkuu Amani Golugwa, Naibu Katibu Mkuu Zanzibar, Brenda Rupia Mkurugenzi wa Habari, Wakurugenzi wa chama, Mwenyekiti wa Kanda ya Pwani Boniface Jacob pamoja na watia nia wenyewe waliotoka maeneo mbalimbali
Lissu: Waeleze Majaji nje ya viongozi na watia nia uliowataja, eleza uwepo wa watu wengine
Heche: Nakumbuka uwepo wa watu wengine nje ya hao niliowataja, kulikuwepo na waandishi wa habari, Mchungaji na Sheikh ambao waliomba ndio tukafungua kikao
Lissu: Waeleze majaji waandishi wa habari walikuwa wangapi
Heche: Waandishi wa habari walikuwa wengi kutoka vyombo mbalimbali idadi kamili sikumbuki na sikuwa na interest ya kuhesabu
Lissu: Waeleze Majaji hao waandishi wa habari walikuwa na nini
Heche: Walikuwa na camera, notebook, kalamu, vinasa sauti na vifaa vingine vya utendaji kazi vya waandishi wa habari
Lissu: Waeleze majaji idadi ya watu waliokuwepo kwenye huo ukumbi
Heche: Walikuwa watu wengi sina hakika ya idadi ya namba ila ni zaidi ya watu 200.
Sehemu ya 399
Makam Mwenyekiti John Heche anaendelea kutoa ushahidi wake.
Mhe. Lissu: Waeleze Majaji huo Mkutano ulifunguliwa na nani?
Heche: Ulifunguliwa na Sekretarieti kwa maana ya Katibu Mkuu, alianza kuzungumza na baadae kutukaribisha sisi viongozi kwa hierarchy.
Mhe. Lissu: Waeleze Majaji baada ya Katibu Mkuu kuzungumza alimkaribisha nani?
Heche: Alinikaribisha mimi nikazungumza kidogo na nikakukaribisha wewe Mwenyekiti
Mhe. Lissu: Mkutano ulichukua muda gani?
Heche: Masaa zaidi ya manne
Mhe. Lissu: Waeleze Majaji mimi nilizungumza kwa muda gani
Heche: Waheshimiwa majaji mwenyekiti Tundu Lissu alizungumza zaidi ya masaa mawili.
Mhe. Lissu: Sasa shahidi maneno ninayoshtakiwa nayo yanasema hivi (Lissu anasoma maneno ya kwenye hati ya mashtaka), anauliza swali sasa, hayo maneno niliyoyasoma yamechukua muda gania?
Heche: Hayajamaliza hata dakika moja
Mhe. Lissu: Waeleze majaji katika hotuba yangu kama maneno niliyozungumza ni haya tu niliyoyasoma kwenye hati ya mashtaka
Heche: Waheshimiwa majaji hotuba ilikuwa na maneno mengi sio hayo tu uliyoyasoma kwenye hati ya mashtaka.
Mhe. Lissu: Waeleze majaji maneno mengine niliyozungumza
Heche: Alizungumza kuhusu mfumo wetu wa uchaguzi jinsi ulivyo mbovu, hauku huru, umeharibiwa, namna ambavyo hauwezeshi wananchi kupata viongozi wanaowataka, namna ambavyo ni vigumu kwa mgombea wa upinzani hasa Chadema kufanikiwa kushinda uchaguzi hata kama anakubalika.
Aliezelea namna ambavyo mfumo unasababisha maafa na mauaji hasa wakati wa Uchaguzi, namna ambavyo mfumo huu unapendelea chama kimoja cha CCM kuanzia uchaguzi wa Rais mpaka madiwani na uchaguzi wa serikali za mitaa.
Alieleze namna ambavyo Polisi na Vyombo vya Dola na watumishi wa umma wanatumika kuharibu Uchaguzi, kwa ujumla alieleza namna mfumo usivyo huru na hautendi haki na unavyopaswa kubadilishwa kabla ya uchaguzi mwingine kuendelea.
Mhe. Lissu: Waeleze Majaji nilisema nini hasa kuhusu kinachopaswa kubadilishwa
Heche: Waheshimiwa Majaji, alizungumza kinachopaswa kubadilika ni mabadiliko ya Kikatiba na kisheria yanayosimamia chaguzi zetu. Mabadiliko ya namna ya kupata wawakilishi hasa Wabunge na mgawanyo wa majimbo.
Mhe. Lissu: Waeleze Majaji nilisema nini juu ya namna ya kuondoa maafa wakati wa uchaguzi?
Heche: Waheshimiwa Majaji, alisema namna ya kuondoa maafa ni kutengeneza mfumo wa uchaguzi ambao hauna upendeleo ambao ni huru na Haki unaotoa mazingira ya ushindani sawia bila kupendelea.
Mhe. Lissu: Waeleze Majaji nilisema nini juu ya mabadiliko yanayotakiwa kwenye Tume ya Uchaguzi.?
Heche: Alisema ni kutengeneza muundo mpya wa Tume ambao haumpi mamlaka Mwenyeti wa CCM kuunda na kutengeneza Tume kwahiyo kuwe na mfumo mpya kuanzia ngazi ya Taifa mpaka kwenye kata ili Tume iwe na watumishi wake wanaojitegemea isiwe inaazima watumishi wa Serikali ambao wote wanachukua maelekezo kutoka kwa waajili wao na hiyo Tume ndio iwe na mamlaka ya kugawa majimbo kulingana na vigezo vinavyofaa na sio upendeleo.
Mhe. Lissu: Waeleze majaji kwenye Hotuba yangu nilisemaje kuhusu kampeni za uchaguzi?
Heche: Tundu Lissu alitoa mifano namna ambavyo kampeni za Uchaguzi zinavyovurugwa na vyombo vya dola kama Polisi, Tume yenyewe ya Uchaguzi kupitia Kamati za Maadili na alitoa mfano wa namna yeye alivyosimamishwa kufanya kampeni za uchaguzi mkuu wa 2020 na wagombea wetu wengi namna wanavyopata matatizo wakati wa kampeni.
Mhe. Lissu: Waeleze majaji kuhusu wagombea wa vyama vya upinzani kuenguliwa hasa wa Chadema.
Sehemu ya 400
Makam Mwenyekiti John Heche anaendelea kutoa ushahidi wake.
Heche: Lissu alieleza kwa kirefu kuhusu wagombea wa upinzani wanavyoenguliwa kwasababu zisizo za kisheria wala za kikatiba na akaeleza kwamba kwenye uchaguzi wa 2020 ndio ulivunja rekodi kwa wagombea wengi wa upinzani kuenguliwa na hivyo CCM kupita bila kupingwa.
Akatoa mifano kuwa hiyo engua engua inawanufaisha CCM kwasababu hata mgombea wa kitongoji wa CCM hajawahi kuenguliwa, akawa anatoa mfano wa Suzani Limbweni Kiwanga aliyekuwa mgombewa wa Jimbo la Mlimba namna alivyoenguliwa na alikuwa mbunge wa jimbo hilohilo mwaka 2015.
Alitoa ifano ya Uchaguzi wa Serikali za mitaa wa 2024 kuwa ulivunja rekodi zote za engua engua na kwamba hata kama tutaenda kwenye Uchaguzi na tukaenguliwa wote sasa hapo tutakuwa tumeshiriki nini, hivyo haikuwa na maana ya sisi kushiriki halafu tukaenguliwa wote.
Mhe. Lissu: Waeleze majaji nilisema nini kuhusu mawakala wa vyama na wagombea?
Heche: Lissu alieleza kuwa wakala anapaswa kuwa muwakilishi wa mgombea na Chama chake lakini sasa taratibu zimewekwa ngumu kuanzia namna ya kuwaapisha na kupewa utambulisho, wengi wanakuwa wanafungiwa nje wanazuiliwa kuingia kwenye vituo na wengine kukamatwa na polisi na hivyo wagombea na Chadema kukosa mawakala kwenye vituo.
Mhe. Lissu: Waeleze Majaji nilisema nini kuhusu yanayotokea siku ya uchaguzi?
Heche: Lissu alieleza namna ambavyo usumbufu unakuwepo siku ya uchaguzi, namna ya wapiga kura kupata majina yao, mara jina halionekani , mara limewekwa kituo kingine.
Alielezea pia namna ambavyo kura zisizo halali zinavoingizwa kwenye vituo vya kupigia kura, namna ambavyo mawakala wananyimwa fomu za matokeo na fomu za kujaza malalamiko wanayoyaona kwenye vituo vya kupigia kura lakini pia namna ambavyo majumuisho yanavyofanyika na kura kutangazwa ambazo sio halali.
Shahidi anakumbukumbu ni kama ile Hotuba yote ya Mhe. Lissu ipo kichwani.
Mhe. Lissu: Waeleze Majaji nilisema nini kuhusu kupinga mambo haya mahakamani???
Heche: Lissu alieleza namna ambayo ni ngumu na watu mbalimbali wamejaribu kupinga mambo haya kupitia njia za Kimahakama.
Lakini pia alieleza namna ambavyo hata ushahidi ni mgumu kuupata maana unakuwa umeharibiwa, ugumu wa fomu za matokeo maana zinakuwa zinaharibiwa na wasimamizi wa uchaguzi, alieleza pia gharama kubwa ambazo zinatakiwa kulipwa na wagombea au walalamikaji wanapotaka kufungua kesi ambavyo wanakuwa hawawezi.
Akaeleza pia wingi wa kesi ambazo zingefunguliwa mfano wakati wa uchaguzi wa 2024 ambapo vijiji tu ni zaidi ya elfu kumi na saba ambavyo uchaguzi uliharibiwa kwahiyo isingekuwa rahisi kwa Chama kufungua kesi akamalizia kwamba kupitia kesi ya Mtikila Mahakama ilisema kwamba matatizo ya kisiasa yanapaswa kutatuliwa kisiasa sio lazima yaende Mahakamani.
Waheshimiwa majaji alisema pia kwamba kupitia kesi ya Dr. Amani Walid Kabourou ilisema kwamba uchaguzi ambao sio huru na haki sio Uchaguzi.
Mhe. Lissu: Waeleze Majaji nilisema nini kuhusu hoja ya kuahirisha uchaguzi wa mwaka jana??
Heche: Waheshimiwa majaji Lissu alisema kwamba sisi kama chama tuko tayari Uchaguzi usogezwe mbele yafanyike kwanza mabadiliko ya kikatiba na kisheria yatakayoruhusu Uchaguzi huru na wa haki ili kuepusha maafa kama mauaji, utekaji, watu kujeruhiwa na kwamba Uchaguzi ukisogezwa mbele wananchi watapata haki ya kuchagua viongozi wanaowataka.
Sehemu ya 401
Makam Mwenyekiti John Heche anaendelea kutoa ushahidi wake.
Mhe. Lissu: Waeleze majaji utofauti wa hotuba yangu ya tarehe 03/04/2025 na hotuba za mikutano ya hadhara na tulipokutana na wadau.
Heche: Hotuba ya tarehe 03/04/2025 ni iileile na hotuba na wadau na mikutano ya hadhara hakuna utofauti labda ni maneno tu lakini alizungumzia matatizo ya uchaguzi na namna ya kuyarekebisha.
Mhe. Lissu: Kuna ushahidi umeletwa hapa kuwa mkutano wa tarehe 03/04/2025 ulilushwa live?
Heche: Mimi nilikuwa ndani kwenye mkutano sina ufahamu kama ulikuwa live au haukuwa live lakini waandishi wa habari walikuwepo kwenye mkutano.
Mhe. Lissu: Waeleze majaji kuhusu recordings za mkutano huo wa Tarehe 03/04/2025 kama uliona kwenye Jambo Tv??
Heche: Niliona kwenye YouTube channel mbalimbali kama Mwanzo, the Chanzo na hata Jambo TV niliona.
Mhe.Lissu: Waeleze majaji hicho ulichoona katika YouTube ya Chanzo, Mwanzo na Jambo TV zina urefu wa muda gani?
Heche: Kwenye Jambo TV ipo kama takribani masaa mawili, Chanzo ipo video ya dakika 45, na Mwanzo Tv kama dakika 60 hivi au lisaa na kitu yaani ziko tofauti tofauti.
Mhe. Lissu: Waeleze Majaji uwepo wa maneno haya (Lissu anasoma maneno ya kwenye hati ya mashtaka… wanasema msimamo huu unaashiria uasi … tutaenda kukinukisha sana sana),
Heche: Ni miongoni mwa maneno ambayo yapo niliyoyasikia
Mhe. Lissu: Waeleze majaji yale uliyoyazungumzia kwenye ushahidi wako kama yapo.
Heche: Yapo maneno hayo niliyoyasema kwenye ushahidi wangu kama vile kuepusha maafa, engua engua ya wagombea na mengine mengi maana ni hotuba ya masaa mengi.
Mhe. Lissu: Shahidi shtaka ambalo nashitakiwa nalo linaeleza kwamba mimi ndio nilichapisha hayo maneno Jambo Tv wewe unasemaje?
Heche: Waheshimiwa Majaji, sio kweli kwasababu Lissu sio mfanyakazi wa jambo TV na kuna Shahidi wa Jamhuri yule wa kwenye kiboksi humu alisema yeye ndio aliyechapisha, anaitwa P ni shahidi wa 17 wa Jamhuri.
Mhe. Lissu: Waeleze Majaji juu ya mimi kufanya chochote kwenye Mkutano huo zaidi ya kuzungumza???
Heche: Mwenyekiti wetu, Tundu Lissu hakugusa kitu chochote zaidi ya kuzungumza, hakugusa kamera wala radio.
Mhe. Lissu: Waeleze Majaji uwepo wa kosa la uasi kwenye Katiba ya Tanzania??
Heche: Sina ufahamu wa uwepo wa kosa lolote la uasi kwenye katiba.
Mhe.Lissu: Waeleze Majaji uwepo wa kosa la kuhamasisha uasi kwenye Katiba ya Tanzania.
Heche: Sina ufahamu wowote wa kosa la kuhamasisha uasi kwenye Katiba.
Mhe. Lissu: Waeleze majaji kwa ufahamu wako uwepo wa kosa la kuvuruga uchaguzi kwenye Katiba.
Heche: Sina ufahamu wa uwepo wa kosa la kuvuruga uchaguzi kwenye katiba
Mhe. Lissu: Waeleze Majaji kuhusu uwepo wa kosa la kuzuia uchaguzi kwenye Katiba
Heche: Kwa ufahamu wangu hakuna uwepo wa kosa la kuzuia uchaguzi kwenye katiba.
Mhe. Lissu: Waeleze majaji kwa ufahamu wako uwepo wa kosa la kuhamasisha watu kuzuia uchaguzi?
Heche: Kwa ufahamu wangu hakuna uwepo wa kosa la kuhamasisha watu kuzuia uchaguzi kwenye Katiba.
Mhe. Lissu: Waeleze majaji ufahamu wako kuhusu uwepo wa kosa la kukinukisha kwenye katiba hii?
Heche: Kwa ufahamu wangu hakuna uwepo wa kosa la kukinukisha kwenye Katiba
Mhe. Lissu: Waeleze Majaji kwa ufahamu wako wako uwepo wa kosa linaloitwa kuzuia watu kwenda kupiga kura kwenye Katiba.
Heche: kwa ufahamu wangu hakuna kosa hilo kwenye katiba.
Mhe. Lissu: Waeleze Majaji uwepo wa kosa la uasi au rebellion kwenye Kanuni ya Adhabu.
Heche: Kwa ufahamu wangu sifahamu uwepo wa kosa la rebellion kwenye Sheria
Mhe. Lissu: Waeleze Majaji kwa ufahamu wako uwepo wa kosa la kuhamasisha uasi kwenye Penal Code.
Heche: Sina ufahamu wa uwepo wa kosa la kuhamasisha uasi kwenye kwenye Kanuni ya Adhabu
Mhe. Lissu: Waeleze Majaji ufahamu wako kuhusu uwepo wa kosa la kuvuruga uchaguzi kwenye Kanuni ya Adhabu
Heche: Sina ufahamu kuhusu uwepo wa kosa la kuvuruga Uchaguzi kwenye Kanuni ya Adhabu.
Sehemu ya 402
Makamu Mwenyekiti John Heche anaendelea kutoa ushahidi wake.
Mhe. Lissu: Waeleze Majaji uwepo wa kosa la kuzuia Uchaguzi kwenye Kanuni ya Adhabu?
Heche: Sina ufahamu wa uwepo wa kosa la kuzuia uchaguzi kwenye kanuni ya Adhabu
Mhe. Lissu: Waeleze Majaji kwa ufahamu wako uwepo wa kosa la kukinukisha kwenye Kanuni ya Adhabu.
Heche: Sina ufahamu wa kosa la kukinukisha kwenye Kanuni ya Adhabu
Mhe. Lissu: Waeleze majaji kuhusu uwepo wa kosa la kuvuruga uchaguzi kwenye Sheria ya Uchaguzi wa Rais, Wabunge na Madiwani ya Mwaka 2024??
Heche: Hakuna uwepo wa kosa la kuvuruga uchaguzi kwenye Sheria hiyo ya Uchaguzi.
Mhe. Lissu: Waeleze majaji kuhusu uwepo wa kosa la kuzuia uchaguzi kwenye Sheria ya Uchaguzi wa Rais, Wabunge na Madiwani ya Mwaka 2024???
Heche: Hakuna hilo kosa la kuzuia uchaguzi
Mhe. Lissu: Waeleze Majaji kuhusu uwepo wa kosa la kukinukisha kwenye Sheria ya Uchaguzi wa Rais, Wabunge na Madiwani ya Mwaka 2024
Heche: Hakuna uwepo wa kosa la kukinukisha kwenye Sheria ya Uchaguzi ya Mwaka 2024.
Mhe. Lissu: Shitaka linalonikabili linasema nilitengeza nia ya kuzuia uchaguzi wa 2025, waeleze majaji uwepo wa kosa la kutengeneza nia ya kuzuia uchaguzi kwenye Kanuni ya Adhabu???
Heche: Kwa ufahamu wangu hakuna uwepo wa kosa la kutengeneza nia ya kuzuia uchaguzi kwenye Kanuni ya Adhabu.
Mhe. Lissu: Waeleze Majaji uwepo wa kosa la kutengeneza nia ya kuzuia uchaguzi kwenye Katiba???
Heche: Hakuna kosa la kutengeneza nia ya kuzuia Uchaguzi kwenye Katiba ya Jamhuri ya Muungano wa Tanzania.
Mhe. Lissu: Waeleze Majaji uwepo wa maneno Serikali ya JMT kwenye hotuba yangu?
Heche: Hakuna mahali popote ambapo Mhe. Tundu Lissu alitaja Serikali ya JMT.
Mhe. Lissu: Waeleze Majaji kuhusu uwepo wa maneno Rais wa JMT.
Heche: Hakuna maneno Rais wa JMT kwenye hotuba iliyotolewa na Tundu Lissu
Mhe. Lissu: Waeleze Majaji kuhusu uwepo wa maneno Makamu wa Rais wa JMT.
Heche: Hakuna uwepo wa maneno Makamu wa Rais wa JMT.
Mhe. Lissu: Waeleze majaji uwepo wa maneno Waziri Mkuu wa JMT kwenye hotuba yangu ya tarehe 03/04/2025
Heche: Hakuna mahali ambapo alitajwa Waziri Mkuu wa JMT.
Mhe. Lissu: Waeleze majaji uwepo wa maneno Baraza la Mawaziri wa JMT kwenye hotuba yangu?
Heche: Hakuna maneno Baraza la Mawaziri wa JMT kwenye hotuba ya Lissu.
Mhe. Lissu: Waeleze majaji uwepo wa maneno Waziri, Naibu Waziri, Wakuu wa Mikoa au Wilaya?
Heche: Hakuna maneno Waziri, Naibu Waziri, wakuu wa mikoa au wilaya kwenye hotuba ya Tundu Lissu.
Mhe.Lissu: Waeleze Majaji uwepo wa maneno Mwanasheria Mkuu wa Serikali au Mkurugenzi wa Mashtaka?
Heche: Hakuna uwepo wa maneno Mwanasheria Mkuu wa Serikali ya JMT au Mkurugenzi wa Mashtaka.
Mhe. Lissu: Waeleze majaji uwepo wa maneno halmshauri ya Mji, jiji, wilaya au Serikali ya mtaa?
Heche: Kwenye hotuba nzima hakuna maneno Halmashauri ya mji, jiji, wilaya, kitongoji , kijiji wala serikali ya mtaa.
Mhe. Lissu: Waeleze Majaji uwepo wa maneno Wakurugenzi wa jiji, Manispaa, Halmashauri wala watendaji wa kata, vijiji?
Heche: Waheshimiwa Majaji kwenye hotuba yote Hakuna maneno wakurugenzi wa jiji, manispaa, halmashauri wala watendaji wa kata na vijiji.
Mhe. Lissu: Waeleze Majaji uwepo wa maneno jeshi la polisi, jeshi la ulinzi, jeshi la akiba, mgambo wa jiji, jeshi la wananchi wa Tanzania na maneno ya aina hiyo???
Heche: Hakuna maneno Jeshi la Polisi, Jeshi la Ulinzi, Jeshi la akiba, mgambo wa jiji, Jeshi la Wananchi wa Tanzania kwenye hotuba nzima ya Lissu.
Mhe. Lissu: Waeleze Majaji maneno yaliyopo kwenye hati ya mashtaka yanamtishia nani?
Heche: Waheshimiwa majaji, hayo maneno ni ya kawaida tu na wala hayajamtishia mtu yeyote.
Mhe. Lissu: Waeleze majaji maneno niliyokusomea yana kosa gani?
Heche: Waheshimiwa majaji hayo ni maneno ya kawaida kwenye siasa hivyo hayana kosa lolote
Sehemu ya 403
Makamu Mwenyekiti John Heche anaendelea kutoa ushahidi wake.
Mhe. Lissu: Waeleze majaji katika Mkutano wa 3/4/2025 uwepo wa maneno tutaenda kuchoma vituo vya kupigia kura moto?
Heche: Hakuna hayo maneno ya tutaenda kuchoma moto vituo vya kupigia kura kwenye hotuba wala kwenye video.
Mhe. Lissu: Waeleze Majaji uwepo wa maneno tutaenda kuchoma vituo vya mwendokasi, ofisi za CCM na Serikali???
Heche: Waheshimiwa Majaji, hakuna uwepo wa hayo maneno ya tutaenda kuchoma vituo vya mwendokasi, ofisi za CCM na Serikali hata kwenye video hayapo.
Mhe. Lissu: Waeleze majaji uwepo wa maneno tutakwenda kukata watu vidole?
Heche: Hakuna hayo maneno ya kusema tukakate watu vidole.
Mhe. Lissu: Waeleze Majaji uwepo wa maneno watu wakaue Polisi au mtumishi wa Tume au mtu mwingine yeyote???
Heche: Waheshimiwa majaji, Tundu Lissu hakusema watu wakaue Polisi au mtumishi wa Tume au mtu mwingine yeyote.
Mhe. Lissu: Waeleze Majaji ufahamu wako kuhusu hotuba ya Jaji Othman Chande ya Matukio ya Oktoba 29???
Heche: Naifahamu
Mhe. Lissu: Waeleze majaji kama uliisikiliza yote?
Heche: Niliisikiliza yote.
Mhe. Lissu: Waeleze Majaji uwepo au kama Jaji Chande alisema vurugu za Oktoba 29 zilitokana na maneno ya Tundu Lissu???
Heche: Jaji Chande hakusema kuwa vurugu za Oktoba 29 zilitokana na maneno ya Tundu Lissu.
Mhe. Lissu: Waeleze Majaji kwenye hotuba wa Jaji Chande uwepo wa maneno juu ya aliyechochea au waliochochea??
Heche: Kwenye hotuba hiyo Jaji Chande hakutaja mtu yeyote aliyechochea, hakumtaja Lissu wala mtu yeyote.
Mhe. Lissu: Waeleze Majaji uwepo wa jina au majina ya chama cha siasa kilichochochea vurugu za Oktoba 29, 2025.
Heche: Kwenye hotuba hakuna jina au majina ya chama cha siasa kilichochochea vurugu za Oktoba 29, 2025
Mhe. Lissu: Waeleze Majaji uwepo wa majina ya watu waliokata watu vidole au watu waliokatwa vidole?
Heche: Hanna uwepo wa majina ya watu waliokata au waliokatwa vidole.
Mhe. Lissu: Waeleze Majaji kwenye hotuba ya Chande uwepo wa majina ya askari polisi waliouwawa na watu waliowaua hao askari??
Heche: Hakuna majina ya askari waliouwawa au watu waliowaua.
Mhe. Lissu: Waeleze Majaji, majina ya watu waliouwawa au majina ya watu waliowaua???
Heche: Hakuna uwepo wa majina ya watu waliowawa na watu waliowaua.
Mhe. Lissu: Waeleze Majaji, kwenye hotuba ya Chande uwepo wa maeneo ambayo vituo vya mwendokasi , ofisi za CCM au za Serikali .
Heche: Sina kumbukumbu na hilo
Leo mshtakiwa na shahidi wake wanagonga nyundo sana, wanatema madini wote,
Mhe. Lissu: Waeleze Majaji uwepo wa orodha ya magari ya watu binafsi au Serikali?
Heche: Hakuna mahala ambapo ilitolewa orodha ya magari, hakuna hata moja.
Mhe. Lissu: Waeleze Majaji, kuhusu wewe au viongozi wa chama kuitwa kwenda kueleza kuhusu chochote mbele ya Tume ya Jaji Chande.
Heche: Mimi binafsi sikuwahi kuitwa na sina ufahamu wa kiongozi yeyote wa chama chetu kwenda kutoa maelezo mbele ya Tume ya Jaji Chande.
Mhe. Lissu: Waeleze majaji kwa haya uliyoyatolea ushahidi, kwa ufahamu?
Heche: Siko kwenye nafasi nzuri ya kueleza wao walichunguza nini ila sisi hawakutusikiliza wala kutuita.
Sehemu ya 404
Lissu: Waeleze ufahamu wako juu ya jitihada za mazungumzo na Serikali kabla ya msimamo wa No reforms, No election?
Heche: Mimi binafsi nilishiriki, nilikuwa kwenye team ya CHADEMA iliyokutana na Rais Samia Suluhu Hassan aliyekuwepo mwaka 2022- 2025 Ikulu Dodoma.
Tulizungumza nae kutokana na malalamiko ya uchaguzi ya muda mrefu hasa uchaguzi wa 2019 na 2020 baadae Chama kilianzisha madai ya kampeni ya Katiba Mpya na mifumo ya uchaguzi wakati huo Mwenyekiti alikuwa ni Freeman Mbowe.
Tulienda Mwanza mwaka 2021 tulifanya Kongamano la kudai Katiba Mpya ili kuwezesha mabadiliko ya Uchaguzi, kama nilivyoeleza Mbowe alikamatwa na mimi nilikamatwa.
Baada ya Mbowe kutokea Ikulu ndio tukaenda kukutana na Rais Ikuku Chamwino Dodoma alikuwepo Mwenyekiti Mbowe, Said Issa aliyekuwa Makamu Mwenyekiti wa Chama chetu Zanzibar, Katibu Mkuu John Mnyika, na mimi mwenyewe.
Upande wa Serikali alikuwepo Rais Samia, Mwanasheria Mkuu wa Serikali wakati huo Jaji Eliezer Mbuki Feleshi, Waziri George Simbachawene, Jenister Mhagama sasa ni marehemu ila alikuwa Waziri,
Upande wa CCM alikuwepo Makamu Mwenyekiti wa CCM wa wakati huo mzee Abdullahiman Kinana na viongozi wengine wa CCM siwakumbuki vizuri.
Mwenyekiti Mbowe na Katibu Mkuu walieleza jinsi ambavyo tumenyanyaswa na kuonewa na uharibifu wa Uchaguzi,
Watu waliokimbia nchi na mambo mengine yaliyotokana na uchaguzi kwenye kile kikao ilikubaliwa kuwa iundwe Team ya watu watano, watano kutoka kila chama na upande wa Serikali.
Hizo team zingeenda kupitia kwa kina mifumo ya uchaguzi, matatizo ya kiuchaguzi na mapendekezo ya mabadiliko ya katiba na sheria za uchaguzi kabla ya 2025.
Upande wa Chadema iliundwa team iliyokuwa chini ya Mwenyekiti Mbowe, Katibu Mkuu John Mnyika, Wakili Jeremia Mtobesya, Mjumbe wa Kamati Kuu ya Chama kutoka Zanzibar Mhe. Zeudi Mvano, na mimi John Wegesa Heche nilikuwemo.
Upande wa CCM namkumbuka Makamu Mwenyekiti wa CCM Abdullahiman Kinana, Andrew Chenge, wawakilishi wawili kutoka Zanzibar siwakumbuki majina yao na kulikuwa na Mawaziri, mwanzo aliingia Jenister Mhagama na baadae akaja Simbachawene.
Hayo mazungumzo yalichukua mwaka mzima na sehemu tuliandika na kupeleka mapendekezo yetu namna ya kukwamua mchakato wa Katiba namna ya kuukwamua, mapendekezo ya kisheria namna ya kuukwamua mchakato wa Katiba, Vyombo ambavyo vingeundwa katika kuhakikisha vinaandika katiba kuanzia mwanzo ikiwemo kuchakata maoni.
Tulipeleka pia mapendekezo ya sheria ya Uchaguzi, mapendekezo ya namna ya kuunda Tume Huru ya Uchaguzi, tulizungumza kuhusu kesi mbalimbali watu wetu walizokuwa wamebambikiziwa na wengine kufungwa kwa uongo, tulizungumza kuhusu viongozi waliokuwa wamekimbia nchi kwasababu ya usalama wao Makamu Mwenyekiti Mhe. Lissu, Godbless Lema, Ezekia Wenje Dibogo na wengine, madai ya kuwaondoa wabunge 19 (Covid-19) ambao walijipeleka Bungeni kinyume na taratibu za chama,
Tulizungumza kuhusu kufungulia mikutano ya hadhara iliyokuwa imefungwa kwa tamko la Rais Magufuli kinyume cha Sheria, namna ya kukomesha matukio ya utekaji watu.
Mhe. Lissu: Naomba tuahirishe baada ya lisaa na nusu turejee shahidi aje kuendelea na nina uhakika atamaliza leo
Jaji Ndunguru: Wakili wa Serikali
Katuga: hatuna pingamizi
Jaji Ndunguru: tujitahidi tumalizane na huyu shahidi
Kesi inaahirishwa hadi saa nane na nusu
===========
Mahakama imerejea majira Saa Tisa kasoro Alasiri.
Sehemu ya 405
Majaji walishaingia, Mhe. Lissu yupo na Upande wa Jamhuri wapo.
Anasimama Nassoro Katuga anasema mchana huu hayupo Ajuaye na Job Mrema na sisi tuko tayari kuendelea.
Mshitakiwa Mheshima Tundu Lissu anasema yupo tayari kuendelea pia.
Shahidi no. 5, John Heche tayari amepanda kizimbani
Jaji Ndunguru anamwambia Shahidi nakukumbusha kwamba upo chini ya kiapo.
Mhe. Lissu anasema nikumbushwe nilipoishia ili tuendelee.
Anakumbushwa.
Mhe. Lissu: Waeleze majaji uwepo wa jambo lingine mlilozungumzia kwenye hivyo vikao?
Heche: Kukomeshwa vitendo vya utekaji nyara, ubambikaji wa kesi za uongo kwa watu kwa ujumla ni kuupitia mfumo wote wa Haki jinai na kurudisha Demokrasia ya kweli.
Mhe. Lissu: Kuhusu ratiba ya mambo hayo mliyokuwa mnayazungumzia?
Heche: Katika mapendekezo yetu tulikuwa na roadmap ya namna ya kukwamua mchakato wa Katiba mpya na ratiba nzima ambayo ilisema mambo yote yangekamilika kabla ya Uchaguzi wa Serikali za Mitaa za mwaka 2024.
Mhe. Lissu: Mazungumzo hayo yaliishaje?
Heche: Wakati wote tulipokuwa tunazungumza tulipeleka kwa maandishi ratiba na mapendekezo yetu.
Wajumbe wa CCM walikuwa wanatusikiliza na wanabeba kwamba wanaenda kufanya consultation na Rais ambae aliteua hiyo timu kumueleza hayo tunayozungumza ili tuwe kwenye picha moja.
Kuna wakati Mh. MBOWE NA KINANA wameenda kumuona Rais kwa Pamoja kupeleka mazungumzo tuliyokuwa tumefanya kwenye kikao.
Makubaliano ilikuwa Mbowe na Kinana wafanye Press conference ya pamoja kuelezea walichokubaliana, mazungumzo yaliisha pale tuliposema tujibiwe kwa maandishi kuwa tuandikieni na nyie upande wa CCM na Serikali kuwa kati ya mapendekezo yetu yote yapi tumekubaliana.
Mhe. Lissu: Waliwajibu kwa njia gani?
Heche: Walitujibu kwa njia ya maandishi na kwenye majibu yao walisema kwamba wamekataa mambo yote tuliyokubaliana kwenye vikao hivyo vya Maridhano.
Mhe.Lissu: Hayo majibu waliyaleta lini?
Heche: Siwezi kukumbuka exactly tarehe lakini ilikuwa mwaka 2023 na sisi tuliendelea na ziara zetu kwenda kwa wananchi so mazungumzo yetu na CCM yakaishia hapo.
Mhe. Lissu: Siku ya Tarehe 29/10/2025 wewe ulikuwa wapi na kama ukishiriki kwenye kupiga kura?
Heche: Hiyo Tarehe 29/10 nilikuwa kituo cha Polisi Mtumba Dodoma ambapo nilikamatwa tangu tarehe 22/10 huo huo.
Nilipotoka Polisi nilipata taarifa nyingi kuhusiana na kilichotokea, watu kuuwawa kwa zaidi ya watu 518 na Mzee Joseph Warioba anasema watu waliouwawa ni wengi kuliko waliokufa kwenye vita ya Kagera.
Anasimama Katuga anasema sio kwamba napinga lakini hiyo habari ya Mzee Warioba ni Hearsay Evidence haipaswi kuchukuliwa.
Mhe. Lissu: Waheshimiwa Majaji kama hapingi amesimama kufanya nini? Pia kuna mambo yanasemwa kama ni sheria vile lakini sio sheria kabisa.
Hearsay Evidence inahitaji kuwa Corroborated na ushahidi mwingine, mimi nimebaki na mashahidi wengine watatu kwahiyo atulie tu na mwisho yeye ana nafasi ya kuja kufanya Cross Examination sasa si asubiri aje kumuuliza maswali shahidi.
Jaji Ndunguru: Haya tuendeleee.
Mhe. Lissu: Ahsante. Haya ulisemaje hapo?
Heche: Nilitaka kumalizia kwa kusema hakuna Serikali imewahi kuua watu wengi toka vita vya majimaji hadi leo, hii ndo Serikali imeua watu wengi sana.
Sehemu ya 406
Makamu Mwenyekiti John Heche anaendelea kutoa ushahidi wake.
Mhe. Lissu: Hebu fafanua hilo la mauaji na vita vya majimaji?
Heche: Waheshimiwa Majaji nafahamu historia ya nchi hii na nafahamu hakuna mauaji yamewahi kufanyika kwa pamoja.
Taarifa ya Jaji Chande inasema Dar es salaam watu zaidi ya 100 na Mwanza watu 90 Arusha na Mbeya na kwa historia hiyo walikufa watu wengi sana katika siku iliyopaswa kuwa ya Uchaguzi.
Mhe. Lissu: Je kuna muhusika yoyote amewajibika kwa namna yoyote kutokana na mauaji hayo yote?
Heche: Kwa ufahamu wangu sina taarifa ya mtu yeyote kutoka Chombo chochote ambaye amewahi kuwajibika kwa mauaji ya kutisha kiasi hicho yaliyotokea kwa siku ambayo ilipaswa kuwa siku ya Uchaguzi.
Mhe. Lissu: Waeleze Majaji kwa ufahamu wako kuhusu kiongozi yeyote wa Serikali kuwajibika kwa mauaji hayo?
Heche: Hakuna kiongozi yoyote wa Serikali ambae amewahi kuwajibika kwa mauaji hayo makubwa.
Mhe. Lissu: Eleza kuhusu Jaji Chande kutaja kiongozi yeyote aliyetoa amri ya kuuwa watu wote hao?
Heche: Hakuna mahali kokote Jaji Chande alitaja kiongozi aliyetoa amri ya kuua watu wote hawa.
Mhe. Lissu: Je kuna mtu yeyote aliyekamatwa kwa kuhusika na kuuwa watu hao?
Heche: hakuna hata mmoja aliyekamatwa
Mhe. Lissu: Ufahamu wako kuhusu serikali kuuwa raia wake?
Heche: Hakuna uhalali wa Serikali kuuwa raia tena kwa namba kubwa kiasi hicho.
Mhe. Lissu: Waeleze Majaji hoja ya kuahirisha Uchaguzi ingekuwaje kama ingekubaliwa?
Heche: Hiyo hoja ingekubaliwa maafa na mauaji hayo makubwa yasingetokea.
Mhe. Lissu: Jaji Mkuu Chande alisema kisababishi cha hayo machafuko ni nini?
Heche: Madai ya muda mrefu ya watanzania kutaka Katiba Mpya, Tume huru ya Uchaguzi, Rushwa na ufisadi, Ukosefu wa Ajira na watu kutekwa nyara na kupotezwa.
Mhe. Lissu: Alisema nini Chande kuhusu utekaji nyara na kupotezwa watu?
Heche: Alisema watu wanatekwa kwasababu za Kimapenzi, ushirikina na sababu za kibiashara.
Mhe. Lissu: Wimbi la Utekaji wa Viongozi umewataja wa Chadema na vyama vingine hili ulisemaje ulimtaja hadi Polepole?
Heche: Alisema wametekwa kwasababu za kisiasa.
Mhe. Lissu: Kwa akili yako tu ya kawaida kuhusu uwezekano wa mtu kujiteka mwenyewe?
Hilo swali lilekebishwe anasema Jaji.
Kuhusu taarifa ulizopata sema zingine?
Heche: Nilipata taarifa kutoka kwenye vyombo vya habari kwa kusoma na kuangalia, waangalizi wa Kimataifa, Taarifa za jumuiya za kimataifa na taasisi za jumuiya za kimataifa, Taasisi ya dini.
Mhe. Lissu: Eleza taarifa za kidini ulizozipata??
Heche: Shura ya maimamu na Kanisa Katoliki.
Mhe. Lissu: Elezea tarehe za hizo report???
Heche: Zilikuwa za Mwezi Novemba 2025.
Mhe. Lissu: Taarifa ya Baraza la Maaskofu Katoliki Tanzania ilisemaje???
Heche: Ilianza kwa kulaani kilichotokea Oktoba 29, ilihimiza uchunguzi huru wa Kimataifa, ililaani matumizi ya nguvu kupita kiasi katika kukabiliana na wananchi au waandamanaji, ilisema pia sio kila Maandamano ni Maandamano ya uhalifu, ilizungumzia wananchi kunyimwa haki yao ya kidomokrasia ya kuchagua kiongozi wanayemtaka tangu mwaka 2016.
Lakini pia ilizungumzia kuhusu hali ya kiusalama, kwamba wananchi wamekuwa wakiishi kwa hofu na kutekwa nyara na kupotezwa kwa watu bila hatua kuchukuliwa na kumekuwa na hofu kubwa miongoni mwa wananchi.
Mhe.Lissu: Shura ya Maimamu walisemaje??
Heche: Shura ya maimamu walilaani matukio ya mauaji, walieleza namna ambayo uchaguzi ulikosa sifa za uchaguzi, walilaani vyombo vya dola kutumia nguvu kuua raia wakati wa Uchaguzi.
Mhe. Lissu: Watajie majaji taarifa za waangalizi wa uchaguzi.???
Heche: Nilisoma taarifa za African Union, Taarifa ya waangalizi wa Uchaguzi ya SADC na ya East African Community.
Mhe. Lissu: Waeleze majaji taarifa zilitolewa tarehe gani???
Heche: Zote ni za Mwezi Novemba 2025.
Sehemu ya 407 itaendelea....
Mhe. Lissu: Taarifa ya EAC ilisema nini juu ya tarehe 29/10/2025?
Heche: Taarifa ya EAC ilisema uchaguzi wetu ulikuwa mzuri, huru na haki.
Mhe. Lissu: Waeleze Majaji hiyo taarifa ya EAC kama ilizungumzia mauaji ya Oktoba 29, 2025?
Heche: Haikueleza jambo lolote baya wala mauaji wala uharibu wa mali, yaani wanatofautiana hata na Tume ya Chande ambayo ilisema kulikuwa na mauaji na uharibifu wa miundombinu.
Mhe. Lissu: Nchi zinazounda EAC ni zipi?
Heche: Uganda, Kenya, Rwanda, Burundi, Congo, Sudan Kusini, Uganda, Somalia.
Mhe. Lissu: Waeleze majaji hali ya kidemokrasia ya nchi hizo.
Heche: Kwa nchi zote ukiitoa Kenya kidogo hali ya demokrasia ni mbaya sana, Uganda iko chini ya Museveni kwa zaidi ya miaka 30, Rwanda iko chini ya Kagame na Uchaguzi wa mwaka jana alipata 98% walipishana kidogo tu na Samia aliyepata 97%.
Mhe. Lissu: SADC walisemaje kuhusu uchaguzi wa mwaka jana?
Heche: SADC wanaona uchaguzi wa Tanzania haukufikia viwango vya kidemokrasia kuendesha uchaguzi huru na haki, haukufikia viwango vya SADC ili Uchaguzi uitwe huru na haki.
Walizungumza pia kuhusu matatizo waliyoyapata siku ya uchaguzi ikiwemo kuzuiwa, ilivyotokana na curfew iliyotangazwa baada ya Maandamano siku ya uchaguzi.
Mhe. Lissu: Walisema nini kuhusu mauaji?
Heche: Walisikitishwa na matukio ya mauaji, matumizi makubwa sana ya nguvu ya vyombo vya dola yaliyojitokeza siku ya uchaguzi.
Mhe. Lissu: Taarifa za kikanda ni zipi waeleze majaji?
Heche: Thabo Mbeki Foundation.
Mhe. Lissu: For the record, Thabo Mbeki ni nani?
Heche: Rais wa Pili wa Afrika Kusini na amekuwa kiongozi wa ANC ambao ni rafiki wakubwa wa CCM.
Mhe. Lissu: Thabo Mbeki Foundation walisema nini kuhusu uchaguzi?
Heche: Kutokana na ripoti za SADC na AU walizoziona na mapungufu makubwa yaliyobainishwa, Tanzania inakosa serikali halali iliyochaguliwa na wananchi. Serikali iliyoko madarakani imejengwa kwa nguvu (mabavu) na njia za udanganyifu.
Mhe. Lissu: Waeleze Majaji Taarifa za Taasisi za Kimataifa:
Heche: Taarifa za EU, World Council of Churches, UN, Jumuiya ya Madola.
Mhe. Lissu: Taarifa ya EU ilisema nini kuhusu uchaguzi?
Heche: Ililaani mauaji ya raia, ilitaka Serikali ifanye uchunguzi huru, waliohusika kuwajibika na kuchukuliwa hatua za kisheria.
Mhe. Lissu: World Council of Churches walisemaje?
Heche: Walilaani kuhusu mauaji na walisema kwamba Haki ya kuishi hutolewa na Mwenyezi Mungu ambayo haipaswi kuondolewa na mtu yeyote, walizungumzia kuwa Uchaguzi haukuwa na viwango vya kidemokrasia unaoruhusu haki na kukosekana kwa mizania inayoruhusu Uchaguzi kufanyika kwa haki na kwa usawa.
Mhe. Lissu: Taarifa ya UN ilisemaje?
Heche: Walizungumzia kuhusu Uchaguzi kuwa haukuwa Huru na wa Haki na uliwanyima Wananchi haki yao ya kidemokrasia.
Walisema pia kuhusu kukamatwa kwa Viongozi wa upinzani na kubambikiwa kesi za uongo na kutaka wote waliobambikiwa kesi za uongo waachiwe.
Part 408. Makam Mwenyekiti John Heche anaendelea kutoa ushahidi wake.
Mhe. Lissu: Uhusiano wa izo taasisi na Tanzania?
Heche: Uhusiano ni Mzuri na hatuna ugomvi nao kwa mfano Tanzania imekuwa founder member wa OUA tangu mwaka 1963.
EAC pia tumekuwa founder na SADC Tanzania imepigania uhuru wa nchi nyingi za kusini mwa Afrika kwahiyo uhusiano wetu ni mzuri.
EU pia wamekuwa marafiki zetu wa muda mrefu na wamekuwa wakitoa msaada mkubwa wa fedha za maendelea na Balozi zao nyingi ziko hapa na UN pia Tanzania sisi ni Wanachama na uhusiano wetu ni mzuri tu.
Mhe. Lissu: Nimeshtakiwa kwa uhaini na niko ndani zaidi ya mwaka sasa tunaelekea na nusu, kwa ufahamu wako hii kesi ikoje???
Heche: Kwa ufahamu wangu hii ni kesi ya uongo yenye lengo la kukandamiza Demokrasia, kurudisha nyuma harakati za Chama chetu cha CHADEMA kudai mabadiliko.
Hii ni kama kesi zingine nyingi za kisiasa ambazo Wanachama na Viongozi wetu wamekuwa wakifuguliwa ambazo hawawezi kushindana ila Wanatumia mfumo wa Haki jinai na Vyombo vya dola kukandamiza wapinzani wao.
Hii ni kesi ambayo inatumia rasilimali za nchi na malengo yake ni kuumiza Uongozi mzima wa Chama chetu kwasababu Mwenyekiti wetu anayetuongoza ameshikiliwa kwa muda mrefu zaidi Gerezani bila kosa.
Mhe. Lissu: Nimemaliza Waheshimiwa majaji nilisema leo hii ngoma hailali waheshimiwa majaji.
Jaji Ndunguru: Upande wa mashtaka mnasemaje?
Katuga: Tuna maswali mengi sana ya dodoso kutokana na ushahidi uliotolewa na tulijiwekea utaratibu wa kuishia saa kumi na moja ni ombi letu kwa leo tuishie hapa.
Jaji Ndunguru: Tumekuelewa tulitaka kupima stability ya shahidi, Jumatatu mtaweza kumaliza cross examination?
Katuga: Tutajitahidi Waheshimiwa majaji.
Jaji Ndunguru: Tunaomba mmalize cross examination Monday, kwasasa shauri linaahirishwa hadi Jumatatu.
Inapigwa High Coooouuuuurrrrttt
Majaji wanatoka, tukutane Monday.
Aidha, Mahakama imeamuru kutolewa kwa wito (summons) kwa Mkuu wa Majeshi ya Ulinzi na Usalama (CDF) Jenerali Jacob Mkunda, Mkuu wa Jeshi la Polisi (IGP) Camillus Wambura na Mkurugenzi wa Makosa ya Jinai (DCI) Ramadhani Kingai ili wafike kutoa ushahidi upande wa utetezi. Kesi imeahirishwa hadi Septemba 11, 2026
Kutoka Mahakama Kuu ya Tanzania, Masjala ndogo ya Dar es salaam kwenye kesi ya uhaini inayomkabili Mwenyekiti wa CHADEMA, Tundu Lissu na kuulizia kama salamu zake za rambirambi zimefika kwa Samia aliyefiwa na Mume wake.
Mahakama imeanza na leo tunaendelea na Sehemu ya 398
Mahakama Kuu ya Tanzania, Masjala ya Dar es Salaam, kesi ya uhaini inayomkabili Mwenyekiti wa Chadema, Tundu Lissu, inaendelea kwa shahidi wa tano wa utetezi kuendelea kutoa ushahidi wake. Shahidi huyo wa tano ni John Heche, ambaye kama kawaida alishawasili hapa mahakamani asubuhi na mapema sana, majira ya saa moja na nusu.
Mwenyekiti wetu Mhe. Tundu Lissu pia amewasili tayari ndani ya Ukumbi wa Mahakama.
Majaji pia wameingia, watu wote wakiwa wamesimama.
Mwenyekiti alikuwa kama na Dakika tatu za kusalimiana humu ndani kwa kuwaita wa watu kwa Majina kama kawaida yao.
Anasimama Wakili wa Serikali Ajuaye kutambulisha mawakili wa Serikali waliopo.
Anasema wao wapo tayari.
Mhe. Lissu kaulizwa kama yupo tayari, kajibu yupo tayari.
Shahidi anaambiwa apande Kizimbani so anaelekea kwenye kizimba cha kutolea ushahidi.
Lissu: Waeleze Majaji kwenye simu aliyokupigia Amani Golugwa alikuambia nini hasa.
Heche: Waheshimiwa Majaji Simu aliyonipigia Amani Golugwa alikuwa ananipa taarifa ya kuhudhuria Mkutano na watiania
Lissu: Waeleze Majaji Amani Golugwa alikuambia lengo la kukutana na watia nia ni nini?
Heche: Lengo la kukutana na watia nia ni kuendelea kufafanua kuhusu msimamo wa chama wa No Reforms No Election
Lissu: Waeleze majaji, Amani Golugwa alikuambia mkutano huo umeandaliwa na nani na utafanyika wapi?
Heche: Aliniambia Mkutano umeandaliwa na Sekretarieti ya Chama chini ya Katibu Mkuu na utafanyika Makao Makuu ya Chama Mikocheni Dar es Salaam.
Lissu: Sasa shahidi, tuhuma inayonikabili hapa Mahakamani inadai kwamba mimi ndio niliandaa huo mkutano, wewe unasemaje
Heche: Waheshimiwa Majaji hilo sio kweli, kwasababu Lissu hakuandaa mkutano mimi na yeye tulikuwa ziarani wala hakuhusika.
Lissu: Waeleze Majaji alikuambia nini juu ya waalikwa wengine nje ya watia nia.
Heche: Aliniambia kwamba Sekretarieti imeshaandaa mkutano na waalikwa wengine wote kupitia sekretarieti.
Lissu: Waeleze Majaji Amani alikuambia hao waalikwa wengine ni wakina nani
Heche: Hakufafanua kwa undani wageni wengine lakini aliniambia wapo waalikwa wengine.
Lissu: Tuhuma dhidi yangu zinasema kuwa mimi nilialika waandishi wa habari kwenye huo mkutano wewe unasemaje?
Heche: Hilo nalo sio kweli kwasababu maandalizi yote yalifanywa na Sekretarieti na sisi tulikuwa ziarani kwahiyo Lissu hakuhusika kabisa
Lissu: Waeleze Majaji hiyo tarehe 3/4/2025 wewe ulikuwa wapi.
Heche: Siku ya tarehe 3/4/2025 mimi pia nilikuwa miongoni mwa viongozi walioshiriki na nilipata nafasi pia ya kuzungumza kwenye huo mkutano uliofanyika makao makuu ya chama Mikocheni.
Lissu: Waeleze majaji viongozi wengine waliokuwepo kwenye huo mkutano
Heche: Alikuwepo Mwenyekiti Chadema Taifa Tundu Lissu, Makamu Mwenyekiti Chadema Zanzibar, Nilikuwepo mimi, Katibu Mkuu John Mnyika, Naibu Katibu Mkuu Amani Golugwa, Naibu Katibu Mkuu Zanzibar, Brenda Rupia Mkurugenzi wa Habari, Wakurugenzi wa chama, Mwenyekiti wa Kanda ya Pwani Boniface Jacob pamoja na watia nia wenyewe waliotoka maeneo mbalimbali
Lissu: Waeleze Majaji nje ya viongozi na watia nia uliowataja, eleza uwepo wa watu wengine
Heche: Nakumbuka uwepo wa watu wengine nje ya hao niliowataja, kulikuwepo na waandishi wa habari, Mchungaji na Sheikh ambao waliomba ndio tukafungua kikao
Lissu: Waeleze majaji waandishi wa habari walikuwa wangapi
Heche: Waandishi wa habari walikuwa wengi kutoka vyombo mbalimbali idadi kamili sikumbuki na sikuwa na interest ya kuhesabu
Lissu: Waeleze Majaji hao waandishi wa habari walikuwa na nini
Heche: Walikuwa na camera, notebook, kalamu, vinasa sauti na vifaa vingine vya utendaji kazi vya waandishi wa habari
Lissu: Waeleze majaji idadi ya watu waliokuwepo kwenye huo ukumbi
Heche: Walikuwa watu wengi sina hakika ya idadi ya namba ila ni zaidi ya watu 200.
Sehemu ya 399
Makam Mwenyekiti John Heche anaendelea kutoa ushahidi wake.
Mhe. Lissu: Waeleze Majaji huo Mkutano ulifunguliwa na nani?
Heche: Ulifunguliwa na Sekretarieti kwa maana ya Katibu Mkuu, alianza kuzungumza na baadae kutukaribisha sisi viongozi kwa hierarchy.
Mhe. Lissu: Waeleze Majaji baada ya Katibu Mkuu kuzungumza alimkaribisha nani?
Heche: Alinikaribisha mimi nikazungumza kidogo na nikakukaribisha wewe Mwenyekiti
Mhe. Lissu: Mkutano ulichukua muda gani?
Heche: Masaa zaidi ya manne
Mhe. Lissu: Waeleze Majaji mimi nilizungumza kwa muda gani
Heche: Waheshimiwa majaji mwenyekiti Tundu Lissu alizungumza zaidi ya masaa mawili.
Mhe. Lissu: Sasa shahidi maneno ninayoshtakiwa nayo yanasema hivi (Lissu anasoma maneno ya kwenye hati ya mashtaka), anauliza swali sasa, hayo maneno niliyoyasoma yamechukua muda gania?
Heche: Hayajamaliza hata dakika moja
Mhe. Lissu: Waeleze majaji katika hotuba yangu kama maneno niliyozungumza ni haya tu niliyoyasoma kwenye hati ya mashtaka
Heche: Waheshimiwa majaji hotuba ilikuwa na maneno mengi sio hayo tu uliyoyasoma kwenye hati ya mashtaka.
Mhe. Lissu: Waeleze majaji maneno mengine niliyozungumza
Heche: Alizungumza kuhusu mfumo wetu wa uchaguzi jinsi ulivyo mbovu, hauku huru, umeharibiwa, namna ambavyo hauwezeshi wananchi kupata viongozi wanaowataka, namna ambavyo ni vigumu kwa mgombea wa upinzani hasa Chadema kufanikiwa kushinda uchaguzi hata kama anakubalika.
Aliezelea namna ambavyo mfumo unasababisha maafa na mauaji hasa wakati wa Uchaguzi, namna ambavyo mfumo huu unapendelea chama kimoja cha CCM kuanzia uchaguzi wa Rais mpaka madiwani na uchaguzi wa serikali za mitaa.
Alieleze namna ambavyo Polisi na Vyombo vya Dola na watumishi wa umma wanatumika kuharibu Uchaguzi, kwa ujumla alieleza namna mfumo usivyo huru na hautendi haki na unavyopaswa kubadilishwa kabla ya uchaguzi mwingine kuendelea.
Mhe. Lissu: Waeleze Majaji nilisema nini hasa kuhusu kinachopaswa kubadilishwa
Heche: Waheshimiwa Majaji, alizungumza kinachopaswa kubadilika ni mabadiliko ya Kikatiba na kisheria yanayosimamia chaguzi zetu. Mabadiliko ya namna ya kupata wawakilishi hasa Wabunge na mgawanyo wa majimbo.
Mhe. Lissu: Waeleze Majaji nilisema nini juu ya namna ya kuondoa maafa wakati wa uchaguzi?
Heche: Waheshimiwa Majaji, alisema namna ya kuondoa maafa ni kutengeneza mfumo wa uchaguzi ambao hauna upendeleo ambao ni huru na Haki unaotoa mazingira ya ushindani sawia bila kupendelea.
Mhe. Lissu: Waeleze Majaji nilisema nini juu ya mabadiliko yanayotakiwa kwenye Tume ya Uchaguzi.?
Heche: Alisema ni kutengeneza muundo mpya wa Tume ambao haumpi mamlaka Mwenyeti wa CCM kuunda na kutengeneza Tume kwahiyo kuwe na mfumo mpya kuanzia ngazi ya Taifa mpaka kwenye kata ili Tume iwe na watumishi wake wanaojitegemea isiwe inaazima watumishi wa Serikali ambao wote wanachukua maelekezo kutoka kwa waajili wao na hiyo Tume ndio iwe na mamlaka ya kugawa majimbo kulingana na vigezo vinavyofaa na sio upendeleo.
Mhe. Lissu: Waeleze majaji kwenye Hotuba yangu nilisemaje kuhusu kampeni za uchaguzi?
Heche: Tundu Lissu alitoa mifano namna ambavyo kampeni za Uchaguzi zinavyovurugwa na vyombo vya dola kama Polisi, Tume yenyewe ya Uchaguzi kupitia Kamati za Maadili na alitoa mfano wa namna yeye alivyosimamishwa kufanya kampeni za uchaguzi mkuu wa 2020 na wagombea wetu wengi namna wanavyopata matatizo wakati wa kampeni.
Mhe. Lissu: Waeleze majaji kuhusu wagombea wa vyama vya upinzani kuenguliwa hasa wa Chadema.
Sehemu ya 400
Makam Mwenyekiti John Heche anaendelea kutoa ushahidi wake.
Heche: Lissu alieleza kwa kirefu kuhusu wagombea wa upinzani wanavyoenguliwa kwasababu zisizo za kisheria wala za kikatiba na akaeleza kwamba kwenye uchaguzi wa 2020 ndio ulivunja rekodi kwa wagombea wengi wa upinzani kuenguliwa na hivyo CCM kupita bila kupingwa.
Akatoa mifano kuwa hiyo engua engua inawanufaisha CCM kwasababu hata mgombea wa kitongoji wa CCM hajawahi kuenguliwa, akawa anatoa mfano wa Suzani Limbweni Kiwanga aliyekuwa mgombewa wa Jimbo la Mlimba namna alivyoenguliwa na alikuwa mbunge wa jimbo hilohilo mwaka 2015.
Alitoa ifano ya Uchaguzi wa Serikali za mitaa wa 2024 kuwa ulivunja rekodi zote za engua engua na kwamba hata kama tutaenda kwenye Uchaguzi na tukaenguliwa wote sasa hapo tutakuwa tumeshiriki nini, hivyo haikuwa na maana ya sisi kushiriki halafu tukaenguliwa wote.
Mhe. Lissu: Waeleze majaji nilisema nini kuhusu mawakala wa vyama na wagombea?
Heche: Lissu alieleza kuwa wakala anapaswa kuwa muwakilishi wa mgombea na Chama chake lakini sasa taratibu zimewekwa ngumu kuanzia namna ya kuwaapisha na kupewa utambulisho, wengi wanakuwa wanafungiwa nje wanazuiliwa kuingia kwenye vituo na wengine kukamatwa na polisi na hivyo wagombea na Chadema kukosa mawakala kwenye vituo.
Mhe. Lissu: Waeleze Majaji nilisema nini kuhusu yanayotokea siku ya uchaguzi?
Heche: Lissu alieleza namna ambavyo usumbufu unakuwepo siku ya uchaguzi, namna ya wapiga kura kupata majina yao, mara jina halionekani , mara limewekwa kituo kingine.
Alielezea pia namna ambavyo kura zisizo halali zinavoingizwa kwenye vituo vya kupigia kura, namna ambavyo mawakala wananyimwa fomu za matokeo na fomu za kujaza malalamiko wanayoyaona kwenye vituo vya kupigia kura lakini pia namna ambavyo majumuisho yanavyofanyika na kura kutangazwa ambazo sio halali.
Shahidi anakumbukumbu ni kama ile Hotuba yote ya Mhe. Lissu ipo kichwani.
Mhe. Lissu: Waeleze Majaji nilisema nini kuhusu kupinga mambo haya mahakamani???
Heche: Lissu alieleza namna ambayo ni ngumu na watu mbalimbali wamejaribu kupinga mambo haya kupitia njia za Kimahakama.
Lakini pia alieleza namna ambavyo hata ushahidi ni mgumu kuupata maana unakuwa umeharibiwa, ugumu wa fomu za matokeo maana zinakuwa zinaharibiwa na wasimamizi wa uchaguzi, alieleza pia gharama kubwa ambazo zinatakiwa kulipwa na wagombea au walalamikaji wanapotaka kufungua kesi ambavyo wanakuwa hawawezi.
Akaeleza pia wingi wa kesi ambazo zingefunguliwa mfano wakati wa uchaguzi wa 2024 ambapo vijiji tu ni zaidi ya elfu kumi na saba ambavyo uchaguzi uliharibiwa kwahiyo isingekuwa rahisi kwa Chama kufungua kesi akamalizia kwamba kupitia kesi ya Mtikila Mahakama ilisema kwamba matatizo ya kisiasa yanapaswa kutatuliwa kisiasa sio lazima yaende Mahakamani.
Waheshimiwa majaji alisema pia kwamba kupitia kesi ya Dr. Amani Walid Kabourou ilisema kwamba uchaguzi ambao sio huru na haki sio Uchaguzi.
Mhe. Lissu: Waeleze Majaji nilisema nini kuhusu hoja ya kuahirisha uchaguzi wa mwaka jana??
Heche: Waheshimiwa majaji Lissu alisema kwamba sisi kama chama tuko tayari Uchaguzi usogezwe mbele yafanyike kwanza mabadiliko ya kikatiba na kisheria yatakayoruhusu Uchaguzi huru na wa haki ili kuepusha maafa kama mauaji, utekaji, watu kujeruhiwa na kwamba Uchaguzi ukisogezwa mbele wananchi watapata haki ya kuchagua viongozi wanaowataka.
Sehemu ya 401
Makam Mwenyekiti John Heche anaendelea kutoa ushahidi wake.
Mhe. Lissu: Waeleze majaji utofauti wa hotuba yangu ya tarehe 03/04/2025 na hotuba za mikutano ya hadhara na tulipokutana na wadau.
Heche: Hotuba ya tarehe 03/04/2025 ni iileile na hotuba na wadau na mikutano ya hadhara hakuna utofauti labda ni maneno tu lakini alizungumzia matatizo ya uchaguzi na namna ya kuyarekebisha.
Mhe. Lissu: Kuna ushahidi umeletwa hapa kuwa mkutano wa tarehe 03/04/2025 ulilushwa live?
Heche: Mimi nilikuwa ndani kwenye mkutano sina ufahamu kama ulikuwa live au haukuwa live lakini waandishi wa habari walikuwepo kwenye mkutano.
Mhe. Lissu: Waeleze majaji kuhusu recordings za mkutano huo wa Tarehe 03/04/2025 kama uliona kwenye Jambo Tv??
Heche: Niliona kwenye YouTube channel mbalimbali kama Mwanzo, the Chanzo na hata Jambo TV niliona.
Mhe.Lissu: Waeleze majaji hicho ulichoona katika YouTube ya Chanzo, Mwanzo na Jambo TV zina urefu wa muda gani?
Heche: Kwenye Jambo TV ipo kama takribani masaa mawili, Chanzo ipo video ya dakika 45, na Mwanzo Tv kama dakika 60 hivi au lisaa na kitu yaani ziko tofauti tofauti.
Mhe. Lissu: Waeleze Majaji uwepo wa maneno haya (Lissu anasoma maneno ya kwenye hati ya mashtaka… wanasema msimamo huu unaashiria uasi … tutaenda kukinukisha sana sana),
Heche: Ni miongoni mwa maneno ambayo yapo niliyoyasikia
Mhe. Lissu: Waeleze majaji yale uliyoyazungumzia kwenye ushahidi wako kama yapo.
Heche: Yapo maneno hayo niliyoyasema kwenye ushahidi wangu kama vile kuepusha maafa, engua engua ya wagombea na mengine mengi maana ni hotuba ya masaa mengi.
Mhe. Lissu: Shahidi shtaka ambalo nashitakiwa nalo linaeleza kwamba mimi ndio nilichapisha hayo maneno Jambo Tv wewe unasemaje?
Heche: Waheshimiwa Majaji, sio kweli kwasababu Lissu sio mfanyakazi wa jambo TV na kuna Shahidi wa Jamhuri yule wa kwenye kiboksi humu alisema yeye ndio aliyechapisha, anaitwa P ni shahidi wa 17 wa Jamhuri.
Mhe. Lissu: Waeleze Majaji juu ya mimi kufanya chochote kwenye Mkutano huo zaidi ya kuzungumza???
Heche: Mwenyekiti wetu, Tundu Lissu hakugusa kitu chochote zaidi ya kuzungumza, hakugusa kamera wala radio.
Mhe. Lissu: Waeleze Majaji uwepo wa kosa la uasi kwenye Katiba ya Tanzania??
Heche: Sina ufahamu wa uwepo wa kosa lolote la uasi kwenye katiba.
Mhe.Lissu: Waeleze Majaji uwepo wa kosa la kuhamasisha uasi kwenye Katiba ya Tanzania.
Heche: Sina ufahamu wowote wa kosa la kuhamasisha uasi kwenye Katiba.
Mhe. Lissu: Waeleze majaji kwa ufahamu wako uwepo wa kosa la kuvuruga uchaguzi kwenye Katiba.
Heche: Sina ufahamu wa uwepo wa kosa la kuvuruga uchaguzi kwenye katiba
Mhe. Lissu: Waeleze Majaji kuhusu uwepo wa kosa la kuzuia uchaguzi kwenye Katiba
Heche: Kwa ufahamu wangu hakuna uwepo wa kosa la kuzuia uchaguzi kwenye katiba.
Mhe. Lissu: Waeleze majaji kwa ufahamu wako uwepo wa kosa la kuhamasisha watu kuzuia uchaguzi?
Heche: Kwa ufahamu wangu hakuna uwepo wa kosa la kuhamasisha watu kuzuia uchaguzi kwenye Katiba.
Mhe. Lissu: Waeleze majaji ufahamu wako kuhusu uwepo wa kosa la kukinukisha kwenye katiba hii?
Heche: Kwa ufahamu wangu hakuna uwepo wa kosa la kukinukisha kwenye Katiba
Mhe. Lissu: Waeleze Majaji kwa ufahamu wako wako uwepo wa kosa linaloitwa kuzuia watu kwenda kupiga kura kwenye Katiba.
Heche: kwa ufahamu wangu hakuna kosa hilo kwenye katiba.
Mhe. Lissu: Waeleze Majaji uwepo wa kosa la uasi au rebellion kwenye Kanuni ya Adhabu.
Heche: Kwa ufahamu wangu sifahamu uwepo wa kosa la rebellion kwenye Sheria
Mhe. Lissu: Waeleze Majaji kwa ufahamu wako uwepo wa kosa la kuhamasisha uasi kwenye Penal Code.
Heche: Sina ufahamu wa uwepo wa kosa la kuhamasisha uasi kwenye kwenye Kanuni ya Adhabu
Mhe. Lissu: Waeleze Majaji ufahamu wako kuhusu uwepo wa kosa la kuvuruga uchaguzi kwenye Kanuni ya Adhabu
Heche: Sina ufahamu kuhusu uwepo wa kosa la kuvuruga Uchaguzi kwenye Kanuni ya Adhabu.
Sehemu ya 402
Makamu Mwenyekiti John Heche anaendelea kutoa ushahidi wake.
Mhe. Lissu: Waeleze Majaji uwepo wa kosa la kuzuia Uchaguzi kwenye Kanuni ya Adhabu?
Heche: Sina ufahamu wa uwepo wa kosa la kuzuia uchaguzi kwenye kanuni ya Adhabu
Mhe. Lissu: Waeleze Majaji kwa ufahamu wako uwepo wa kosa la kukinukisha kwenye Kanuni ya Adhabu.
Heche: Sina ufahamu wa kosa la kukinukisha kwenye Kanuni ya Adhabu
Mhe. Lissu: Waeleze majaji kuhusu uwepo wa kosa la kuvuruga uchaguzi kwenye Sheria ya Uchaguzi wa Rais, Wabunge na Madiwani ya Mwaka 2024??
Heche: Hakuna uwepo wa kosa la kuvuruga uchaguzi kwenye Sheria hiyo ya Uchaguzi.
Mhe. Lissu: Waeleze majaji kuhusu uwepo wa kosa la kuzuia uchaguzi kwenye Sheria ya Uchaguzi wa Rais, Wabunge na Madiwani ya Mwaka 2024???
Heche: Hakuna hilo kosa la kuzuia uchaguzi
Mhe. Lissu: Waeleze Majaji kuhusu uwepo wa kosa la kukinukisha kwenye Sheria ya Uchaguzi wa Rais, Wabunge na Madiwani ya Mwaka 2024
Heche: Hakuna uwepo wa kosa la kukinukisha kwenye Sheria ya Uchaguzi ya Mwaka 2024.
Mhe. Lissu: Shitaka linalonikabili linasema nilitengeza nia ya kuzuia uchaguzi wa 2025, waeleze majaji uwepo wa kosa la kutengeneza nia ya kuzuia uchaguzi kwenye Kanuni ya Adhabu???
Heche: Kwa ufahamu wangu hakuna uwepo wa kosa la kutengeneza nia ya kuzuia uchaguzi kwenye Kanuni ya Adhabu.
Mhe. Lissu: Waeleze Majaji uwepo wa kosa la kutengeneza nia ya kuzuia uchaguzi kwenye Katiba???
Heche: Hakuna kosa la kutengeneza nia ya kuzuia Uchaguzi kwenye Katiba ya Jamhuri ya Muungano wa Tanzania.
Mhe. Lissu: Waeleze Majaji uwepo wa maneno Serikali ya JMT kwenye hotuba yangu?
Heche: Hakuna mahali popote ambapo Mhe. Tundu Lissu alitaja Serikali ya JMT.
Mhe. Lissu: Waeleze Majaji kuhusu uwepo wa maneno Rais wa JMT.
Heche: Hakuna maneno Rais wa JMT kwenye hotuba iliyotolewa na Tundu Lissu
Mhe. Lissu: Waeleze Majaji kuhusu uwepo wa maneno Makamu wa Rais wa JMT.
Heche: Hakuna uwepo wa maneno Makamu wa Rais wa JMT.
Mhe. Lissu: Waeleze majaji uwepo wa maneno Waziri Mkuu wa JMT kwenye hotuba yangu ya tarehe 03/04/2025
Heche: Hakuna mahali ambapo alitajwa Waziri Mkuu wa JMT.
Mhe. Lissu: Waeleze majaji uwepo wa maneno Baraza la Mawaziri wa JMT kwenye hotuba yangu?
Heche: Hakuna maneno Baraza la Mawaziri wa JMT kwenye hotuba ya Lissu.
Mhe. Lissu: Waeleze majaji uwepo wa maneno Waziri, Naibu Waziri, Wakuu wa Mikoa au Wilaya?
Heche: Hakuna maneno Waziri, Naibu Waziri, wakuu wa mikoa au wilaya kwenye hotuba ya Tundu Lissu.
Mhe.Lissu: Waeleze Majaji uwepo wa maneno Mwanasheria Mkuu wa Serikali au Mkurugenzi wa Mashtaka?
Heche: Hakuna uwepo wa maneno Mwanasheria Mkuu wa Serikali ya JMT au Mkurugenzi wa Mashtaka.
Mhe. Lissu: Waeleze majaji uwepo wa maneno halmshauri ya Mji, jiji, wilaya au Serikali ya mtaa?
Heche: Kwenye hotuba nzima hakuna maneno Halmashauri ya mji, jiji, wilaya, kitongoji , kijiji wala serikali ya mtaa.
Mhe. Lissu: Waeleze Majaji uwepo wa maneno Wakurugenzi wa jiji, Manispaa, Halmashauri wala watendaji wa kata, vijiji?
Heche: Waheshimiwa Majaji kwenye hotuba yote Hakuna maneno wakurugenzi wa jiji, manispaa, halmashauri wala watendaji wa kata na vijiji.
Mhe. Lissu: Waeleze Majaji uwepo wa maneno jeshi la polisi, jeshi la ulinzi, jeshi la akiba, mgambo wa jiji, jeshi la wananchi wa Tanzania na maneno ya aina hiyo???
Heche: Hakuna maneno Jeshi la Polisi, Jeshi la Ulinzi, Jeshi la akiba, mgambo wa jiji, Jeshi la Wananchi wa Tanzania kwenye hotuba nzima ya Lissu.
Mhe. Lissu: Waeleze Majaji maneno yaliyopo kwenye hati ya mashtaka yanamtishia nani?
Heche: Waheshimiwa majaji, hayo maneno ni ya kawaida tu na wala hayajamtishia mtu yeyote.
Mhe. Lissu: Waeleze majaji maneno niliyokusomea yana kosa gani?
Heche: Waheshimiwa majaji hayo ni maneno ya kawaida kwenye siasa hivyo hayana kosa lolote
Sehemu ya 403
Makamu Mwenyekiti John Heche anaendelea kutoa ushahidi wake.
Mhe. Lissu: Waeleze majaji katika Mkutano wa 3/4/2025 uwepo wa maneno tutaenda kuchoma vituo vya kupigia kura moto?
Heche: Hakuna hayo maneno ya tutaenda kuchoma moto vituo vya kupigia kura kwenye hotuba wala kwenye video.
Mhe. Lissu: Waeleze Majaji uwepo wa maneno tutaenda kuchoma vituo vya mwendokasi, ofisi za CCM na Serikali???
Heche: Waheshimiwa Majaji, hakuna uwepo wa hayo maneno ya tutaenda kuchoma vituo vya mwendokasi, ofisi za CCM na Serikali hata kwenye video hayapo.
Mhe. Lissu: Waeleze majaji uwepo wa maneno tutakwenda kukata watu vidole?
Heche: Hakuna hayo maneno ya kusema tukakate watu vidole.
Mhe. Lissu: Waeleze Majaji uwepo wa maneno watu wakaue Polisi au mtumishi wa Tume au mtu mwingine yeyote???
Heche: Waheshimiwa majaji, Tundu Lissu hakusema watu wakaue Polisi au mtumishi wa Tume au mtu mwingine yeyote.
Mhe. Lissu: Waeleze Majaji ufahamu wako kuhusu hotuba ya Jaji Othman Chande ya Matukio ya Oktoba 29???
Heche: Naifahamu
Mhe. Lissu: Waeleze majaji kama uliisikiliza yote?
Heche: Niliisikiliza yote.
Mhe. Lissu: Waeleze Majaji uwepo au kama Jaji Chande alisema vurugu za Oktoba 29 zilitokana na maneno ya Tundu Lissu???
Heche: Jaji Chande hakusema kuwa vurugu za Oktoba 29 zilitokana na maneno ya Tundu Lissu.
Mhe. Lissu: Waeleze Majaji kwenye hotuba wa Jaji Chande uwepo wa maneno juu ya aliyechochea au waliochochea??
Heche: Kwenye hotuba hiyo Jaji Chande hakutaja mtu yeyote aliyechochea, hakumtaja Lissu wala mtu yeyote.
Mhe. Lissu: Waeleze Majaji uwepo wa jina au majina ya chama cha siasa kilichochochea vurugu za Oktoba 29, 2025.
Heche: Kwenye hotuba hakuna jina au majina ya chama cha siasa kilichochochea vurugu za Oktoba 29, 2025
Mhe. Lissu: Waeleze Majaji uwepo wa majina ya watu waliokata watu vidole au watu waliokatwa vidole?
Heche: Hanna uwepo wa majina ya watu waliokata au waliokatwa vidole.
Mhe. Lissu: Waeleze Majaji kwenye hotuba ya Chande uwepo wa majina ya askari polisi waliouwawa na watu waliowaua hao askari??
Heche: Hakuna majina ya askari waliouwawa au watu waliowaua.
Mhe. Lissu: Waeleze Majaji, majina ya watu waliouwawa au majina ya watu waliowaua???
Heche: Hakuna uwepo wa majina ya watu waliowawa na watu waliowaua.
Mhe. Lissu: Waeleze Majaji, kwenye hotuba ya Chande uwepo wa maeneo ambayo vituo vya mwendokasi , ofisi za CCM au za Serikali .
Heche: Sina kumbukumbu na hilo
Leo mshtakiwa na shahidi wake wanagonga nyundo sana, wanatema madini wote,
Mhe. Lissu: Waeleze Majaji uwepo wa orodha ya magari ya watu binafsi au Serikali?
Heche: Hakuna mahala ambapo ilitolewa orodha ya magari, hakuna hata moja.
Mhe. Lissu: Waeleze Majaji, kuhusu wewe au viongozi wa chama kuitwa kwenda kueleza kuhusu chochote mbele ya Tume ya Jaji Chande.
Heche: Mimi binafsi sikuwahi kuitwa na sina ufahamu wa kiongozi yeyote wa chama chetu kwenda kutoa maelezo mbele ya Tume ya Jaji Chande.
Mhe. Lissu: Waeleze majaji kwa haya uliyoyatolea ushahidi, kwa ufahamu?
Heche: Siko kwenye nafasi nzuri ya kueleza wao walichunguza nini ila sisi hawakutusikiliza wala kutuita.
Sehemu ya 404
Lissu: Waeleze ufahamu wako juu ya jitihada za mazungumzo na Serikali kabla ya msimamo wa No reforms, No election?
Heche: Mimi binafsi nilishiriki, nilikuwa kwenye team ya CHADEMA iliyokutana na Rais Samia Suluhu Hassan aliyekuwepo mwaka 2022- 2025 Ikulu Dodoma.
Tulizungumza nae kutokana na malalamiko ya uchaguzi ya muda mrefu hasa uchaguzi wa 2019 na 2020 baadae Chama kilianzisha madai ya kampeni ya Katiba Mpya na mifumo ya uchaguzi wakati huo Mwenyekiti alikuwa ni Freeman Mbowe.
Tulienda Mwanza mwaka 2021 tulifanya Kongamano la kudai Katiba Mpya ili kuwezesha mabadiliko ya Uchaguzi, kama nilivyoeleza Mbowe alikamatwa na mimi nilikamatwa.
Baada ya Mbowe kutokea Ikulu ndio tukaenda kukutana na Rais Ikuku Chamwino Dodoma alikuwepo Mwenyekiti Mbowe, Said Issa aliyekuwa Makamu Mwenyekiti wa Chama chetu Zanzibar, Katibu Mkuu John Mnyika, na mimi mwenyewe.
Upande wa Serikali alikuwepo Rais Samia, Mwanasheria Mkuu wa Serikali wakati huo Jaji Eliezer Mbuki Feleshi, Waziri George Simbachawene, Jenister Mhagama sasa ni marehemu ila alikuwa Waziri,
Upande wa CCM alikuwepo Makamu Mwenyekiti wa CCM wa wakati huo mzee Abdullahiman Kinana na viongozi wengine wa CCM siwakumbuki vizuri.
Mwenyekiti Mbowe na Katibu Mkuu walieleza jinsi ambavyo tumenyanyaswa na kuonewa na uharibifu wa Uchaguzi,
Watu waliokimbia nchi na mambo mengine yaliyotokana na uchaguzi kwenye kile kikao ilikubaliwa kuwa iundwe Team ya watu watano, watano kutoka kila chama na upande wa Serikali.
Hizo team zingeenda kupitia kwa kina mifumo ya uchaguzi, matatizo ya kiuchaguzi na mapendekezo ya mabadiliko ya katiba na sheria za uchaguzi kabla ya 2025.
Upande wa Chadema iliundwa team iliyokuwa chini ya Mwenyekiti Mbowe, Katibu Mkuu John Mnyika, Wakili Jeremia Mtobesya, Mjumbe wa Kamati Kuu ya Chama kutoka Zanzibar Mhe. Zeudi Mvano, na mimi John Wegesa Heche nilikuwemo.
Upande wa CCM namkumbuka Makamu Mwenyekiti wa CCM Abdullahiman Kinana, Andrew Chenge, wawakilishi wawili kutoka Zanzibar siwakumbuki majina yao na kulikuwa na Mawaziri, mwanzo aliingia Jenister Mhagama na baadae akaja Simbachawene.
Hayo mazungumzo yalichukua mwaka mzima na sehemu tuliandika na kupeleka mapendekezo yetu namna ya kukwamua mchakato wa Katiba namna ya kuukwamua, mapendekezo ya kisheria namna ya kuukwamua mchakato wa Katiba, Vyombo ambavyo vingeundwa katika kuhakikisha vinaandika katiba kuanzia mwanzo ikiwemo kuchakata maoni.
Tulipeleka pia mapendekezo ya sheria ya Uchaguzi, mapendekezo ya namna ya kuunda Tume Huru ya Uchaguzi, tulizungumza kuhusu kesi mbalimbali watu wetu walizokuwa wamebambikiziwa na wengine kufungwa kwa uongo, tulizungumza kuhusu viongozi waliokuwa wamekimbia nchi kwasababu ya usalama wao Makamu Mwenyekiti Mhe. Lissu, Godbless Lema, Ezekia Wenje Dibogo na wengine, madai ya kuwaondoa wabunge 19 (Covid-19) ambao walijipeleka Bungeni kinyume na taratibu za chama,
Tulizungumza kuhusu kufungulia mikutano ya hadhara iliyokuwa imefungwa kwa tamko la Rais Magufuli kinyume cha Sheria, namna ya kukomesha matukio ya utekaji watu.
Mhe. Lissu: Naomba tuahirishe baada ya lisaa na nusu turejee shahidi aje kuendelea na nina uhakika atamaliza leo
Jaji Ndunguru: Wakili wa Serikali
Katuga: hatuna pingamizi
Jaji Ndunguru: tujitahidi tumalizane na huyu shahidi
Kesi inaahirishwa hadi saa nane na nusu
===========
Mahakama imerejea majira Saa Tisa kasoro Alasiri.
Sehemu ya 405
Majaji walishaingia, Mhe. Lissu yupo na Upande wa Jamhuri wapo.
Anasimama Nassoro Katuga anasema mchana huu hayupo Ajuaye na Job Mrema na sisi tuko tayari kuendelea.
Mshitakiwa Mheshima Tundu Lissu anasema yupo tayari kuendelea pia.
Shahidi no. 5, John Heche tayari amepanda kizimbani
Jaji Ndunguru anamwambia Shahidi nakukumbusha kwamba upo chini ya kiapo.
Mhe. Lissu anasema nikumbushwe nilipoishia ili tuendelee.
Anakumbushwa.
Mhe. Lissu: Waeleze majaji uwepo wa jambo lingine mlilozungumzia kwenye hivyo vikao?
Heche: Kukomeshwa vitendo vya utekaji nyara, ubambikaji wa kesi za uongo kwa watu kwa ujumla ni kuupitia mfumo wote wa Haki jinai na kurudisha Demokrasia ya kweli.
Mhe. Lissu: Kuhusu ratiba ya mambo hayo mliyokuwa mnayazungumzia?
Heche: Katika mapendekezo yetu tulikuwa na roadmap ya namna ya kukwamua mchakato wa Katiba mpya na ratiba nzima ambayo ilisema mambo yote yangekamilika kabla ya Uchaguzi wa Serikali za Mitaa za mwaka 2024.
Mhe. Lissu: Mazungumzo hayo yaliishaje?
Heche: Wakati wote tulipokuwa tunazungumza tulipeleka kwa maandishi ratiba na mapendekezo yetu.
Wajumbe wa CCM walikuwa wanatusikiliza na wanabeba kwamba wanaenda kufanya consultation na Rais ambae aliteua hiyo timu kumueleza hayo tunayozungumza ili tuwe kwenye picha moja.
Kuna wakati Mh. MBOWE NA KINANA wameenda kumuona Rais kwa Pamoja kupeleka mazungumzo tuliyokuwa tumefanya kwenye kikao.
Makubaliano ilikuwa Mbowe na Kinana wafanye Press conference ya pamoja kuelezea walichokubaliana, mazungumzo yaliisha pale tuliposema tujibiwe kwa maandishi kuwa tuandikieni na nyie upande wa CCM na Serikali kuwa kati ya mapendekezo yetu yote yapi tumekubaliana.
Mhe. Lissu: Waliwajibu kwa njia gani?
Heche: Walitujibu kwa njia ya maandishi na kwenye majibu yao walisema kwamba wamekataa mambo yote tuliyokubaliana kwenye vikao hivyo vya Maridhano.
Mhe.Lissu: Hayo majibu waliyaleta lini?
Heche: Siwezi kukumbuka exactly tarehe lakini ilikuwa mwaka 2023 na sisi tuliendelea na ziara zetu kwenda kwa wananchi so mazungumzo yetu na CCM yakaishia hapo.
Mhe. Lissu: Siku ya Tarehe 29/10/2025 wewe ulikuwa wapi na kama ukishiriki kwenye kupiga kura?
Heche: Hiyo Tarehe 29/10 nilikuwa kituo cha Polisi Mtumba Dodoma ambapo nilikamatwa tangu tarehe 22/10 huo huo.
Nilipotoka Polisi nilipata taarifa nyingi kuhusiana na kilichotokea, watu kuuwawa kwa zaidi ya watu 518 na Mzee Joseph Warioba anasema watu waliouwawa ni wengi kuliko waliokufa kwenye vita ya Kagera.
Anasimama Katuga anasema sio kwamba napinga lakini hiyo habari ya Mzee Warioba ni Hearsay Evidence haipaswi kuchukuliwa.
Mhe. Lissu: Waheshimiwa Majaji kama hapingi amesimama kufanya nini? Pia kuna mambo yanasemwa kama ni sheria vile lakini sio sheria kabisa.
Hearsay Evidence inahitaji kuwa Corroborated na ushahidi mwingine, mimi nimebaki na mashahidi wengine watatu kwahiyo atulie tu na mwisho yeye ana nafasi ya kuja kufanya Cross Examination sasa si asubiri aje kumuuliza maswali shahidi.
Jaji Ndunguru: Haya tuendeleee.
Mhe. Lissu: Ahsante. Haya ulisemaje hapo?
Heche: Nilitaka kumalizia kwa kusema hakuna Serikali imewahi kuua watu wengi toka vita vya majimaji hadi leo, hii ndo Serikali imeua watu wengi sana.
Sehemu ya 406
Makamu Mwenyekiti John Heche anaendelea kutoa ushahidi wake.
Mhe. Lissu: Hebu fafanua hilo la mauaji na vita vya majimaji?
Heche: Waheshimiwa Majaji nafahamu historia ya nchi hii na nafahamu hakuna mauaji yamewahi kufanyika kwa pamoja.
Taarifa ya Jaji Chande inasema Dar es salaam watu zaidi ya 100 na Mwanza watu 90 Arusha na Mbeya na kwa historia hiyo walikufa watu wengi sana katika siku iliyopaswa kuwa ya Uchaguzi.
Mhe. Lissu: Je kuna muhusika yoyote amewajibika kwa namna yoyote kutokana na mauaji hayo yote?
Heche: Kwa ufahamu wangu sina taarifa ya mtu yeyote kutoka Chombo chochote ambaye amewahi kuwajibika kwa mauaji ya kutisha kiasi hicho yaliyotokea kwa siku ambayo ilipaswa kuwa siku ya Uchaguzi.
Mhe. Lissu: Waeleze Majaji kwa ufahamu wako kuhusu kiongozi yeyote wa Serikali kuwajibika kwa mauaji hayo?
Heche: Hakuna kiongozi yoyote wa Serikali ambae amewahi kuwajibika kwa mauaji hayo makubwa.
Mhe. Lissu: Eleza kuhusu Jaji Chande kutaja kiongozi yeyote aliyetoa amri ya kuuwa watu wote hao?
Heche: Hakuna mahali kokote Jaji Chande alitaja kiongozi aliyetoa amri ya kuua watu wote hawa.
Mhe. Lissu: Je kuna mtu yeyote aliyekamatwa kwa kuhusika na kuuwa watu hao?
Heche: hakuna hata mmoja aliyekamatwa
Mhe. Lissu: Ufahamu wako kuhusu serikali kuuwa raia wake?
Heche: Hakuna uhalali wa Serikali kuuwa raia tena kwa namba kubwa kiasi hicho.
Mhe. Lissu: Waeleze Majaji hoja ya kuahirisha Uchaguzi ingekuwaje kama ingekubaliwa?
Heche: Hiyo hoja ingekubaliwa maafa na mauaji hayo makubwa yasingetokea.
Mhe. Lissu: Jaji Mkuu Chande alisema kisababishi cha hayo machafuko ni nini?
Heche: Madai ya muda mrefu ya watanzania kutaka Katiba Mpya, Tume huru ya Uchaguzi, Rushwa na ufisadi, Ukosefu wa Ajira na watu kutekwa nyara na kupotezwa.
Mhe. Lissu: Alisema nini Chande kuhusu utekaji nyara na kupotezwa watu?
Heche: Alisema watu wanatekwa kwasababu za Kimapenzi, ushirikina na sababu za kibiashara.
Mhe. Lissu: Wimbi la Utekaji wa Viongozi umewataja wa Chadema na vyama vingine hili ulisemaje ulimtaja hadi Polepole?
Heche: Alisema wametekwa kwasababu za kisiasa.
Mhe. Lissu: Kwa akili yako tu ya kawaida kuhusu uwezekano wa mtu kujiteka mwenyewe?
Hilo swali lilekebishwe anasema Jaji.
Kuhusu taarifa ulizopata sema zingine?
Heche: Nilipata taarifa kutoka kwenye vyombo vya habari kwa kusoma na kuangalia, waangalizi wa Kimataifa, Taarifa za jumuiya za kimataifa na taasisi za jumuiya za kimataifa, Taasisi ya dini.
Mhe. Lissu: Eleza taarifa za kidini ulizozipata??
Heche: Shura ya maimamu na Kanisa Katoliki.
Mhe. Lissu: Elezea tarehe za hizo report???
Heche: Zilikuwa za Mwezi Novemba 2025.
Mhe. Lissu: Taarifa ya Baraza la Maaskofu Katoliki Tanzania ilisemaje???
Heche: Ilianza kwa kulaani kilichotokea Oktoba 29, ilihimiza uchunguzi huru wa Kimataifa, ililaani matumizi ya nguvu kupita kiasi katika kukabiliana na wananchi au waandamanaji, ilisema pia sio kila Maandamano ni Maandamano ya uhalifu, ilizungumzia wananchi kunyimwa haki yao ya kidomokrasia ya kuchagua kiongozi wanayemtaka tangu mwaka 2016.
Lakini pia ilizungumzia kuhusu hali ya kiusalama, kwamba wananchi wamekuwa wakiishi kwa hofu na kutekwa nyara na kupotezwa kwa watu bila hatua kuchukuliwa na kumekuwa na hofu kubwa miongoni mwa wananchi.
Mhe.Lissu: Shura ya Maimamu walisemaje??
Heche: Shura ya maimamu walilaani matukio ya mauaji, walieleza namna ambayo uchaguzi ulikosa sifa za uchaguzi, walilaani vyombo vya dola kutumia nguvu kuua raia wakati wa Uchaguzi.
Mhe. Lissu: Watajie majaji taarifa za waangalizi wa uchaguzi.???
Heche: Nilisoma taarifa za African Union, Taarifa ya waangalizi wa Uchaguzi ya SADC na ya East African Community.
Mhe. Lissu: Waeleze majaji taarifa zilitolewa tarehe gani???
Heche: Zote ni za Mwezi Novemba 2025.
Sehemu ya 407 itaendelea....
Part 407. Makam Mwenyekiti John Heche anaendelea kutoa ushahidi wake
Mhe. Lissu: Taarifa ya EAC ilisema nini juu ya tarehe 29/10/2025?
Heche: Taarifa ya EAC ilisema uchaguzi wetu ulikuwa mzuri, huru na haki.
Mhe. Lissu: Waeleze Majaji hiyo taarifa ya EAC kama ilizungumzia mauaji ya Oktoba 29, 2025?
Heche: Haikueleza jambo lolote baya wala mauaji wala uharibu wa mali, yaani wanatofautiana hata na Tume ya Chande ambayo ilisema kulikuwa na mauaji na uharibifu wa miundombinu.
Mhe. Lissu: Nchi zinazounda EAC ni zipi?
Heche: Uganda, Kenya, Rwanda, Burundi, Congo, Sudan Kusini, Uganda, Somalia.
Mhe. Lissu: Waeleze majaji hali ya kidemokrasia ya nchi hizo.
Heche: Kwa nchi zote ukiitoa Kenya kidogo hali ya demokrasia ni mbaya sana, Uganda iko chini ya Museveni kwa zaidi ya miaka 30, Rwanda iko chini ya Kagame na Uchaguzi wa mwaka jana alipata 98% walipishana kidogo tu na Samia aliyepata 97%.
Taarifa ya SADC kuhusu uchaguzi wa mwaka jana
Mhe. Lissu: SADC walisemaje kuhusu uchaguzi wa mwaka jana?
Heche: SADC wanaona uchaguzi wa Tanzania haukufikia viwango vya kidemokrasia kuendesha uchaguzi huru na haki, haukufikia viwango vya SADC ili Uchaguzi uitwe huru na haki.
Walizungumza pia kuhusu matatizo waliyoyapata siku ya uchaguzi ikiwemo kuzuiwa, ilivyotokana na curfew iliyotangazwa baada ya Maandamano siku ya uchaguzi.
Mhe. Lissu: Walisema nini kuhusu mauaji?
Heche: Walisikitishwa na matukio ya mauaji, matumizi makubwa sana ya nguvu ya vyombo vya dola yaliyojitokeza siku ya uchaguzi.
Taarifa za kikanda
Mhe. Lissu: Taarifa za kikanda ni zipi waeleze majaji?
Heche: Thabo Mbeki Foundation.
Mhe. Lissu: For the record, Thabo Mbeki ni nani?
Heche: Rais wa Pili wa Afrika Kusini na amekuwa kiongozi wa ANC ambao ni rafiki wakubwa wa CCM.
Mhe. Lissu: Thabo Mbeki Foundation walisema nini kuhusu uchaguzi?
Heche: Kutokana na ripoti za SADC na AU walizoziona na mapungufu makubwa yaliyobainishwa, Tanzania inakosa serikali halali iliyochaguliwa na wananchi. Serikali iliyoko madarakani imejengwa kwa nguvu (mabavu) na njia za udanganyifu.
Taarifa za Taasisi za Kimataifa
Mhe. Lissu: Waeleze Majaji Taarifa za Taasisi za Kimataifa:
Heche: Taarifa za EU, World Council of Churches, UN, Jumuiya ya Madola.
Mhe. Lissu: Taarifa ya EU ilisema nini kuhusu uchaguzi?
Heche: Ililaani mauaji ya raia, ilitaka Serikali ifanye uchunguzi huru, waliohusika kuwajibika na kuchukuliwa hatua za kisheria.
Mhe. Lissu: World Council of Churches walisemaje?
Heche: Walilaani kuhusu mauaji na walisema kwamba Haki ya kuishi hutolewa na Mwenyezi Mungu ambayo haipaswi kuondolewa na mtu yeyote, walizungumzia kuwa Uchaguzi haukuwa na viwango vya kidemokrasia unaoruhusu haki na kukosekana kwa mizania inayoruhusu Uchaguzi kufanyika kwa haki na kwa usawa.
Mhe. Lissu: Taarifa ya UN ilisemaje?
Heche: Walizungumzia kuhusu Uchaguzi kuwa haukuwa Huru na wa Haki na uliwanyima Wananchi haki yao ya kidemokrasia.
Walisema pia kuhusu kukamatwa kwa Viongozi wa upinzani na kubambikiwa kesi za uongo na kutaka wote waliobambikiwa kesi za uongo waachiwe.
Part 408. Makam Mwenyekiti John Heche anaendelea kutoa ushahidi wake.
Mhe. Lissu: Uhusiano wa izo taasisi na Tanzania?
Heche: Uhusiano ni Mzuri na hatuna ugomvi nao kwa mfano Tanzania imekuwa founder member wa OUA tangu mwaka 1963.
EAC pia tumekuwa founder na SADC Tanzania imepigania uhuru wa nchi nyingi za kusini mwa Afrika kwahiyo uhusiano wetu ni mzuri.
EU pia wamekuwa marafiki zetu wa muda mrefu na wamekuwa wakitoa msaada mkubwa wa fedha za maendelea na Balozi zao nyingi ziko hapa na UN pia Tanzania sisi ni Wanachama na uhusiano wetu ni mzuri tu.
Mhe. Lissu: Nimeshtakiwa kwa uhaini na niko ndani zaidi ya mwaka sasa tunaelekea na nusu, kwa ufahamu wako hii kesi ikoje???
Heche: Kwa ufahamu wangu hii ni kesi ya uongo yenye lengo la kukandamiza Demokrasia, kurudisha nyuma harakati za Chama chetu cha CHADEMA kudai mabadiliko.
Hii ni kama kesi zingine nyingi za kisiasa ambazo Wanachama na Viongozi wetu wamekuwa wakifuguliwa ambazo hawawezi kushindana ila Wanatumia mfumo wa Haki jinai na Vyombo vya dola kukandamiza wapinzani wao.
Hii ni kesi ambayo inatumia rasilimali za nchi na malengo yake ni kuumiza Uongozi mzima wa Chama chetu kwasababu Mwenyekiti wetu anayetuongoza ameshikiliwa kwa muda mrefu zaidi Gerezani bila kosa.
Mhe. Lissu: Nimemaliza Waheshimiwa majaji nilisema leo hii ngoma hailali waheshimiwa majaji.
Jaji Ndunguru: Upande wa mashtaka mnasemaje?
Katuga: Tuna maswali mengi sana ya dodoso kutokana na ushahidi uliotolewa na tulijiwekea utaratibu wa kuishia saa kumi na moja ni ombi letu kwa leo tuishie hapa.
Jaji Ndunguru: Tumekuelewa tulitaka kupima stability ya shahidi, Jumatatu mtaweza kumaliza cross examination?
Katuga: Tutajitahidi Waheshimiwa majaji.
Jaji Ndunguru: Tunaomba mmalize cross examination Monday, kwasasa shauri linaahirishwa hadi Jumatatu.
Inapigwa High Coooouuuuurrrrttt
Majaji wanatoka, tukutane Monday.
