Kikwete aagiza Nyumba za Serikali zilizouzwa zirejeshwe

  1. Kumbuka kuwa watumishi wa serikali wanacheza ngoma kuendana na midundo yake. Hivyo kama viongozi kwa maana rais na mawaziri wakiwa legelege watumishi watatumia fursa hiyo.
  2. Huwezi kulinganisha nchi zilizoendelea na nchi zetu hizi zenye miundombinu hafifu. Ulaya kuna nyumba nyingi zenye hadhi tofauti zinazoweza kuwatosheleza wengi. Nchi zetu zinawajibika kuwatengenezea mazingira mazuri watumishi wake ili waweze kufanya kazi kwa ufanisi. Sera za IFM na World Bank zinaweza kufuatwa zikiakisi mazingira ya kwetu na siyo kila kitu ku-copy na ku-paste.
  3. Lazima utofautishe nyumba za serikali na za mashirika. Mashirika yana sera zake na hivyo NHC kujenga na kuuza nyumba zake ni moja ya sera zake ili liweze kujiimarisha kiuchumi. Serikali inajenga nyumba ili kuwasaidia watumishi wake ambao mara nyingi wanahamishwa kutoka sehemu moja hadi nyingine. Hivyo mtumishi aliyehamishwa hatapata usumbufu endapo atapata nyumba mara moja.
  4. Lazima ujue kuwa pale ambapo viongozi (Rais na wawaziri) wanapotaka kufanya ufisadi hakuna taarifa zinazoweza kupelekwa press!
Bila wasiwasi inaelekea wewe ni mmoja wa walionufaika!
 
Huyu Ole Sendeka mjinga sana. Kelele nyiiingi kumbe kule jimboni kwake watu wana shida ile mbaya! Kwa kifupi hakuna alichokifanya. Lakini ukilisikia bungeni linavyotoka mapovu utashangaa!
 
Taso,
Mkuu wangu ktk swali la Jasusi bila shaka hukumwelewa..Kupuuzia kwa serikali kufanya ukarabati haina maana kwamba fedha haikuwepo bali nyumba ndizo zilichakaa. Wapo wenye magari leo hii limechakaa na mtu mwenyewe tajiri anakunywa bia kila siku. Nyumba nyingi uswahilini zina madirisha toka mkoloni lakini sii kwamba wanashindwa kubadilisha ama kufanya ukarabati isipokuwa hatuna utamaduni huo sisi hadi kitu kiharibike kabisa ndipo humtafuta fundi..

Hivyo uwezo wa kuzikarabati ulikuwepo isipokuwa haikuwa utamaduni wa Mtanzania. Na kusema kweli kuuzwa kwa nyumba zile kulitokana na kwamba viongozi wenyewe waliokuwa chini ya Nyerere wengi wao walikuwa wanazeeka hawana hata nyumba ya kuishi wakistaafu, na sheria mpya ilikuwa ni kuwaondoa ktk nyumba hizo maana enzi zao walikuwa madarakani miaka 30 akijua hawezi kutoka wala kupisha mtu..Ndipo mchezo ukatungwa wasije kufa maskini maana hata vijana wapya walioingia makazini walipata shida kubwa sana kupishwa na wazee..

Chanzo cha yote haya ni Azimio la Zanzibar, walipojua sasa tunaingia Ubepari hali wao maskini waliona ngoma inakuja, basi kila mmoja wao akachukua chake Mapema na ndipo CCM ikachukua jina jipya la CHUKUA CHAKO MAPEMA wakati wananchi wakitangaziwa kifuta jasho - RUKSA (funika kombe mwana haramu apite) wakajiona wamepata kiongozi haswa..

Kwa hiyo, nyumba za serikali zimeuzwa ktk mfumo wa UFISADI na sababu kubwa ni kujiandaa kwa viongozi hawa kuchukua kile ambacho wao waliona ni haki na halali yao baada ya kulitumikia taifa zaidi ya miaka 30, uzee umewafika hawana kitu na Ubepari ndio huu. Na kuuzwa wala isingekuwa tatizo kama zingeuzwa ktk market value au wangeweka mnada watu waka bet tukakusanya mabillioni lakini mtindo ulotumika wa kuzawadiana hakika ilikuwa sii haki..

Na kibaya zaidi JK naye kaja kujenga nyingine mpya ambazo mawaziri hawaishi isipokuwa wameweka familia zao, wao wanajenga zao wananunua viwanja na mashamba kwa fujo kwa hofu ile ile ya kuondoka huna kitu - hapo tena Ufisadi unatumiwa kwa nguvu zote yaani ni balaa tupu ku deal na Mtanzania. Huko CCM unaona watu wanakataa kuachia kofia nyingine japokuwa kuna watu wana kofia tatu hadi nne..Balaa imekuwa balaa!
 
TUMETIWA moyo na kauli ya Mbunge wa Simanjiro, Christopher ole Sendeka aliyoitoa bungeni mjini Dodoma mwezi uliopita, kwamba anakusudia kuwasilisha hoja binafsi katika kikao kijacho Aprili mwaka huu, kulitaka Bunge lipitishe azimio la kurudishwa kwa nyumba za Serikali zilizouzwa na Serikali ya Awamu ya Tatu katika mazingira ya kutatanisha.

Mbunge huyo ambaye amejipambanua kwelikweli kama mmoja wa wabunge ambao wanapambana na vitendo vya ufisadi nchini, alisema hatua hiyo ya Serikali kuuza nyumba za watumishi wake haikubaliki siyo tu kwa sababu siyo endelevu, bali pia ina kila dalili za ukiukwaji wa misingi ya uadilifu na utawala bora.

Tunampongeza mbunge huyo kwa kauli yake hiyo ambayo hapana shaka itakuwa imewaliwaza wananchi wengi ambao walipinga kwa nguvu zote pasipo mafanikio kitendo cha Serikali kuuza nyumba hizo. Itakumbukwa kwamba uuzwaji wa nyumba hizo ulipingwa vikali katika kila kona ya nchi yetu siyo tu kwa kuwa ziliuzwa kwa bei ya kutupwa, bali pia kwa zoezi hilo zima kutofanyika kwa uwazi na kutofuatwa kwa taratibu zilizowekwa kuhusu uuzwaji wa mali za serikali.

Siyo siri kwamba uuzwaji wa nyumba hizo ulionekana dhahiri kufanywa kibabe. Katika macho ya wananchi wengi waliopaza sauti zao kulaani kitendo hicho ambacho bila shaka kilipata baraka za Baraza la Mawaziri, kitendo hicho kilikuwa ni unyang'anyi na ukwapuaji wa wazi wa mali ya umma kinachoweza kufananishwa na uhaini. Tunasema hivyo kwa sababu viongozi wa serikali ambao ndiyo waliokuwa na dhima ya kulinda mali hiyo ya umma ndiyo waliokaa na kula njama za kujigawia nyumba hizo, ambazo zilijengwa sehemu maalumu katika miji yote nchini ili kuwawezesha viongozi wa serikali kuishi karibu na sehemu zao za kazi kwa lengo la kuleta ufanisi katika utendaji wa kazi zao.

Safu hii haitoshi kuorodhesha madudu yote yaliyotokana na kitendo hicho ambacho kimepewa jina la ufisadi. Hata hivyo, yafaa kusema tu hapa kwamba uuzwaji huo ulifanyika katika staili ya chukua chako mapema na pengine ndiyo sababu nyumba hizo hazikuuzwa kwa viongozi wa serikali pekee kama ilivyotarajiwa, bali pia kwa baadhi ya viongozi wa chama tawala, ndugu, jamaa na marafiki wa viongozi hao.

Hoja ya Mbunge Sendeka ambayo inaungwa mkono na umma wa Watanzania ni kwamba uuzwaji huo haukuwa halali, bali ulikuwa ni wizi. Wananchi wangevumilia wizi huo iwapo angalao ungekuwa umeidhinishwa na Bunge ambalo mamlaka yake yanatokana na wananchi wenyewe. Kitendo cha wateule wachache serikalini kukaa na kula njama za kujigawia nyumba za umma hakika hakielezeki hata kidogo kama ambavyo hakikubaliki kwa namna yoyote ile.

Njama zilizofanywa na viongozi hao ni kukarabati nyumba hizo kwa mamilioni ya fedha za serikali kabla ya kugawiana kama njugu na baadaye kuziuza kwa watu binafsi kwa mabilioni ya fedha. Hata nyumba zilizokuwa nyeti, kwa maana ya kuwa karibu na vituo vya polisi au majengo ya vyombo vya ulinzi na usalama ziliuzwa kiholela. Ebu fikiria hili: Nyumba za mawaziri; makatibu wakuu; wakuu wa mikoa na wilaya; maafisa usalama; makamanda wa polisi wa mikoa na wilaya; mahakimu na majaji; na wakuu wengine muhimu ziliuzwa.

Matokeo ya hatua hiyo ni kwamba viongozi walioteuliwa na serikali ya Awamu ya Nne walijikuta hawana nyumba, hivyo kulazimika kuponda mamilioni ya kodi za wananchi katika mahoteli ya kifahari. Kwa mfano, Waziri wa Mambo ya Ndani, Shamsi Vuai Nahodha aliripotiwa kuishi katika hoteli moja jijini Dar es Salaam na kulipiwa Sh60 milioni kwa mwezi.

Hayo ndiyo matokeo ya uuzwaji wa nyumba za Serikali. Ni matumaini yetu kwamba hoja binafsi ya Mbunge Sendeka itaungwa mkono na Bunge. Ni matumaini yetu pia kwamba Watanzania kwa umoja wao watazidi kupaza sauti kupinga uuzwaji wa nyumba hizo hadi zitakaporudishwa serikalini.

Nyumba za Serikali zilizouzwa zirudishwe
 
Hii hoja lazima itawagawa wabunge wa CCM. Lakini huyu jamaa si alishahama kambi ya kina Mwakyembe? Au amekimbiza mbawa zake?
 
Huu ni ukweli...uuzwaji wa nyumba za serikali ni wizi wa mchana uliofanywa na viongozi wa serikali.

Ninaamini lazima ipo siku zitarejeshwa kwa heri ama kwa shari.

Hata hivyo ninawasiwasi na hoja ya Sendeka kama itawahishwa katika wakati muafaka, na kama kweli amedhamiria nyumba zote zirejeshwe ama itakuwa ni hoja ya kurejesha baadhi tu ya nyumba zoezi ambalo huenda litatumika kukomoana. Wasiwasi wangu mwingine ni kuwa pamekuwepo na tabia ya kudharauliwa kwa maazimio ya bunge, mfano maazimio ya Richmond, kamati ya Jairo, na mengineyo hayajatekelezwa kikamilifu na bunge letu halina uwezo wa kuiadabisha serikali limebaki kulalama tuu.

Pamoja na yote hayo lakini OLE SENDEKA songa mbele kwa kuwa Mungu yu upande wako...na historia itakukumbuka daima. Wito kwa wabunge wote, hoja hii ni ya maslahi ya taifa, unganeni acheni ushabiki wa vyama.
 
Hii ilikuwa danganya toto kula kunde mbichi.

Wengi walionunua nyumba bado wapo bungeni na serikalini sasa sijui huu mpango utapitia wapi.

Wengine walinunua kwa sh mil 20 wakauza milioni 800.

Hii yote ilikuwa danganya toto kula kunde mbichi kurudi nyumba zilizouzwa ni uongo wa hali ya juu...

Magufuli aoneshe mfano kwa kurudisha za kwake na rafiki zake...
 
uongo wa mkwereee huo unachezea msanii wewe!
 

Serikali ikitaka Nyumba inauwezo kuzichukua,kwa kuwa ndani ya mkataba kuna clause [kifungu] ambacho kinawabana waliowauzia nyumba hizo kuwa ndani ya miaka 25 hawapaswi kufanya lolote lile zaidi ya marekebisho ya kawaida.Hivyo basi kama Serikali ikapata kiongozi akafunga macho kuwa anaziitaji ITAKULA KWAO WANUNUZi,manake kitakachofanyika ni compensation.Wajanja wa ununuzi ambao wanajiita watoto wa mujini na mabilioni yao ya PESA ndio watakaoteketea kwa kuwa iliitaji uangalifu sana kwenye ununuizi wa nyumba zile.Ila kwa kuwa wamilki wa nyumba hizo kwa hapa Dar ni watu wasio zidi wanne basi itakuwa kazi nyepesi na AFRICAN EMPOWERMENT itakuwa imefanikisha kazi kwao waliokuwa mabingwa wa kubadilisha, matumizi ya viwanja.
 
Wakuu, huu ni utapeli mwingine wa Kisiasa. Habari inamtambua Waziri wa Miundo mbinu na Naibu wake kama Basil P. Mramba na Dr Makongoro Mahanga je kuna ukweli wowote wa habari hii?
 

Bora uwataje tu hao watu wanne walionunua hiyo mijengo ya serikali obey na masaki...

Mimi naona bado kuna ugumu mkubwa, ukisema nyumba zirudi sana sana watawaonea wachache.

Wale vingunge wakina Magufuli & Friends, Mkapa, Anna Mkapa & vijana wake wa SIM 2000 LTD nk hawatarudisha!
 
JAMANI JIBWA LENU HILOOOO!
Aaah jibwa lenyewe KOKO!
 
japo serikari zetu kwa siku za karibuni zimekuwa na sifa ya kuwa dhaifu (ref. Kafulila katika kikao cha Bunge) lani suala la hizi nyumba sidhani kama litapita hivihivi. Utabiri unaonyesha muda sio mrefu zitarudi

 


Watanzania huwahatuishi vituko vya ajabu.Hivi hili nalo ni la kupongezwa. Kwa nini tupongeze?Nyumba ziliuzwa kwa mbwembwe , jeuri na kiburi cha serikali ya CCM kwa sababuambazo hata mtoto mdogo ingemuwia vigumu kuamini. Tukalalamika mambo lakiniwapi kama kawaida siku zilivyoenda sasa kwa kusikia kitu ambacho hatahakijatoka kama tamko la serikali watu wanataka kutuaminisha tumpongeze rais nawenzake kwa lipi? Wakati zinauzwa si serikali ya chama kilekile na watuwalewale na kibaya au kizuri Kikwete akiwa ni mmoja katika serikali ile. Leondoto wameipata wapi? Kama sasa hivi amekuwa mzalendo si abadirishe mikataba yamadini? Si aondoe unafuu wa kodi (tax and levy exemptions) kwa wawekezaji wanje. Si azuie wawekezaji ambao wanakuja wanapewa nafuu ya kodi au zinafutwakabisa wanatengeneza faida na muda wa nafuu ya kodi unapoelekea kwisha wanauakampuni kwa mwekezaji mwingine naye anapewa nafuu ilele kama aliyemtagulia nawala hawalipi kodi. Serikali hii ipo na inaona mambo haya ya ajabu ambayoyamekuwa ni donda ndugu kwa Tanzania wakati wenzetu wanafanya vizuri.Lakini lipo hilila madini. Na uzuri au ubaya mikataba ya madini inayotutesa ilisainiwa naKikwete akiwa Waziri wa Nishati na Madini kipindi cha awamu ya tatu ya utawalawa Tanzania. Mrahaba wa asilimia 3 uliahasisiwa na Kikiwete na Mwinyi na akajakumalizia na Buzwagi alipokwisha kukamata hatamu za uongozi. Hivi nyumbazilizouzwa zinatutia hasara kuliko mikataba ya madini? Hivi nyumba zinatutiahasara kuliko vitalu vya uwindaji vilivyouzwa kama njugu? Je, nyumbazilizouzwa ni nyeti kuliko elimu yetu ambayo iko lowly funded na quality yakeimekuwa questionable. Ukilinganisha na nchi zilizo jumuia ya Afrika Masharikisisi ndion tumebaki na elimu ambayo ni duni ya watoto kumaliza shule ya msingibila kujua kusoma na kuandika na wanaojua kusoma hawajui wanasoma nini.Sekondari zetu na vyuo tumebaki kusifia majengo mazuri (fanciful buildings)kuliko elimu inayopatika humo. Tumetengezea bomu la shule za kata na kufanyakile kinachitwa intellectual strata kati ya Watazania na mwisho tumetengezakizazi cha wajinga au waliopitia shule lakini elimu waliyopata haiwasaidiikuwapa critical and critic minds. Haya Kikwete akionyesha kukerwa nayo ndiotunaweza kumpa pongezi japo ni wajibu wake. Lakini aonyeshe kwa vitendo watotowake na wajukuu wake na watawala wengine tuwaone shule za kata hapo tutaonadhamira ya kweli isiyo na hila, unafiki, ushabiki, siasa uchwara, sifa naubaguzi kati wenye na wasiokuwa nacho.Arudishierailway industry hadhi yake ya zamani. Wale natajiri wenye maroli na vifaa vyakubebea mizigo wanyimwe tenda serikalini za usafirishaji wa mizigo ya seriaklina mashirika ya umma. Reli ya kati na Tazara ziboreshwe ndio Tanzania inawezakugeuka Dubai si kwa maneno bali kwa matendo. La sivyo kikwete atamaliza akiwani Yule wa kati ya 2003-2005 wakati akitumia kila mbinu chafu na zuri kuingiaikulu na atamaliza akiwa bado anaogopa kivuli chake
 
Kutangaza na kutekeleza ni mambo mawili tofauti, Network search...........................
 
Tushazoe hizi projo za nyumba, wakti fulani alisema haya haya na kaogopa kuwatoa watu, juzi Pombe kasema anawadai walionunua km hawalipi wapokwe, hizi ni hadithi za sungura na fisi.
 
Cookies are required to use this site. You must accept them to continue using the site. Learn more…