Donnie Charlie
JF-Expert Member
- Sep 16, 2009
- 19,009
- 22,509
I'll be back
Nimeikubali hii introWakati fulani nikiwa Dodoma mwaka 2022, siku moja msafara wa Rais Samia (presidential motorcade) ulikuwa ukitokea Airport Dodoma kuelekea ikulu chamwino. Nadhani na yeye alikuwa anarejea kutokea nje ya nchi).
Sasa nakumbuka siku hii Mimi nilikuwa nimetumwanatokea benki ya Nmb tawi la Bunge pale kuweka floti ya mpesa .
Sasa siku hii nilipokuwa karibia na Malaika Pub nikitembea pembeni ya barabara kuna jambo nilishuhudia maeneo hayo ambalo limenifanya nikupe kisa hiki kimoja ambacho nataka kushare hapa.
Siku hiyo wakati msafara ukipita, yupo bwana mmoja akiwa na gari yake akijaribu kupenya penya huku pembeni mwa Barabara na gari yake, alijikuta amekanyaga kitu kama rundo la taka . Sasa Ghafla zikasikika kelele za Watu waliokuwa pembeni pale kama kumshtua huyu jamaa akiwa na gari yake.
Kumbe huyu mdau alichokuwa amekanyaga Kama taka ,haikuwa ni takataka bali ni kichaa aliyekuwa amejikunja pembeni ya barabara amelala huku amejifunika na nguo chakavu.🥺🥺
Kichaa huyu nakumbuka alikuwa ni mmama fulani hivi mfupi mweusi na alikanyagwa nadhani mguu. Sasa katika hekaheka za hapa na pale na umati wa watu , yule bwana akiwa amepaniki alijitolea kumpeleka yule kichaa hospitali hapo Dodoma (nimesahau jina ila ndio hospitali kubwa Dodoma).
Baada ya kushuhudia hiki kizaazaa nikaacha umati hapo ukipiga gumzo huyooo Mimi nikaondoka zangu kwa masikitiko kuja huku maeneo ya duka kubwa la pombe kali la Takawedo liquor store. Wakaaji wa Dodoma haswa maeneo ya Area c wanayapata haya Maeneo.
Anyway sasa zikapita kama wiki moja au mbili hivi , mitaa ya pale nikasikia kwenye vijiwe vya boda kwamba yule mama kichaa ni kama alikuja kufariki japo sikuwa na uhakika sana . Sasa binafsi nikajisemea moyoni kama alifariki kweli, basi mwili wake ungekaa mochwari siku kadhaa au wiki kadhaa kusubiria ndugu na jamaa wajitokeze kuja kuuchukua mwili wao. Na kama pasingejitokeza mtu mwenye uhusiano na huyu kichaa basi ungezikwa tu na serikali... Ikawa imeisha hivyo .
Lakini kama tungerudisha wakati kama miaka 70 au 80 nyuma , maiti ya mtu kama huyu halafu iwe ni ya mwanaume ikose ndugu wa kumzika na haijulikani, basi ingefuatwa na na watu MAALUM na kuuchukua na kuuvalisha vizuri kabisa kisha kupewa ujumbe Maalum na mzito wa kuusafirisha hadi sehemu fulani mbali sana. Pia hawa watu wangeipa hii maiti passport ya kusafiria pamoja na fedha ya matumizi wakati wa safari njiani ikiwa inapeleka ujumbe .😁😁. ....
Hii ina sound kama stori za abunuwasi na bhangi ee🤣🤣🤣. Lakini amini nachokwenda kukusimulia hapa......
View attachment 3546961
Tafuta popcorn 🍿 kabisa nikupe kisa hiki cha kijasusi cha aina yake
7 endeleaTupo sehemu ya ngapi vile?
Tupe muendelezo mkuu mboni umetuacha kwenye kisiwa cha Cylis hapo hatuelewa nini kilifuata baada ya maiti ile kupelekwa kuleTupo sehemu ya ngapi vile?
Kaangalie au usome kitabu cha the golden finger"Operation Mincemeat" na "Dial M for Murder" ni movie zangu pendwa za kizamani.
mcTobby , nisamehe"Operation Mincemeat" na "Dial M for Murder" ni movie zangu pendwa za kizamani.
Yeap hii ni nzuri....😄 Utawasaidia wale ambao hawapendi kusoma stori ndefu sana. Lakini kwa wale wanaopenda Kwenda deep zaidi kuhusu hiki kisa bado huu Uzi utawafaa ili wapate ile picha Kamili haswa kuhusiana na hii operesheni..mcTobby , nisamehe
Hii naijua nje ndani
Operesheni Mincemeat,
Ulikuwa ni mpango wa siri wa Uingereza mwaka 1943 wakati wa Vita vya Pili vya Dunia uliolenga kuwapotosha Wajerumani kuhusu mipango ya uvamizi wa Washirika.
Maafisa wa ujasusi wa Uingereza walitengeneza mpango wa ajabu: waliweka nyaraka za uongo kwenye mwili wa mtu aliyekufa na kuuacha baharini karibu na Hispania ili Wajerumani waamini kuwa Washirika walikuwa wanapanga kuvamia Ugiriki badala ya Sicily. Mpango huo ulifanikiwa kwani Adolf Hitler aliamini taarifa hizo na kuhamisha majeshi kwenda kulinda Ugiriki na maeneo mengine, hivyo uvamizi halisi wa Sicily ulipofanyika Wajerumani walikamatwa bila maandalizi.
Ili kufanya mpango huo uonekane halisi, maafisa Ewen Montagu na Charles Cholmondeley walimpa marehemu utambulisho mpya kama afisa wa jeshi aitwaye William Martin. Walitengeneza historia kamili ya maisha yake, ikiwa ni pamoja na barua za mapenzi, stakabadhi za benki, na hata mchumba wa kubuniwa.
Mpango huo ulivutiwa na mawazo ya waandishi na hata ulihusishwa na mwandishi wa James Bond, Ian Fleming, ambaye alichangia mawazo ya mbinu za udanganyifu wa kivita.
Mwili uliotumika ulikuwa wa Glyndwr Michael, mtu maskini kutoka Wales ambaye hakuwa na familia, na maisha yake yalitumiwa kama chombo cha vita. Hili lilizua mjadala kuhusu maadili ya kutumia mwili wa mtu kwa madhumuni ya kijeshi.
Hii ilikuwa ni mojawapo ya mbinu za ajabu zaidi za udanganyifu katika historia ya vita na mpango wa siri wa Uingereza uliolenga kumpotosha kiongozi wa Nazi, Adolf Hitler, wakati wa Vita vya Pili vya Dunia.
Mwaka 1943, mataifa ya Washirika yalikuwa yanajiandaa kuivamia Ulaya kupitia kisiwa cha Sicily. Tatizo lilikuwa wazi: Wajerumani walitarajia uvamizi huo. Ili kufanikiwa, Waingereza walihitaji kuwafanya Wajerumani waamini kuwa uvamizi ungefanyika sehemu nyingine na hasa Greece, Hapo ndipo mpango wa ajabu ulipozaliwa.
Wazo la kutumia maiti kama mjumbe wa siri
Maafisa wa ujasusi wa Uingereza walibuni mpango wa kuweka nyaraka za siri za uongo kwenye mwili wa mtu aliyekufa na kuufanya uonekane kama askari aliyekufa ajalini baharini.
Mwili huo ungeonekana kama umebeba nyaraka muhimu za kijeshi kuhusu mipango ya uvamizi. Walitarajia kwamba maafisa wa Kihispania wangepata mwili huo na, kwa siri, kuwapa Wajerumani taarifa zilizopatikana.
Mpango huo ulihitaji mambo mengi yaonekane ya kweli kabisa na si nyaraka tu, bali maisha kamili ya mtu huyo wa kubuni.
Kuundwa kwa utambulisho wa “Major William Martin”
Mtu aliyekufa alipewa utambulisho mpya: afisa wa Jeshi la Wanamaji wa Uingereza aitwaye Major William Martin.
Maafisa wa ujasusi walitengeneza maisha yake kwa undani mkubwa, wakijumuisha:
Lengo lilikuwa kuonyesha kwamba alikuwa mtu halisi mwenye maisha ya kawaida, si sehemu ya mpango wa kijeshi.
- Barua za mapenzi kutoka kwa mchumba wa kubuniwa
- Picha ya mwanamke aliyedaiwa kuwa mpenzi wake
- Risiti za matumizi ya kila siku
- Tiketi na stakabadhi za benki
- Barua binafsi za kawaida za maisha ya kila siku
Hii inaonyesha jinsi ujasusi wa kivita ulivyohusisha pia saikolojia — kuwafanya wapinzani waamini hadithi nzima bila shaka.
Mwili unatupwa baharini karibu na Hispania
Mwili huo uliwekwa baharini karibu na pwani ya Hispania, nchi ambayo ilikuwa haina msimamo rasmi vitani lakini ilikuwa na mawasiliano ya karibu na Ujerumani wa Nazi.
Kama ilivyotarajiwa:
Chanzo cha mawazo na mchango wa waandishi
- Mwili ulipatikana na mamlaka za Hispania
- Nyaraka zilichunguzwa kwa siri
- Taarifa zilifikishwa kwa Wajerumani
- Hatimaye, uongo huo uliaminika.
- Mafanikio ya mpango dhidi ya Ujerumani
- Matokeo yake yalikuwa makubwa sana kijeshi.
- Adolf Hitler aliamini kuwa uvamizi mkubwa ungefanyika Ugiriki badala ya Sicily. Kutokana na hilo:
- Majeshi ya Ujerumani yalihamishwa kutoka Sicily
- Ulinzi wa Sicily ulidhoofika
- Washirika walifanikiwa kuivamia Sicily kwa urahisi zaidi
- Tukio hili lilisaidia kubadilisha mwelekeo wa vita Ulaya.
Mpango huu ulichangiwa na mawazo ya ubunifu na hata fasihi.
Ian Fleming — ambaye baadaye aliandika hadithi za James Bond — alikuwa sehemu ya idara ya ujasusi ya Uingereza wakati huo na alichangia mawazo kuhusu mbinu za udanganyifu wa kivita.
Mpango huo unaonyesha jinsi ubunifu, hadithi na saikolojia zilivyotumika kama silaha za vita.
Huyo msukuma ana tabu sanaaNazingua tena nini man wangu?
.....SEHEMU YA TISA
ASUBUHI NA MAPEMA KUSINI MWA HISPANIA
Sasa mwili wa huyu mwanajeshi aliyeokotwa, yaani Major William Martin au jina lake halisi Glyndwr Michael baada ya kulazwa juu ya meza maalum zile za mochwari, ilifanyiwa upekuzi kwanza mfukoni. Na ikakutwa ikiwa na vitu kadhaa binafsi ambavyo mtu yoyote yule anaweza kuwa navyo mfukoni mwake; pesa kiasi cash, pakti ya sigara, funguo,kiberiti, saa, risiti, kadi ya kitambulisho, wallet , stampu pamoja na karatasi za tiketi .
Vitu hivi vilitolewa na kuwekwa juu ya meza pamoja na brifecase ambayo awali ilikuwa imechukuliwa na Pascual del pobil.
Huyu luteni de pobil hakuvitilia maanani vitu hivi vilivyokuwa mfukoni mwa hii maiti, zaidi alichukua funguo kwa ajili ya kufungua hii briefcase kujua nini kilichomo ndani..
Haya yote yakiendelea Francis Haselden alikuwa yupo pembeni akiangalia kila kitu kilichokuwa kikiendelea kwa umakini wa hali ya juu sana ila akizuga kama hakuwa anatilia maanani sana.
Baada ya huyu afisa Pascual pobil kufungua briefcase hii ,kila kilichomo humo ndani kilikuwa kimelowa na maji . Bahasha zilizokuwa na barua ndani zilolowana lakini majina yaliyokuwa yameandikwa juu yake pamoja na mihuri yalikuwa yanasomeka vizuri kabisa.
Haselden aliitwa aje aziangalie na kwa namna vilivyokuwa zimefungwa ilimaanisha kwamba barua hizi zilikuwa ni za umuhimu wa Hali ya juu bena zimetoka kwenye mikono ya mtu au watu wenye vyeo vizito sana ndani ya jeshi la uingereza.
Kumbuka huyu Haselden alikuwa akijua barua hizi zilikuwa zinahusiana na nini kwakuwa tayari alikuwa amepewa briefs kuhusiana na operation mincemeat.
Sasa huyu luteni Pascual del pobil baada ya kuziangalia hizi bahasha na kujiridhisha zilikuwa ni za uingereza alitaka kumkabidhi huyu Haselden (kitu ambacho hakikuwa kinatarajiwa) .
Haselden alikataa kuondoka na nyaraka hizi kwa kutoa sababu moja ya kipekee sana. Alimwambia huyu pobil asingeweza kuondoka nazo pasipo Nyaraka hizi kupitia kwa mkubwa wake ambaye alikuwa ni Naval commander wa bandari kwenye mji wa huelva kisha ndio ataweza kuzichukua na kuzirudisha uingereza kwa kufuata protokali.😎😎😎😁.
Kumbuka mpaka hapa barua hizo hazijafunguliwa kujua nini kilichokuwa kimeandikwa humo.
Baada ya huyu Haselden kukataa kuondoka na hii brifecase na vitu vingine vya huyu marehemu, afisa Pascual del pobil alivichukua na kuondoka navyo akimwacha Haselden hapo akiendelea kushuhudia zoezi la upasuaji wa hii maiti ukiendelea.
Kiitifaki ni kwamba , maiti hii ilipaswa kufanyiwa upasuaji na daktari maalum wa kijeshi yaani military pathologist lakini kwakuwa hakuwa karibu ,zoezi hili alikabidhiwa daktari Fernàndez na kijana wake .
Huyu Watkins, rubani wa kimarekani aliamua kutoka nje na kwenda kuvuta sigara. Hakutaka kushuhudia huu mwili uliooza ukikatwakatwa kwa ajili ya zoeZi la upasuaji kutokana na Harufu ya muozo uliokuwa mle ndani .
Sasa basi Licha ya kusemekana kwamba nchi ya uhispania haikuwa na madaktari bingwa wa upasuaji kipindi hicho, lakini huyu Dr. Fernàndez alikuwa na uzoefu sana kuhusiana na taaluma hii ya upasuaji wa miili ya watu kwa miaka kadhaa lakini hii haikumfanya kuwa daktari bingwa wa upasuaji.
Zoezi la upasuaji likaanza , ngozi ya nje ya mwili huu haikuwa imeharibika sana lakini kisu kilipopitishwa kuukata mwili huu haswa sehemu ya kifuani, viungo vya ndani vilikuwa vimeharibika kiasi kwamba chumba hiki kilijaa Harufu moja mbaya sana . Sehemu ya mapafu ya hii maiti ilikuwa imejaa maji na daktari Fernàndez asingeweza kudhibitisha moja kwa moja kwamba maiti hii ilikufa maji kutokana na mapafu kuharibika sana.
Baada ya hapo daktari huyu aliangalia(minor examination ) sehemu kadhaa za mwili huu Ikiwemo masikio, nywele za kichwa pamoja na rangi ya ngozi ya huu mwili iliyoanza kupotea kabisa kutokana na kuharibika.
Kumbuka hapa huyu Haselden alikuwa akifuatilia kila hatua ya upasuaji aliyokuwa akiifanya huyu daktari Fernàndez pamoja na kijana wake .
Haselden alipoona kama huyu daktari anataka kwenda deep sana kwenye kutaka kujua chanzo cha kifo cha huyu mtu , alimwambia huyu daktari haina haja ya kuichunguza sana hii maiti kwakuwa imeharibika sana kutokana na joto kali.
Hivyo daktari Fernàndez alijaza fomu maalum na kutoa remarks zake kama daktari iliyoandikwa hivi :.nanukuu.
" young British officer fell in the water while still alive, showed no evidence of bruising, and drowned through asphyxia caused by submersion. The body had been in the water between eight and ten days".
Hii ina maana daktari Fernàndez alihitimisha kifo cha mtu huyu kilitokana na kukosa hewa (asphyxia) baada ya kuanguka majini ,na mwili wake haukuwa na dalili za mchubuko wa aina yoyote ile na ulikaa kwenye maji kwa karibia siku nane hadi kumi 🤔🤔🤔🔎.
Baada ya hapo mwili ukarudishwa vizuri kwenye sanduku na kwenda kuhifadhiwa, kusubiri taratibu zingine kufuatwa za maziko.
Sasa hapa nataka nikudokezee jambo kidogo uelewe.. Huyu daktari Fernàndez nilikueleza hapo kabla alikuwa mzoefu katika taaluma hii ya upasuaji lakini hakuwa amekidhi vigezo ambavyo tunaweza sema ni daktari bingwa wa upasuaji. Kwanini?
Ipo hivi kama huyu daktari angekuwa makini na taaluma yake ya upasuaji Kuna vitu kadhaa angebaini kwenye hii maiti ya major William Martin aliyoifanyia upasuaji na kubaini haikuwa imekufa kwa sababu ya kuzama majini.🤔🤔👁️.
Kwanza angejiuliza swali hili, kama maiti hii ilikaa kwenye maji kwa takribani siku nane hadi kumi mbona nywele za kichwa hazikuwa zimenyonyoka na bado zilikuwa na rangi ile nyeusi ya asili? Kikawaida maiti iliyokaa kwenye maji muda mrefu nywele za kichwa hunyofoka na pia hubadilika rangi kutokana na kemikali na madini ya chumvi chumvi yaliyopo kwenye maji ya bahari.
Pili angejiuliza pia mbona ngozi ya hii maiti ilibadilika rangi na kuwa kama na weusi? Kama angekuwa makini kuchunguza sampuli za ngozi ya hii maiti , angebaini mtu huyu alikufa kwa sumu aina ya phosphorus ambayo baada ya muda fulani hubadilisha rangi ya ngozi na kuwa na weusi kama side effects na sio kufa maji.
Pia huyu daktari angejiuliza pia akilini mwake kama kweli maiti hii ilikaa kwenye maji kwa karibia siku kumi mbona sehemu za masikio na sehemu nyingine laini za mwili huu hazikuwa zimeliwa au kutafunwa na samaki wadogo au baharini ?🤔🤔🔎. Angetambua hili angekuwa na mashaka juu ya kisababishi cha kifo cha huyu mtu .
Na la zaidi daktari huyu angetambua pia nguo za hii maiti zilikuwa zimeloa kwa kukaa kwenye maji lakini zilionekana bado zina ile hali ya kutojikunja sana ukilinganisha na nguo iliyokaa kwenye maji kwa muda mrefu. Hii ingekuwa red flag .
Na la zaidi huyu daktari Kuna kitu hakuweza kukitambua au kuking'amua kwa haraka kuhusiana na kiwango cha kuharibika kwa hii maiti ya major William Martin au Mincemeat. Daktari huyu aliamini maiti hii Ilikaa kwenye maji kwa karibia siku nane hadi kumi.
Lakini Kwa mujibu wa ushahidi wa baadhi ya vitu alivyokuwa navyo mfukoni huyu marehemu baada ya kufanyiwa upekuzi ilionekana tiketi alizokuwa amebeba ilionekana Major William Martin aliondoka LONDON tarehe 24 April ,lakini maiti yake iliokotwa majira ya asubuhi tarehe 30 April .🤔🤔🤔
Maana yake maiti hii ilikaa kwenye maji kwa karibia siku 5 hivi. Lakini Kwa muda wote huu ilivyokaa baharini na kiwango cha kuharibika vilikuwa haviendani hata kidogo .👁️👃👁️. 🔎 🤔. Kwa kifupi daktari Fernàndez alishindwa kutambua ni lini hii maiti ilikufa haswa.
Hatuwezi mlaumu daktari huyu sana kwa sababu moja nataka nikupe hapa.
Kiuhalisia nchi ya uhispania ni nchi ambayo dini ya Roman Catholic imekita mizizi sana. Hivyo kwa imani ya dini ya katoliki hairuhusiwi na ni mwiko kuifanyia maiti uchunguzi wa kitabibu kutaka kujua sababu za kifo cha mtu.. Ni kama tu kwenye dini ya kiislamu mtu akifa, ndani ya masaa 24 au 48 awe ameshazikwa😐😐😐🔎🔎🔎🔎🔎🔎📍📍🔨📍🔨📍.
Anyway tuendelee.......
Ilipofika majira ya usiku wa saa mbili huyu vice consul Francis Haselden alituma ujumbe Maalum kwa simu kwenda kwenye ubalozi uingereza huko Madrid na kuwasiliana na Naval attachê bwana Don Gomez-bearre . Ujumbe huu nanukuu:
"With reference to my phone message26 today body is identified as Major W. Martin R.M. identity card 148228 dated 2nd Feb. 1943 Cardiff. Naval judge has taken possession of all papers. Death due to drowning probably 8 to 10 days at sea. I am having funeral Sunday noon.”
Ndivyo ujumbe huu ulivyobainisha . Ukiisoma hii meseji Kuna mahali imetajawa Naval judge. Huyo jaji ni Pascual del pobil kitaaluma alikuwa ni mwanasheria.
Sasa nataka nikudokezee jambo hapa. Huu ujumbe uliotumwa kwenda kwa naval Attachè aliyeko Madrid uhispania ulitarajiwa kumfikia Gomez bearre , lakini nilikujulisha simu au jumbe za telegram zilizokuwa zinatoka na kuingia ndani ya ubalozi huu wa uingereza tayari kwa namna yoyote zilikuwa zinasikilizwa au kusomwa kwa Siri baada ya kuwa "intercepted" na baadhi ya watu fulani fulani ambao kiuhalisia walikuwa mapandikizi ya mtandao wa kijasusi wa Ujerumani uliokuwa ukisimamiwa na mtu mmoja ndani ya mji wa huelva ambaye nilikudokezea anaitwa "Adolf Clauss.
Huu mtandao wa siri wa kijasusi haikumaanisha ni wajerumani,la hasha kwa mfano gavana wa jimbo hili la huelva pamoja na msimamizi mkuu wa bandari hii ya huelva na maafisa kadhaa wa ngazi za juu wa kiutawala wa jimbo hili la huelva,wote hao walikuwa kwenye Payroll ya huyu Adolf Clauss. Watu hawa kiuhalisia walikuwa na acces ya Taarifa zozote zile ambazo zingekuwa interested kwa wajerumani.
Sasa ni wazi kwamba nyaraka hizi za Siri zilipaswa kuangukia mikononi mwa wajerumani, lakini kama isivyo bahati zikawa mikononi mwa mamlaka za Hispania.. shida iliyojitokeza ni kwa namna gani nyaraka hizo zitaangukia mikononi mwa wajerumani?.
Anyway....
Sasa siku ya Tarehe 2 mwezi mei 1943, ndio ilikuwa siku rasmi ya kumzika huyu Afisa William Martin 😎 kama ratiba ilivyopangwa na ubalozi wa uingereza huko Hispania. Kwa kifupi huyu bwana alikuwa anazikwa ndani ya nchi ya uhispania.
Viongozi na maafisa kadhaa wa ngazi mbalimbali walitarajiwa kuhudhuria mazishi ya huyu Mwanajeshi aliyekufa maji🤣😎.
Baadhi ya Maafisa na viongozi hawa waliohudhuria mazishi haya ni pamoja na naibu balozi wa uingereza nchini Hispania bwana Francis Haselden mwenyewe, Pascual del pobil pamoja na kamanda Elvira, msimamizi wa bandari ya mji wa Huelva.
Gavana wa jimbo hili la Huelva hakuhudhuria kutoa heshima zake za mwisho ila aliweza kutuma mwakilishi.
Kwa kifupi huyu major William Martin au Mincemeat alitarajiwa kuzikwa kwa taratibu na heshima zote za kijeshi kutokana na aina ya wahudhuriaji walipofika kutoa heshima zao za mwisho.
Cheti cha kifo cha major William Martin kilisainiwa rasmi na msimamizi wa mazishi bwana Candela kwa maelezo yafuatayo:
W. Martin, aged between 35 and 40, native of Cardiff (England) , officer of the British marines, found on the beach known as ‘La Bota’ at half past nine on April 30th, 1943. Death by drowning.”
Baada ya taratibu za kuuaga mwili huu Ikiwemo na risala fupi kusomwa , geneza la Major William Martin lilibebwa kwa ajili ya kwenda kupumzishwa kwenye eneo la Makaburi ya San Marco. Eneo hili huzikwa watu wenye kipato cha chini . Haselden aligharamia eneo hili la kuzikia kwa kukodi kwa pasetas 250.
Eneo hili la Makaburi ya San Marco hulipiwa kuzika mtu wako na kulipa gharama za kutunza kaburi (mfano kufyeka nyasi,n.k). Na endapo ukashindwa kulipa gharama za kila mwezi basi mwili hufukuliwa na kwenda kuzikwa sehemu nyingine . Hivyo Haselden alilipia gharama zote hizi kwa niaba ya ubalozi wa uingereza mjini Madrid.
Sasa ilipofika saa sita na nusu mchana , geneza la Major William Martin lilishushwa kaburini huku Haselden akijua fika kwenye akili yake anayezikwa hakuwa afisa wa jeshi maji la uingereza na wala jina la William Martin halikuwa jina lake halisi⚠️⚠️⚠️📍📍.
Kwa kifupi ni kwamba major William Martin au Glandyr Michael raia maskini kabisa mwenye asili ya Wales alizikwa kama raia wa uingereza na kuzikwa kwenye nchi ya ugenini ya uhispania kama afisa wa jeshi la maji mwenye cheo cha umeja. 😑😑😑😑🥺🥺🥺.
Kwenye kaburi la huyu major William Martin au Glandyr Michael kuliandikwa maandishi ya kilatini yaliyosomeka kama ifuatavyo "DULCE ET DECORUM EST PRO PATRIA MORI" . Msemo huu ni kutoka kwenye kitabu cha mashairi kinachoitwa Odes kutoka kwa mwandishi wa kiitaliano aliyeitwa HORACE wa Karne ya 23B.C.
Tafsiri ya msemo huu usio rasmi unamaanisha "Ni Raha sana na inafaa kabisa kufa kwa ajili ya nchi yako"
Baada ya taratibu za kuushusha kaburini mwili wa marehemu , mzikaji akiendelea kufukia kaburi nao maafisa waliohudhuria akiwemo Haselden walipanda magari yao na kuondoka.
Lakini katika shughuli hii ya kumzika huyu marehemu,yupo mtu MMOJA alikuwa akifuatilia shughuli nzima kwa ukaribu na umakini wa hali ya juu sana . Hakuwa mwingine bali ni Adolf Clauss ambaye hapo awali nilikujulisha awali alikuwa ni afisa wa kijasusi wa Ujerumani ambaye alikuwa akifanya kazi ya kukusanya Taarifa zozote zile za kijasusi kwa niaba ya jeshi la Nazi la ujerumani kupitia kitengo cha kijasusi cha jeshi la Nazi kilichojulikana kama ABHWEIR.
Huyu bwana alikuwa anafuatilia kila kitu kuhusiana na shughuli hii nzima ya mazishi ya huyu Mwanajeshi aliyekufa maji wa uingereza.
Kwa kifupi huyu bwana alikuwa anajaribu kwa kila njia namna ya kupata briefcase hii iliyokuwa na barua zile za Siri alizokuwa nazo huyu mtu aliyezikwa.........
Zipo na na nani na atazipataje. Lilikuwa ni swali ambalo Adolf Clauss pengine alijiuliza.