DOKEZO Kivuko cha Pangani ni hatari kwa maisha ya Watu, tunalalamika kuhusu ubora wake lakini bado hali ni tete

DOKEZO Kivuko cha Pangani ni hatari kwa maisha ya Watu, tunalalamika kuhusu ubora wake lakini bado hali ni tete

Hili ni dokezo maalum toka kwa mwananchi mtumiaji wa JF mwenye nia ya kuusaidia umma kuwa na taarifa 'maalum'

Nyakijooga

JF-Expert Member
Joined
Dec 9, 2018
Posts
524
Reaction score
829
Hapa Pangani kuna kivuko kinachounganisha Pangani na Bweni kimekuwa na hitilafu za mara kwa mara na sasa kimegeuka kuwa chanzo cha usumbufu mkubwa.

Wiki moja iliyopita, kivuko hicho kilipata hitilafu ya injini na kusombwa na maji kuelekea baharini, ingawa abiria waliokolewa kwa kutumia boti ndogo za fiber, magari yaliyokuwepo ndani ya kivuko yalikwama kuanzia saa moja na yakaja kutolewa hadi saa 6 Usiku

Hili si tukio la kwanza; Wiki mbili tu kabla ya hapo, kivuko hicho kiliacha kufanya kazi kwa zaidi ya wiki nzima.

Kwa sisi Wananchi wa Pangani tumekuwa tukiishi kwa hofu kila tunapopanda kivuko hicho kutokana na hofu ya kupata ajali.
Muonekano wa kivuko cha MV. Pangani II kinachotoa huduma kati ya Pangani- Bweni mkoani Tanga m...jpg
Maelezo tunayopata kutoka kwa wahusika ni kuwa wanakumbwa na changamoto ya upatikanaji wa spea.

Athari za tatizo hili zimekuwa kubwa sio tu kwetu bali hata kwa Watalii. Kwa mfano, maeneo kama vile Pwani ya Ushongo, ambayo yana hoteli na nyumba binafsi za kulaza wageni, yameathirika sana.

Watalii wanaowasili asubuhi hushindwa kuvuka kwa wakati na hulazimika kusubiri hadi saa 1 usiku ili kutumia daraja la muda linalojengwa na mkandarasi wa Kichina, ambaye ameruhusu magari kupita mara mbili tu kwa siku – saa 12 asubuhi na saa 1 usiku.

Hii ina maana kuwa mtu akifika kivukoni saa 6 mchana, atalazimika kungoja kwa saa kadhaa hadi daraja hilo kufunguliwa kwa matumizi.

Hali hii pia imeathiri usafiri wa mabasi, usambazaji wa bidhaa, na shughuli nyingine za kiuchumi. Mabasi yanakwama kivukoni na kushindwa kuwahisha abiria.

Tunaomba mamlaka husika zitusikie kilio chetu Wanapangani maana mkwamo wa watu ni mwingi na mabasi pia yanakwama yanashindwa kuvuka.

Pia soma ~ Wananchi wa Pangani – Bweni (Tanga) tunatumia Faiba kuvuka baada ya kivuko kuharibika tena
 
Back
Top Bottom