Kutoana kafara kwenye familia, na Siri ya wazazi wetu

Kutoana kafara kwenye familia, na Siri ya wazazi wetu

Sehemu ya nane.

Moses alichukua usafiri wa pikipiki na kuondoka huku akiwa na wasiwasi kidogo kwani alihisi kashachelewa.

Baada ya kufika kituo kile kilicho mbali na nyumbani kwake, aliingia mpaka mapokezi huku akitoa ile barua ya wito na kumkabidhi afande aliyemkuta pale mapokezi.

Kwani unaitiwa nini wewe,eti jamani huyu Moses anahitajika ofisi gani.aliuliza afande mmoja.

Huyu amsubiri mkuu wa kituo ndiye mwenye shida naye.kwanza nifuate nina mahojiano na wewe (alijibu afande mwingine huku akiashiria Moses amfuate)

Karibu Moses,
Karibu Sana naitwa afande (jina kapuni)
Mkuu wa kituo ana shida na wewe na alisema ukifika nikuweke Lockup lakini Mimi ni binadamu,nimeona nikuulize maswali kadhaa.

Kwanini unafanya biashara haramu Kwa kisingizio cha samaki,yaani una biashara kivuli huku ya samaki huku Una magendo unafanya,hivi mnadhani serikali imelala eeeh.aliuliza yule afande huku akiandika vitu kwenye karatasi fulani.

Mimi nafanya biashara ya samaki,hiyo ya magendo ni ipi naomba niijue.aliuliza Moses.

Hebu ngoja Kwanza mkuu kashafika hebu njoo huku , Kwanza uongee na mkuu.

********************

Wewe ndiye Moses!
Mbona hufanani na matendo yako?
Kwanini mnafanya biashara za kijinga.aliuliza mkuu wa kituo.

Afande,ungenieleza ni biashara gani nafanya ningekuelewa zaidi na nikiri wazi Mimi sifanyi biashara haramu.

Moses wewe unanitania ,wewe na wenzio mnalima zao lililokatazwa na serikali,huku mkijua mnafanya makosa,Sisi wasiri wetu wametudokeza jana tu kuwa wewe unalima zao haramu linalochangia kuharibu vijana.aliongea Kwa mkazo mkuu wa kituo.

Nina ushahidi Moses jana nimepigiwa simu na raia mwema tena anaonesha ni Mzee ,ni mbibi mtu mzima japo sina uhakika na umri wake .

Si hilo tu mnatumia vifaa vya uvuvi haramu ,mnakiuka Sheria mnafanya Kwa Siri Sana,huku mkijua ni kinyume na Sheria,

Lakini pia Moses,kijana mwenye nguvu ambaye hata siamini ninavyokuona,unajihusisha na unyang'anyi, kujipatia pesa Kwa njia ya udanganyifu hayo yote yanatoka Kwa msiri wetu.Moses ilitakiwa uwekwe ndani ufunguliwe mashtaka lakini Mimi nimekuita ili nikuonye kwakuwa aliyenipa hizi taarifa kagoma kunipa ushirikiano.
afande aliweka kituo.

Afande ,Mimi ni raia mwema kuanzia kwenye kijiji changu,mpaka kwenye taifa langu,Mimi ni mtoto wa mkulima,na Mimi ni mkulima pia,lakini najishughulisha na biashara ya samaki ikiwa ni kuitumia fursa ya rasilimali asili tulizopewa na Mungu,nafuata Sheria na taratibu zilizowekwa na nchi,sasa afande niseme tu taarifa ulizopewa ni za uongo Mimi sijawahi kulima zao haramu, sijawahi nyang'anya au kupora.
aliongea Kwa hisia Moses huku uso wake ukionesha masikitiko.

(Huku akicheka)
Moses nakuruhusu uende,Mimi Nina zaidi ya miaka 25 nipo kwenye jeshi la polisi ,watu wenye kutia huruma kama wewe huku wakiwa ni majambazi wa kutosha nimekutana nao mara nyingi sasa wewe niletee maigizo kama sijakuweka ndani . afande alimtisha Moses.

Akiwa njiani Moses hakuhisi njaa,
Alipiga hatua za haraka huku akiwa mwenye Mawazo, mambo chungu mzima yalimkabili, ndoa yake iliyumba,yeye anabambikiwa kesi , lakini kubwa zaidi akiniuliza,ni Nani huyo Mzee aliyepiga simu polisi?
Aliwaza jinsi anavyoishi vizuri na wanakijiji,hata angekuwa anafanya biashara haramu bado wangemstahi tu

au ni Fatuma?
Fatuma hii barua ya wito kapewa na nani?
au ni Fatuma ndiye aliyenisakizia ubaya Kwa polisi?

Lakini naambiwa ni mbibi aliyepiga simu,au ni mbinu za afande kumkwepesha muhusika?

Moses alijiuliza maswali mengi huku akichukua usafiri na kurudi nyumbani,ambapo hakumkuta mkewe.

Vitu vilivyokaa shaghlabaghala ikiwemo maji yaliyomwagwa ovyo sebuleni, lakini TV,na baadhi ya vifaa vya umeme vilipasuliwa vibaya mno , aliingia chumbani na kukuta baadhi ya nyaraka zake , makaratasi ya usajili na kumbukumbu kibao zimeharibiwa vibaya.

Moses alicheka,alicheka kila alipoona vitu vilivyoharibika ,Mungu wangu nisaidie,Mungu nipe nguvu Mimi ni mkosefu ndiyo ila Kwa hili Mungu nitie nguvu ,niepushe na majaribu.
Moses aliongea peke yake,
Aliingia jikoni na kukuta vitu vingi vimeharibiwa , mwanaume machozi yalimtoka siyo kwasababu ya hasara alizozikuta,ila ni kwasababu aliziona dalili za kumpoteza mwanamke anayempenda.

Alitoka nje akiangalia huku na huko aliiona tu watu wakiwa bize na mambo yao.

Moses alijikuta ana mikosi, tena matatizo yaliyokuja na kutua Kwa pamoja,alijikaza na kurudi ndani,alichukua picha mbalimbali walizopiga yeye na Zawadi kwenye harusi yao, alijikuta anadondosha machozi, mwanaume alililia MAPENZI, Moses alimlilia Zawadi.
Moses alimpenda mno zawadi.

****************

aliingia mtaani Kwa kazi moja tu kumtafuta fatuma.alihitaji kuongea naye,baada ya kumsaka Kwa muda mrefu alimpata,.

Niambie moses niliwaza nakupataje maana Nina maongezi ya muhimu mno na wewe.Fetty aliongea.

Siyo wewe tu,hata Mimi Nina shida na wewe,hebu niambie barua uliyoleta jana ulipewa na nani? aliuliza Moses.

Mimi niliipata kutoka Kwa washirika wenzio tena alinipa Kwa kunilazimisha, aliniambia ana haraka,hata hivyo nilijua mkeo hayupo ningejua hata nisingekuja, mkeo anaongea nyie,yaani zawadi ni msumbufu mno.ila hebu tuache hayo enheee niambie Moses umeitika wito maana niliona ni wito kutoka polisi.aliongea Fetty Kwa bashasha asijue maumivu ya Moses .

Sawa nikushukuru ngoja niende,
aliaga Moses huku akiangalia saa yake na kugundua ni saa kumi na moja jioni hajapata chochote,tangu mchana wa Jana yake,kwani tangu zianze vurugu hakupata time ya kula.

Moses alipambana mwenyewe hakumpigia ndugu, jamaa wala Nani kumweleza masuala yale .aliamua kupambana.kwa kiwango alichompenda zawadi aliwaza mengi mno,alirudi ndani kuikuta hali iko vile vile (kumbe vitu angepanga nani?

Akaamua kujilipua Kwa kumpigia simu mkewe kipenzi Zawadi.

Lakini licha ya kupiga mara nyingi haikupokelewa.akatulia huku akiwaza mengi aliyosingiziwa Kwa kuonesha ana biashara haramu eti.

Simu yake iliita mpigaji alikuwa ni mkewe kipenzi Zawadi.Alicheka kidogo huku akiwa anaangalia simu ile huku akiangalia sebule ilivyoharibiwa ,simu ilikatika,ikapigwa tena,akaipokea safari hii huku akiwa mpoooole,

Hello mke wangu, mbona unanifanyia hivi?aliongea Moses mara baada ya kupokea ile simu.

Mtoto mjinga, mpumbavu mwenye laana wewe,kwanini umempiga mwanangu,yaani umempiga kuanzia Jana usiku hadi asubuhi, ulivyoridhika ukamwacha na kutokomea na kwenda zako huku ukiwa huwazi , ukaona hata akifa ni sawa tu kwakuwa haja ya moyo wako ushamaliza.

Hivi unajua ni Kwa kiasi gani nampenda mwanangu,nilimpa jina la zawadi kama ishara na shukurani Kwa Mungu Kwa kunionesha maajabu,nimemzaa nikiwa na umri mkubwa usiotarajiwa kupata mtoto,lakini kwakuwa Kwa Mungu kila Jambo linawezekana,nilishukuru kwa Zawadi aliyonipa,ambayo wewe leo umeamua kujipigia tu,sawa Kwa hili wewe kijana utanitambua Mimi ni Nani.alikuwa ni mama Mkwe wa Moses akiongea maneno makali huku Moses akiwa hajatia neno lolote .kisha simu ikakatwa upande wa pili.

Moses akashusha pumzi ndefu huku akisafisha na kukusanya vioo vya TV pamoja na meza yake vilivyoharibiwa vibaya.

Moses anampenda Sana mkewe Zawadi,kuna taarifa mbaya iko polisi ikilenga kumchafua Moses,Nani muhusika?

Itaendelea.................
Muhusika Mama mkwe mchawi
 
Sehemu ya kumi.

Katika harakati zangu za kuzunguka huko na huko nilijikuta nafahamiana na kijana mmoja mrefu,mwenye mwili mkubwa wa mazoezi,Mimi ni mrefu,ila kijana alinizidi.

Kijana huyu anatokea kanda ya ziwa,tulifahamiana tukiwa ndani ya boti ndogo tukielekea ukerewe,ilitokea hitilafu ndogo ya boti i huku kila mtu akisali kivyake,lakini baadaye hali ikawa shwari Moses alinitazama huku akicheka,bila shaka alinicheka.
Kiufupi ndiyo mwanzo wa kufahamiana na Moses.

Sasa endelea....................................

Moses alikula chakula kwa pupa,yaani njaa ya muda mrefu ilimsumbua,yote hayo yalitokana na simu aliyopokea toka kwa mkewe Zawadi.
Simu ilileta tumaini,simu ilimpa faraja Moses kubwa zaidi Kwa namna fulani ilimpa ushindi.

Baada ya kumaliza kula alirudi nyumbani huku akishangaa kukuta ugeni wa watu wasiopungua watatu, ambapo mmoja wao alikuwa dada yake wa Zawadi mke wa Moses.

Hivi wewe Moses unajikuta nani, unajiona ni nani haswa ,Una hati miliki ya mdogo wetu? Kwanini unampiga usiku kucha huku ukikosa huruma,mtu anahesabu siku tu aweze kujifungua lakini wewe hukujali!!

Mama yetu unampa presha huko aliko hawezi hata kuongea ,hali chakula kutwa tunambembeleza ,yote hayo ni kwasababu umempiga mwanaye.hivi unajua anampenda kiasi gani?

Sisi wenyewe tunajua,
Watoto wote tunajua zawadi anapendwa na mama kuliko chochote na furaha ya mama yetu ni zawadi , yaani Zawadi akifurahi,akicheka akiwa na wakati mzuri basi mama naye huwa vizuri.hivyo wewe Moses Kwa kumpiga zawadi,umemkosea Sana Mama,umemkwaza mno!!
aliweka kituo dada yake Zawadi ambaye ni Shemeji wa Moses.

Jamani,karibuni ndani,karibuni sana,Kwanza nashukuru mmekuja,Nina malalamiko na Mimi mke wangu alinifanyia,lakini hata hivyo ningependa kusuluhisha matatizo yetu ili Mimi na mke wangu tuishi kama zamani.siwezi kumpoteza mke wangu, nampenda sana zawadi.(Huku akijaribu kuwashawishi wageni wake waingie ndani)

Haingii mtu ndani ,shetani mkubwa wewe ,eti nampenda mke wangu,nini mke,
Unajua Sisi wenye mdogo wetu tuna uchungu gani?
Unajua mama mzazi ana uchungu gani?
Kwahiyo wewe Moses unaweza kuwa na uchungu na Zawadi kuliko sisi?
Huyu unayemuona ni mume wangu (huku jamaa fulani wa makamo akiguswa ambaye ni mume wa Yule Shemeji wa Moses) tangu anioe tuna miaka zaidi ya kumi na tano lakini hajawahi kunipiga hata kofi tu,Kwanza angeanzaje!! Lakini wewe hata miaka miwili hujafikisha lakini mdogo wangu unamgeuza na kumnyanyasa Kwa vipigo visivyoisha unataka kumpa kilema?

Unatafuta jela weee mtoto,Kwanza ukimuua mdogo wangu na wewe unakufa,yaani uniulie mdogo wangu halafu uende jela ukale huku ndugu yangu ukimnyima haki ya kuishi,wewe nitakubali wapi.alibwata Shemeji wa Moses huku mume wake akiwa hatii wala kuongeza neno,ila akawa anamkonyeza Moses asijibu chochote.

Shemeji wa Moses, mwanamke wa makamo , mwanamke mwenye heshima,mshauri lakini pia alikuwa ni kimbilio la Moses,pindi wakikwazana na mkewe,Yule Shemeji yake ndiye alikuwa mwenye hekima,Busara na maamuzi mazuri kuliko wengine katika familia ya zawadi,lakini siku hiyo Moses alishangaa kuona mtu anayemwamini kageuka mbogo na asiyevumilika.

Waliondoka bila kuaga huku Moses alishangaa,siyo kushangaa kichambo alichopata toka Kwa Shemeji yake,bali ni aina ya maisha yaliyokuja Kwa kipindi kifupi,yaani haheshimiwi,hathaminiwi na hapendwi kama zamani,hasira ziliibuka upya , alijiona mzembe kutukanwa kisha yule Shemeji kuondoka bila ngeu wala kama.

Fu*k yule mjinga katokaje bila ngeu?
Yaani abwate na kujiachia nyumbani kwangu halafu nimwache bure ni ujinga gani nimefanya?

Yule mumewe na Yule mwendesha pikipiki wangenufanya nini?

Kwanza hata kama ningewaumiza si nipo kwangu wangenifanya nini?wangeshitaki wapi?
Si ningewaruka kwakuwa wamenivamia nyumbani kwangu?

Halafuuuuu,,,mbona muda si mrefu mke wangu kipenzi zawadi nimeongea naye kanijibu Kwa upole?
Kama angenichukia kihivyo si angekuwa mkali zaidi ya wengine, kwakuwa yeye ndiye muhusika?

Yule Shemeji m****** (akitoa tusi Moses)
Kwanza Mimi ni handsome, napendwa na wanawake wa rika zote,kila mwanamke hutamani kuwa na Mimi wapo wanaonitamkia wenyewe,wapo ambao nikigusa,wapo kwenye line,aaaaargh Zawadi asinisumbue,ni mjinga mmoja aliyekosa bahati ya kuwa na Mimi.aliwaza kijinga Moses huku usingizi ukimchukua pale kwenye kiti alipokaa.

Alishitushwa na hodi ,ambapo mbishaji alikuwa anapiga kelele baada ya kuona mlango upo wazi lakini mwenyeji haitiki wala kuonesha yupo.

Karibu,ingia tu,alikaribisha Moses.

(Huku akishangaa mume wa Shemeji yake,ambaye ni kama lisaa tu limepita wametoka kumwambia maneno yasiyofaa.

Moses mdogo wangu,usipaniki sijaja na Shemeji yako,hata muda ule nilitamani kuongea na wewe lakini isingewezekana ,sote ni mashahidi namna ambavyo mke wangu alivyokuwa.

Kiufupi Moses umeoa kwenye familia yenye matatizo,wote tuliooa pale ni hivyo tu tunavumilia lakini ndoa zetu si nzuri saaaaana,kama Mimi Yule Shemeji yako,ulivyoshuhudia mdomo wake alivyo ni kwasababu tu,tuna watoto lakini Mimi ningeshaachana naye siku nyingi mno,ila kuhusu wewe Moses,nikupe pole,POLE SANA mdogo wangu,wewe paleeeeee ................(Huku akichukua kitambaa mfukoni na kujifuta jasho) Hivi Moses huwezi kabisa kuachana na Zawadi? aliuliza Yule jamaa aliyeoa Sehemu moja na Moses.

Kaka,kuna nini, niambie.aliuliza Kwa sauti ya upole ila iliyonyooka,huku akiwa active macho na masikio ili asikose hata nukta ya neno.

Lakini badala ya kuongea Yule Jamaa alitikisa kichwa huku akionesha kumuhurumia Moses.

Je ni mambo gani anayotaka kumwambia kijana Moses.
Je Moses atakubali kumwacha Zawadi ikiwa atasikia mabaya kutoka Kwa mkewe?

Next episode ina majibu

Itaendelea....................
 
Back
Top Bottom