Kutoka Bungeni: Muswada wa Mabadiliko ya Sheria ya Vyama vya Siasa wapitishwa kuwa Sheria

Siku zote huwa nasema kwamba ajidhaniaye kasimama aangalie asianguke. Wanaodhani sheria hii itawabana wapinzani tu wamekosea sana. Kuna siku itafika wanaofurahia leo watagugumia kwa hasira. Sheria ni msumeno.

Duuuh,Mungu mwenye nguvu awalani wote waliopitisha muswada huu,kwan kikokotoo kilikuwaje siwalipitisha halafu wakakipamba kweli kumbe kilikuwa ni kandamizi kwa watumishi.nalaani sana hii

Hivi viongozi wa dini waliweza kulisemea hilo swala?
Hata TEC jamani hawakuliona hilo swala?
Na ukute jamaa aliwaita kupima upepo wa hilo mojawapo ,
Sasa kwa kuwa hawakulisema ndo maana sasa hivi ni mwendo wa kufagiliana tu hadi nasikia wengine wanataka kupewa majina ya mitaa !


Sent using Jamii Forums mobile app

n00b said:

Spika Ndugai ameipongeza Serikali kwa kazi nzuri na Muswada umepita kwa kura za Ndiyo


======
BAADHI YA NUKUU (KUTOKA UPINZANI)

Kambi ya rasmi ya upinzani bungeni imekosoa muswada wa marekebisho ya sheria ya vyama vya siasa wa mwaka 2018 ikisema ni uonevu mkubwa dhidi ya vyama hivyo.

Akiwasilisha maoni ya kambi hiyo bungeni leo, msemaji wa kambi hiyo, Ester Bulaya amesema wabunge wana uwezo mkubwa wa kuzuia uonevu huo ikiwa watapenda kufanya hivyo.

Bulaya ametoa mfano wa vifungu vinavyoonea katika muswada huo kuwa ni kile kinachompa mamlaka msajili wa vyama vya siasa kuingilia mfumo wa uchaguzi ndani ya chama akisema kutapunguza uhuru wa vyama kufanya chaguzi bila mashinikizo kutoka ofisi ya msajili.

Kingine amekitaja ni kinachotoa masharti ya namna ya utoaji wa elimu ya uraia kuwa masharti hayakutilia maanani kuwa vyama vya siasa vina mahusiano ya kiitikadi na vyama rafiki toka nje ya nchi.

“Ni haki yao ya msingi ya kueneza itikadi za vyama vyao bila kujali mipaka ya nchi…huu ni upungufu mkubwa kwani msajili anaweza kukataa tu kutokana na maslahi yake bila kuongozwa na sheria inayopendekezwa,” amesema.

Halima Mdee:

Mbunge wa Kawe (Chadema), Halima Mdee amesema baadhi ya vipengele vya muswada wa marekebisho ya sheria ya vyama vya siasa ya mwaka 2018 vinavunja Katiba.

Akichangia muswada huo bungeni leo, Mdee amesema miongoni mwa kinachovunja Katiba ni kile kinachompa mamlaka msajili wa vyama vya siasa kukifuta chama ambacho kitashindwa kuwa na kumbukumbu za wanachama wake.

“Muswada huu unataka vyama vya siasa viweke rejista kila ngazi. Kuna wanachama wanaingia na wanatoka kila siku na kununuliwa kila leo. Sasa chama kitakuwa hakina kazi nyingine zaidi ya kuweka kumbukumbu,” amesema.

Amesema muswada huo unasema kuwa chama kitakachoshindwa kufanya hivyo msajili atakifuta lakini Katiba inasema mazingira ambayo inaweza kukinyima chama usajili ama kukifuta.

Mdee amependekeza kifungu hicho cha 8 (C) kifungu kidogo cha 3 kifutwe kwa kuwa kinakwenda kinyume na Katiba.

Amesema ibara ya 13 ya Katiba inasema ni marufuku kufanya ubaguzi lakini baadhi ya vifungu vya muswada huo vinakwenda kinyume.

“Uvunjwaji wa Katiba si jambo dogo. Tunataka ufanye marekebisho utakapokuja hapa (Waziri katika ofisi ya waziri mkuu sera, bunge, vijana, kazi, ajira na watu wenye ulemavu, Jenista Mhagama)” amesema.

Mdee amesema kifungu kingine wanachokitaka kifutwe ni kinachohusu zuio la vikundi vya ulinzi: “Hakuna asiyefahamu kuwa vikosi vya ulinzi wakati wa uchaguzi vimekuwa vikifanya kazi ya CCM. Polisi wanalinda maboksi ya kura. Kusingekuwa na shida kama majeshi yangesimama katikati.”

Salome Makamba:

Mbunge wa Viti Maalum (Chadema), Salome Makamba amesema Muswada wa Marekebisho ya Sheria ya Vyama vya Siasa wa mwaka 2018 ukipitishwa kuwa sheria, itawachinja walioitunga.

“Dua la kuku halimpati mwewe. Leo mnaitazama kesi ya CUF mnaitazama Chadema. Sheria itakuja kuwachinja walioitunga kwa kumpa mamlaka makubwa msajili ya kufuta vyama vya siasa,” amesema Salome akibainisha kuwa kazi ya Msajili wa vyama ni ulezi kwa vyama.

Zitto Kabwe:

Mwaka 1933, Adolf Hitler alipeleka Muswada wa Sheria Bungeni (enabling act), wabunge wa chama chake wakaupitisha kwa mbwembwe. Miezi 6 baada ya kuanza kutumika Ujerumani haikuwa na chama cha siasa. Hitler aliitumia sheria ileile ilopitishwa na Bunge kuhakikisha vyama vinafutwa na hata wanasiasa wanaikimbia nchi

Madhara ya Muswada huu yanakwenda zaidi ya Ushindani wa chama tawala, CCM dhidi ya Upinzani. Msajili anapewa mamlaka makubwa na muswada huu yatakayoleta hali ngumu huko mbeleni. Mwalimu Nyerere alijaribiwa kupinduliwa takribani mara 8 sababu ya kudhibiti uhuru wa wananchi na uhuru wa kufanya siasa lakini tangu tumekuwa na vyama vingi hakuna jaribio lolote la wananchi kuipindua serikali.

Katiba ya Tanzania ya sasa inaruhusu Uhuru wa Kukutana lakini Sheria hii inaenda kuua Uhuru huo. Msajili alitakiwa anapoona chama kinafanya makosa basi watu wangepelekwa kwenye jopo (Tribunal) ili watu wahukumiwe kwa haki.

Demokrasia si uadui!

Kati ya 2007 - 2012, data zinaonyesha kuwa watanzania takribani 1,000,000 waliondolewa ktk umasikini na ndo wakati demokrasia ilishamiri nchini. Kwa takwimu za karibuni za Benki ya Dunia, tangu Magufuli aingie madarakani 2015, watanzania takribani 2,000,000 wamekuwa masikini

=====

NUKUU KUTOKA CCM:

Mbunge wa Mtera (CCM), Livingstone Lusinde maarufu Kibajaji amesema Muswada wa Marekebisho ya Vyama vya Siasa wa mwaka 2018, unalenga kuondoa uhuni na kuvifanya vyama vya siasa kufanya kazi kwa ukomavu.

Akichangia muswada huo bungeni leo Januari 29, 2019 Lusinde amesema muswada huo unalenga pia kuviimarisha zaidi vyama vya siasa.

“Tukomae tufanye kazi za ukomavu, siyo kuzunguka kwenye corridor (viambaza) za mabalozi. Sheria zinatungwa ndani ya Bunge, viatu vinaisha soli,” amesema.

Amesema muswada huo unakwenda kuvitaka vyama vya siasa kutambua tunu za Taifa ikiwamo Mwenge na Mapinduzi ya Zanzibar.

“Msajili alikuwa akihudhuria kama mualikwa sasa anasimamia na kuangalia demokrasia kama inatekelezwa ndani ya chama,”amesema.

Amesema muswada haukatazwi kulindwa kwa chama chochote cha siasa na hakuna chama ambacho kimekatazwa kuwa na mlinzi wa kukilinda.

UPDATES:

"Bunge limepitisha Muswada wa Mabadiliko ya Sheria ya Vyama vya Siasa utakaoongeza uwajibikaji miongoni mwa vyama vya siasa na kukuza demokrasia nchini" Dkt Hassan Abbasi, MsemajiMkuu wa Serikali

Click to expand...

YAJAYO HAYAKO MBALI, YANAFURAHISHA SANA! ULIPASWA KUFANYIWA MAREKEBISHO NA SIO KUPITISHWA KAMA ULIVYO! TATIZO LETU NI HILI TU KATIKA VYAMA VYETU, UWAJIBIKAJI WETU UMEKUWA DUNI NDANI VYAMA KULIKO NJE YA CHAMA! NDANI YA CHAMA SISI KWA SISI UADUI NDIYO FASHION YA MJINI,
SASA MUSWADA UMEKUJA KUTUKUMBUSHA WAJIBU WETU NDANI YA VYAMA NA SIO NJE.. HATA MAANDIKO MATAKATIFU YALIPATA KUSEMA....................."PINDI PALE MTAKAPO SHINDWA KUJIONGOZA MTALETEWA KIONGOZI MUOVU AMBAYE HATA WAHESHIMU WAKUBWA WENU WALA WA WATOTO WENU!" MUSWADA (KWA SASA SHERIA TAYARI) UTAKUWA KIONGOZI MUOVU KWENYE VYAMA VYETU! MAANA HAUTAMUHESHIMU YEYOTE YULE...TUWEMO KATIKA EPISODE YA PILI INAYOONYESHA WATU KUFUTIWA UWANACHAMA NA VYAMA KUFUTWA......Ila tahadhari tu usije andamana kisa chama chako au mtu anafutwa uwanachama maana utataabishwa sana

Asubuhi njema amani ya bwana iwe nanyi!

Aisatu said:

Duuuh,Mungu mwenye nguvu awalani wote waliopitisha muswada huu,kwan kikokotoo kilikuwaje siwalipitisha halafu wakakipamba kweli kumbe kilikuwa ni kandamizi kwa watumishi.nalaani sana hii

Click to expand...

USILAANI ILA NI MATUNDA YA WALE TUNAO WAITA VIONGOZI WETU!

Safi kabisa si walikuwa wanachangia kishabiki sasa ushabiki matokeo yake ndo haya!!!

Sent using Jamii Forums mobile app

Waziri wa Kaskazini said:

muswada huo unalenga pia kuviimarisha zaidi vyama vya siasa...

Sasa upinzani mnacho lalamika ni kitu gani sasa... Kama mswada wenyewe ukipita unaenda kuimarisha vyama vya siasa?

Click to expand...

UKIWA NA NYUNDO KILA KITU HUWA KAMA MSUMARI KAKA! TAFAKARI SANA, KINACHOLALAMIKIWA KIPO HAPO HAPO ILA HAYO NI MATUNDA YA MBEGU AMBAZO WALIPANDA KWA MIKONO YAO!

BAK said:

Rubbish! Ushahidi mwingine wa Bunge UOZO/DHAIFU udikteta na udhalimu utakithiri nchini chini ya huyu dikteta na dhalimu ambaye ni janga kubwa la Taifa.

Click to expand...

NAKUONA NI JASIRI KAMA HERO GBAEK, AU UNA NGUMI NZITO KAMA ZA WANG BAEK SAN MWISHONI ALIUWA KWA NGUMI MOJA TU YA KIJANA MDOGO

Mr. Comedian Lusinde kumbe yupo bado.

THE LOST said:

CCM rudisheni kwanza mali za umma, viwanja, majengo mlojimilikisha baada ya mfumo wa vyama vingi ndo mlete porojo za kuvifanya vyama vingine kujisimamia.

Click to expand...

Hivyo unavyosema ni mali ya CCM na vilijengwa na wana CCM, leo ukitoka Chadema huwezi kudai yale magari ya chama kwamba ugawiwe maana najua hakuna kingine mnachomiliki zaidi ya hayo magari tena ya msaada

emalau said:

Mambo yanayoendelea nchi hii yanatia kinyaa, hasira mpaka unasikia sukari inapanda

Click to expand...

Mshauri mkuu wa mtukufu malaika toka chato ni Naibu Rais ndugu Daud Arbaty Bashite ambaye hana vyeti unategemea nini? Tuendelee kushuhudia vioja zaidi kwanza nasikia wanataka kusajili vyama vingi vya Siasa iwe kama Congo iwe rahisi kuvichonganisha vinanyang’anyana kura huku CCM ikipeta kirahisi, lakini hakuna mabaya yasiyo na mwisho na mwisho wa ubaya ni Aibu

mkaruka ataja rinu said:

Hivyo unavyosema ni mali ya CCM na vilijengwa na wana CCM, leo ukitoka Chadema huwezi kudai yale magari ya chama kwamba ugawiwe maana najua hakuna kingine mnachomiliki zaidi ya hayo magari tena ya msaada

Click to expand...

Mfano wa magari hauna uhusiano na jinsi CCM walivyojimilikisha majengo ni vitu viwili tofauti kumbuka CCM ni chama kipenda magumashi

emalau said:

Mambo yanayoendelea nchi hii yanatia kinyaa, hasira mpaka unasikia sukari inapanda

Click to expand...

Yafaa CCM washitakiwe kwenye msajili wa vyama wa kidunia UN

Naomba mwenye nakala ya Mswada tajwa afanye kushare tupate kuona ni kipi haswa kiko ndani ya huo muswada.

wabunge wa ccm pelekeni muswada ili Magufuli awe rais wa Maisha.

Saint Ivuga said:

wabunge wa ccm pelekeni muswada ili Magufuli awe rais wa Maisha.

Click to expand...

Naona umeamua kufanya short cut!🤣

MUSWADA wa Marekebisho ya Sheria ya Vyama vya Siasa Mwaka 2018, umesomwa kwa mara ya pili bungeni huku vyama vya siasa vinavyopata ruzuku ya serikali, vikitakiwa kuwa na akaunti maalumu ya benki kwa matumizi ya fedha hizo, ambazo vyama vitakavyoshindwa kuzisimamia vitafutiwa. Aidha, muswada huo ambao uliwasha moto nje ya Bunge, umempa nguvu Mdhibiti na Mkaguzi Mkuu wa Hesabu za Serikali (CAG), kufanya ukaguzi maalumu wa mapato na matumizi ya fedha za vyama vya siasa.

Akiwasilisha muswada huo jana bungeni, Waziri wa Nchi, Osi ya Waziri Mkuu (Sera, Bunge, Kazi, Vijana, Ajira na Watu wenye ulemavu), Jenista Mhagama alisema lengo la akaunti hiyo maalumu ya ruzuku ni kuhakikisha fedha za ruzuku zinatumika kwa malengo yaliyokusudiwa na sheria.

“Lengo ni kuhakikisha chama cha siasa kinachopata ruzuku hakichanganyi mapato na matumizi ya fedha za ruzuku na fedha kutoka katika vyanzo vingine,” alisema Jenista. Alisema Kifungu cha 24 cha muswada kinakusudia kurekebisha Kifungu cha 18 cha Sheria ya Vyama vya Siasa ili kumpa msajili mamlaka ya kusitisha ruzuku kwa chama cha siasa, kinachoshindwa kusimamia matumizi ya fedha hizo, kwa lengo la kulinda fedha za umma zisitumike vibaya. Vile vile, kifungu hicho kinataka kumpa msajili mamlaka ya kumuomba CAG, kufanya ukaguzi maalumu mapato na matumizi ya chama cha siasa, ili kumwezesha msajili kubaini .

upungufu uliopo katika mapato ya matumizi ya chama cha siasa. Alisema Kifungu cha 21 cha muswada huo, kinakusudia kuweka Kifungu kipya cha 12 C cha Sheria ya Vyama vya Siasa ili kuvitaka vyama hivyo kutoa tamko la mapato na matumizi katika chama cha siasa.

Jenista alisema Kifungu cha 22 cha muswada kinakusudia kurekebisha Kifungu cha 13 cha Sheria ya Vyama vya Siasa ili kujumuisha vyanzo vya mapato vya chama cha siasa ya ndani ya nchi katika vyanzo vya mapato, vinavyopaswa kuwekwa wazi kwa msajili, lengo nikuwezesha msajili kuratibu vyema mapato na matumizi ya vyama vya siasa.

“Lengo pia ni kuvitaka vyama vya siasa kuteua Asa Msuhuli atakayesimamia mali za chama, lengo ni kuwezesha kila chama cha siasa kuwa na mtu anayewajibika katika mapato na matumizi ya chama, ili kudhibiti mfumo wa uwajibikaji katika utunzaji wa mali za taasisi,” alisema.

Alisema Kifungu cha 25 cha muswada kinakusudia kufuta na kuweka kifungu kipya cha 18A cha sheria ili kuweka sharti kwamba mwaka wa fedha wa kila chama, unapaswa kuwa sawa na mwaka wa serikali, kwa kukitaka chama kuwasilisha taarifa za hesabu zake kwa CAG kwa ukaguzi na kutoa taarifa ya hesabu zilizokaguliwa kwa msajili. Alisema Kifungu cha 11 cha muswada kinakusudia kuongeza vifungu vipya 8C, D, na E katika sheria, ambapo Kifungu cha 8E kinaweka katazo kwa chama cha siasa kuanzisha kikundi cha ulinzi na usalama au kuendesha mafunzo ya kutumia nguvu au silaha ya aina yoyote kwa wanachama wake au mtu yeyote.

“Kifungu cha 7 cha Muswada kinaongeza sehemu mpya IIA na kifungu 6A, B na C ambapo katika sehemu IIA inahusika na uundwaji wa vyama vya siasa ambapo Kifungu 6B kinaweka sifa za mtu anayeomba kusajili cha awe raia wa Tanzania na kifungu 6C kinataka mwanachama awe raia na kinakataza raia wa nje kushiriki katika kufanya uamuzi ya chama,” alifafanua waziri

diana chumbikino said:

View attachment 1008495

MUSWADA wa Marekebisho ya Sheria ya Vyama vya Siasa Mwaka 2018, umesomwa kwa mara ya pili bungeni huku vyama vya siasa vinavyopata ruzuku ya serikali, vikitakiwa kuwa na akaunti maalumu ya benki kwa matumizi ya fedha hizo, ambazo vyama vitakavyoshindwa kuzisimamia vitafutiwa. Aidha, muswada huo ambao uliwasha moto nje ya Bunge, umempa nguvu Mdhibiti na Mkaguzi Mkuu wa Hesabu za Serikali (CAG), kufanya ukaguzi maalumu wa mapato na matumizi ya fedha za vyama vya siasa.

Akiwasilisha muswada huo jana bungeni, Waziri wa Nchi, Osi ya Waziri Mkuu (Sera, Bunge, Kazi, Vijana, Ajira na Watu wenye ulemavu), Jenista Mhagama alisema lengo la akaunti hiyo maalumu ya ruzuku ni kuhakikisha fedha za ruzuku zinatumika kwa malengo yaliyokusudiwa na sheria.

“Lengo ni kuhakikisha chama cha siasa kinachopata ruzuku hakichanganyi mapato na matumizi ya fedha za ruzuku na fedha kutoka katika vyanzo vingine,” alisema Jenista. Alisema Kifungu cha 24 cha muswada kinakusudia kurekebisha Kifungu cha 18 cha Sheria ya Vyama vya Siasa ili kumpa msajili mamlaka ya kusitisha ruzuku kwa chama cha siasa, kinachoshindwa kusimamia matumizi ya fedha hizo, kwa lengo la kulinda fedha za umma zisitumike vibaya. Vile vile, kifungu hicho kinataka kumpa msajili mamlaka ya kumuomba CAG, kufanya ukaguzi maalumu mapato na matumizi ya chama cha siasa, ili kumwezesha msajili kubaini .

upungufu uliopo katika mapato ya matumizi ya chama cha siasa. Alisema Kifungu cha 21 cha muswada huo, kinakusudia kuweka Kifungu kipya cha 12 C cha Sheria ya Vyama vya Siasa ili kuvitaka vyama hivyo kutoa tamko la mapato na matumizi katika chama cha siasa.

Jenista alisema Kifungu cha 22 cha muswada kinakusudia kurekebisha Kifungu cha 13 cha Sheria ya Vyama vya Siasa ili kujumuisha vyanzo vya mapato vya chama cha siasa ya ndani ya nchi katika vyanzo vya mapato, vinavyopaswa kuwekwa wazi kwa msajili, lengo nikuwezesha msajili kuratibu vyema mapato na matumizi ya vyama vya siasa.

“Lengo pia ni kuvitaka vyama vya siasa kuteua Asa Msuhuli atakayesimamia mali za chama, lengo ni kuwezesha kila chama cha siasa kuwa na mtu anayewajibika katika mapato na matumizi ya chama, ili kudhibiti mfumo wa uwajibikaji katika utunzaji wa mali za taasisi,” alisema.

Alisema Kifungu cha 25 cha muswada kinakusudia kufuta na kuweka kifungu kipya cha 18A cha sheria ili kuweka sharti kwamba mwaka wa fedha wa kila chama, unapaswa kuwa sawa na mwaka wa serikali, kwa kukitaka chama kuwasilisha taarifa za hesabu zake kwa CAG kwa ukaguzi na kutoa taarifa ya hesabu zilizokaguliwa kwa msajili. Alisema Kifungu cha 11 cha muswada kinakusudia kuongeza vifungu vipya 8C, D, na E katika sheria, ambapo Kifungu cha 8E kinaweka katazo kwa chama cha siasa kuanzisha kikundi cha ulinzi na usalama au kuendesha mafunzo ya kutumia nguvu au silaha ya aina yoyote kwa wanachama wake au mtu yeyote.

“Kifungu cha 7 cha Muswada kinaongeza sehemu mpya IIA na kifungu 6A, B na C ambapo katika sehemu IIA inahusika na uundwaji wa vyama vya siasa ambapo Kifungu 6B kinaweka sifa za mtu anayeomba kusajili cha awe raia wa Tanzania na kifungu 6C kinataka mwanachama awe raia na kinakataza raia wa nje kushiriki katika kufanya uamuzi ya chama,” alifafanua waziri

Click to expand...

Sheria hizi kandamizi zitafutwa ikija serikali nyingine isoyo ccm

Wabanwe kila kona,hatuwezi kulipa kodi halafu mtu anaenda kutanulia huko kwa mabeberu na selfie juu.

minyoo said:

Mfano wa magari hauna uhusiano na jinsi CCM walivyojimilikisha majengo ni vitu viwili tofauti kumbuka CCM ni chama kipenda magumashi

Click to expand...

Nasemea magari kwa vile Chadema hawana asset yoyote bali wanapiga hela tu. Naomba nikufundishe jambo utanishukuru. Baada ya CCM kuanzishwa mwaka 1977, walianzisha miradi mingi ikiwa ni pamoja na ujenzi wa mashule,majengo,viwanja vya michezo nk. Ni jinsi gani miradi hiyo ilifanikiwa,ni kutokana na wanachama wake kujitolea kuijenga na umiliki ulikuwa ni wa CCM na siyo Serikali, Ndo maana nikakupa mfano,leo hii wanachama wa Chadema wakijitolea kujenga ofisi ya Chama kwa usajili halali wa chama basi jengo hilo ni mali ya chama na si mali ya Serikali. Ila ukiona kwamba mali za wananchi zimeporwa na CCM ni vizuri ukaenda Mahakamani ili upate tafsiri nzuri ya umiliki huo ili ujiridhishe.