KERO Kwanini Dar na Pwani hakuna suluhu ya kudumu ya maji safi? Miaka yote visingizio ni "Uhaba wa Mvua Ruvu"

KERO Kwanini Dar na Pwani hakuna suluhu ya kudumu ya maji safi? Miaka yote visingizio ni "Uhaba wa Mvua Ruvu"

Hii ni kero ambayo mwananchi ameiwasilisha JF akitaka wahusika kuchukua hatua
Unaleta udini wewe.
TEC wamewachochea mamlaka ya maji safi wasibuni vyanzo vipya vya maji.
TEC hawamtaki kiongozi wa .....
Sisi hatuna shida ya maji, tunataka amani tu.
 
Mmepewa amani bila maji nanyi mkakenua na kupongeza
bi chura anaupiga mwingi yeye anaoga maji ya FIJI

Waziri kiazi aweso alisema mkaoge na kuchota maji baharini
Na bado!
 
View attachment 3514904
Wananchi wanachoteseka Kibaha - Pwani​
Takribani mwezi mzima sasa, maeneo mengi ya Dar es Salaam na Pwani, yamekumbwa na changamoto kubwa ya upatikanaji wa maji safi. Kibaha - Pwani Mitaa mingi haina huduma hiyo kwa miezi kadhaa, Wananchi wanauziwa maji kwenye tenki kuanzia Sh 20,000, 25,000 hadi 30,000 kwa tenki moja la Lita 1,000.

Tatizo hili, mbali na kuwa kero kwa Wananchi, linaibua maswali mengi kuhusu uwajibikaji wa mamlaka zinazohusika na usimamizi wa rasilimali hiyo muhimu, hususan DAWASA pamoja na wadau wengine katika sekta ya maji.

Wakati maeneo kadhaa ya jiji yakikosa maji kwa siku nyingi, hakukuwa na taarifa za mapema kutoka mamlaka hizo ambazo zingewezesha Wananchi kujiandaa dhidi ya changamoto hiyo.

Ni baada ya malalamiko kuongezeka ndipo DAWASA ilitoa taarifa ikieleza kuwepo kwa upungufu mkubwa wa maji katika chanzo kikuu cha Ruvu. Hapo ndipo tukaona pia ziara za Waziri wa Maji maeneo mbalimbali ya jiji, akitoa ufafanuzi kuwa uzalishaji wa maji kutoka Ruvu umepungua kwa zaidi ya asilimia 50, hali iliyoleta msukosuko huu.
View attachment 3514903
MailiMoja - Pwani
View attachment 3514906
Mbezi Makonde​
Swali muhimu la kujiuliza ni: Kwa nini mamlaka hazikutoa taarifa mapema ili kuwawezesha wananchi kujiandaa na changamoto hii? Zaidi ya hapo, karibu kila mwaka Dar es Salaam na Mikoa ya Pwani kwa jumla hukumbana na tatizo la upatikanaji wa maji na mara nyingi maelezo yanayotolewa yanahusishwa na upungufu wa mvua unaoathiri Mto Ruvu. Je, ni kweli hadi sasa hatujapata mbadala au mikakati madhubuti ya kuzuia tatizo hili kujirudia?

Cha kushangaza ni kwamba viongozi na wadau mbalimbali wamekuwa wakizungumzia mara kwa mara athari za mabadiliko ya tabianchi ikiwa ni pamoja na kupungua au kuongezeka kwa mvua, kuongezeka kwa joto, na athari nyingine. Iwapo tunatambua changamoto hizi mapema, kwa nini basi tunachelewa kufanya uwekezaji wa kutosha katika kuhakikisha upatikanaji wa maji kwa uhakika?

Ni muhimu kutambua kuwa Dar es Salaam ni kitovu muhimu cha shughuli za kijamii na kiuchumi; hivyo kukosekana kwa maji kunagusa moja kwa moja ustawi na maendeleo ya wananchi.
View attachment 3514905
Mbezi Makonde​
Wito wangu kwa mamlaka husika ni kwamba suala la maji halipaswi kuendeshwa kwa ubashiri. Linahitaji uwajibikaji wa dhati, mipango endelevu, na utekelezaji wa mikakati thabiti itakayotoa suluhu ya kudumu sio propaganda au ahadi zisizotekelezeka.

KIBAHA - PWANI, WENYE MADOZA WANANUNUA MAJI DAWASA KWENDA KUWAUZIA WANANCHI
Maeneo ya Kibaha Mkoani Pwani mitaa mingi haina maji ya DAWASA, hali inayowafanya Wananchi kununua kwenye madoza kwa gharama kubwa.

Wananchi wanalazimika kutumia Bodaboda kununua maji, wale wanaotaka kununua doza gharama zake ni kama nilivyosema hapo juu kuanzia Sh elfu 20 hadi 30 kwa dumu moja, jambo ambalo ni gumu kulimudu kwa Watanzani wengi wenye kipato cha chini.
View attachment 3514902
Moja ya magari yanayouza tenki moja la maji Sh 20,000 hadi 30,000 Kibaha.​

Ajabu ni kuwa wanunuaji wa maji hayo wao wananunua kwenye Ofisi ya DAWASA, kwa bei ndogo ya isiyozidi Sh 3,000 kwa Tenki la Lita 1,000, lakini haohao DAWASA wanadai mitambo yao haina nguvu kusukuma maji kwenda kwa Wananchi wote waliounganishiwa huduma Kibaha.
Amani Amani Amani
 
Tatizo la maji Dar es salaam halijaanza leo wala jana. ni tatizo linalojirudia rudia mara kwa mara, na hakuna hatua mujarabu inayochukuliwa kama mwarobaini wa kukomesha kabisa na kutokomeza janga hili.

kama tatizo ni kupungua mto Ruvu mara kwa mara kutokana na mabadiriko ya tabia nchi, kwanini wasitafute mbadala wake kama suluhisho la kudumu?!

Mto Ruvu ni mto mdogo sana kwa ujazo wa maji yake ukilinganisha mito kama Rufiji na mto Pangani. Kwanini serikali isifanye juhudi za makusudi za kutokomeza tatizo hili kwa kuvuta na ku-supply maji kutoka vyanzo vikubwa kama mto Rufiji na mto Pangani???

Mito ya Rufiji na Pangani kwanza iko karibu sana na jiji la Dar es salaam pia ina maji mengi ya kutosha sana kutosheleza idadi yote ya wakazi zaidi ya milioni 7 waishio humu jijini, badala ya kung'ang'ana na kamto Ruvu kenye maji machache kulinganisha na mito hiyo mingine, kama serikali imeweza kujenga bwawa la umeme pale Rufiji na SGR basi haijashindwa kuvuta maji kutokea Rufiji na Pangani yanayopotea bure baharini..!
 
Wananchi punguzeni uchochezi lindeni AMANI.. kitu kama maji ndio cha kuanzishia uzi au umetumwa wewe? Gaza huko watu hawana maji miaka wewe unalia mwezi tu? Kuweni na shukrani!! (in makambas voice)
 
Hii nchi yetu ina upumbavu sana, nakumbuka wakati nasoma Udsm kuna kipindi maji yanakatika pale Campus mpaka mnashindwa kwenda darasani kusoma.

Mwaka wa pili nikahamia Msewe but nako maji ni shida mpaka kero. Inafikia kipindi mtu akiwa ana maji anaenda kuoga unamwonea mpaka wivu unatamani ungekua wewe.

Now niko zangu mkoani maji full time, kukatika ni mara moja moja sana. Nikilala usiku kama kuna joto naoga hata mara nne nikipenda.
 
Mange na sativa wamekunywa maji yote ya mto ruvu 😭
 
Leo kwenye taarifa ya habari nimemsikia ametoa agizo kwa NUWA(Shirika la maji nchini kwa watoto wa elfu 2 NUWA ni National Urban Water Authority ndiyo ika ikavunjwa na kuwa na kila mkoa na idara yake eg Dar -DAWASCO /DAWASA ,Iringa IRUWASA ,Musoma MUWASA).

Agizo ni kwamba RUVU imeshakuwa kwenye normal level hivyo wawashe mitambo yote na kusitisha Mgao...Tunatarajia mgao kuisha ,sasa tunatoa siku 2 za kujipanga ,kukiendelea MGAO msije mkasema siyo wazalendo maana viongozi buana wa serikali wanapendwa Kupushiwa sana ndiyo wafanye kazi.
 
Back
Top Bottom