MABADILIKO YA SHERIA YA MAFAO YA VIONGOZI NA FAMILIA ZAO:
Jina la sheria - THE POLITICAL SERVICE RETIREMENT BENEFITS ACT, (CAP. 225)
"THREAD"
BADILIKO 1:
Ongezeko la kifungu kipya cha 9A ambacho hakipo kwenye sheria kinachotaja mafao ya mke/mume wa rais mstaafu. Baada ya rais kustaafu, mwenza/wenza wake atapokea kiasi cha fedha (kwa mkupuo) sawa na 25% ya mshahara wa rais alioupokea katika kipindi chote alichokuwa madarakani. Yaani, kama rais alikaa madarakani kwa miaka 10, akalipwa mshahara wa TZS 3B, basi mwenza wake atalipwa TZS 750M, fedha ambayo inalipwa kwa mkupuo.
BADILIKO 2:
Kwenye kifungu cha 11 kinachohusu mafao ya mjane wa rais mstaafu (survivor's pension) ambapo kwa sasa kila mwezi mjane hulipwa 40% ya mshahara wa rais aliye madarakani. Asilimia imeongezwa na sasa mjane atalipwa 60%. Mfano kama rais anapokea TZS 30M kwa mwezi, basi mjane wa rais atalipwa TZS 18M kila mwezi.
BADILIKO 3:
Ongezeko la kifungu kipya cha 12A ambacho hakipo kwenye sheria kinachotaja mafao ya mke/mume wa makamu wa rais mstaafu. Baada ya makamu wa rais kustaafu, mwenza/wenza wake atapokea kiasi cha fedha (kwa mkupuo) sawa na 25% ya mshahara wa makamu wa rais alioupokea katika kipindi chote alichokuwa madarakani. Yaani, kama makamu wa rais alikaa madarakani kwa miaka 10, akalipwa mshahara wa TZS 2B, basi mwenza wake atalipwa TZS 500M, fedha ambayo inalipwa kwa mkupuo.
BADILIKO 4:
Kufutwa kwa kifungu cha 13 ambapo makamu wa rais anapofariki akiwa madarakani, au baada ya kustaafu (kabla hajalipwa mafao yake), mwenza wake, atalipwa (survivor's pension) sawa na 40% ya mshahara wa makamu wa rais aliye madarakani, na stahiki nyingine zilizoelezwa kwenye jedwali la sheria hiyo, ikiwemo nyumba, matibabu na mengine mengi. (kifungu hiki kimefutwa).
Kifungu kipya cha 13 ambapo makamu wa rais anapofariki akiwa madarakani, au baada ya kustaafu (kabla hajalipwa mafao yake), wategemezi wake (dependants) watalipwa kiasi cha fedha sawa na mshahara wote wa makamu wa rais alioupokea wakati akiwa madarakani. Mfano, kama makamu wa rais alikaa madarakani kwa miaka 10, akalipwa TZS 2B kama mshahara, basi wategemezi wake watalipwa kiasi hiko cha TZS 2B kama pension. Ifahamike, kwa mujibu wa sheria hii, neno "dependants" limefafanuliwa kwenye kifungu cha 4, na maana yake ni mke au wake, mume, watoto (ambao walikuwa ni tegemezi kwa marehemu), pamoja na wazazi wa marehemu (wategemezi).
Pia, mke wa marehemu (makamu wa rais) atalipwa fedha (survivor's pension) kila mwezi sawa na 40% ya mshahara wa wa makamu wa rais aliye madarakani kwa sasa. Pia, atapata stahiki nyingine zilizotajwa kwenye jedwali la sheria hii.
BADILIKO 5:
Kifungu cha 14 kimeongezwa kifungu kidogo cha "4" kinachotoa haki ya "msaidizi wa kazi" mmoja kwa mtu aliyewahi kuwa Waziri Mkuu kabla ya sheria hii kutungwa. Hapa tunazungumzia Mawaziri wakuu wastaafu wakati wa Mwalimu.
BADILIKO 6:
Ongezeko la kifungu kipya cha 14A ambacho hakipo kwenye sheria ya sasa> Kifungu hiki kinataja mafao ya mke/mume wa Waziri Mkuu mstaafu. Baada ya Waziri Mkuu kustaafu, mwenza/wenza wake atapokea kiasi cha fedha (kwa mkupuo) sawa na 25% ya mshahara wa Waziri Mkuu alioupokea katika kipindi chote alichokuwa madarakani. Mfano, kama Waziri Mkuu ameshika madaraka kwa miaka 10, akalipwa mshahara wa TZS 1B, basi mwenza wake atalipwa TZS 250M, fedha ambayo inalipwa kwa mkupuo (lump sum).
BADILIKO 7:
Kifungu cha 15(2) kimefanyiwa nyongeza ya neno "granted monthly", ambapo kwa sheria ya sasa, kifungu hiki kinamtaja mjane wa Waziri Mkuu kupokea kiasi cha fedha 40% ya mshahara wa Waziri Mkuu aliye madarakani. Kilichoongezeka ni kwamba, hiki kiasi atakuwa analipwa KILA MWEZI.
BADILIKO 8:
Kifungu cha 18(2) kimefanyiwa nyongeza ya neno "granted monthly", ambapo kwa sheria ya sasa, kifungu hiki kinamtaja mjane wa Spika wa Bunge kupokea kiasi cha fedha 40% ya mshahara wa Spika aliye madarakani kwa sasa. Kilichoongezeka ni kwamba, hiki kiasi atakuwa analipwa KILA MWEZI.
BADILIKO 9:
Badiliko la JEDWALI la sheria hii linalotaja nyongeza ya mafao ya viongozi.
1. Rais mstaafu ameongezewa idadi ya magari kutoka magari 2, sasa atapata magari 3 yasiyopungua uzito wa tani 3 (yaani hawezi pewa Corola, bali ni gari kubwa kama V8 n.k, ambapo atapewa magari mapya kila baada ya miaka 5.
2. Rais mstaafu ameongezewa idadi ya madereva toka 2 na sasa atapewa 3.
3. Sheria ya sasa inataja gharama za mazishi kwa rais mstaafu tu, nyongeza iliyowekwa ni gharama ya mazishi kwa mwenza wake. Yaani kama rais mstaafu atafiwa na mke/mume wake, basi Serikali itagharamia mazishi hayo.
4. Makamu wa Rais mstaafu ameongezewa idadi ya magari kutoka gari 1, sasa atapata magari 2 yasiyopungua uzito wa tani 3 ambapo atapewa magari mapya kila baada ya miaka 5.
5. Makamu wa Rais mstaafu ameongezewa idadi ya madereva toka 1 na sasa atapewa madereva 2.
6. Makamu wa Rais atajengewa nyumba ya kifahari. Ikumbukwe, kwa sheria ya sasa, ni Rais mstaafu pekee ndiye anajengewa nyumba.
7. Sheria ya sasa inataja gharama za mazishi kwa Ma