Majibu kwa Nape, Ridhiwan Kikwete na wengine kuhusu elimu yangu na niliposoma

[nkongu ndasu]

Binafsi ningependa Nape na riz1 watuwekee cv zao za elimu hapa, maana tutaona walivyobebwa waziwazi na wazazi wao au mafisadi.

 

[TIMING]

Composed, poised, and polished!

Dogo wa Kikwete na Nape sidhani kama wanaweza kuandika kama alivyoandika Mnyika hapa!

The boy has just destroyed those two little boys... Nape and Ridhwani, wameshindwa kutumia nafasi za wazazi wao kujiendeleza kielimu na maarifa wameishia kuwa mediocre kwenye kila angle

 

[chaznewa]

Kweli tunaacha kujadali kuanguka kwa matokeo ya kidato cha nne nusu wana zero tunajadili elimu ya mnyika JJ ambaye ni mp? Tuwazungumzie wataalamu na wasomi hawa tunasaidiaje kundi kubwa kama hili kwamba je sababu ni mgomo baridi wa walimu baada ya kupuuzwa kwa mdai yao ndio kumepelekea matokeo haya? Nape na rizone hebu badilikeni basi tuache siasa za kuzinguana mtaani kunazidi kuwa noma tutazidi kupigana kabari bure.

Sent from my BlackBerry 9780 using JamiiForums

 

[mtalae72]

Je elimu ya JK na jinsi nchi inavyoendeshwa sasa inadhihirisha upeo wake wa kufikiria? Nafikiri tusiangalie haya mambo kwa macho yaliyovaa miavuli ya vyama vya siasa bali tujaribu kuwa objective kidogo!!

 

[mchapa shughuli]

Kumbe Mnyika ni mhitimu wa kidato cha sita na si mhitimu wa chuo sikulielewa hili kumekua na upotoshaji wa muda mrefu ni bora umeliweka sawa.

 

[Mwanaukweli]

Anachokifanya Bungeni ni kuongea. Kwahiyo huwezi kuongea?

Mkuu, kazi ya mbunge ni nini?

Vigezo vya kupima mbunge mzuri ni vipi?

Tuambie mbunge anayeng'ara katika bunge letu kwa vigezo vyako.

 

[TIMING]

sometimes kuacha hoja kama hizi kweny JF kunanifanya nijilulize, nini lengo la mod wa zamu kuiacha?? je anapenda diversion za kijinga ili watu waacha kujadili main agenda??

ni upeo mdogo wa uelewa wa msimamizi au nini

This should have been deleted right away

 

[Bramo]

Wakuu Elimu ya Lukuvi umekaaje.
Mulugo Je.
Mnyika ni Zaid ya Mbunge.
Hii ni Hazina Kuu..
Mungu mbarik Mnyika

 

[Ronal Reagan]

Please Ben, channel you intelligence and energy on more productive issues as you normally do best.

Forget these (two) spoilt brats. They only know two things in life i.e. 1) hedonizing and 2) maliwato.

 

[ZeMarcopolo]

Mkuu, kazi ya mbunge ni nini?

Vigezo vya kupima mbunge mzuri ni vipi?

Tuambie mbunge anayeng'ara katika bunge letu kwa vigezo vyako.

Mbunge mzuri ni yule anayeweza kutimiza ahadi alizotoa kwa wananchi wake.

Mbunge anayeng´ara anajulikana kwa kutembelea jimbo lake na kuona jinsi alivyozigeuza kero za wananchi kuwa historia.

Kama kuongea sana hata JOTI anaweza, tena Joti mahiri kweli katika kujielezea.

 

[mchapa shughuli]

Kumbe Mnyika ni mhitimu wa kidato cha sita na si mhitimu wa chuo sikulielewa hili kumekua na upotoshaji wa muda mrefu ni bora umeliweka sawa.

 

[Prisoner 46664]

Wewe mwanzisha mada ulipata A ngapi form IV!?

Bill gates, kwenye moja kati ya documentaries zake nilizowahi kuziona anadai kuwa aliondoka harvard law school kabla hajamaliza digrii ili apate muda mwingi wa kufanya mambo ya msingi ikiwemo kutengeneza program za komputa..pengine hii stori itamfundisha kitu mleta mada..ukizingatia kuna maprofesa wengi sana masikini nchi hii.

 

[Mwanaukweli]

Mbunge mzuri ni yule anayeweza kutimiza ahadi alizotoa kwa wananchi wake.

Mbunge anayeng´ara anajulikana kwa kutembelea jimbo lake na kuona jinsi alivyozigeuza kero za wananchi kuwa historia.

Kama kuongea sana hata JOTI anaweza, tena Joti mahiri kweli katika kujielezea.

Kazi zipi ni kazi za mbunge?

 

[Bocho]

Wewe mwanzisha mada ulipata A ngapi form IV!?

Bill gates, kwenye moja kati ya documentaries zake nilizowahi kuziona anadai kuwa aliondoka harvard law school kabla hajamaliza digrii ili apate muda mwingi wa kufanya mambo ya msingi ikiwemo kutengeneza program za komputa..pengine hii stori itamfundisha kitu mleta mada..ukizingatia kuna maprofesa wengi sana masikini nchi hii.

Kwa hiyo Mnyika aliacha shule kukimbilia siasa? Si utakuwa ujuha!

 

[hippocratessocrates]

Mkuu John Mnyika,

Hongera kwa ufafanuzi MZURI,

Kuna baadhi ya mambo yanayoshangaza

1. Bunge letu lina wabunge ZAIDI YA NUSU, wenye elimu ya mashaka( msingi na wachache sekondari na "kozi" fulani!), wengi wao wakiwa ni wa Chama Cha Mapinduzi, CCM.Hawa wajasemwa/kuulizwa/kuonwa ni wa ajabu na Katibu Mwenezi wa Chama chao.

2. Hoja ya elimu bila kuweka elimu ya mlalamikaji yaani @Nape Nnauye haina hantiki!

3. Mara kadhaa watu wamekuwa wakileta habari zisizo na msingi/uongo/uzushi...(SI Tetesi) na hawa wamekuwa wakiadhibiwa...Ingekuwa vyema utaratibu huo uendelee, yaani bila vithibitisho watu kama hawa wawe banned kuondoa upuuzi na kupunguza heshima ya JF.

4. Iwapo tutaendelea kujibizana na Nape Nnauye, ni upotezaji wa muda na kutafuta malumbano yasiyo na msingi, hapa anaweza kuja kusema "mlini-quote vibaya"!

Pili, Kwa elimu yao Nape Nnauye na Ridhiwan wangetueleza wamefanyia nini TAIFA na siyo CCM. Yaani, hivi Taifa linaweza kuwakumbuka kwa jambo/mambo yapi?

Again, Hongera Mh. John Mnyika, it was narrative, long but not tiring!And have to say it was good creativity to write in this way than in CV format as others have wished!

 

[Zion Daughter]

Kama kiongozi makini unahitaji kwanza uwe na uwezo wa kutafakari jambo, mbunge huyu uwa hatafakari bali anafuata kila anachoambiwa

1. hoja ya maji dar arijaribu kukopi na kupaste ya wizara ili ajiafutie umaarufu hii alifanya kwa kufuata mawazo baadhi ya wabunge cdm anaodhani kuwa wana uwezo zaidi yake
2. kauli anazotoa bungeni na nje ya bunge haziendani na mtu makini mwenye nia nzuri na watanzania kwa mambo hayo machate tu mbunge huyu upeo wake wa kufikiri bado mdogo sana

Nadhani una chuki binafsi..Hakuna ambaye hajui kuwa mnyika =wabunge 50 wa chama kile kikubwa...

 

[chayowa1981]

Nilikuwa katikati ya kazi jimboni nikaambiwa kwamba kuna mwito humu wa Nape na Ridhwan kutaka nieleze elimu yangu. WanaCCM walianza suala hili kwa ari, nguvu na kasi mpya niliposema kwamba nchi imefika hapa ilipo kwa sababu ya udhaifu wa Rais Kikwete, uzembe wa Bunge na upuuzi wa CCM.

Nikapuuza, naona sasa limeibuka tena kwa ari, nguvu na kasi zaidi baada ya yaliyojiri bungeni kuhusu hoja binafsi niliyowasilisha bungeni kuhusu maji na mkutano wa hadhara wa tarehe 10 Februari 2013 na masuala ambayo niliipa Serikali wiki mbili kuyatolea majibu ama sivyo nitaongoza maandamano ya wananchi kwenda Wizara ya Maji kutaka uwajibikaji na hatua za haraka.

Kwa mara nyingine tena zinafanyika jitihada za kuhamisha wananchi kwenye mjadala kwa kumshambulia mtoa hoja badala ya hoja, sasa ili turejee kwenye mijadala ya msingi ni muhimu niweke kumbukumbu sawa kuhusu masuala kadhaa kama yalivyoombwa.

Elimu yangu sio siri, nimegombea ubunge mara mbili mwaka 2005 na 2010 na mara zote nimeeleza kuhusu suala hili; Nape na Ridhwan wangetumia tu elimu yao wangetafuta kwenye mitandao na kukuta majibu wanayoyatafuta. Nieleze kwa muktasari tu; nimesoma shule ya msingi Mbuyuni Dar Es Salaam (nilikuwa mwanafunzi wa kwanza kwa mkoa wa Dar es Salaam).

Nilichaguliwa kwenda Shule ya Sekondari ya Ilboru wakati huo ikiwa ya vipaji maalum, sikwenda; wito ulinituma kwenda Seminarini. Nilisoma Franciscan Seminary Maua (FRASEMA) mpaka kidato cha nne; nilipata daraja la kwanza; nikiwa na alama A katika masomo tisa.

Ningeweza kwenda shule yoyote ya Serikali ya kidato cha tano na sita yenye mchepeo ambapo ningeutaka; lakini niliamua kubaki Dar es Salaam shule ya Tambaza kwa sababu nilitaka kusoma huku nikiendelea na harakati ambazo nilizianza kabla.

Hapa ndio ilikuwa chanzo cha mimi kuingia kwenye kazi ya kuhamasisha mabadiliko kwenye mimbari nje ya utumishi wa madhabahuni. Tukio lililobadili mwelekeo wa maisha yangu, mwaka 1998 nikiwa kidato cha nne; nimesoma na tumeanza mitihani tukatangaziwa kwamba mitahani yote imefutwa baada ya kuvujishwa.Tukarudishwa nyumbani kipindi hicho nikaenda kwenye mafungo kujitafakari kwenye mkoa mmoja nikarejea Dar es Salaam nikakutana na wanaharakati kadhaa wa asasi zisizo za kiserikali; maelezo kuhusu ufisadi yalinifanya nione nina wajibu kwa nchi yangu, nikarejea Seminarini kufanya mitihani nikiwa na fikra tofauti.

Matokeo yakatoka nimefanya vizuri, kwa mifumo yetu mibovu ya wakati huo kwa mara ya pili tena Serikali hii inayoongozwa na CCM haikutambua vipaji na nikapaswa niendelee kujilipia ada mwenyewe kama ilivyokuwa kwa ngazi nyingine za elimu zilizotangulia; hapa nikakata shauri kwamba nitatumia uwezo na uadilifu wote ambao Mwenyezi Mungu amenijalia kuwezesha mabadiliko katika taifa letu.

Nikaamua kuacha kwenda kwenye shule za bweni mikoani na kubaki Dar es salaam nisome Tambaza huku nikiendelea na kazi za harakati; wakati huo nikihamasisha masuala ya ukombozi wa vijana nchini. Pamoja na kusoma kutwa huku nikifanya kazi nilipata daraja la pili katika kidato cha sita.

Taasisi nilizoanzisha au nilizoongoza katika kipindi hicho na kazi nilizofanya sio siri na zinapaswa kujieleza zenyewe kwa matendo badala ya maneno. Katika kipindi hicho, wakati huo kukiwa hakuna Mfuko wa Elimu wala Bodi ya Mikopo nikashiriki katika ushawishi wa mabadiliko ya kimfumo; nilikwenda Dodoma, tukakutana na wabunge na mawaziri nikawasilisha mada “Towards a more functional education in Tanzania”, wakati huo nikiwa mwanafunzi wa Sekondari.

Kati ya wabunge waliosikiliza mada niliyoiwaisilisha wakati huo sasa ni Rais Jakaya Kikwete ( Ridhwan ukiwa nyumbani unaweza kumwuliza maoni yake aliyotoa siku hiyo kuhusu ugharamiaji wa elimu na suala la mauaji ya mwanafunzi wa Iyunga Michael Sikupya). Nilipotoka kwenye mkutano ule Dodoma mwishoni wa miaka ya tisini, nilikata shauri kwamba mwaka 2005 nitagombea Ubunge hii ni baada ya kushudia aina ya wabunge waliokuwepo.

Mwaka 2002 nilijiunga na Chuo Kikuu cha Dar es Es Salaam kusomea “Bachelor in Business Administration (BBA) kwenye programu ya jioni; nilifanya hivyo kwa kuamua kwa kuwa nilitaka nisome huku nikiendelea na kazi. Mkuu wa Programu hiyo wakati huo alishangaa sana kwa umri wangu (wakati huo shahada hiyo walikuwa wakisoma wazee watu wazima wafanyakazi) na matokeo yangu (kwa kuwa yaliniruhusu kwenda kuingia kusoma katika mfumo wa kawaida). Nikamweleza akanielewa kwamba sitaki kusoma kama wanachuo wengine wa kawaida, uamuzi wangu huo ulikuwa na gharama kwa kuwatafsiri yake ni kuwa nilipaswa kujisomesha binafsi.

Kwa hiyo mimi ni kati ya wale ambao hatudaiwi na nchi hii kwa maana ya kwamba sijawahi kuchukua ruzuku wala kusomeshwa na Serikali hii inayoongozwa na CCM; nimesoma kwa jasho la wazazi wangu na langu binafsi. Kwa hiyo, nijibu tu kuhusu elimu yangu ya juu kwamba nimesoma miaka mitatu Chuo Kikuu cha Dar Es Salaam (mtu aliyosoma kwa kiwango hicho kwenye baadhi ya vyuo duniani hupewa associate degree).

Mwaka 2004 ikaanza misukosuko mbalimbali, mwaka huo ulikuwa ndio unatungwa muswada wa Sheria ya Bodi ya Mikopo ya Elimu ya Juu, haya matatizo yanayotokea leo niliyatabiri wakati huo. Niliwasilisha mada kwa wanachuo kwenye ukumbi wa Nkurumah kuchambua udhaifu wa muswada huo na kupata maoni ya wanafunzi kuhusu marekebisho yanayohitajika; wanachuo wakapitisha azimio la kwamba muswada huo upingwe.

Kesho yake nikiwa Morogoro kikazi kukafanyika mgomo hatimaye wanafunzi wakapigwa na kukamatwa.Nakumbuka nilikatiza kazi niliyokuwa nafanya nikarejea kwa kuwa Chuo kiliweka sharti kwamba lazima wanachuo waache mgomo ndio waliokamatwa waachiwe. Wakati huo Serikali ya wanafunzi ilikuwa haisikilizwi, mimi na wengine wachache tukajitolea kuzunguka kampasi na hosteli zote kushawishi wanafunzi kurejea masomoni na wakafanya hivyo.

Serikali ya CCM ikatoa maelekezo kwamba kama tumeweza kuwafanya wanafunzi warudi, hata kama sikushiriki mgomo na sihusiki na masuala ya mikopo kwa kuwa ni mwanafunzi ninayejilipia mwenyewe lazima nisimamishwe; nikiwa mwanafunzi pekee wa BBA niliyesimamishwa wakati huo.

Nikarejea baada ya muda tayari kukiwa na mvutano kati yangu na utawala, mwaka 2005 nikaamua kugombea Ubunge wakati huo nikiwa mwanafunzi; mvutano ukaongezeka zaidi. Na utawala wa Chuo ukawa unapata mashinikizo mengi kutoka kwa Serikali na CCM; wengine wakipendekeza nifukuzwe, wengine nifelishwe na wengine nisiruhusiwe kuingia katika maeneo ya Chuo jioni masomoni kwa kuwa nitakuwa nafanya kampeni.

Nikawa katika mtanziko(dilemma) wa kuchagua ama kuendelea na masomo na kujitoa au kupunguza nguvu kwenye kampeni (mbinu nyingi zilitumika wakati huo, sio sehemu ya majibu yangu ya leo) au niendelee na kampeni. Nafsi yangu ikanituma kuamua kuandika barua yakuahirisha masomo, baada ya matokeo ya uchaguzi wa mwaka 2005 mazingira yalikuwa yamebadilika sana kuweza kurejea kumalizia mwaka au miezi michache iliyokuwa imebaki.

Mwaka 2006 nikiwa Marekani nilitafakari sana na kufikia uamuzi wa kuendelea na kazi hii ya kusimamia mabadiliko na kujiandaa na uchaguzi wa mwaka 2010. Mwaka 2010 niligombea tena na kushinda wakati huo huo nikiongoza kazi za kitaifa za kampeni makao makuu pamoja na Profesa Baregu na wengine; hakuna mahali popote nilipowadanganya wananchi kuhusu elimu yangu, kama nilivyoeleza hapo juu.

Naamini wananchi wa Jimbo la Ubungo walinichagua kwa uwezo na uadilifu wangu, na walijua pia kwamba nilikuwa Chuo Kikuu cha Dar es salaam kwa miaka mitatu. Naamini elimu ni kitu muhimu sana kwa kiongozi, lakini wapo wenye elimu kubwa ya vyeti lakini hawajaelimika na wapo wenye elimu ndogo sana ya vyeti lakini wanaelewa mkubwa wa kutimiza majukumu yao ya uongozi.

Tangu mwaka 2012 na 2013, nimekuwa kwenye mtanziko mwingine na viongozi wangu ndani ya chama wanafahamu; niliomba kuachia majukumu mengine yote katika chama ili nibaki na ubunge peke yake niweze kuwatumikia wananchi wakati huo huo niendelee na masomo zaidi ya elimu ya juu katika fani inayoendana na kazi ninayoifanya ya sasa na matarajio yangu ya baadaye.

Hata hivyo, kwa mwelekeo huu wa Serikali na CCM leo nieleze tu kwamba nikifanya hivyo itakuwa faida zaidi kwa watawala tunapoelekea mwaka 2015; hivyo, nimeamua kama nilivyoamua mwaka 2005; kwamba nitarejea masomoni baada ya CCM kuondoka madarakani na Tanzania kupata Serikali mpya itakayoongozwa na CHADEMA. Kwa sasa nitaendelea kujisomea kila siku ninapopata wasaa kwa kuwa elimu haina mwisho.

Wakili Ridhwan katika maandiko yake amefanya rejea ya suala Kihiyo wa CCM Temeke, nashauri arejee kwenye hukumu ya kesi ile na marekebisho ya sheria yaliyofanywa na Serikali yaCCM kuwalinda wabunge wake vihiyo baada ya hukumu.

Mifano hailingani kwa sababu mimi sijatoa maelezo ya uongo popote. Lakini hata kwa wabunge wa CCM wanaotoa maelezo ya uongo wa wapiga kura, marekebisho hayo yamewawekea wigo wa mianya yakutokea mahakamani. Zamani fomu zakuogembea zilikuwa na mahali pa kujaza elimu ya mgombea, sasa kipengele hicho kimeondolewa. Hivyo, suala la kughushi na kutoa taarifa za uongo haliko kama ilivyokuwa awali, isipokuwa kesi inaweza kufunguliwa ya ukiukwaji wa kawaida wataratibu za kampeni kwa kuwashawishi wapiga kura kwa taarifa za uongo (ndani ya ule muda wa kisheria wa kesi kufunguliwa ambao ulishapita).

Halafu ni jukumu la mlalamikaji sio tu kuthibitisha kwamba uongo ulitolewa bali uongo umeathiri vipi matokeo. Ndio maana leo kuna vihiyo wengi tu wa CCM ndani ya Bunge lakini ni vigumu kuwabana kwa mfumo wetu wa sasa. Baada ya majibu hayo marefu, naamini sasa Nape unaweza sasa kurejea kwenye kujibu; Elimu ya Mnyika ina uhusiano gani na CCM kuahidi kwenye ilani yake na kushindwa kutekeleza kwamba ifikapo mwaka 2010 asilimia 90 ya wananchi wa mijini ikiwemo Dar essalaam watakuwa wanapata maji safi na salama? Ridhwan kwa kuwa umeweza kufanya rejea unaweza pia kueleza ni kwanini Rais Kikwete mwaka 2011 aliahidi kuwa tatizo la maji Dar es Salaam litakuwa historia mwezi Februari 2013 lakini mwezi huo umefika na matatizo bado ni makubwa?

JJ

Mheshimiwa Mnyika, we ni rafiki yangu, tumesoma wote Tambaza. kama rafiki ninapenda uwe na mafanikio zaidi ya haya, lakini pia kusema ukweli ni muhimu bila kuingiza siasa, ukweli ni kuwa hukuwa umechaguliwa kujiunga form five kwenda shule yoyote ya serikali, na hii inatokana na makosa, yaliyofnywa na Maua Seminary wenyewe kwa kutokupeleka, form zako wizarani... hivyo Tambaza uliingia kama second selection, maana ulichelewa kureport pia, hiyo pia iliwakuta mabinti kadhaa kutoka kwa shule hizo, kama kifungilo na nyingine. Ukweli unabaki kuwa mazingira ya Tambaza sio mazuri kwa mtu aliyezoea kutafuniwa kama huko Maua, kuweza kupenya kiurahisi, ndo maana wengi wa waliotoka shule kama hizo za kifungilo, seminary waliambulia div 4 au three, wachache sana walipata two, sina uhakika kama mnyika alipata div II, kama ulivyoeleza, hata hivyo nakuamini kuwa huenda ulipata marks hizo, though i knew kuwa ulipata division three.
Ukweli mwingine ni kuwa ilikuwa shida sana kwa mwanaume kwa wakati ule mwenye div III, au hata two ya mwisho kuwa admitted mlimani kwa government sponsorship maana criteria ilikuwa Ni a minimum of C na D, yaani at least points 5.5 kwa maana G.S ni points 0.5, hivyo nina Imani kuwa Mnyika hakuwa anaqualify kujiunga UDSM, halafu pia course ambazo walikuwa wakichukua watu wenye marks za chini mainly walikuwa FASS (PSPA na Socilogy), hivyo basi ukawa umepata wadhamini ambao, kama sikosei yalikuwa mashirika ya kidini, na katika course hiyo ya jioni ya BBA ulikuwa na Marafiki wengine wawili kutoka Tambaza, na ulikuwa ukiishi Mabibo.
Hata hivyo katika harakati za wewe kujiunga na kuendelea na masuala yako ya chuo bado ulikuwa Mwana CCM, hadi baada ya Muda ulipojiunga CHADEMA, na hatimaye kugombea Ubunge.
Ni ukweli usiopingika kuwa uamuzi wako wa kutokuendela na masomo ulikuwa zaidi juu ya masuala ya kisiasa na si kwasababu ya mizengwe, maana kuna watu wengi ambao walishawahi kufukuzwa vyuo na wengine kudisco kabisa lakini sasa wana PhD.
Ombi langu kwa wanasiasa si kila jambo linahitaji kuendeshwa kisiasa, tujipe Muda tujadili maendeleo ya Taifa, Maana kama leo tutasema tunaacha kusoma kwa ajili ya siasa kesho watoto wetu watasema wanaacha kusoma kwasababu wanataka kucheza soka, mwingine kuwa mwimbaji, na kwasababu hana Muda kwasababu soko litamtupa mkono then hataki hata kusomea huo Muziki ambao ndo anaona unalipa. Kwasababu kwa ulimwengu wa Leo it is not only about Experience but also, Qualification matter. Kama kuna tatizo kwa Accredited institutions kutoa competency based education and training hilo ni tatizo jingine lakini halitoi umuhimu wa QUALIFICATIONS. I stand to be corrected. No personal conflicts

 

[Amiliki]

Duh! Mnyika bwana! Yaani wenzio tunaangaika labda siku moja tutaweza kuja kuongea hoja kimpangilio kama ufanyavyo wewe kumbe unataka kutupasua msamba tu! Duh, kumbe ni Mi-"A" uliyojaza ndiyo inayokupa uwezo huo! Kweli wewe ni Nouma!

 

[joely]

kweli kuna watu tulichagua wabunge smart,
kama unatumiaga captain morgan niambie nikufanyie mpango

 

[Idimi]

Afadhali. Lakini Mkuu John Mnyika,napmba niulize maswali madogo mawili ya uelewa:

Kwanza,ufaulu wako kidato cha sita ulikuwaje pale Tambaza?

Pili, uliahirisha masomo yako UDSM;lini utamalizia?
Asante.

mbona ameshajibu kwenye post yake? Amesema form 6 alipata division 2, na masomo atamalizia pale CCM itakapotoka madarakani!