Insemekana kuwa tayari madudu ya CBT yameshaanza kufika kwenye mamlaka za kiserikali na zinaendele kukusanya taarifa/vielelezo muhimu zikiwepo hizi zinazochapishwa Jamii Forums kwa ajili ya kuanza kuzifanyia kazi kwa wakati muafaka.
Hili ni jambo jema, lakini swali ni je, mamlaka hizo zitakuwa huru kwa kiasi gani?ikumbukwe kuwa zilishawahi kuundwa kamati/Tume mbalimbali na pia kumekuwepo na ufuatiliaji wa Taasisi kama PCCB, Ofisi ya CAG nk. lakini ripoti zake hazikuwahi kuleta mabadiliko yoyote ya kiutendaji ndani ya Taasisi, kama ilivyokuwa imetarajiwa mapema.
Pengine awamu hii labda mambo yatakuwa tofauti, wacha wadau tuendelee kupaza sauti, na kuna mambo mengi ya kushangaza tutaendelea kuyaweka humu ili mamlaka zipate pa kuanzia, na pengine zijue vile wananchi wanavyozitegemea kukomesha kiburi cha Mkurugenzi Mkuu wa CBT, baadhi ya watendaji wake wakiongozwa na wawili wa juu na Mwenyekiti wa Bodi ya Wakurugenzi ya CBT.
Zinachotakiwa kujua mamlaka hizo za uchunguzi ni kwamba zitakutana na kila aina ya ushawishi wa kuzima mambo na bila uadilifu mambo yatakuwa yakeyale, Mkurugenzi atawatumia hadi baadhi ya wabunge wa mikoa inayolima Korosho ambao ndio imekuwa kinga yake kubwa kwa miaka zaidi ya mitano sasa, wakipokea fedha kwa ajili ya kumlinda mpaka kwenye vikao vya kamati za bunge (majina ya wabunge hayo yapo).
Sio siku nyingi baadhi ya wabunge na viongozi wengine walipewa fedha mkoani Dodoma ili wakakutane na wananchi kupooza hali ya uhaba wa pembejeo aina ya Salfa na hakuna walichofanya (hili tutakuja nalo wakati mwingine) tuna ushahidi wa namna ambavyo CBT imekuwa ikitumia fedha kulinda maslahi ya viongozi wake.
Kinachofurahisha ni kwamba taarifa zipo nyingi na za kuaminika sana, mfano taarifa za kufungwa kihuni kizuizi cha Mkuranga, pale kulikuwa na Mgambo,Polisi, nk. ambao hao wote wana taarifa nyeti ambazo zinaeleza namna ambavyo Mwenyekiti na Mkurugenzi Mkuu walitumia kizuizi hicho kufanya madudu yao.
Tutashangaa sana kuona kamati/tume zikishindwa wakati huu na hapo ndipo tunapotaka kuiona nguvu ya Serikali na kwa kuanzia na maelekezo aliyotoa Mhe.Rais kwa wakuu wa Mikoa hivi karibuni juu ya kwenda kumuwakilisha vema katika mikoa husika.
KOROSHO KUTOKA ZAO KUU LA BIASHARA LA KIKANDA HADI LA KITAIFA
1.Korosho ni zao kuu la biashara nchini Tanzania, lilingia katika karne ya 16 likitokea nchini Msumbiji na mikoa ya Mtwara, Ruvuma na Lindi ilikuwa ya kwanza kulima zao hili.
2.Wareno walileta Korosho kama njia ya kudhibiti mmomonyoko wa udongo na si zao la biashara, hata hivyo baada ya vita ya pili ya Dunia matumizi ya zao hilo yalibadilika kutoka chakula na kudhibiti mmomonyoko wa udogo na kuwa zao la kibiashara na mwaka 1970 Tanzania ilishika nafasi ya pili Duniani kwa uzalishaji wa korosho.
3.Takwimu zinaonesha kuwa katika kipindi hicho tani 7,000 za korosho kwa mara ya kwanza zilisafirishwa nchini India, na hapo mtazamo ukabadilika, mikoa ya Pwani na Tanga ikaingia katika orodha ya wakulima wa Korosho japo kwa kiasi kidogo.
4.Pamoja na Pwani na Tanga kulima korosho bado, zao hilo lilikuwa linajulikana kama zao la kikanda, yaani kanda ya kusini, lakini kwa sasa hali ni kinyume, korosho si tena zao la kikanda bali ni zao la kitaifa, haya ni mapinduzi makubwa.
5.Miaka 56 sasa idadi ya wakulima wa korosho waliosajiliwa imefikia 549,936 wenye mashamba yenye ukubwa wa ekari 4, 567, 210.30 yenye mikorosho 132,016,333 kwa mujibu wa sensa ya wakulima wa zao hilo ya mwaka 2025 na Bodi ya Korosho Tanzania (CBT)
6.Idadi ya mikoa inayolima korosho nayo imeongezeka kutoka Mitano ya asili yaani Mtwara, Lindi, Ruvuma, Pwani na Tanga hadi kufikia mikoa 21 iliyotawanyika Tanzania nzima, na hii ni baada ya utafiti kuonesha kuwa korosho zinaweza kufanya vizuri katika mikoa hiyo.
7.Mikoa mingine inayolima korosho kwa sasa ni pamoja na Morogoro, Dodoma, Mbeya, Singida, Tabora, Kigoma, Katavi, Songwe, Njombe, Sumbawanga, Shinyanga(Ushetu), Mbeya, Kagera (Biharamulo), Iringa, Geita, na Kilimanjaro hivyo kufikisha idadi ya mikoa 21.
8.Uzalishaji wa korosho umeongezeka na kufikia tani 618,497 msimu 2025/26 zilizowaingizia wakulima kiasi cha Tsh. 1.302 trilioni na fedha za kigeni zaidi ya Dola za Kimarekani milioni 512 kupitia mauzo ya nje.
9.Haya yote yamewezekana baada ya Bodi ya Korosho kuanzisha mpango maalum ya kusambaza miche bora bure kwa wakulima wa zao hilo kuanzia mwaka 2022. Taarifa zinasema kuanzia mwaka 2022 hadi sasa CBT imesambaza miche bora ya korosho 8,604,024.
10.Ongezeko hilo la miche mipya kunatengeneza matarajio makubwa ya uzalishaji wa korosho nchini kuongezeka kutoka tani 618,497 hadi kufikia makadirio ya tani 750,000 msimu 2027/28 na tani 1,000,000 msimu 2029/30.
Jitihada hizi za Bodi ya Korosho Tanzania hazipaswi kutanzamwa kimyakimya bila kupongezwa na kuungwa mkono na wakulima na wadau wote wa zao hili nchini ili malengo ya kufikia uzalishaji wa Tani 1,000,000 ifikapo 2030 yawze kufanikiwa.
MUNGU IBARIKI TANZANIA