Maoni, Ushauri, Mapendekezo na Pongezi kwa Rais Samia Suluhu Hassan

Maoni, Ushauri, Mapendekezo na Pongezi kwa Rais Samia Suluhu Hassan

Itoye said:
Wakuu Salaam,

Jana Mh. Rais Samia Suluhu Hassan, wakati akizindua kiwanda cha ushonaji cha Polisi kuna kauli alizitoa ambazo binafsi naona hakupaswa kuzitoa hasa kwa kuzingatia kuwa yeye ndiye mtu mwenye nguvu na mamlaka na dhamana kubwa kabisa kwa sasa ndani ya JMT.

Jambo la kwanza alionyesha kushangazwa na vitendo vya matapeli wa kwenye mitandao ya simu ilhali sote tumesajiliwa kwa alama za vidole, jambo hili ni kweli linatushangaza wengi inakuaje hawakamatwi na kushughulikiwa kirahisi na bado wanaendelea, lakini yeye kwa nafasi na mamla aliyonayo alitakiwa kusimama kwenye zamu na nafasi yake kwanza kwa kuonyesha kutoridhishwa na kufutahishwa na jinsi watendaji wanavyoshughulikia swala hilo na pili atoe maelekezo ya nini anataka kuona kinafanyika tena haraka, lakini si kusema tu kuwa na yeye anashangaa, swali linabaki kuwa uongozi wake juu ya jambo hili ni upi?

Jambo la pili ni kuhusu kesi za kubambikiza, ameonyesha kuridhishwa na TAKUKURU kufuta kesi nyingi ambazo wameona hazikua sahihi, halafu akawaambia Polisi wajitafakari. Kama kiongozi liko tatizo ameliona ilikua jambo zuri angeonyesha alichokiona kisha atoe maelekezo ya utekelezaji, mfano ili kupunguza msongamano wa wafungwa JPM hakumwambia DPP ajitafakari bali alimwagiza aende magerezani aonane na mahabusi ili aone kesi za kufuta lakini pia azungumze na watu walio tayari kulipa fedha waachiwe. Hadi akafikia hatua ya kusema hayo ina maana yako mambo ambayo yeye ameyaona ambayo inawezekana watendaji wa maeneo husika either hawajayaona au wanayaona ni ya kawaida, sasa kiongozi kama mbeba maono jukumu lake ni kuwaonyesha yale anayoyaona na kuwaelekeza wayafanye.

Kama mimi kila siku ninapotoka nyumbani kwangu napita mlangoni kwa kupiga sarakasi, ukiniona ukashangaa kuwa nafanya kitu cha ajabu halafu ukaniambia nijitafakari wakati mimi naona ni kitu cha kawaida, usitegemee kuona mabadiliko.

Mama usishangae, kama sisi wananchi tusio na mamlaka, wewe ndiye kiongozi wetu uliye mbele yetu, toa maelekezo, kemea, amrisha mambo yaende.
Click to expand...

Mkuu uongozi sio kupayuka payuka kila kitu hadharani. Unauhakika hakuna hatua anazo chukua. Tatizo watu wamezoea drama za awamu iliyopita, na kutaka ziendelee. Acheni kufananisha uongozi wa mama na wa mwendazake, kila mmoja anaongoza kwa namna yake, kinachotakiwa ni matokeo. Tumwache mama atekeleze majukumu yake, muda aliokaa madarakani ni muda mfupi sana kuanza ku mhukumu.
 
Yaani miaka mitano imewafanya wengi kutekeleza maelekezo kwa njia ya kukemewa na kutukanwa! Huu ni wakati unaelekezwa kiustaarabu na usipotekeleza unaliwa kichwa bila? Angalia kilichomkita jamaa aloyekuwa tasmeni aliambiwa tu kama unaona kuna tatizo useme tukusaidie! Kwani zilipita siku ngapi? Kichwa kililiwa ktk wizara yake
 
Sasa hao wahusika kama wanafikiri Rais alikuwa anashangaa kama unavyodhani wewe, subiri wizi uendelee ndani ya wiki mbili zijazo afu ushuhudie mshangao wa Rais ulivyo.
 
Retired said:
Tatizo la mama anatoa kauli bila AMRI (of course amri halali, sio kama za Jiwe) na kutaka kitu fulani kifanyike na time frame. Mfano angelitaka Police wampe kesi zote walizonazo ndani ya say siku 7. Unampa mwanasheria anazipitia, unawashirikisha polisi??. Unatoa maamuzi unayoona ni ya haki.
Click to expand...
This is scientific!!
 
Umepita mwaka mmoja sasa tangu marehemu Rais Magufuli alipoishutumu maabara ya taifa kwa kutoa majibu ya vipimo vya sampuli za mapapai, kware na mbuzi kuwa positive, kwa maana kwamba vitu hivyo vilionekana kuwa na maambukizi ya virusi vya Corona. Tukio hili liliidhalilisha sana nchi yetu na lilisababisha nchi yetu kuonekana kuwa ni kituko cha dunia kwasababu njia hii haikuwa njia sahihi ya kuhakiki ubora wa vipimo vinavyofanywa na maabara hiyo. Cha kusikitisha zaidi ni kuwa rais Magufuli alifanya hivyo baada ya kupokea ushauri kutoka kwa aliyekuwa katibu mkuu wa wizara ya Afya, Prof. Mabula Mchembe.

Haijulikani sababu hasa zilizomfanya Prof. Mchembe kutoa ushauri ule, lakini, athari za ushauri ule zilikuwa ni kubwa kuliko ambavyo watanzania wengi wanafahamu. Watumishi wapatao 12 wa maabara hiyo hatimaye waliachishwa kazi kinyemela. Prof. Mchembe akishirikiana na mkurugenzi wa idara ya kinga, Dr. Leonard Subi na Mkurugenzi wa Utawala na Rasilimali watu, Deodata Makani, wamewaondoa wafanyakazi 12 kutoka katika maabara hiyo na kuleta wafanyakazi wengine. Hata hivyo njia iliyotumika kuwapata watumishi wapya ilionekana kuwa na hila na upendeleo.

Prof. Mchembe na wenzake walitumia fursa hiyo kuwaingiza jamaa zao katika ajira ya mradi kuchukua nafasi ya watumishi walioondolewa bila kufuata taratibu halali. Inasemekana ameleta jamaa zake wawili, mtu na mkewe, walioletwa kutoka Simiyu na kuingizwa katika ajira hizo.

Watumishi wengi wa maabara hiyo, ikiwa ni pamoja na aliyekuwa mkurugenzi wa maabara, Dr. Nyambura Moremi, walikuwa wakifanya kazi kwa mkataba kupitia mradi wa Laboratory Support Program unaofadhiliwa na PEPFAR kupitia CDC. Kwa kawaida watumishi hawa husaini mikataba yao ya mwaka mmoja kila ifikapo Oktoba kulingana na mwaka wa fedha wa Marekani ambao ndio wafadhili.

Mwaka jana Oktoba 2020 wafanyakazi hao walipewa mikataba ya mwaka mmoja kama kawaida (Oktoba 2020 mpaka Septemba 2021) lakini zoezi la kuwapatia mikataba watumishi hao lilisitishwa na mikataba kurudishwa kwa maelekezo ya Mkurugenzi wa Utwala na Rasilimali watu, Deodata Makani. Kilichofuata, watumishi hao waliamriwa kuwasilisha nyaraka mbalimbali ikiwemo barua ya maombi ya kazi, CV, barua ya ajira, barua ya kukubali mkataba, barua ya kupangiwa kituo cha kazi, cheti cha kuzaliwa, vyeti vya elimu na barua ya kuomba kuhuisha mikataba.

Jambo la kushangaza ni kwamba nyaraka hizi zilikuwemo katika mafaili ya watumishi hao hapo wizarani tangu walipoajiriwa. Baada ya kuwasilisha nyaraka hizo, watumishi hao walipewa mikataba ya miezi mitano (5) tu kuanzia Oktoba 2020 mpaka Februari 2021 badala ya mkataba wa mwaka mzima kama ilivyo kawaida ya miaka yote. Hii ilimaanisha kwamba mikataba ya mwaka mmoja waliyosainishwa awali mwezi Oktoba 2020 ilifutwa kinyemela.

Mwezi Januari, 2020 watumishi hao walipewa barua iliyoandikwa tarehe 22 Desemba 2020 ikiwa imesainiwa na katibu mkuu Prof. Mabula D. Mchembe. Barua hiyo ilinukuliwa kusema:-

“Kwa barua hii ninakutaarifu kuwa mara tu mkataba wako utakapokoma Wizara ya Afya haitakuongeza muda mwingine mpaka hapo taratibu za kiutumishi zitakapotolewa”

Ilipofika tarehe 13 Februari 2021, Deodata Makani aliitisha kikao na kuongea na watumishi wa mradi wa maabara. Watumishi walitaka kujua hatima yao baada ya tarehe 28 Februari 2021 (ambayo ndio ilikuwa tarehe ya mwisho ya mkataba wa miezi mitano). Katika kikao hicho, Deodata Makani aliwaambia watumishi kwamba nafasi za kazi za watumishi wa mradi wa maabara hazitotangazwa na kwamba watumishi hao wangeitwa kwenye usaili.

Ilipofika tarehe 17 Februari watumishi hao walipigiwa simu kuitwa kwenye usaili tarehe 18, 19 na 20 Februari. Siku ya usaili, mbali na watumishi wa mradi wa maabara, kulijitokeza watu wengine ambao haijulikani walitoka wapi au walipataje taarifa za usaili ule. Kabla ya kuanza usaili, Deodata Makani aliongea na watu wote waliofika kuhudhuria usaili. Baadhi ya watu hao walioonekana kuwa ni wageni kwa wafanyakazi wa maabara, waliuliza wameitiwa nini hapo, na wengine waliuliza ni nafasi gani za kazi walizoitiwa. Hii ilionesha dhahiri kwamba hawakuwa na taarifa kamili za kinachoendelea hapo jambo ambalo linaleta shaka juu ya njia iliyotumika kuwapata.

Baada ya zoezi la usaili, matokeo ya usaili huo hayakutolewa. Hata hivyo kwasababu wafanyakazi walikuwa wameshapewa barua zinazowajulisha kwamba baada ya tarehe 28 Februari mikataba yao haitaongezwa mpaka hapo taratibu za kiutumishi zitakapotolewa, walijua kwamba huo ndio mwisho wa ajira yao. Wengi hawakuchukua hatua yoyote kutafuta haki yao kwakuwa walikuwa wamekatishwa tamaa na utawala usioheshimu sharia na haki za binadamu chini ya utawala wa rais Magufuli. Baadae ilikuja kufahamika kwamba kuna watumishi wapya wamepelekwa katika maabara ya Taifa kuchukua nafasi za watumishi 12 wa maabara walionyimwa mikataba.

Watumishi walionyang’nywa ajira zao hawakuwahi kukutwa na makosa yoyote ya kinidhamu wala ya kiutendaji, wala hawakuwahi kupewa hata barua ya onyo. Haijulikani ni sababu gani zilizopelekea kuachishwa kwao kazi.

Jambo la kusikitisha zaidi ni kuwa miongoni mwa watumishi waliokatishiwa mikataba, wapo wataalam wenye uzoefu wa zaidi ya miaka mitano na waliopatiwa mafunzo mengi yanayoendana na kazi zao ikiwa ni pamoja na mafunzo yaliyoiwezesha maabara ya taifa kupata ithibati ya kimataifa (ISO accreditation). Mmoja wa waliokatishiwa mikataba alikuwa ni Biomedical Engineer aliyepata mafunzo ya kufanya Biosafety Cabinets Certification. Wataalam kama huyu wapo wachache sana hapa nchini. Inawezekana hawafiki hata watano. Mtaalam huyo alikuwa katika mchakato wa kuanzisha mafunzo ya namna hiyo hapa nchini kwa kupitia chuo cha MUHAS.

Wengine walioondolewa ni wataalam wa maabara wa fani tofautitofauti ikiwa ni pamoja na laboratory scientists, technologists, technicians, maafisa TEHAMA na madereva.

Mojawapo ya mapendekezo yaliyotolewa na tume iliyoundwa na rais Samia Suluhu Hassan kuishauri serikali kuhusu namna ya kushughulikia COVID-19 ilikuwa ni “serikali ikamilishe malipo ya madeni ya watoa huduma na watumishi waliokuwa mstari wa mbele katika kukabiliana na ugonjwa wa COVID-19”. Sambamba na pendekezo hilo, ingekuwa ni vyema na haki suala la watumishi walioporwa ajira zao liangaliwe pia na waliohusika na dhulma hii kuwajibishwa.
 
dumuzi said:
Mkuu uongozi sio kupayuka payuka kila kitu hadharani. Unauhakika hakuna hatua anazo chukua. Tatizo watu wamezoea drama za awamu iliyopita, na kutaka ziendelee. Acheni kufananisha uongozi wa mama na wa mwendazake, kila mmoja anaongoza kwa namna yake, kinachotakiwa ni matokeo. Tumwache mama atekeleze majukumu yake, muda aliokaa madarakani ni muda mfupi sana kuanza ku mhukumu.
Click to expand...
Mfumo wa luku umegoma naomba unifikishie salaam
 
Babati said:
Hapana yupo sahihi maana utawala wa sheria huanza kwanza kwa kusema na kuonya na baadae kiongozi anachukua hatua kama akiona hubadiliki.
Click to expand...
... hoja nzuri! "Kushangaa kwa Rais" kimsingi sio kushangaa kwa kawaida kwa maana ya halisi ya neno hilo; kushangaa kwa Rais ni onyo na maelekezo kwa mwenye kufikiri. Waliozoea "stata mzuka" za "nimtumbue, nisimtumbueee"; "tumbuaaa" bila kushirikisha ubongo au kujali utawala wa sheria sembuse "haki ya kusikilizwa" wanadhani Rais anashangaa.
 
Tulifunzwa vema kuwa marehemu hasemwi vibaya, ila kwa huyu bwana hapana, mtuache kidogo.
 
Retired said:
Tatizo la mama anatoa kauli bila AMRI (of course amri halali, sio kama za Jiwe) na kutaka kitu fulani kifanyike na time frame. Mfano angelitaka Police wampe kesi zote walizonazo ndani ya say siku 7. Unampa mwanasheria anazipitia, unawashirikisha polisi??. Unatoa maamuzi unayoona ni ya haki.
Click to expand...
Ni kweli kabisa, kila kauli huwa na amri au mamlaka inayoibeba. Nguvu ya hiyo mamlaka, ndio itategemea ni kwa kasi gani hiyo kauli itatekelezwa. Lakini kwa kauli kama unabembeleza watoto, sahau utekelezaji wenye tija.
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register