DOKEZO Mfanyabiashara maarufu Arusha aibiwa Tsh. Milioni 100 kwenye akaunti ya Benki ya NMB

[Jembe Jembe]

Mfanyabiashara maarufu katika mikoa ya Arusha, Dar na Dodoma Joseph Kalugendo mkazi wa Moshoni jijini Arusha, ameibiwa fedha zake zaidi ya milioni 100 katika benki ya NMB tawi la Clock Tower Arusha na mtumishi wa benki hiyo.

Taarifa ambazo zimethibitishwa na Mfanyabiashara huyo amedai kuwa siku za usoni alienda katika benki hiyo kwa ajili ya kuchukua fedha ndipo alipopigwa na butwaa kukuta kitita hicho hakipo.

Meneja wa benki hiyo Kanda ya Kaskazini Praygod Mphuru alipohojiwa alikiri kuwepo kwa tukio hilo akidai tayari wamemsimamisha kazi mfanyakazi wao Samweli na kwamba suala hilo linafanyiwa kazi na kuomba suala hilo lisitangazwe.

Pia vigogo wa benki hiyo kwa sasa wanahaha kutafuta mchawi aliyetoa taarifa hizo kwa waandishi wa habari na tayari baadhi ya wafanyakazi wameitwa na kuhojiwa juu ya taarifa hizo za ndani kufika kwa wanahabari

Joseph ambaye hufanya biashara za bar na kusambaza vyakula kwenye kambi za jeshi anadaiwa kulundika kiasi hicho cha fedha kwa muda mrefu bila kutoa kiasi, na kwamba mfanyakazi huyo aliona huenda anayeimiliki alishakufa na kuanza kuchomoa kidogo kidogo na kufikia zaidi ya Tsh. Milioni 100.

Hata hivyo baada ya taarifa hizo kubainika uongozi wa benki ulifanya kikao kizito na kubaini kwamba mfanyakazi wao aliyefahamika kwa jina moja la Samweli ndiye aliyehusika na wizi huo kwa kuchomoa fedha hizo kidogo kidogo hadi kufikia hicho cha fedha.

Uongozi wa benki hiyo tayari umemsimamisha kazi lakini suala hilo bado lipo kimya huku Mfanyabiashara huyo akilalamikia hatima ya fedha zake, maana benki hiyo kuwa kimya na haimpi jibu linaloeweka namna ya kurejeshewa.

 

[Glenn]

Inakuwaje pesa zichomolewe asipewe taarifa kwa ujumbe mfupi? Au huyo jamaa alifanya yake zikitolewa asipate taarifa?

 

[MAPITO Mwanza]

Zinatosha kuanzisha ka mtaji

 

[Mla Bata]

Hapo sio Samwel tu anaehusika kuna mchezo mchafu unahusisha mpaka wakubwa wa hio branch.

 

[ras jeff kapita]

Mbona kesi rahisi sana hiyo bank wanapaswa walipe haraka kanuni ya vicarious liability bank hawachomoki. Kama mna shida kisheria semeni niwasaidie

 

[My Sons Legacy]

Hela ni zako alaf na bado zikuhangaishe.

Ukiwa mwingi wa Mambo hakun kinacho kushinda. Amtafute kibatala au guru yeyote pesa inarudi tena faida juu

 

[TUJITEGEMEE]

Kumbe KCB waaminifu!

 

[Mr Sir1]

Ujinga wa kuiba pesa kwa kudonoa donoa mara nyingi huwa hazina cha maana unachofanyia. Ukute jamaa alikuwa anachukua Milioni moja moja na kwenda kulia bata, leo hii ukimwambia kapiga Mil. 100 ataona kama kaongezewa 00.

 

[Mzee wa kupambania]

siku za usoni alienda

Hivi hiki kiswahili kiko sahihi? 🤔

 

[daizouh]

Duuh

 

[Mr Sir1]

Hela ni zako alaf na bado zikuhangaishe.

Ukiwa mwingi wa Mambo hakun kinacho kushinda. Amtafute kibatala au guru yeyote pesa inarudi tena faida juu

FNB walishawahi mfanyia jamaa yangu hivyo hivyo kumchomolea pesa kibao kwenye account yake ya USD. Jamaa alikuwa kifungoni nje ya nchi. Alipotoka kaibuka kudai mpunga wake, mavi yaliwagonga chupi maana kipindi cha kifungo walimzungusha sana mkewe katika kufuatilia pesa.

Walimpa fidia ya 35% juu ya kile kiasi kilichopigwa kwa ombi kwamba asitangaze wala kwenda kwenye vyombo vya sheria. Baada muamala kusoma tu, jamaa akafunga na account yenyewe.

 

[Cash Generating Unit]

Bank ya NMB sio salama kabisa, matukio na malalamiko ya wizi ni mengi sana. Mimi mwenyewe ni muhanga wa kupigwa na hii Bank.

Serikali fanyeni uchunguzi kwenye hii Bank maana ni hatari sana, anzeni na pale Mbezi Beach Africana.

Ndomana matukio ya vifo vya wafanyakazi wa Bank ni vingi sababu ya haya mambo.

NMB nilihama muda sana.

 

[Mad Max]

Duh pole Samuel

 

[uttoh2002]

Hakuna mkubwa, hao wajinga wametoa laki, milioni, ikapanda mpaka kufika hiyo!
Hivi ina maana Bank haina auditing? Ujinga kabisa huu, yani hakuna mfumo wa ndaniwa ukaguzi kama mteja hayupo?

 

[Karne]

Ndiyo maana mimi naamini wasimamizi wa mirathi hupewa taarifa za uongo na benki kuhusu pesa walizoacha marehemu hasa wale wa fixed.

 

[ankol]

Ila mtu unakuaje na kiasi kingi hicho cha pesa na wala usifatilie hata balance asee. Daah kweli tuko tofauti.

 

[Cr wa familia]

Nikutakie ulipaji mwema samwel

 

[Msanii]

Mfanyabiashara maarufu katika mikoa ya Arusha ,dar na Dodoma Joseph Kalugendo mkazi wa Moshoni jijini Arusha,ameibiwa fedha zake zaidi ya milioni 100 katika benki ya NMB tawi la Clock Tower Arusha na mtumishi wa benki hiyo.

Taarifa ambazo zimethibitishwa na Mfanyabiashara huyo amedai kuwa siku za usoni alienda katika benki hiyo kwa ajili ya kuchukua fedha ndipo alipopigwa na butwaa kukuta kitita hicho hakipo.

Meneja wa benki hiyo kanda ya kaskazini PRAYGOD MPHURU alipohojiwa alikiri kuwepo kwa tukio hilo akidai tayari wamemsimamisha kazi mfanyakazi wao SAMWELI na kwamba suala hilo linafanyiwa kazi na kuomba suala hilo lisitangazwe.

Joseph ambaye hufanya biashara za bar na kusambaza vyakula kwenye kambi za jeshi anadaiwa kulundika kiasi hicho cha fedha kwa muda mrefu bila kutoa kiasi kwamba mfanyakazi huyo aliona huenda anayeimiliki alishakufa na kuanza kuchomoa kidogo kidogo na kufikia zaidi ya sh,milioni 100.

Hata hivyo baada ya taarifa hizo kubainika uongozi wa benki ulifanya kikao kizito na kubaini kwamba mfanyakazi wao aliyefahamika kwa jina moja la SAMWELI ndie aliyehusika na wizi huo kwa kuchomoa fedha hizo kidogo kidogo hadi kufikia hicho cha fedha .

Uongozi wa benki hiyo tayari umemsimamisha kazi lakini suala hilo bado lipo kimya huku Mfanyabiashara huyo akilalamikia hatima ya fedha zake maana benki hiyo kuwa kimya na haimpi jibu linaloeweka namna ya kurejeshewa.View attachment 2714317

Kuchomoa hela kwenye akaunti ya mtu halafu jinai hiyo inafanywa na mtumishi wa bank ni wazi NMB si sehemu salama kuweka akiba

 

[kangesa]

Hivi hiki kiswahili kiko sahihi? 🤔

Mkuu tujadili kwanza hili la pesa,masuala ya usanifu wa lugha iliyotumika tutamtafuta oni sigala baada ya pesa kupatina

 

[Mwamuzi wa Tanzania]

Hapo sijaiona neno Polisi wala Mahakama.
Kwa ufupi Samweli ashatoboa.
Hata wakimpeleka kwenye vyombo vya dola mchezo ushaisha
Samweli subiri barua ya kurudishwa kazini au ufukuzwe upewe chako maisha yasonge