Zamani, watu wazima walikuwa wanakutana sokoni, kanisani, misikitini, au kupitia marafiki.
Lakini leo, kupata mwenza kumehamia kwenye mitandao kama Tinder, Badoo, DM za Instagram, na makundi ya WhatsApp.
Ukiwa mtu mzima mwenye majukumu yako, unatafuta mtu makini wa kutulia naye. Hata hivyo, ulimwengu huu wa mtandaoni una mitego mingi sana.
Hapa kuna changamoto chache ambazo wengi wanakutana nazo:
Profaili feki (Catfishing): Unazungumza na mtu picha yake inaonyesha ni mtanashati au mrembo, lakini mkikutana live ni mtu mwingine kabisa.
Matapeli wa mapenzi (Romance Scammers): Watu wanaojifanya wako siriaz, kumbe lengo lao ni kuomba mizinga ya hela baada ya wiki mbili tu.
Watafuta burudani ya muda mfupi:
Kupata mtu anayetaka uhusiano wa kudumu (ndoa/uchumba) ni ngumu; wengi wanatafuta michepuko au starehe za usiku mmoja.
Uongo wa umri na hadhi: Watu kudanganya kuhusu kazi zao, umri, au hata kama wameoa/kuolewa.
Hebu tushirikiane uzoefu wenu:
1.Je, umewahi kujaribu kutafuta mwenza mtandaoni ukiwa mtu mzima?
2.Ilikuwaje?
3.Ni mtego gani mkubwa zaidi uliowahi kukutana nao au kuusikia kwa rafiki yako?
Unafikiri ni mbinu gani bora ya kumtambua mtu muongo au tapeli kabla hamjakutana ana kwa ana?
View attachment 3648487