Msemaji Mkuu wa Serikali: Wachina wataiendesha reli ya TAZARA kwa miaka 30 ili kupunguza mzigo kwa serikali

DuaZaMama

JF-Expert Member
Joined
Jun 2, 2025
Posts
1,882
Reaction score
4,153
Katibu Mkuu na Msemaji Mkuu wa Serikali Bw. Gerson Msigwa amewahakikishia Watanzania kuwa mkataba ambao Tanzania na Zambia zimeingia na China wa uboreshaji wa reli ya TAZARA utakuwa na manufaa makubwa kwa Tanzania kiuchumi na kijamii.Msigwa aliyekuwa akitoa ufafanuzi kufuatia baadhi ya watumiaji wa mitandao kupotosha kwa kubeza hatua hiyo, amesema reli ya TAZARA ambayo ilijengwa kwa mkopo usio na riba kutoka China kati ya mwaka 1970 na 1975 na kisha mwaka 1976 kukabidhiwa kwa Tanzania na Zambia ilikuwa ikikabiliwa na changamoto kubwa za kiuendeshaji hali iliyosababisha kukosa tija, kushindwa kujiendesha na kulazimu Serikali kutumia fedha zake kuiendesha.

Amefafanua kuwa kupitia mkataba ambao Tanzania na Zambia zimeingia na nchi ya China kupitia kampuni CCECC, China itawekeza kiasi cha dola za Marekani Bilioni 1.4 sawa na zaidi ya shilingi Trilioni 3 na Bilioni 450 ambazo zitaboresha miundombinu ya reli, kujenga vituo, kununua treni ya abiria na pia kujenga kituo kikubwa cha Kidatu Transshipment Joint ambacho kitawezesha mizigo kutoka reli ya kati ambayo ina kiwango cha MGR kuhamishiwa katika reli ya TAZARA ambayo ina kiwango Cape Gauge.

Amebainisha kuwa pamoja na uboreshaji huo, kampuni ya CCECC ambayo itaboresha reli kwa miaka mitatu na kuiendesha reli hiyo kwa miaka 30 itakuwa inatoa kwa Serikali dola za Marekani Milioni 30 kila mwaka (sawa na shilingi Bilioni 35) ikilinganishwa na sasa ambapo Serikali ya Tanzania pekee inalazimika kutoa shilingi zaidi ya Bilioni 28 ili kuchangia uendeshaji wa TAZARA.Kutokana na uwekezaji huo TAZARA inatarajiwa kuchochea uchumi wa Tanzania na Zambia kwa kiwango kikubwa kwa kuwa reli hiyo inaunganishwa na mtandao wa reli za kiwango cha Cape Gauge zenye urefu za zaidi ya kilometa 50 Barani Afrika.Baadhi ya manufaa ambayo Tanzania itanufaika ni pamoja na kurahisisha usafirishaji wa madini mbalimbali yakiwemo madini adimu yaliyopo Tanzania (rare earth elements, cobalt, granite, makaa ya mawe na chuma pamoja na mazao mbalimbali ya kilimo kwenda nchi za SADC na kwenda Bandari ya Dar es Salaam.

Msigwa ametoa wito kwa Watanzania kupuuza wanaobeza mafanikio ya kupata uwekezaji huo mkubwa ambao umefanikiwa baada ya Mheshimiwa Rais Dkt. Samia Suluhu Hassan kukutana na Rais wa China Mheshimiwa Xi Jinping kukubaliana nae kuwekeza katika uboreshaji wa TAZARA na pia Rais Samia alipokwenda kuhutubia Bunge la Zambia na kutoa wito kwa Serikali ya Zambia kukubali uboreshaji wa reli hiyo kufanyika.Tayari Waziri Mkuu wa China Bw. Li Qiang amezindua uboreshaji wa TAZARA nchini Zambia ikiwa ni utekelezaji wa mradi huo.

Pia Soma: Kampuni ya China CCECC kukabidhiwa kuendesha Reli ya TAZARA kwa miaka 30
Your browser is not able to display this video.

​
 
Warudishieni na waingereza serikali yao pia hamna tunachoweza sisi zaidi ya kulalana! Si hata Sheria bado tunatumia mabuku yao tu, kila kitu mzigo tuupunguze tu kwa kuwarudishia wanzilishi waliokua na ndoto zao na wakaumba baadaye tukawapora. Dart Oman wamepata km free lunch na sgr bado tu?
 
Kwanini tusiwarudishe na wakoloni ili kuwapunguzia mzigo?
 
Halafu wapuuzi wa hivyo utasikia wakisema wapinzani wanataka nchi ili waigawe kwa wageni!
Ertugrul Bey HAYA LAND HOV Tlaatlaah Robert Heriel Mtibeli
 

Hili sio jambo baya kama mkataba upo vizuri na kutakuwa na usimamizi mzuri kujua kila kinachoendelea. China wanawekeza pesa ndefu 1.4bn USD. TAZARA itakuwa kwenye viwango vya kimataifa.

Muhimu kuangalia ajira zinaenda kwa wazawa sio China kujaza watu wao.
 
Ni sawa mradi huo mkataba usiwe wa manufaa kwa upande mmoja na vile vile kipengele cha kusitisha mkataba iwapo mmoja ataenda kinyume na yaliomo.
 
Je mzigo wa sirikali ndiyo utekaji,ufisadi na wizi wa rasilimali au yapo majukumu mengine mazito na yanayofanywa kwa uzito kwa manufaa ya mtanzania?
 
Mkataba gani ulishawahi kufanya mzuri na sisi kenge hadi leo wawe malaika wakufurahishe wewe hapo matopeni? Ishatoka hiyo wanakula Maisha hadi ya wanao! 30yrs yani wamejihakikishia ulaji wanakufa watoto wao Wanaendelea kukinga
 
Ni sawa mradi huo mkataba usiwe wa manufaa kwa upande mmoja na vile vile kipengele cha kusitisha mkataba iwapo mmoja ataenda kinyume na yaliomo.
Kam mkataba gani vile tulinganishe nao?
 
Mkataba gani ulishawahi kufanya mzuri na sisi kenge hadi leo wawe malaika wakufurahishe wewe hapo matopeni? Ishatoka hiyo wanakula Maisha hadi ya wanao! 30yrs yani wamejihakikishia ulaji wanakufa watoto wao Wanaendelea kukinga

Wauweke wazi, halafu tuone kama una tija. Mkataba usubiri kupitiwa upya na kusainiwa serikali mpya itakayochaguliwa na wananchi.

Mfano mmoja wa mkataba mzuri ni hiyo reli ya Tazara ilipojengwa back in 1970s.
 
Cookies are required to use this site. You must accept them to continue using the site. Learn more…