Mtu akikutukana, usimrudishie tusi -Aliyetuumba ameonyesha mfano

[Setfree]

Katika jamii, ni jambo lisiloepukika kukutana na watu wanaotukana au kusema maneno ya kuumiza. Hali kama hii hutufikisha kwenye options mbili: kulipiza au kujibu kwa hekima bila matusi. Biblia inatufundisha kuchagua option ya pili: kutokurudisha tusi - kujibu kwa upole na kusamehe.

Yesu Kristo ni mfano bora wa jinsi ya kumjibu anayekutukana bila kumtolea matusi. Yesu alipokuwa akiteswa, alidhihakiwa, alipigwa, na kutukanwa hadharani. Hata hivyo, hakulipiza kisasi kwa maneno au matendo mabaya. Kuna wakati alikaa kimya au alijibu kwa hekima.

“Alipotukanwa, hakurudisha tusi; alipoteswa, hakutisha bali alijikabidhi kwa yeye ahukumuye kwa haki.”
(1 Petro 2:23)

Wakati aliposulibiwa, watu walimcheka na kusema:
“Aliwaokoa wengine, hawezi kujiokoa mwenyewe!”
(Mathayo 27:42)

Lakini Yesu hakujibu kwa maneno ya chuki, badala yake aliwaombea watesi wake:
“Baba, uwasamehe, kwa kuwa hawajui watendalo.”
(Luka 23:34)

Yesu ni Mungu. Ndiye aliyetuumba. Alipotukanwa alikuwa na uwezo wa kuwafanyia chochote waliomtukana au kumdhihaki, lakini hakufanya hivyo. Ametuachia kielelezo tufuate nyayo zake(1 Petro 2:21).

"Msimlipe mtu yeyote ovu kwa ovu. Jitahidini ili mtende yaliyo mema machoni pa watu wote. Ikiwezekana, kwa upande wenu kaeni kwa amani na watu wote. Wapendwa, msilipize kisasi, bali ipisheni ghadhabu ya Mungu, maana imeandikwa: “Ni juu yangu kulipiza kisasi, nitalipiza,” asema Mwenyezi Mungu. Badala yake: “Kama adui yako ana njaa, mlishe; kama ana kiu, mpe kinywaji. Kwa kufanya hivyo, unaweka makaa ya moto yanayowaka kichwani pake.” Usishindwe na ubaya, bali uushinde ubaya kwa wema..”
(Warumi 12:17-18)

Tukifanya hivyo maisha yatakuwa mazuri hata humu JF.

 

[min -me]

Aliwaombea watesi wake kwa nani wakati umedai tena Yesu ni Mungu?

 

[Aleyn]

Amen, barikiwa.

 

[Setfree]

Aliwaombea watesi wake kwa nani wakati umedai tena Yesu ni Mungu?

Napenda sana maswali yako, min -me , inaonyesha unauliza kwa lengo la kujua na sio kupinga tu.
Yesu aliwaombea watesi wake kwa Baba.

Yesu alipokuwa duniani alikuwa Mungu Mwana aliyevaa mwili.
Ingawa Yesu ni Mungu, alipouvaa mwili wa kibinadamu, aliishi kama mwanadamu kamili, na kwa unyenyekevu alijinyenyekeza chini ya mapenzi ya Baba.

(Yohana 1:14 – “Naye Neno alifanyika mwili, akakaa kwetu…")
(Wafilipi 2:6-8 – “…Alijinyenyekeza, akawa mtii hata mauti, naam, mauti ya msalaba.”)

Maombi yake ni mawasiliano kati ya Nafsi za Utatu: Mungu Baba, Mungu Mwana na Mungu Roho Mtakatifu.

Yesu aliposema, “Baba, uwasamehe…” (Luka 23:34), hakuwa anazungumza na nafsi yake, bali alikuwa anazungumza na nafsi ya Mungu Baba, ndani ya ushirika kamili wa Utatu.

Hii inathibitisha Utatu Mtakatifu.

 

[min -me]

Napenda sana maswali yako, min -me , inaonyesha unauliza kwa lengo la kujua na sio kupinga tu.
Yesu aliwaombea watesi wake kwa Baba.

Yesu alipokuwa duniani alikuwa Mungu Mwana aliyevaa mwili.
Ingawa Yesu ni Mungu, alipouvaa mwili wa kibinadamu, aliishi kama mwanadamu kamili, na kwa unyenyekevu alijinyenyekeza chini ya mapenzi ya Baba.

(Yohana 1:14 – “Naye Neno alifanyika mwili, akakaa kwetu…")
(Wafilipi 2:6-8 – “…Alijinyenyekeza, akawa mtii hata mauti, naam, mauti ya msalaba.”)

Maombi yake ni mawasiliano kati ya Nafsi za Utatu: Mungu Baba, Mungu Mwana na Mungu Roho Mtakatifu.

Yesu aliposema, “Baba, uwasamehe…” (Luka 23:34), hakuwa anazungumza na nafsi yake, bali alikuwa anazungumza na nafsi ya Mungu Baba, ndani ya ushirika kamili wa Utatu.

Hii inathibitisha Utatu Mtakatifu.

Je katika utafiti wako uliwahi gundua kitu kuhusu hii Dhana ya utatu ? Je unajua nini ukisikia baraza la nicaea (325) chini ya mfalme costantine?

 

[Setfree]

Je katika utafiti wako uliwahi gundua kitu kuhusu hii Dhana ya utatu

Nimegundua kuwa dhana ya utatu (Trinity) ni moja ya mafundisho muhimu katika imani ya Kikristo, na ndiyo inayoelezea uhusiano kati ya Mungu Baba, Mwana (Yesu Kristo), na Roho Mtakatifu. Utatu unasisitiza kuwa ingawa Mungu ni mmoja, anajidhihirisha kwa nafsi tatu ambazo ni Baba, Mwana, na Roho Mtakatifu.

Dhana hii inatokana na mafundisho ya Biblia. Ingawa neno "Utatu" halipo moja kwa moja katika maandiko, madhumuni na muktadha wake yanapatikana kwa mfano katika Mathayo 28:19, ambapo Yesu anawaagiza wanafunzi wake kubatiza kwa jina la Baba, Mwana, na Roho Mtakatifu.

Baraza la Nicaea lilikutana kwa malengo mengi. Moja ya lengo ni kuthibitisha na kuweka wazi mafundisho ya imani ya Kikristo kuhusu utatu wa Mungu.
Okay?

 

[min -me]

Nimegundua kuwa dhana ya utatu (Trinity) ni moja ya mafundisho muhimu katika imani ya Kikristo, na ndiyo inayoelezea uhusiano kati ya Mungu Baba, Mwana (Yesu Kristo), na Roho Mtakatifu. Utatu unasisitiza kuwa ingawa Mungu ni mmoja, anajidhihirisha kwa nafsi tatu ambazo ni Baba, Mwana, na Roho Mtakatifu.

Dhana hii inatokana na mafundisho ya Biblia. Ingawa neno "Utatu" halipo moja kwa moja katika maandiko, madhumuni na muktadha wake yanapatikana kwa mfano katika Mathayo 28:19, ambapo Yesu anawaagiza wanafunzi wake kubatiza kwa jina la Baba, Mwana, na Roho Mtakatifu.

Baraza la Nicaea lilikutana kwa malengo mengi. Moja ya lengo ni kuthibitisha na kuweka wazi mafundisho ya imani ya Kikristo kuhusu utatu wa Mungu.
Okay?

Unasafari ndefu sana ya kukijua unachokiamini .

 

[Setfree]

Unasafari ndefu sana ya kukijua unachokiamini .

Usianze sasa kuongea kama wale wasio na hoja. Mimi nimekujibu vema; weka hoja zako na wewe nijue umefika juu ya kilele cha safari yako au la.

 

[min -me]

Usianze sasa kuongea kama wale wasio na hoja. Mimi nimekujibu vema; weka hoja zako na wewe nijue umefika juu ya kilele cha safari yako au la.

Wewe unaongea imani yako na sio hoja , yani ni sawa upo ndani ya box ila unataka kujifunza nje ya box 📦 kuna kitu gani na limeundwa na nini, hali uliyo nayo naijua sana.

 

[Gojaga Nize]

Napenda sana haya Maandiko; Yanathibitisha Yesu kabla ya Dunia kuumbwa alikuwepo Kama mwana, na amehusika katika uumbaji wa hii Dunia Kama fundi stadi;

Mithali 8:25 Kabla milima haijawekwa imara, Kabla ya vilima nalizaliwa.
Mithali 8:30 Ndipo nilipokuwa pamoja naye, kama stadi wa kazi; Nikawa furaha yake kila siku; Nikifurahi daima mbele zake;

Ukitaka kuelewa vizuri, soma hiyo Mithali 8:25 - 32.

 

[dosho12]

Aliwaombea watesi wake kwa nani wakati umedai tena Yesu ni Mungu?

Contradiction nyingi, yesu/ Mungu anasema mpende adui yako, mfanyie mema aliyekuosea. Sasa moto wa milele wa nini wakati kaisha sema tukimfanyia mabaya yeye atatusamehe na kutulipa mazuri

 

[min -me]

Contradiction nyingi, yesu/ Mungu anasema mpende adui yako, mfanyie mema aliyekuosea. Sasa moto wa milele wa nini wakati kaisha sema tukimfanyia mabaya yeye atatusamehe na kutulipa mazuri

Lazima iwe hivyo kwa sababu biblia imeandikwa na watu tu .

 

[Shammy-]

Alqiswaas hakkun-kisasi ni haki-kwa imani yangu kisasi kimeruhusiwa swala la kutokurudishia tusi ni uamuzi wangu

 

[Setfree]

Amen, barikiwa.

Amen, barikiwa pia sana

 

[Setfree]

Wewe unaongea imani yako na sio hoja

Hoja ni nini? Define, tuanzie hapo

 

[min -me]

Hoja ni nini? Define, tuanzie hapo

Ndio maana nikakuambia hoja zako zina mnyororo wa kiimani , yote unayoyasema ni kwa imani tu hauwezi Thibitisha chochote.

 

[Adolph Jr]

Kuna watu ama kwa maksudi au ujuaji wao binafsi wanapinga uwepo wa Mwenyezi Mungu.

Ole wao ..

 

[AlP0L0]

Yesu ni Mungu. Ndiye aliyetuumba. Alipotukanwa alikuwa na uwezo wa kuwafanyia chochote waliomtukana au kumdhihaki, lakini hakufanya hivyo. Ametuachia kielelezo tufuate nyayo zake(1 Petro 2:21).

Hii inahitaji akili uifungie kabatini, lasivyo utagombana na akili yako.🤣🤣🤣 Inabidi uongozwe na imani pekee.

 

[AlP0L0]

Kuna watu ama kwa maksudi au ujuaji wao binafsi wanapinga uwepo wa Mwenyezi Mungu.

Ole wao ..

Unamaanisha Mjomba Yesu ndio Mwenyezi Mungu, huyu Yesu si nimtoto wa dada Mariam huyu.

 

[Setfree]

Ndio maana nikakuambia hoja zako zina mnyororo wa kiimani , yote unayoyasema ni kwa imani tu hauwezi Thibitisha chochote.

Unajichanganya sana, mkuu. Umepiga "kilauri"?
Mwanzoni umesema naongea imani siongei hoja. Sasa unasema hoja zangu zina mnyororo. Duh.
Kwa taarifa yako imani ni kuwa na hakika ya mambo yatarajiwayo, ni bayana ya mambo yasiyoonekana(Ebr 11:1-3)