KUTOKA KWA VYANZO MBALIMBALI, Huu ni mtiririko wa matukio ya Mauji hayo.
NACHINGWEA.....
Kijana mmoja ambaye ni mkazi wa NACHINGWEA, LINDI ambaye pia anajihusisha na biashara ya madini, mwishoni mwa mwaka uliopita yaani 2021, alipata bahati ya kupata madini yenye thamani kadhaa, hali hii ilimpelekea kupata connection moja na mzungu ambaye alimuuzia madini hayo na kupata Dola za kimarekani Elfu kadhaa.
Mara baada ya kupata kiasi hicho cha fedha, ilibainika wazi kuwa asingeweza badilisha pesa zile ktk wilaya ya Nachingwea, hivyo akaona bora aende MKOANI MTWARA ambako ndio makao makuu ya benki karibia zote kwa Mikoa ya Kusini. Mkoa ambao pia wanapatikana ndugu zake kadhaa pia ambapo mjomba wake anayejishughilisha na ukatishaji wa tiketi za magari katika stendi ya Mkanaledi Mjini hapo.
Mkoani MTWARA...
Mara baada ya kuwasili mjini hapo, alimjulisha Mjomba wake huyo juu ya kile kilichompeleka hapo ili awe msaada wake. Hapo wakachagua Benki ya NMB kwenda kubadilishia Fedha hizo.
NMB MTWARA....
Mara baada ya kufika benki hapo, alipokelewa na Mhudumu wa benki mmoja wa kike, ambapo alimshughulikia kama mteja mpaka kufanikisha kupata fedha zinazokadiriwa kufikia au kuvuka mil 70 za Tanzania.
TATIZO LINAANZA....
Mara baada ya kuchukua Fedha hizo, mhudumu huyo wa NMB alimuuliza kijana yule kuwa anataka kurudi LINDI siku ile ile, ambapo alijibiwa na kijana huyo kuwa ndio anataka kurudi kwao.
Hapa sasa yule mhudumu wa BENKI akamshauri yule kijana asiondoke na pesa zote zile kwa siku ile, ni bora atafute Lodge nzuri apumzike ili kesho yake aweze kuondoka kwa amani zaidi. Kijana yule alikubali na kwa ugeni wake akaamua kumuuliza Mhudumu yule ni Lodge ipi nzuri kwake, ndipo akaelelezwa na akaenda huko ambapo pia alimjulisha mjomba wake.
[emoji117][emoji117][emoji117] INASEMEKANA SASA YULE MHUDUMU WA NMB ALIWATONYA MAMWELA (POLISI) KUWA KUNA ISHU YA PESA NDEFU NA MUHUSIKA YULE YUPO LODGE FULANI MJINI PALE.
LODGE....
Mara baada ya kuwasili Lodge hiyo, hapo ndipo tatizo lilianza rasmi, usiku alifuatwa na Polisi kadhaa ambapo walimtishia na kuchukua vitu vyake vyote. Waliondoka nae mpaka kituo kikuu cha polisi mjini hapo. Huku akipewa masharti ya kuwa akiulizwa kwanini amekamatwa aseme alikuwa anendesha pikipiki hivyo alivunja sheria za barabarani. Inasemekana sasa alipewa Laki moja aondoke na atarudi tar 6 mwezi huu. Lakini inasemekana askari wale kutokana na tamaa zaidi ya fedha walimchukua mpaka NACHINGWEA na wakamchukulia pesa zake zingine na kumuacha.
ANARUDI KITUONI...
Kama alivyoambiwa arudi kituoni hapo, alirudi kituoni hapo akiwa na mjomba wake ambapo sasa alikuja kufuata vitu vyake alivyoporwa ikiwa sambamba na pesa zake. Mara baada ya kufika askari wale walimchukua kwa madai wanaenda kumhoji. Wakati huo mjomba wake akiwa nje ya kituo hiko akimsubiri mpwawe huyo.
Dakika zikapita, masaa yakapita, hatimaye siku ikaisha bila kumuona mpwa wake huyo.
Siku ya pili, mjomba alirudi polisi kujua hasa mpwa wake alikopelekwa, lkn hakupata majibu sahihi. Hali hii ilipelekea kutoa taarifa NACHINGWEA na hapo familia ikaenda kwa Mkuu wa wilaya ya NACHINGWEA ili wapatiwe msaada wa kumpata ndugu yao huyo. Taarifa zilifika mbali zaidi ambapo sasa uchunguzi ulifanyika kubaini nini tatizo halisi.
YAGUNDULIKA KUUAWA...
Watoa taarifa wanadai ikagundulika kuwa kumbe alichukuliwa na kwenda kuuawa tena kwa kupigwa sindano ya Sumu, kisha mwili wake kwenda kufukiwa kusikojulikana.
ASKARI WASAKWA WAKAMATWA.
Maafisa waandamizi wa Polisi mkoani hapo wamekamatwa wapo gereza laLILUNGU mjini hapo, MKUU WA KITUO, OC-CID na askari kadhaa, pia yupo askari amekimbia lkn taarifa zinadai pia mhudumu wa NMB anasakwa kuunganishwa kwenye kesi hiyo ya kikatili zaidi.
Askari mmoja ajiua...
Inasemekana mara baada ya kesi hii kujulikana, basi askari mmoja wapo mara baada ya kukamwatwa na kuwekwa mahabusu alijiua kwa kujinyonga kwa kutumia shati lake.
Hadi sasa bado familia hawajakabidhiwa mwili wa kijana wao.
KUTOKA KWA WASIMULIAJI WA MKONI MTWARA NA VYANZO VYA HABARI KAMA ITV, MWANANCHI NK