Kwanza inaonekana huna uelewa wa mambo haya. Ni uwongo mkubwa kudai kuwa hata mbuga nyingine za wanyama, kuna wakazi asilia waliohamishwa. Huo ni uwongo mkubwa.
Unatakiwa kwanza ufahamu jinsi hizi mbuga za wanyama na hifadhi za misitu zilivyokuwa zinapatikana. Maeneo mengi ambayo kulikuwa na wanyama wengi, wakiwemo wanyama wakali, watu walikuwa wakiyakimbia maeneo hayo. Hawakuwa wanaweka makazi. Hivyo kwa nyakati mbalimbali, Serikali ilikuwa inaweka mipaka ya hifadhi, siyo kuwahamisha wananchi ili maeneo yao yabadilike kuwa hifadhi. Kuna wakati wanadamu walikuwa wakiongezeka na kuonekana maeneo yao ya makazi na shughuli zao za kiuchumi, hayatoshi, serikali ilikuwa inabadilisha mipaka ya hifadhi kwa kupunguza eneo la hifadhi. Mara chache sana mipaka ya hifadhi ilikuwa inaongezwa kwa kumega maeneo ya vijiji na kuyaingiza kwenye hifadhi, na sababu kubwa ilikuwa kutengeneza buffer zone ili wanyama wasiuawe kiurahisi na wanadamu. Na maeneo mengi ya vijiji yaliyomegwa na kuunganishwa na hifadhi, wakati wa utawala wa Magufuri, yalirudishwa kwa wanavijiji.
Jielemishe uelewe utofauti wa kufuta makazi ya wananchi na kubadilisha mipaka. Na huko nyuma, hakujawahi kutokea eneo lolote la hifadhi eti wananchi walihamishwa toka eneo la asili na kwenda kutupwa wilaya nyingine. Leo uongozi huu wa kiharamia unawaondoa kwa nguvu wananchi kwenye maeneo yao ya asili, kuwavusha mkoa mmoja na kwenda kuwatupa mbali kabisa mkoa mwingine kwa manufaa ya mwarabu ambaye hataki wamasai wawepo eneo hilo.
Lazima wananchi wenye upendo wa kweli kwa Taifa letuna watu wake, tusimame na wamasai kuhakikisha watawala hawafanyi uharamia dhidi ya Taifa, tena kwakuwafurahisha wageni.
