Kwema Wakuu!
Lazima tutende haki, lazima tuseme ukweli.
Wanawake wanamakosa Yao Kama tulivyo Sisi wanaume tunamakosa yetu.
Na mwenye makosa lazima aadhibiwe, na akiomba Msamaha sharti asamehewa lakini adhabu inaweza kubaki palepale.
Taikon huwaga ni mtu wa kuongea mambo magumu yasiyo rahisi, bila kujali yanamgusa Nani, iwe ni Mimi au wewe au Yule. Lengo ni kuweka mambo Sawa Kwa Haki. Ingawaje nafahamu Haki haitawezekana Kwa Asilimia 💯.
Najua wapo wanawake walifanya makosa Kwa kujibebesha mimba kimakusudi Kwa wanaume Kwa malengo Fulani, mathalani
1. Kwa lengo la kuolewa
2. Kwa lengo la Mali
3. Kwa lengo kupendwa
Hata hivyo zipo mimba zilizoingia Kwa bahati mbaya(bila kupanga baina ya mwanaume na Mwanamke).
Makosa ni makosa tuu. Lakini haimaanishi watu waendelee kujilaumu Kwa makosa waliyoyafanya. Lazima maisha yaendelee.
Amekataa mimba!
Amekubali mimba lakini kakataa kumlea mtoto.
Amekubali lakini ameshindwa Kumlea mtoto.
Ikiwa Baba mzazi amekataa au kushindwa kumlea mtoto Kwa sababu yoyote Ile isipokuwa sababu ya kifo au Maradhi basi nakushauri Usimpe mtoto Ubin wa huyo Baba Mzazi.
Amua kumpa jina lolote lile utakalolipenda, aidha ni jina la Wajomba zake wanaokusaidia kumlea, au jina la Baba yako(Babu yake upande wa Mama).
Wala sio dhambi.
Wala hakuna shida yoyote.
Kila mmoja awajibike Kwa makosa yake.
Wakati wewe ukiitwa single Mother, ukitukanwa na kuonekana Malaya, au mwanamke usiyefaa, iwe ni kweli au sio kweli, iwe ni Kwa bahati mbaya au makusudi lakini akakataa na ukazalilishwa na kuyapitia machungu.
Ukamenyeka kumlea mtoto Kwa halali na haramu wakati Baba yake anayetakiwa kutoa matumizi yupo anarandaranda huko, hata Kama Hakuwa na chakutoa lakini hata salamu na kukutia moyo alishindwa, ninachoweza kukushauri ni kubadilisha tuu Ubin WA mtoto.
Hakuna atakayekuuliza,
Na hautaonekana mbaya popote pale.
Hoja ya Msingi hapa ni kuwa, atakayemlea mtoto ndiye mwenye mamlaka naye.
Yeye ndiye ataamua aitwe Nani, ataamua jina la pili na latatu liwe la Nani.
Maana Vijana wa siku hizi tumezidi sasa.
Iwe ni Mimi Taikon au Nani, Kama umezaa na Mimi alafu nikaleta uhuni wa kukataa mimba au kushindwa kuhudumia mtoto, usitumie jina langu. Sistahili.
Na mtoto huyo hastahili kutumia jina langu.
Wanawake msiwafundishe watoto wenu kuwachukia Baba zao, nyie waleeni Kwa maadili ya kimila na Kidini, tumieni majina mtakayopenda ninyi, watoto wanavyokua wanajionea na kujua ni zipi sababu za nyie mama zao kufanya mlio ya fanya.
Lakini jitahidini kuwa wema ili watoto wasijeona kuwa ninyi ndio Wabaya.
Wito Kwa Vijana; msikimbie mimba wala msikimbie Kulea watoto.
Hata Kama huna chochote kitu, angalau mjulie hali mtoto au mzazi mwenza. Mtie moyo, kubali kubeba lawama Kwa maana wanawake ni watu wa lawama hata ungemuoa, lakini wakitulia na kutafakari wenyewe wanaelewa.
Mwanamke ukiwa mwema kwake hata Kama huna kitu anajua, anajali ingawaje atakutolea maneno ya shombo. Lakini haiondoi ukweli kuwa nao wanajisikia vibaya unavyoteseka.
Lakini Kulea mtoto hulei,
Kusalimia husalimii wala kumjulia Hali,
Mwanamke akiwa mkali kwako nawe unajifanya kiburi na jeuri Kwa maneno ya kashfa.
Unafikiri hata ungekuwa wewe ungefanyaje?
Hapo ndipo wanaume tunapokosea.
Saikolojia ya Wanawake ni kuendeshwa na mihemko, kulia upesi na kutoa maneno ya shombo kwao ni ishu ya kawaida lakini haimaanishi hawajali wala haimaanishi hawana akili ya kushindwa kutuelewa.
Mwanamke anahitaji Upendo(kujaliwa, kutiwa moyo, kufarijiwa, kupewa maneno matamu na laini, kushauriwa,)
Ukiyaweza hayo mwanamke kama alikuwa na hisia na wewe hawezi kukuchukia hata Kama humlei mtoto wake. Kwani wanaelewa.
Kitu kingine, wanawake ndio viumbe pekee ambao wanaelewa watu wanaojali hisia zao.
Unaweza kumhudumia Mkeo kila kitu(materials) kamwe hawezi kumnyang'anya mtoto wa Baba mwingine aliyezaa naye akakupa wewe ikiwa Bwana huyo bado anamjali na kumpenda.
Robert Heriel
Taikon wa Fasihi
Dar es salaam