Ukweli Mchungu
Viongozi wa mkoa wa Mwanza wanaendelea kukwepa ukweli na kugeuza hali ya maji kuwa siasa.
Tayari ni takriban wiki ya tatu sasa jiji la Mwanza linakumbwa na ukosefu mkubwa wa maji. Hivi karibuni mkuu wa mkoa alitangaza wazi kwamba marekebisho yamekamilika—lakini hali halisi kwa wananchi ni tofauti kabisa.
Maeneo mengi kama Nyegezi stendi, Kumalija, Majengo, na Mkolani (eneo la Elly Hotel) bado yanakabiliwa na shida kubwa. Maji yakitoka, yanakuja kwa kasi ndogo mno na huishia maeneo ya mwanzo pekee, huku wananchi wengi wakikosa kabisa huduma hii ya msingi.
Kibaya zaidi, hata kabla ya mgao huu, maeneo mengi ya Mwanza yalikuwa yakipata maji mara mbili tu kwa wiki—siku ya Jumatatu na Ijumaa. Hiyo ni katikati ya jiji! Je, hali ikoje maeneo ya pembezoni?
Kila mara tatizo likijitokeza kisingizio ni mitambo au umeme. Hii imekuwa kama kasumba ya kila mwezi. Swali la msingi: kwanini hakuna suluhisho la kudumu? Mwanza imetelekezwa kwa shida hii ya maji au viongozi hawana dhamira ya kweli kutatua tatizo?
Ama kweli, wananchi wanaumia kimya kimya huku kauli za kisiasa zikichukua nafasi ya vitendo.
Viongozi wa mkoa wa Mwanza wanaendelea kukwepa ukweli na kugeuza hali ya maji kuwa siasa.
Tayari ni takriban wiki ya tatu sasa jiji la Mwanza linakumbwa na ukosefu mkubwa wa maji. Hivi karibuni mkuu wa mkoa alitangaza wazi kwamba marekebisho yamekamilika—lakini hali halisi kwa wananchi ni tofauti kabisa.
Maeneo mengi kama Nyegezi stendi, Kumalija, Majengo, na Mkolani (eneo la Elly Hotel) bado yanakabiliwa na shida kubwa. Maji yakitoka, yanakuja kwa kasi ndogo mno na huishia maeneo ya mwanzo pekee, huku wananchi wengi wakikosa kabisa huduma hii ya msingi.
Kibaya zaidi, hata kabla ya mgao huu, maeneo mengi ya Mwanza yalikuwa yakipata maji mara mbili tu kwa wiki—siku ya Jumatatu na Ijumaa. Hiyo ni katikati ya jiji! Je, hali ikoje maeneo ya pembezoni?
Kila mara tatizo likijitokeza kisingizio ni mitambo au umeme. Hii imekuwa kama kasumba ya kila mwezi. Swali la msingi: kwanini hakuna suluhisho la kudumu? Mwanza imetelekezwa kwa shida hii ya maji au viongozi hawana dhamira ya kweli kutatua tatizo?
Ama kweli, wananchi wanaumia kimya kimya huku kauli za kisiasa zikichukua nafasi ya vitendo.