Na Eric Biegon – Nairobi
Ukuaji wa kasi wa uchumi wa China umekuwa tukio kuu katika karne ya 21. Historia ya taifa hilo unaashiria kuwa nguzo kuu ya mafanikio haya ni maendeleo ya viwanda vyake.
Uwekezaji huu katika eneo la viwanda ulichangia kuongezeka maradufu kwa pato la taifa la China kwa miaka kadhaa ambayo ulisaidia kukwamua zaidi ya watu milioni 800 kutoka minyororo ya umaskini.
Kwa upande mwingine, uchumi katika nchi nyingi za Afrika zimezorota. Hii ni licha ya kuwa na rasilimali nyingi, nguvu kazi ya mapato ya kadri na soko tayari.
Itakumbukwa kuwa China na Afrika zinafurahia mahusiano mema ya kidiplomasia na biashara yaliyodumu miongo kadhaa. Na hii ndiyo sababu taifa hilo la Asia Mashariki inaamini kwamba ili Afrika iweze kuafikia uhuru wa kiuchumi, haina budi ila kufuata nyayo zake, hasa katika maendeleo ya viwanda.
Na hii inaonekana sio gumzo tu kwani taifa hilo lenye uchumi mkubwa wa pili duniani iko tayari kushiriki katika maendeleo hayo barani Afrika.
Kama sehemu ya mipango minane mikubwa ya jukwaa la ushirikiano wa Afrika na China, maarufu FOCAC, Balozi wa China nchini Kenya Zhou Pingjian alifichua kuwa Beijing iko tayari kufanya kazi kwa karibu na Afrika katika kutekeleza upanuzi wa viwanda.
Katika ujumbe wake wakati wa sherehe zinazoendelea kuadhimisha miaka 20 tangu kuanzishwa kwa mpango huo wa FOCAC, Balozi Zhou alisifia matamanio ya pamoja ya bara hilo kuharakisha viwanda na kuharakisha mabadiliko ya kiuchumi.
Pia alipongeza alichokitaja kuwa dhamira thabiti ya Afrika kwa ajili ya ajenda hii na kubainisha kuwa China ni mshirika wa kweli wa bara hilo hasa katika harakati zake za kutafuta kujiendeleza kiviwanda.
"Tunahimiza taasisi za kifedha kuongeza msaada kwa ajili ya ushirikiano wa viwanda wa China na Afrika." Alisema
Kwa mujibu wa Zhou, China inatazamia kuongeza msaada katika maendeleo ya viwanda pamoja na maeneo maalum za kiuchumi na viwanda barani Afrika.
Ili kufanikisha ndoto hii, alifichua kuwa taifa hilo linaloongozwa na Chama cha Kikomunisti haiko tu tayari kutoa fedha zaidi kwenye mradi huu ila pia itashiriki uzoefu wake kuhusu viwanda na Afrika.
"Tangu kuzuka kwa ugonjwa wa Covid-19, China na Afrika zimeshirikiana katika usambazaji wa barakoa, vifaa vya matibabu na dawa, na kutoa mafunzo kwa wataalamu wa matibabu.
Tutaendelea kutekeleza sehemu yetu katika mpango wa maendeleo ya viwanda kwa Afrika kama ilivyoangaziwa na mkutano mkuu wa Umoja wa Mataifa tarehe 25 Julai 2016." Zhou alisema kupitia kiungo cha video kutoka ubalozini jijini Nairobi.
Kwa hakika, mjumbe huyo wa China hayuko peke yake katika maono hayo kwani wataalamu wa uchumi kwa mara nyingi wamezungumzia uwezo mkubwa wa Afrika katika viwanda. Mahitaji makubwa ya bidhaa ambazo kimsingi zinapatikana kutoka mataifa ya nchi imekuwa suala la kawaida katika bara hilo.
Lakini, pamoja na kujaliwa na rasilimali nyingi, Zhou anaamini uhamisho wa China wa uwezo wake wa kiviwanda, vifaa na teknolojia utaleta mabadiliko makubwa barani humo.
Anasema viwanda vya Afrika vinahitaji uwekezaji mkubwa kutoka ndani na nje. Lakini kama mshirika mkuu, anaahidi kuwa China itatoa fursa na rasilimali za kuendesha ajenda hii.
"Viwanda vya Kichina sasa vinatekeleza ajenda muhimu ya usambazaji bidhaa na kupanua viwanda duniani. China ina idadi ya watu bilioni 1.4 na kikundi kilicho na kipato cha kati kimefikia milioni 400.
Mahitaji ya soko kubwa la ndani nchini China yataendelea kutoa uwezo usio na mwisho kwa ulimwengu mzima. Nchi za Afrika zitafaidika sana kutokana na maendeleo mapya ya China." Mwanadiplomasia huyo alitamka.
Tamko hili linajiri wakati ambapo China imewekeza zaidi katika viwanda vya viatu na nguo nchini Ethiopia na Rwanda miongoni mwa mataifa mengine. Na mataifa haya tayari yameshuhudia mafanikio makubwa.
Kuna uwezekano kwamba, kuanzisha mchakato huu China itaangazia macho yake kwenye sekta ya viwanda vidogo vidogo, ambavyo vinajumuisha shughuli nyingi.
Tayari, China, sawia na Umoja wa Afrika, imeanzisha mipango muhimu ya kimkakati ya maendeleo, kama vile ushirikiano mpya wa maendeleo ya Afrika, Mpango wa utekelezaji wa maendeleo ya viwanda ulioharakishwa wa Afrika, mpango wa maendeleo ya miundombinu barani Afrika na Ajenda 2063, kwa matumaini kwamba karne ya 21 itakuwa ya mafanikio makubwa barani Afrika.
Ukuaji wa kasi wa uchumi wa China umekuwa tukio kuu katika karne ya 21. Historia ya taifa hilo unaashiria kuwa nguzo kuu ya mafanikio haya ni maendeleo ya viwanda vyake.
Uwekezaji huu katika eneo la viwanda ulichangia kuongezeka maradufu kwa pato la taifa la China kwa miaka kadhaa ambayo ulisaidia kukwamua zaidi ya watu milioni 800 kutoka minyororo ya umaskini.
Kwa upande mwingine, uchumi katika nchi nyingi za Afrika zimezorota. Hii ni licha ya kuwa na rasilimali nyingi, nguvu kazi ya mapato ya kadri na soko tayari.
Itakumbukwa kuwa China na Afrika zinafurahia mahusiano mema ya kidiplomasia na biashara yaliyodumu miongo kadhaa. Na hii ndiyo sababu taifa hilo la Asia Mashariki inaamini kwamba ili Afrika iweze kuafikia uhuru wa kiuchumi, haina budi ila kufuata nyayo zake, hasa katika maendeleo ya viwanda.
Na hii inaonekana sio gumzo tu kwani taifa hilo lenye uchumi mkubwa wa pili duniani iko tayari kushiriki katika maendeleo hayo barani Afrika.
Kama sehemu ya mipango minane mikubwa ya jukwaa la ushirikiano wa Afrika na China, maarufu FOCAC, Balozi wa China nchini Kenya Zhou Pingjian alifichua kuwa Beijing iko tayari kufanya kazi kwa karibu na Afrika katika kutekeleza upanuzi wa viwanda.
Katika ujumbe wake wakati wa sherehe zinazoendelea kuadhimisha miaka 20 tangu kuanzishwa kwa mpango huo wa FOCAC, Balozi Zhou alisifia matamanio ya pamoja ya bara hilo kuharakisha viwanda na kuharakisha mabadiliko ya kiuchumi.
Pia alipongeza alichokitaja kuwa dhamira thabiti ya Afrika kwa ajili ya ajenda hii na kubainisha kuwa China ni mshirika wa kweli wa bara hilo hasa katika harakati zake za kutafuta kujiendeleza kiviwanda.
"Tunahimiza taasisi za kifedha kuongeza msaada kwa ajili ya ushirikiano wa viwanda wa China na Afrika." Alisema
Kwa mujibu wa Zhou, China inatazamia kuongeza msaada katika maendeleo ya viwanda pamoja na maeneo maalum za kiuchumi na viwanda barani Afrika.
Ili kufanikisha ndoto hii, alifichua kuwa taifa hilo linaloongozwa na Chama cha Kikomunisti haiko tu tayari kutoa fedha zaidi kwenye mradi huu ila pia itashiriki uzoefu wake kuhusu viwanda na Afrika.
"Tangu kuzuka kwa ugonjwa wa Covid-19, China na Afrika zimeshirikiana katika usambazaji wa barakoa, vifaa vya matibabu na dawa, na kutoa mafunzo kwa wataalamu wa matibabu.
Tutaendelea kutekeleza sehemu yetu katika mpango wa maendeleo ya viwanda kwa Afrika kama ilivyoangaziwa na mkutano mkuu wa Umoja wa Mataifa tarehe 25 Julai 2016." Zhou alisema kupitia kiungo cha video kutoka ubalozini jijini Nairobi.
Kwa hakika, mjumbe huyo wa China hayuko peke yake katika maono hayo kwani wataalamu wa uchumi kwa mara nyingi wamezungumzia uwezo mkubwa wa Afrika katika viwanda. Mahitaji makubwa ya bidhaa ambazo kimsingi zinapatikana kutoka mataifa ya nchi imekuwa suala la kawaida katika bara hilo.
Lakini, pamoja na kujaliwa na rasilimali nyingi, Zhou anaamini uhamisho wa China wa uwezo wake wa kiviwanda, vifaa na teknolojia utaleta mabadiliko makubwa barani humo.
Anasema viwanda vya Afrika vinahitaji uwekezaji mkubwa kutoka ndani na nje. Lakini kama mshirika mkuu, anaahidi kuwa China itatoa fursa na rasilimali za kuendesha ajenda hii.
"Viwanda vya Kichina sasa vinatekeleza ajenda muhimu ya usambazaji bidhaa na kupanua viwanda duniani. China ina idadi ya watu bilioni 1.4 na kikundi kilicho na kipato cha kati kimefikia milioni 400.
Mahitaji ya soko kubwa la ndani nchini China yataendelea kutoa uwezo usio na mwisho kwa ulimwengu mzima. Nchi za Afrika zitafaidika sana kutokana na maendeleo mapya ya China." Mwanadiplomasia huyo alitamka.
Tamko hili linajiri wakati ambapo China imewekeza zaidi katika viwanda vya viatu na nguo nchini Ethiopia na Rwanda miongoni mwa mataifa mengine. Na mataifa haya tayari yameshuhudia mafanikio makubwa.
Kuna uwezekano kwamba, kuanzisha mchakato huu China itaangazia macho yake kwenye sekta ya viwanda vidogo vidogo, ambavyo vinajumuisha shughuli nyingi.
Tayari, China, sawia na Umoja wa Afrika, imeanzisha mipango muhimu ya kimkakati ya maendeleo, kama vile ushirikiano mpya wa maendeleo ya Afrika, Mpango wa utekelezaji wa maendeleo ya viwanda ulioharakishwa wa Afrika, mpango wa maendeleo ya miundombinu barani Afrika na Ajenda 2063, kwa matumaini kwamba karne ya 21 itakuwa ya mafanikio makubwa barani Afrika.
