Naomba kuwaaga rasmi Wana JF, nikipona tutakuwa pamoja tena

[guwe_la_manga]

tatizo beatrice huwa hujibu replies

najua utarudi ili tulisongeshe ili gurudumu.

 

[27072019]

Inawezakana Mkuu kwa kujua labda kinachomsumbua hawezi kukishinda.

Nilichojifunza ni kuwa wagonjwa wengi wanaojua siku zao za kufariki ni wale wa kansa. Huenda naye anasumbuliwa na kansa. Ila wapo wanaopona na kupita tarehe wanazopangiwa na madaktari. Mkuu jipe imani kuu

 

[BAK]

Hii tabia ya madaktari kuwaambia wagonjwa wao wana miezi mitatu au sita ya kuishi siipendi kusema kweli inawaongezea hofu wagonjwa ndugu, jamaa, familia na marafiki wa karibu. Miaka kama mitano iliyopita jirani yangu mama yake alikuwa anasumbuliwa na kansa kwa kipindi kirefu. Basi ile 2016 wakamwambia mwanae mgonjwa ana miezi sita tu ya kuishi.

Basi jamaa akajiandaa ule mwezi wa sita alioambiwa mama yake atafariki hakufariki alichukua likizo ya mwezi ikakatika. Akarudi kazini lakini huku akitegemea mama yake atafariki wakati wowote lakini yule mama aliishi kwa miaka mingine miwili na nusu ndiyo akafariki. Hii tabia ya kumwambia mgonjwa ana muda fulani wa kuishi madaktari wangeachana nayo.

Nilichojifunza ni kuwa wagonjwa wengi wanaojua siku zao za kufariki ni wale wa kansa. Huenda naye anasumbuliwa na kansa. Ila wapo wanaopona na kupita tarehe wanazopangiwa na madaktari. Mkuu jipe imani kuu

 

[Ngorunde]

Hii tabia ya kumwambia mgonjwa ana muda fulani wa kuishi madaktari wangeachana nayo.

Ni tabia ya hivyo kabisa, imeanza kipindi hiki cha miaka ya karibuni.

Mwanzoni haikuwepo, mgonjwa alikuwa anapewa matumaini mpaka siku yake ya mwisho.

 

[balimar]

Madaktari wanalipwa fedha nyingi na serikali hii kwa kupredict vifo vya watu

Walimu wanalipwa fedha kidogo kwa kuwapa watu matumaini mapya, waione kesho yao yenye fursa na waondoe ujinga

Sasa kupanga ni kuchagua, madaktari sio shida; shida ni muajiri wao anaowalipa fedha nyingi ili waendelee kuwatabiria watu misiba (U-undertaker).

 

[t blj]

inasikitisha sana,

 

[t blj]

Inasikitisha na kuumiza kusoma ulichoandika hasa kuhusu hatima ya wewe kuendelea kuishi.

Swali ni je, unaumwa kweli au unatupima tu?

Mkuu kama yupo regency, atakuwa anaumwa kweli.

Regency kwa sasa kuna wagonjwa wengi sana wa covid 19, kiasi kwamba kupata tu kitanda pale na kuwa admitted nayo ni bahati,
kwa uandishi aloleta nahisi kabisa kama anaumwa basi itakuwa ni hiyo covid, ndo wagonjwa wanakuwa timamu kabisa hata kucheka na kuongea hata kufanya baadhi ya shughuli kama uandishi wakiwa kwenye oxygen, shida yao kubwa inakuwa kupumua naturally.

Nimeuguza wagonjwa watatu wa aina hii, wawili walifariki.

 

[t blj]

Nilichojifunza ni kuwa wagonjwa wengi wanaojua siku zao za kufariki ni wale wa kansa. Huenda naye anasumbuliwa na kansa. Ila wapo wanaopona na kupita tarehe wanazopangiwa na madaktari. Mkuu jipe imani kuu

Hata wagonjwa wa covid, ukishakaa kwenye ventilator zaidi ya wiki mbili, na oxygen level haipandi, ni wakati muafaka wa kuaga.

 

[Tate Mkuu]

Usiwe na wasiwasi Kamanda. Sisi utakao tuacha, tutaipigania mwanzo mwisho. Na iwapo tutaondoka kama wewe unavyotaka kutuacha, vizazi vyetu navyo vitaipigania tu!

Tena natamani wawe na ujasiri zaidi kuliko sisi wazazi wao ambao kiukweli tumeshikiliwa tu masikio na hivyo kushindwa kufurukuta, na huu mzimu unaoitwa CCM.

Pole sana Kamanda. Kuna safari nyingine huwa hazikwepeki. Unakuta Madaktari wanakuambia kabisa ufanye maandalizi. Kama kuna wosia, nk.

 

[Tate Mkuu]

Mkuu taja tatizo kuna dawa na watu wa kusaidia pia

Unaufahamu ugonjwa unaoitwa Kansa? Huo ukisambaa mwilini, basi kinacho fuata ni kufanya tu maandalizi. Tena unaweza ukaambiwa kabisa mpaka siku za kuishi hapa duniani.

Achilia mbali huu ugonjwa wa Wachina, toleo la tatu.

 

[Ahmad Abdurahman]

Dah nimesikitika sana. Nakuombea Mungu Mwenyezi akuponye.

Nafeel maumivu makubwa uliyonayo.

Eeh Mungu wa Mbinguni, Mponye ndugu Beatrice ili aje alitangaze jina lako katikati ya watu na mataifa walikanalo jinaa lako. Amen.

 

[The Boldly]

Pole ndugu,jipe moyo,Mungu atatenda na utapona.

Sio mimi mkuu

 

[arch81]

Pole mungu atakusaidia

 

[Crocodiletooth]

Haisee...
Shida nini mummy wangu? pengine tutoe ushauri mbadala...!
::I have got tele heal power tukuombee

 

[vantz]

Japo umekata tamaa amini MUNGU wetu ni mkuu sana akasimame na wewe ktk hili ili uje kumrudishia utukufu[emoji120][emoji120][emoji120][emoji120]

 

[Abdulhalim]

attention-seeker

 

[Isanga family]

Aisee nimesikitika sana kwa kweli pole sana...

 

[Erick Kalemela]

Bado unayo nafasi machoni Pa Muumba,
Neema ya Mungu ipitayo ufahamu wote isikupungukie mahali hapo
Tunakuombea

 

[Ahmad Abdurahman]

attention-seeker

Watu mna roho ya dunia nyingne kabisa.

 

[Hero]

Naam, Mimi ni mwanachama wa muda mrefu hapa kwenye ukurasa wa Siasa. Nimetoa mchango wangu kwa umoja huu kupitia ukurasa huu. Nimerekebisha baadhi ya mambo kutokana na hoja zangu na niseme tu nimekuwa nikifarijika sana pale ninaposhauri au kutoa hoja ikaleta positive impact kwenye jamii.

Nimefika kikomo cha kushiriki nanyi, nimefika wakati ambao bila ridhaa yangu nawajibika kukaa pembeni bila kuandika Wala kuona chochote kuhusu hata wale watakaosoma ujumbe huu. Nafika ukomo na nauona ukomo wangu.

Ninapoaga leo hapa tarehe 23/06/2021 saa 23: 15 usiku naaga kwa uchungu mkubwa kwamba moja ya Jambo nililopigania kwenye jukwaa, kwenye jamii na kwenye mitandao ya kijamii halijafanikiwa kutokea na naamini sitoweza kushuhudia likitokea. Jambo ilo si jingine Bali ni KATIBA MPYA YA JMT.

Nilitamani nimshirikishe Mwalimu Nyerere juu ya hatua hii huko alipo endapo ningekutana naye lakini nasikitika kwamba sitoweza kumwambia chochote juu ya agenda hii. Ni maumivu makubwa.

Niliipigania Katiba baada ya kuona kwamba mfumo wakusimamia haki nchini haupo Tena kwenye mategemeo ya sheria za nchi. Mfumo huo toka enzi ya Mkapa hadi leo hii awamu ya sita umebaki kutawaliwa na maamuzi ya mtu mmoja ambayo ni maamuzi ya Mkuu wa nchi.

Niliipigania Katiba mpya baada ya kuona taifa langu linazidi kuongeza Kinga za kushtakiwa kwa kundi la wanasiasa na Watumishi wa umma. Mkakati huu wakutochukuliwa hatua za kisheria kwa viongozi utaliua taifa na ndipo nilipoona natakiwa kusimia hoja ya Katiba mpya itakayotamka na kutekelezwa kwa amri au takwa la binadamu wote wapo sawa chini ya sheria.

Nilijaribu na naondoka bila kuiona, naamini waliobaki watazidi kuisimamia hii na itapatikana kabla Taifa halijapoteza kabisa imani miongoni mwa wananchi na kuanza kusambaratika.

Ninaponyamaza na nikiwa katika maumivu makubwa nimepata nguvu yakuuandikia ulimwengu kwamba Tanzania inahitaji katiba mpya.

Kwa Mhe. Rais, kwa Hali ilipofikia Sasa, maendeleo pekee unayoweza kuwarithisha Watanzania wakiwemo watoto wako na wajukuu ni katiba mpya. Jenga barabara, vivuko nk lakini tambua kiu ya umma wa Watanzania inahitaji katiba inayotokana na kizazi kilichopo Sasa.

Wasaidie Watanzania, wape katiba mpya. Anzisha mchakato, la sivyo kelele na mwangwi wa kilio cha Watanzania kitaambatana nawe Kama kinavyoambatana na mzee Kikwete hata baada ya kustaafu. Naondoka mie, nakuomba Jambo naamini sitoiona katiba hiyo ila wape wananchi katiba mpya.

Niwashukuruni sana na niwaombe msisite kuendelee kumkumbusha kuhusu maumivu yangu juu ya Tanzania mpya. Endapo lolote litatokea may be ntarudi ila nimefika ukomo. Mwenyenzi Mungu mtoa maarifa na njia akawajaze ufunuo na maono ya mwisho mwema Kama Mimi. Mkaondoke mkiwa kwenye toba na siyo mkiwa dhambini.

Naitwa Beatrice Kamugisha (nick name), naandika kutoka Regency Dar es salaam Tanzania.

Pole Beutrice kwa kufikia ukomo kwa kuamini ktk katiba kuwa ndio pekee inayoweza kuliweka taifa salama🤔! Ungepata muda zaidi ungegundua jinsi ulivyokuwa umepotea kimtazamo baada ya kugundua kuwa siyo katiba mpya itakayoiweka Tz salama bali nguvu tofauti kabisa😜! Hapana rudi tuendelee kujadiri i see😜!