Hadi wenye watoto wanatengana ili iweje !!!
Mwambie arudi kwake.
Mambo wakuu?
Nina dada yangu mkubwa ana umri kama 38yrs hivi,sasa huyu dada alikua anaishi na mwanaume wake ila hawakua wamefunga ndoa,wameishi kama miaka 8 kama sikosei.wamebahatika kupata watoto watatu mpaka sasa, mumewe ni muajiriwa kwenye shirika flani kubwa tu hapa nchini,dada yangu yeye hana kazi yoyote ni mtu wa kubangaiza tu na kuuza nguo online kwa kifupi ni mama wa nyumbani tu.
Week mbili zilizopita waligombana na huyo mumewe, dada kwa maelezo yake anasema huyo mumewe alimfukuza nyumbani kwake usiku ule pamoja na watoto wake,ila kwa uchunguzi nilioufanya mumewe hakumfukuza ila ni yeye tu aliamua kukimbilia kwa ndugu yetu mwingine na watoto wake usiku ule.
Kilichonifanya nije kuomba ushauri humu ni hiki,kuna ndugu naona kama wamemshauri dada vibaya sana,kuna nyumba yetu ya urithi tuliachiwa na marehemu wazazi wetu,ndugu wamemshauri dada aondoke mazima kwa mumewe arudi pale nyumbani kwenye nyumba ya urithi akae,kweli dada nae akachukua huo ushauri wa ndugu kaenda kwa mumewe kabeba vitu karudi nyumbani na mzigo wa watoto watatu,yule mumewe kule mpaka leo hajampigia simu yeyote nyumbani kumueleza nini tatizo yuko kimya tu,dada yeye anasema amechoka manyanyaso,sasa nimeshindwa kumuelewa dada kama nilivyosema hana kazi yoyote ni anauza tu vinguo online,ana watoto watatu wawili kati yao wanasoma shule za English medium.huko napo nasikia bwana alimuambia kama ameamua kuondoka nyumbani na watoto wake basi asikae amtafute kwa lolote lile na hao watoto amempa yeye kama zawadi.
Dada hakua na maisha yoyote magumu kwa mume wake kwani shemeji alikua anajitahidi sana kujali familia yake.
Wasiwasi wangu ni kwamba,huenda dada akaanza kuishi maisha ya shida kwa kujitakia mwenyewe na akawa msalaba kwetu sisi,kwanza kitendo cha ndugu hawa kumshauri arudi nyumbani pasipokuangalia mustakabali wake na watoto wake naona ni janga,hapa ni week ya pili tu lkn ameshaanza usumbufu wa vizinga.nawaza ada za hao watoto wa English medium atatoa wapi?
Wakuu huenda mwandiko wangu ni mmbaya but tuvumiliane.
Naomba mnishauri nifanyeje huyu mtu arudi kwa mumewe huko kwani kama nilivyoeleza soon anaenda kuwa msalaba kwetu huyu au kama kuna ushauri mwingine naukaribisha.
Haya mambo ya ndoa na migogoro yake yana chaneli ama tuseme yana procedures zake.
Kwanza tuanze na structure ya ndoa yenyewe:
Sheria za ndoa za'71 zinazotumika hivi sasa hazitambui mahusiano ya ndoa isiyo rasmi.
Ndoa zinazotambulika ni za kimila, kimadhehebu na kiserikali.
Kwa muktadha huo, dada yako hana ndoa, hakuna sheria inayomlinda kukaa na mwanaume huyo bila kujali 'wamesaga' miaka mingapi wakiwa pamoja.
Ni kitu gani kiliwazuia kufunga ndoa hata ile ya watu wanne tu ya kiserikali isiyo na gharama za sherehe?
Mikataba ya ndoa hulinda pande zote pindi migogoro kama hii inapojitokeza.
Jambo la pili: unapojitokeza mgogoro wa wanandoa, wala usiumize kichwa kumsikiliza mmoja na kutoa maamuzi ama lawama, weka mazingira ya kuwakutanisha, usikilize pande zote mbili ili upate maamuzi sahihi.
Kwa jambo hili la dada yako, jiulize: huyo shemeji yako angelifariki hao watoto nani angeliwatunza?
Je ukiwakutanisha na kuwasikiliza na kugundua kuwa mahusiano yao hayana afya, utazidi kumshauri ama kumshurutisha dada yako arudiane na mtu wasiyeridhiana?
Je kama dada yako hawezi kurudiana na jamaa, stahiki za kutunza watoto ni za nani na ni hatua gani za kuchukua ili kuhakikisha haki na matunzo ya watoto yanaendelea?
Pata option mbili kichwani mwako: za kushauri kwa hekima warudiane na kuendelea kulea watoto wao wakiwa pamoja na kumaliza migogoro yao.
Ikishindikana bila kujali dada yako ndiye mkorofi, hakikisha unamuelekeza hatua za kuchukua kisheria ili kupata haki za malezi ya watoto, kama wewe hujui, tafuta wanasheria wakushauri hatua sahihi za kufuata na wapi pa kulipeleka jambo hilo.
Pia mwelimishe dada yako kuhusu namna anavyokaa na jamaa bila kufunga ndoa kuwa anapoteza muda na haki zake nyingi sana za msingi.
Hapo kafanywa ni kijakazi wa kumtengenezea jamaa watoto, hana haki kisheria ya mgawanyo wa mali hata kama kashiriki kuleta maendeleo ya familia yao, mshauri wafunge ndoa.
Angalizo: jamaa huyo kuishi na dadako miaka yote hiyo kihawara kajihami namna ya kuruka vihunzi vya kisheria kumkandamiza dadako, hivyo ni wa kuendea kwa akili na kisheria zaidi na pia dada yako kuendelea kuishi na jamaa kiharamu haifai.
