Ni kwa namna gani Julius Nyerere aliwazidi "Ujanja" wazee wa Kariakoo waliompokea kwenye siasa za Dar es Salaam?

jiwe angavu said:
Ajuza asante kwa kunirekebisha,amani haisemi kwa maneno bali kwa vitendo.
Click to expand...
Jiwe...
Katika vitu vinavyonisikitisha ni kusoma kejeli na matusi.
Kwani ukiandika kwa adabu utapungukiwa nini ndugu yangu?

Kwa nini unataka kuuvuruga uzi ambao tunaweza tukafundishana mengi?
Faiza wala si mzee mimi hanipati hata kidogo.
 

Sasa tangu lini wauza kahawa wasio enda shule walio kalia kucheza bao wakawa na akili zaidi ya chuki na illusion za dini ya waarabu,
 

Unapoteza muda na nguvu zako kuandika maandiko marefu yaliyojaa majivuno kujisifu na kujiona wa maana kumbe ni takataka tu,mlengo wako unajulikana.
 
sysafiri said:
Uko sahihi mkuu! After then wazee wengi waliomsaidia kupigania uhuru hawakuwa wasomi! Lakini hata hivyo alijitahidi sana kumridhisha kila mtu lakini ukizingatia nchi ilikuwa changa na masikini asingeweza kumtosheleza kila mtu!
Click to expand...

Sysafiri,
Tatizo hapa si ''kutosholeza'' au kiti kingine katika hayo uliyosema ya elimu nk.
TAA haikuwa inaendeshwa na watu ambao hawakuwa na elimu.

Itapendeza kwanza ukaijua historia ya TAA ndipo uandike.
Tatizo lililopo ni kuwa historia ya TANU iliyoandikwa si sawa ina mkosa mengi.

Hili ndilo lililonifanya mimi kuandika kitabu cha Abdul Sykes kusahihisha.
 
Yoda said:
Kuna conmen wanatoka hadi vyuo bora kabisa duniani kama Havard, kwa sasa wako hadi katika mabunge yote mawili ya Marekani.
Click to expand...
Yoda,
Tupe historia za hawa watu bila shaka zitavutia.
Nimepita huko nimewaona na suti zao.


Capitol Hill
Washigton DC​
 
Yoda said:
Hivi na jamii nyingine kama Wachaga nao wakianza kudai "wazee wao" kama Thomas Marealle waenziwe sawa na Nyerere kupigania uhuru utakubali?
Click to expand...
Yoda,
Mimi sijadai wazalendo waliopigania uhuru waenziwe kama anavyoenziwa Baba wa Taifa Mwalimu Julius Kambarage Nyerere.

Hili haliwezekani.

Nilichofanya mimi katika kitabu cha Abdul Sykes nimeandika historia kama inavyotakiwa kuwa.

Ikiwa umesoma kitabu hicho utakuwa umekutana na mengi ambayo hukuwa unayajua.

Msome Chief Thomas Marealle hapo chini:

KUMBUKUMBU KIFO CHA MANGI MKUU THOMAS MAREALLE 14 FEBRUARY 2007: PARAMOUNT CHIEF THOMAS MAREALLE KATIKA NYARAKA ZA RAJABU IBRAHIM KIRAMA WA MACHAME NKUU

Mara yangu ya kwanza kusoma historia ya Mangi Mkuu Thomas Marealle ilikuwa ndani ya Nyaraka za Sykes wakati natafiti kitabu cha maisha ya Abdul Sykes.

Kwa bahati mbaya sikuweza kutumia yale niliyosoma katika kitabu nilichokuja kuandika kwa kuwa mengi katika yale niliyosoma yaikuwa mambo binafsi zaidi kuliko historia ya TANU na harakati za kudai uhuru ingawa jina la Nyerere lilikuwa likijitokeza.

Nimekuja kukutana tena na Mangi Mkuu Thomas Marealle baada ya kiasi cha miaka 30 kupita katika Nyaraka za Rajabu Ibrahim Kirama wakati natafiti maisha ya Mzee Rajabu wa Machame Nkuu.

Napenda kama kumbukumbu ya kifo cha Mangi Mkuu nieleze machache katika yale ambayo nimejifunza katika kusoma barua walizokuwa wakiandikiana watu hawa wawili kutoka Kilimanjaro kila mmoja akiwa na nafasi muhimu katika jamii ya kabila la Wachagga.

Thomas Marealle akiwa kwanza Mangi wa Marangu kisha Mangi Mkuu wa Wachagga, Rajabu Kirama yeye akiwa kiongozi wa Waislam na mtu aliyeueneza Uislam Uchaggani akianzia harakati zake kijijini kwake Machame Nkuu katika miaka ya 1930.

Harakati hizi zilileta uadui mkubwa kati yake na Chief Shangali.

Mwishoni wa miaka ya 1800 Wajerumani baada ya kuchoshwa na vita visivyokwisha baina ya Wachagga wenyewe kwa wenyewe waliamua kuwakamata takriban mangi wote isipokuwa Shangali na Marealle.

Jumla ya mangi 19 walinyongwa hadharani isipokuwa Chief Marealle na Chief Shangali.

Haya ndiyo madhila yaliyowakumba Wachagga chini ya utawala wa Wajerumani.
Watoto wa machifu hawa wawili hata hivyo walikuja kupata nguvu kubwa sana katika utawala wa Waingereza.

Katika utawala wa Waingereza na katika hali ya amani na utawala Wachagga waliunda chama - Kilimanjaro Chagga Citizens Union (KCCU) (Umoja wa Raia wa Kilimanjaro).

Petro Njau akiwa kiongozi wa chama hiki alipewa jukumu la kusimamia maslahi ya Wachagga kama taifa.

Katika kanuni za KCCU kanuni hizi zinawataja Wachagga kama watu waliozaliwa huru na wenye haki ya kulinda uhuru wao.

Petro Njau alikinadi chama hiki kuwa ni ‘’chama cha siasa cha kikabila.’’

Nilipokuwa nasoma Nyaraka za Rajabu Ibrahim Kirama nilishangaa sana kusoma kuwa Wachagga kwa asili waliichukulia Kilimanjaro yote kuwa ni nchi.

Nyaraka za KCCU zimejaa maneno ya itikadi ya: ‘’nchi,’’ ‘’taifa,’’ ‘’raia,’’ ‘’uchaguzi,’’ ‘’kura,’’ na ‘’utawala.’’

Petro Njau Rajabu na Ibrahim Kirama walikuwa wanaunganishwa na kukubaliana katika jambo moja kubwa na muhimu sana katika utawala wa Wachagga nalo ni kuwa Mangi walikuwa na nguvu zilizopea wakati raia wao hawakuwa na sauti yoyote.

Kwa ajili hii basi wanastahili kuondolewa wote na awekwe kiongozi mmoja tu atakaetawala Kilimanjaro yote na Wachagga wote.

Petro Njau alikuwa mwandishi wa Mzee Rajabu na pia mwandishi wa Chief Thomas Marealle pale Kilimanjaro ilipokuwa katika siasa za uchaguzi kutafuta Mangi Mkuu atakaekuwa juu ya Mangi wote, yaani Paramount Chief.

Rajabu Kirama alisimama bega kwa bega na Petro Njau katika fikra hii.

Thomas Marealle na Abdiel Shangali ndiyo walikuwa wanagombea nafasi ya Mangi Mkuu na bahati mbaya sana kwa Abdiel Shangali ni kuwa alikuwa na uadui mkubwa na Rajabu Ibrahim Kirama.

Rajabu Kirama akasimama kumsaidia Chief Marealle awe kiongozi wa Wachagga wote.

Hivi ndivyo Thomas Marealle alivyokuja kuchaguliwa kuwa Paramount Chief, yaani Mangi Mkuu.

Picha: Mzee Rajabu Ibrahim Kirama, Mangi Mkuu Thomas Marealle wa Marangu na Chief Abdiel Shangali wa Machame.




Chief Abdiel Shangali​
 
Yoda,
Nilikuwa Reseach Assistant wa Dr. Gharith Ghassany kwa miaka minane wakati anaandika kitabu cha mapinduzi ya Zanzibar, ''Kwaheri Ukoloni Kwaheri Uhuru.''

Hili nadhani hulijui.
Nimeandika sana kuhusu historia ya Zanzibar na Mapinduzi.

Nimefanya vipindi vingi vya radio na TV.

KWAHERI UKOLONI KWAHERI UHURU: KITABU KIONGOZI KATIKA VITABU VYA HISTORIA YA MAPINDUZI YA ZANZIBAR

Nakumbuka mara ya kwanza nilipoonana na Dr. Harith Ghassany nyumbani kwake Muscat aliyenipeleka alikuwa Abdullah Amour ambae sasa ni marehemu na alikuja kuwa rafiki ndugu na alikuja hadi Tanga kunitembelea.

Ilikuwa mwaka wa 1999 ndipo nilipokutana na Dr. Harith Ghassany.

Mwezi wa Ramadhani ulinukuta Muscat Harith alinialika futari nyumbani kwake.

Harith alinifahamisha kuwa ana azma ya kuandika kitabu kuhusu Zanzibar na hapo ndipo nilipomfahamisha kisa nilichosikia Tanga kuwa kulikuwa na kambi ya Wamakonde Kipumbwi ambapo ndipo walipokuwa hawa Wamakonde wakipewa mafunzo kisha kuvushwa kwenda Zanzibar kuipigia kura ASP uchaguzi wa wa 1961 na mwaka wa 1964 kushiriki katika mapinduzi.

Harith alinisikiliza kimya wala hakunisaili na akasema kuwa atakuja Tanga ambako mimi ndiko nilikokuwa naishi.

Alifika Tanga na nikaweka miadi na Mzee Mohamed Mkwawa.
Nilimshusha Harith nyumbani kwa Mzee Mkwawa sehemu za Kisosora kisha mimi nikaendelea na shughuli zangu nyingine.

Niliporudi mchana kumchukua kitu kilichonistaajabisha ni kuwa nilimkuta Harith kakalia mgongo, kachoka na kasawajika.

Sikusema neno.
Tulikuwa tumeandaliwa chakula cha mchana.

Nakumbuka tulipiga kipunga na samaki.
Kumaliza namwambia Harith twende zetu.

Jibu alilonipa lilinishangaza.

''Guy wewe nenda njoo nichukue jioni mimi na Mzee Mkwawa hatujamaliza mazungumzo yetu.''

(Mimi na Harith tunaitana, ''Guy,'' na hiki ni kisa naamini mtapenda kukisikia tulihadithiwa na Mzee Ahmed Rashad mkasa wake na rafiki yake Ahmed Abdullah Alkharui maarufu kwa jina la Bamanga.

''Guy,'' ndilo jina wakiitana.

Marafiki hawa mwaka wa 1952 walishitakiwa mahakamani kwa kosa la uchochezi).

Nikashangaa nikajiambia haya mazungumzo toka asubuhi hadi dhuhri yapata saa nne hayajesha na sasa wanaendele ahadi alasiri...

Nilipokuja kumchukua jioni ile alipoingia kwenye gari kitu cha kwanza nilichomuuliza ilikuwa, ''Guy imekuwaje mbona umechoka hivyo umenitisha sana leo.''

''Sikiliza Guy, ufunguo wa kitabu chetu anao Mzee Mkwawa mimi nimetembea maktaba zote kubwa sijakuta haya aliyonieleza Mzee Mkwawa.''

Kwa mara ya kwanza Harith anaelezwa na Mzee Mkwawa yaliyotokea Pemba ya yeye kushauriwa akimbie Pemba asije kuuliwa na Hizbu.

Mkwawa wakati huo kijana labda wa miaka 25 alikuwa mwanachama wa ASP na mmoja wa vijana wa kazi wa Abeid Amani Karume.

Alipofika Tanga akadakwa na Ali Mwinyi Tambwe na wenzake na kumuomba msaada wa yeye kurejea Zanzibar kwa kazi maalum ya ''kufa na kupona,'' kwa ajili ya uhuru wa Waafrika wa Zanzibar.

Mimi sasa nikawa nayasikia hayo mengine kwa mara ya kwanza kutoka kwa Harith.

Mzee Mkwawa kumbe hakunipa yote.
Nilishusha pumzi.

Sikushangaa kwa nini Harith nilimkuta kakalia mgongo wake na kachoka sana.

Hakika Mzee Mkwawa alikuwa kashika ufunguo wa kitabu chake Dr. Harith Ghassany.

Kilichobaki ilikuwa kumfikisha Dr. Harith Ghassany Kipumbwi kisha amkutanishe na Victor Mkello.

Ali Mwinyi Tambwe ana historia ya pekee katika historia ya Tanganyika na Zanzibar na leo hakuna anaeijua historia yake.

Kuna picha katika kitabu cha Abdul Sykes inamuonyesha Ali Mwinyi Tambwe amekaa pembeni kwa Kleist Sykes na Abdul Sykes yupo katika picha hiyo mtoto mdogo wa shule ya msingi.

Hii ni picha ya mwaka wa wa 1936 ya viongozi wa Al Jamiatul Islamiyya fi Tanganyika (Umoja wa Waislam wa Tanganyika).

Mwaka 1953 huyu Ali Mwinyi Tambwe alikuwapo nyumbani kwa Hamza Mwapachu katika mazungumzo kati ya Abdul Sykes na Hamza Mwapachu walipojadili na kukubaliana kumtia Julius Nyerere katika uongozi wa juu wa TAA na 1954 waunde TANU.

Huyu Ali Mwinyi Tambwe ndiye aliyemtia Mohamed Mohamed Omar Mkwawa katika vyombo vya usalama na kumpa usimamizi wa kambi ya Kipumbwi.

Inasemekana Ali Mwinyi Tambwe alikuwa mtu wa Special Branch toka ukoloni.

Hii ndiyo barabara Mzee Mkwawa aliyompitisha Dr. Harith Ghassany hadi kumfikisha Kipumbwi kisha akampeleka Nguvumali Tanga mjini nyumbani kwa Victor Mkello.

Watafiti wote wa historia ya mapinduzi hawakuwajua watu wa mfano wa Mzee Mkwawa kwa hiyo walipitwa na sehemu muhimu sana katika historia ya Zanzibar.

Kichekesho kikubwa ni kuwa na hata wale waliowajua Wapinduzi hawa wanajifanya kama vile watu hawa hawakupata kuwepo.

Wamejifanya pia hawajui kuwa Victor Mkello alikutana na Mzee Karume Zanzibar baada ya mapinduzi na Mzee Karume alimshukuru kwa kazi yake.

Mimi binafsi namshukuru sana Dr. Harith Ghassany kwa kunishirikisha katika utafiti wake na huu utafiti ndiyo ulionifunza hIstoria ya Mapinduzi ya Zanzibar ya mwaka wa 1964.




​
 
Kalamu said:
Wapelekee wanaozitaka, kwa nini uniletee mimi takataka nisizozithamini, huoni kuwa huo wenyewe nii uchizi unaokusumbua wewe?
Click to expand...
Kalamu,
Nitakusaidia tena.
Tufunge mjadala.

Kaa kimya.
Hutonisikia.


Chuo Kikuu Cha Azhar
Cairo 1991

​
 
jiwe angavu said:
Sasa tangu lini wauza kahawa wasio enda shule walio kalia kucheza bao wakawa na akili zaidi ya chuki na illusion za dini ya waarabu,
Click to expand...
Jiwe...
Niruhusu nikueleze historia ya Msham Awadh na wenzake ''wauza kahawa wasioenda shule...'' katika kuunda TANU na kupigania uhuru wa Tangnayika.

''Msham Awadh alikuwa akijulikana Lindi nzima na Mikindani kwa sababu ya biashara yake.

Msham Awadh alikuwa alikuwa muuza uzuri, yaani vitu vya urembo kama vile uturi, dalia, marashi, rangi na manukato mengine kwa wanawake wa hii miji miwili.

Alikuwa akiuza bidhaa zake kikapuni akipita nyumba hadi nyumba.

Hawa walikuwa ndiyo aina ya watu walioanzisha na kuongoza harakati za kumaliza utawala wa kikoloni Tanganyika.

Hawa ndiyo wazalendo ambao historia yao ilifutwa.

Hawakuwa wajuzi wa lugha ya Kiingereza wala hawakuwa na ujuzi wa maisha ya ulimwengu wa kimagharibi kama walivyokuwa baadhi ya Waafrika wengine waliyopata elimu ya kimagharibi.

Msham Awadh na Ali Muhidin walikwenda hadi Dar es Salaam kukutana na Oscar Kambona na Dossa Aziz katika makao makuu ya TANU, New Street.

Msham Awadh na Ali Muhidin walipewa kadi za TANU na wakaambiwa wafungue tawi Mikindani.

Wakati Msham Awadh na Ali Muhidin wakiwa njiani kwenda Dar es Salaam kukutana na Nyerere, Mohamed Ali alisafiri kwenda kutoka Mtwara kwenda Lindi kukutana na Suleiman Masudi Mnonji na kumweleza kuwa Mikindani walikuwa wamekusudia kufungua tawi la TANU.

Mnonji alimpa kadi Mohamed Ali akawa mwanachama na akamwambia arudi Mikindani na kuanza kufanya kampeni kwa nguvu kwa ajili ya TANU na awafahamishe wananchi kuwa Nyerere yupo njiani kuja Jimbo la Kusini.

Wakati haya yanafanyika wamishionari wa Peramiho kulikuwa na mipango ya kuizuia TANU isiingie Jimbo la Kusini.''

(Kutoka kitabu cha Abdul Sykes (1998).


Nyumba ya Suleiman Masudi Mnonji Makonde Street Lind aliyoitoa kwa TANU kama ofisi wakati wa kupigania uhuru wa Tanganyika.​
 
King Kong III said:
Habari Mh. Mohamed Said ,Tafadhali jibu hoja,Ni Kipi kilichomfanya J.K Nyerere kuwazidi Ujanja wazee wa DONTA?
Click to expand...
Hivi tuna maana gani "UJANJA"? toka lini wazee wa downtown kama wanavyoitwa wakawa wajanja? wazee au watu wengi walikuwa Kariakoo wanadhani walikuwa wajanja lakini ukweli hakuna watu wajinga kama hawa wazee waliokuwa wakidhani wajanja ndio maana hata leo hii hawamiliki chochote Kariakoo hawana asset yoyote wamekuja wageni ndio wanamiliki kila kitu kwa hiyo Nyerere hajamzidi mtu mjanja sababu hakukuwa na wajanja wanywa kahawa tu kama walivyo leo, Nyerere wala hakutumia akili kubwa sababu hakujawahi kuwa na wajanja zaidi ya porojo za midomo tu. Wazee walimiliki nyumba zote za Kariakoo lakini wakaacha magarasa tu kizazi chao kuambulia kuuza tu. Mtu mjanja ni mtu mwenye malengo na Nyerere alikuwa na malengo...
 
Mohamed Said said:
Mpe...
Umependezewa na historia ya babu yangu?
Click to expand...
Mpe,
tuendelee na historia ya babu yangu Salum Abdallah:

''Mwaka uliofuata, African Association Tabora ilikuwa imejiimarisha vizuri kiasi cha kuwa na uwezo wa kushiriki katika mgomo wa mwaka 1947 ambao ulianza katika bandari ya Dar es Salaam.

Kuwako kwa Waislam wengi sana katika ajira ya bandarini kwa kiasi kikubwa kulichangia kuwasha moto wa mshikamano uliolipua mgomo.

Wakati wa mgomo Tabora, Mwalimu Pinda, aliyekuwa miongoni mwa walimu wa St. Mary's School na mwanachama wa African Association, alichukua jukumu la kuwa mtu wa kati baina ya wawakilishi wa wafanyakazi waliogoma na African Association.

Siku ya mgomo wafanyakazi wengi wao kutoka Loco Shed (karakana ya magari moshi) wakiongozwa na Salum Abdallalh, walikusanyika katika viwanja vya Tabora Town School chini ya miembe.

Tabora ni maarufu kwa wingi wa miembe.

Kuanzia siku hiyo viwanja hivyo vikawa ndiyo mahali pa mikutano yote ya African Association.

Kumbukumbu zinaonyesha kuwa Julius Nyerere alikuwapo Tabora lakini hakujihusisha na hizi harakati za tabaka la wafanyakazi zilizokuwa zikiibuka.''


Kulia Christopher Kassanga Tumbo (Secretary) Salum Abdallah (Chairman) wakati huu ni tayari washaunda Tanganyika Railways African Union (TRAU)​
 
Hei...
Tunaweza tukafanya mjadala wa maana usiokuwa na mihemko.
Litengeneze swali lako liwe linaloweza kueleweka.

In Shaa Allah nitakuja kukupa majibu.

Muhimu ni kuwa kwanza uwe na subira ya kusoma rejea nitazokuwekea hapa
(nyingine ni za Kiingereza).

Hapa nazungumzia kusoma kurasa kama 500 hivi.

Uzoefu umenionyesha kuwa wengi wetu hapa hatuna kwanza elimu ya haya tunayotamani kujadili na pili tunapenda kuja hapa kushambuliana na kumshambulia Mohamed Said.

Napenda kuhitimisha kwa kukueleza kuwa ilibidi ipatikane ridhaa ya Mwalimu Nyerere kuweza kujibu mengi katika uliyochanganya katika swali lako hapo juu.

Mwalimu alitoa ridhaa yake na kimeandikwa kitabu ''Nyerere Biography,'' (2020).
Soma kitabu hiki kitakusaidia kupata majibu.

Lakini kabla ya kusoma kitabu hiki itabidi kwanza usome In Shaa Allah hizo rejea nitakazo kuwekea.
 
Deliberate.
 
Kwanza naomba msamaha katika nilichoandika sababu nimeandika sikusoma kila kitu lakini nikawa napitia maandiko yako humu na kuelewa unachoaminisha na mimi ni mtu napenda sana kusoma history na umri wangu sio mkubwa kujuwa kila kitu ila ningependa kuongea kidogo katika historia na sio ya Tanzania tu nyingi ziliandikwa kwa malengo fulani ya kisiasa lakini ukweli haukundikwa hata katika suala la kupigania uhuru mimi siamini na sio kwa Tanzania tu ni kwa yaliyokuwa makoloni ya waingereza yote kupewa uhuru ilikuwa arranged sababu England walikuwa hawana uwezo tena ki mali kuendelea kutawala ilikuwa mipango kuziachia nchi hizi zote naamini utatuma darasa kwenye hili uhuru ulipiganiwa au tulipewa? Nyerere alikuwa mwana siasa na siasa ni mchezo na akaucheza ila wazee wengi hawakuwa wanasiasa labda walidhani kama kushabikia Yanga na Simba ndio maana wakaishia njiani. Kitu kimoja na uhakika 100% historia imeandikwa kunufaisha kikundi fulani sio ukweli maana ukweli siku zote unaleta shida ndio maana sijawahi kuamini Iddi Amin alikuwa anakula nyama ya watoto wake lakini wakati ule niliamini sababu tulilishwa propaganda na history yetu kama propaganda. Naomba ushauri ni vitabu gani naweza kusoma haya unayoandika na wapi vinapatika sababu napenda kusoma upande wa pili. sababu sina upande ila nataka kujuwa ukweli kwa faida yangu tu mwenyewe kama hii issue ya Bibi Titi kusimama kupinga ni kitabu gani naweza kusoma hiyo history.
 
jiwe angavu said:
Unapoteza muda na nguvu zako kuandika maandiko marefu yaliyojaa majivuno kujisifu na kujiona wa maana kumbe ni takataka tu,mlengo wako unajulikana.
Click to expand...
Jiwe...
Hapana sipotezi muda kuandika ndiyo kazi yangu.
Mtu hapotezi mudu katika kufanya kazi.

Nimechukua moda kujibu kuhusu, ''majivuno,'' ''kujisifu,'' na ''kujiona wa maana.''

Nimewapa kazi hii wahariri wanaopitia maandishi yangu niliyoandika zaidi ya miaka 30 hadi leo.

Nimewaomba wanipe tathmini yao kama kuna vitu hivyo katika maandishi yangu.
Nakueleza waliyonieleza huenda yakatusaidia sote kujitathmini.

Hawa wahariri wanasema kuwa hata wao wameshangazwa na mimi.
Wanasema waliona kitu katika maandishi yangu ndiyo sababu wakaomba kazi kwangu.

Lakini wameshangazwa na waliyoyakuta katika kazi hiyo.

Hawakujua ni kwa kiwango gani mimi nimeshuhubiana na duru za kisomi katika vyuo vikuu.

Wanasema hakuna mahali ambapo nimefikia ''peak'' ya kujieleza kama JF.
Wamesoma mijadala mingi (randomly) kwani si rahisi kusoma mmoja baada ya mwingine.

Walichogundua ni kuwa wengi wa wasomaji wanaokuja kutaka kujadili nami hawajui kina cha maji wanachoingia kuogelea.

Kina hiki kinawadhihirikia tayari wameshatumbukia na inakuwa tabu kutoka.

Wanasema wanashindwa kutoka kwa sababu ya ''ego'' hawataki kuonekana kuwa wameshindwa.

Hitimisho lao wanasema katika mijadala hii ndipo inapowadhihirikia kuwa wewe si kiwango chao cha wao kuweza kusimama na wewe na kushinda.

Haya ndiyo waliyoyaona.
Wanasema hakuna ''majivuno,'' ''majisifu'' nk. katika uandishi wangu.

NB:
Hawa wahariri tunao humu ndani wanatusoma kila siku.
 
Wewe mzee story zako zinafurahisa sana wakati mwingine. Hivi unafikiri muuza make-up kwenye kwenye kikapu(yani kama leo hii hawa hawa vijana wetu wanozunguka kupaka wanawake rangi kucha na kuosha miguu yao) angeweza kusimama kupambana na Waingereza awanyang'anye nchi na awe katika uwanja sawa na Nyerere ambaye alikuwa Mwalimu(taaluma iliyokuwa ikiheshimika sana kipindi hicho) msomi wa degree mbili kutoka vyuo vikubwa duniani!
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…