PostGE2025 Nilichokishuhudia kwenye maandamano: Serikali ya Tanzania imeshindwa vita

PostGE2025 Nilichokishuhudia kwenye maandamano: Serikali ya Tanzania imeshindwa vita

Conversations and stories after Tanzania's 2025 General Elections
Mkuu umeandika vizuri. Vyombo vya ulinzi vilitumia nguvu nyingi sana kuzuia waandamanaji, vikapitiliza na kuua watu wasio na hatia majumbani kwao.

Kwenye changamoto kama hiyo inategemewa kwanza riot police watumie njia za kudhibiti maandamano kama risasi za mpira, maji ya washawasha, mabomu ya machozi. Ila wao walianza moja kwa moja kwenye risasi za moto kama vile wanapambana na magaidi. Gaddafi alianza hivihivi kwa nguvu nyingi mpaka pale waandamanaji walipoanza kujibu na ikawa hakuna anayeweza kurudi nyuma tena.

Sasa raia wana chuki nyingine ya ziada, wakati mwanzoni walikuwa na chuki na utekaji, kuminywa demokrasia na ufisadi.
 
MALCOM LUMUMBA said:
Hili mbona ni dogo sana ndugu yangu.

Kuna silaha zimepita mpaka fulani hivi zimefika Dar Es Salaam nyingi mnoo.

Kiukweli mpaka kufika 2027 dunia nzima haitaamini kwamba hawa ni watanganyika. ​
Click to expand...
We usinambie kwamba vijana wa Gen-Z wanaletewa silaha Kwa magendo, hii mbona harufu ya uasi au civil war. Ee Mungu tuepushe na janga hili.
 
Bhikalamba said:
Ulikuwa ulibeza juu ya maandamano, lakini mwisho wa siku yakatokea. Cha misingi watanzania tulinde Amani yetu yaliyotokea MO29# yasijirudie tena. Serikali iwakanye machawa wao kutoa kauli za kubeza au kuchochea vurugu. Pia serikali itende haki na kudhibiti utekaji.
Click to expand...
Maandamano au uporaji?
 
HIMARS said:
Kisasi lazima kilipwe, sasa watu wanafanya marking tu kujua nani anaishi wapi, hivyo ikianza utashangaa ni surprise tu machawa wote wanakuwa homeless ndani ya siku
Click to expand...
Kuna mambo watu wanafanya bila kufikiria

Mfano umeuwa watoto wangu, na wewe unakoishi napajua. Kwa kuwa unanizi nguvu na mamlaka nitamwachia Mungu kwa muda tu, lakini you will pay the price hata kama baada ya miaka 20 mbele.

Dhambi ya kuua usiifanya ukadhani watu watasahau, never.

Mwandishi ameeleza vizuri hiki ndio kinafanya vita Congo, Somalia, Sudani na Kwingineko isiishe. Yule uliyemuulia ndugu zake atakimbia muda ule ambao unamzidi nguvu, akipata upenyo analianzisha upya.

Tusiende mbali kwani Rwanda 1994 ilikuwaje? Ndugu zake Kagame waliuwawa miaka ya 70 na 80. Waliousika wamekuja kulipa Gharama 2000s iwe familia zao au wao wenyewe.

Mungu atuepushe na dhambi za kuua hazichagui, madhara ni kwa nchi nzima
 
gallow bird said:
Maandamano au uporaji?
Click to expand...
Whatever you call it, but it happened in almost every part of our country. Kiburi na kubeza hakusaidii kitu, ndo maana hata Rais Kwa kuliona hilo , ameamua kuachana na machawa na kuamua kubadilisha mtazamo na Sasa anaongelea maridhiano, misamaha kujenga demokrasia. Yangekuwa hayakutokea angebaki na kauli za kubeza za akina Wasira, wenye mawazo ya kale wasijue nchi na Dunia imebadilika sana.
 
T14 Armata said:
Mkuu umeandika vizuri. Vyombo vya ulinzi vilitumia nguvu nyingi sana kuzuia waandamanaji, vikapitiliza na kuua watu wasio na hatia majumbani kwao.

Kwenye changamoto kama hiyo inategemewa kwanza riot police watumie njia za kudhibiti maandamano kama risasi za mpira, maji ya washawasha, mabomu ya machozi. Ila wao walianza moja kwa moja kwenye risasi za moto kama vile wanapambana na magaidi. Gaddafi alianza hivihivi kwa nguvu nyingi mpaka pale waandamanaji walipoanza kujibu na ikawa hakuna anayeweza kurudi nyuma tena.

Sasa raia wana chuki nyingine ya ziada, wakati mwanzoni walikuwa na chuki na utekaji, kuminywa demokrasia na ufisadi.
Click to expand...
Kuna wakati kama walichanganyikiwa
 
MALCOM LUMUMBA said:
The Tanzania we grew up in, is gone and it will never come back.
Click to expand...
Maneno haya yamenifanya nitokwe na chozi
MALCOM LUMUMBA said:
SIYO RAHISI KUANGUSHA DOLA, lakini miaka yote hapa Tanganyika serikali imetawala kimabavu kwasababu watu wamekuwa hawana vitu vikubwa viwili: UJASIRI na SILAHA. Matukio ya kutokea tarehe 29 Oktoba 2025, yamewapa Watanganyika kitu ambacho hawakuwa nacho kwa muda mrefu, UJASIRI. Matukio mliowafanyia yamepelekea wao kutafuta kitu cha pili ambacho ni SILAHA.
Click to expand...
Pascal Mayalla pitia uzi huu naamini una chakujifunza, huwaga sisi binadamu tuna dondoka na kuinuka na kwishwa kujifunza wapi tulikosea.
 
Bhikalamba said:
Ulikuwa ulibeza juu ya maandamano, lakini mwisho wa siku yakatokea. Cha misingi watanzania tulinde Amani yetu yaliyotokea MO29# yasijirudie tena. Serikali iwakanye machawa wao kutoa kauli za kubeza au kuchochea vurugu. Pia serikali itende haki na kudhibiti utekaji.
Click to expand...
Serikali hii ikitenda HAKI sawasawa na madai ya wananchi obviously inatoka Madarakani. Je,wapo tayari kwa hilo?
 
Bush Dokta said:
Ila bongo nyoso tunaishi kwa neema ya Mungu tu. Machafuko ya siku tatu tu tayari njaa mtaani imeshatamalaki, je yangeendelea wiki mbili tu vita ingeisha maana hadi makachero wangekufa njaa
Click to expand...
Tungeenda wiki zaidi ina maana FUEL ndiyo ingeanza kupanda bei na MTEJA mkubwa angekuwa ni SERIKALI kwasababu itabidi magari yote ya jeshi vikosi vya usalama Tanzania nzima yajazwe mafuta na kuwa barabarani masaa 24. Hili lingepelekea kabisa jeshi kupewa kipaumbele hivyo magari ya raia yangebaki ndani tu.

Mara ya kwanza wangefanikiwa kwasababu ya ruzuku za hapa na pale, lakini ikiendelea itakuwa mzigo kwasababu mafuta hayo hayatumiki katika uzalishaji, na serikali itaanza kuona mzigo mzito kwasababu inatumia tu, haingizi. Kuagiza kwa waarabu haitawezekana kwa haraka maana meli za majini hutumia zaidi ya siku 10-12 ikitegemeana na spidi. Mwishowe serikali itaanza kufanya kama vita ya Kagera, manunuzi ya kukopa jambo ambalo ni hatari mno.

Huku mtaani mfumuko ambao utatokea siyo wa dunia hii. Pia kwasababu serikali imepoteza usimamazi basi kitu kiitwacho WAR-PROFITEERING/WAR PROFITEERING ambacho hakiruhusiwi kabisa wakati wa majanga ya kitaifa. Mwaka 2020 kipindi cha UVIKO-19, bei za bidhaa zilianza kufumuka na ikafika wakati watu walianza kuuza Barakoa (Masks) hadi elfu 7. Sanitizers za Detol zilifika hadi elfu 18 ndani ya usiku mmoja.

Serikali ilikuwa imedhibiti nchi basi ikafanikiwa kudhibiti mfumuko wa bei wa kihuni kama huu. Mwaka huu 2025, nimeelewa na ninakiri kabisa kwamba Marehemu JPM tulimkosea mno, mimi nikiwa kinara hasahasa kwenye suala zima la UVIKO-19. Kama angeweka Lock-Down kipindi kile basi watanzania wengi mno wangepoteza maisha na uchumi wa nchi ungeporomoka ndani ya wiki tu. Lakini jambo jingine, Serikali ilikuwa haina uzoefu na CURFEWS.

Hii ndiyo CURFEW kubwa kuwahi tokea nchini Tanganyika. Hivyo vyombo vya usalama havikuwa na uzoefu wowote ule, wala miongozo ya nini kifanyike endapo jambo kama hili limetokea. Inaweza isiwe MACHAFUKO bali MAGONGJWA yakalipuka, fahamu kabisa CCM + TISS + TPDF + MINISTRY OF HEALTH + MINISTRY OF TRADE hawana uzoefu wowote ule na Watanganyika tutakufa sana.

NCHI ZA WENZETU, huwa zinaandaa miongozo ya kufuata kipindi majanga ya kitaifa (National Crisis) yametokea. Viwanda gani havitakiwi kufungwa, taasisi zipi za kifedha hazitakiwi kufungwa, masoko gani ya kifedha yanakuwa wazi, barabara zipi zinakuwa wazi na watu wanapita kukaguliwa wanapoenda kununua mahitaji pamoja na kusindikizwa na vyombo vya usalama.

Pia bidhaa gani ambazo zinapigwa marufuku kuuzwa, mfano FUEL, AMMONIUM, na COMBUSTIBLE CHEMICALS ambazo zinaweza tumika kutengeneza silaha za milipuko. Marekani walikuwa wanafanya simulations mashuleni, endapo vita vya kinyuklia vitatokea wafanyaje haraka. Hapa kwetu taasisi za kiusalama zilikuwepo tu, na kwasababu zimejikita kwenye kupambana na watanganyika hasahasa WAPINZANI, mambo nyeti kama haya hawakuwahi kuyafikiria kama yangetokea. UKWELI NI KWAMBA, tumepulizwa na upepo, uchi wetu umeonekana na dunia nzima wamefahamu kwamba kumbe Tanzania haivaaagi chupi.

NILISHUHUDIA: Bodaboda walikuwa wanalipwa Elfu 30 kwa safari ya kupeleka mahitaji kutoka MWENGE hadi MASAKI. Mkate wa Elfu 1 ukiuzwa hadi Elfu 4. Nyama robo ikifika Elfu 5 hadi 6 baadhi ya maeneo Dar Es Salaam.
=====================================================================
Watanganyika wangeendelea kukaza hata siku tano zaidi, serikali nzima ingeanguka kwasababu NJAA INGETAMALAKI na watu wangeingia mtaani kufanya vitendo ambavyo wangevijutia na wala asingekuwepo mtu wa kuwazuia. Ila kama ulivyosema TANGANYIKA huwa tunaishi kwa HURUMA ZA MUNGU TU, ila kiukweli sisi ni A POTENTIALLY FAILED STATE. Yakitokea majanga kama haya basi hakuna atakayesalimika. ​
 
MALCOM LUMUMBA said:
Kila machafuko huwa ni fursa kwa watu. Hilo la mikono ya watu nitalisema siku nyingine, ila kuhusu maandamano na vurugu niseme tu kwamba nimeyashuhudia yote tokea yanaanza siku za kwanza sijasimuliwa: Vijana wanapigwa risasi na kukimbizwa hospitali nimeona, Kufukuzwa na magari ya jeshi nimeona, Nimesikia maneno ya vijana waliondamana na nikaogopa mno, Nimetembea mitaa ambayo ilifungwa (Lock-Down) nikashuhudia uharibifu, lakini kubwa nilitembea sehemu chache na kushuhudia jinsi ambavyo vitu vilipanda bei ndani ya usiku na kuona biashara haramu zikitamalaki na nimeshuhudia hadi watu wakigombania chakula hotelini kwasababu kilikuwa kimeisha.

Nachelea kusema serikali ilipoteza uwezo wa kuongoza Tanganyika kwa muda mfupi mno. Hawakujiandaa kwa jambo la namna hii na hawakuwa na kitabu (Script Book), zaidi zaidi ya kile cha 2001 Zenji, 2014 Mtwara, 2017 Kibiti. Mbinu na kitabu kilichotumika Kibiti na kina Mafwele ndicho waliamua kukitumia Tanganyika kote. Endapo Tanzania itaingia kwenye vita kama kubwa kama ile ya Kagera hata na nchi kama Rwanda au Uganda, amini nakwambia hatuwezi kumaliza mwezi nchi itakuwa ishapasuka vipande-vipande na serikali imeanguka.

JAMBO LA MUHIMU KUFAHAMU NI HILI: Every war is won on logistics not fighting alone. Serikali ya Tanzania ilizidiwa mno akili na walioratibu maandamano ambao ukweli ni kwamba FingerPrints za matukio zinaonesha kabisa kwamba ni wataalamu waliokubuhu wa mambo ya usalama hasa THE DARK ARTS OF INSURRECTION.

Kuhusu Logistics, maandamano rallying point yake ilikuwa ni UFUFUO NA UZIMA na UBUNGO INTERCHANGE/KIJAZI INTERCHANGE. Kimkakati KIJAZI INTERCHANGE ndiyo njia panda ya kimataifa muhimu kuliko zote Afrika Mashariki (The Busiest Interchange in East Afrika). Ukizingatia mji wa Dar Es Salaama ulivyokaa maelfu ya magari yanayotokea G/Mboto, Kimara, Mwenge na Magomeni yote hukutanikia KIJAZI INTERCHANGE.

Polisi na Wanajeshi wametawanywa Dar Es Salaam kote. Wataalamu walichofanya ni kufunga njia ya panda ya Kijazi (Barricaded the Kijazi Interchange) jambo ambalo lilisababisha magari yote kusimanana na foleni kubwa kufumuka. Ukifunga pale hata dakika 40 tu, foleni itafika hadi ndani ya muda mfupi sana Morogoro.

Ile Kijazi imefungwa, Mobility ya Riot Police ikawa ngumu kufika kwa haraka maeneo ya tukio. Hapa vijana wakajigawanya wengine wanaenda Shekilango Sinza, wengine Mwenge, na wengine Kimara wakishambulia kwanza vituo vya wapiga kura na kuharibu kila kitu. Hivyo adhma yao ya kuzuia uchaguzi ilifanikiwa kwa asilimia 100%.

Jambo jingine kuhusu vita ni The Element of Surprise. Waandamanaji walisema kwamba wangeanza kuandamana saa 12 asubuhi, lakini hawakufanya hivyo. Mpaka kufika saa 3 asubuhi serikali iliamini kabisa imeshashinda na mitandaoni nikaanza kuona maafisa wa usalama wa serikali, makada wa CCM na machawa wakianza kusherehekea kwa kubeza kwamba "Kiko wapi" ???

Muda ambao serikali ilidhani imeshinda, ndiyo vijana wakashambulia. Taharuki kubwa kwa watanzania na vyombo vya usalama wote tukishangaa imewezekanaje watanganyika hawa ambao wamelelewa maisha ya kuogopa wameingia kwa wingi vile barabarani. Nchi nzima haikuamini kinachotokea na ndipo kampeni kubwa ya Propaganda ikaanza kusambaa kama moto na sehemu zote Tanzania zikawaka moto kwa wakati mmoja, jambo ambalo serikali haikuwa na mbinu ya kulizima zaidi ya kutumia mabavu na kuendesha mauaji ya kikatili.

Muandamanaji wa kawaida ambaye anafanya maandamano kwa mara ya kwanza lazima anakuwa na woga na hajajipanga. Tanganyika watu walijipanga mno, na kila kilichofanyika Dar Es Salaam kilifanyika Mbeya, Mwanza, Arusha, Dodoma na Mara. Waandamanaji walishambulia vituo vya wapiga kura na kuviharibu, walianza kuchoma mali za makada wa CCM, kuharibu mabango ya Raisi Samia kwa kuyashusha chini na kuyatia kiberiti, ila baya zaidi ni kwenda kutembelea nyumba za vigogo wa CCM kuzichoma au kuwatafuta wanafamilia wao.

Sheli za Lake Oil zimeshambuliwa Tanzania kote. Hapa Dar Es Salaam kuna sheli nyingi mno kutoka Kijazi hadi Tabata, Mwenge, Shekilango na Magomeni ila kwanini walishambulia Lake Oil vile ??? Kuna sehemu niliwaona vijana waandamanaji wakichukua tairi kwenye duka la Mzee fulani wa kiislamu wakitaka walichome, yule mzee alitoka na kuwaambia hapo ndipo anapatia riziki ya kusomeshea watoto wake. Wale vijana waliacha mara moja na kurudisha yale matairi.

Ndiyo kwenye kila machafuko wizi na uharibifu usio na mantiki hutokea kwasababu kwenye kila msafara wa mamba kenge pia wamo. Ila ukilinganisha Tanganyika, Zanzibar au Kenya, hapa watu walikuwa wamejipanga mno na uharibifu kwa mali ambazo siyo za makada wa CCM ulikuwa Minimal.

KUBWA ZAIDI LA KUWATAARIFU: Hakuna kipindi Jeshi la Polisi limepoteza watu kama kipindi hiki. Polisi waliuwawa sana Mwanza na Mbeya. Aliyepiga marufuku Petrol kuuzwa alikuwa na akili mno. Mbeya walishaanza kutengeneza Molotov-Cocktails ambazo zilitumika kuwashambulia polisi.

Jambo ambalo watanganyika walikuwa hawalifahamu ni kwamba zile vurugu zingeendelea zaidi ya wiki, vyombo vya usalama vilikuwa nimeshaishiwa na akiba ya vifaa vya kutuliza vurugu. Gas Cannisters, Bullets and Petrol/Fuel vilikuwa vinaenda kuisha kabisa. Tangu siku ya kwanza walikuwa wanafyatua Gas Cannisters na Smoke Bombs ambazo Tanganyika haizitengenezi bali inaagiza nje. Walichofanya ni kuua watu na kuhakikisha mji unafungwa halafu wakawa wanapita kila baada ya masaa kadhaa wanafyatua risisi na mabomu kuonesha kwamba wako maeneo, ila ukweli ni kwamba viliisha na ingeendelea zaidi yangeikuta serikali.

SOMO KUTOKA LIBYA 2011: Serikali ya Ghaddafi ilitumia nguvu kubwa mno ya kijeshi kupambana na waandamanaji. Alikuwa anaenda kuwashinda maaduia, tatizo ni kwamba serikali iliishiwa na silaha kama risasi, mizinga na mabomu ambayo Libya aliagiza nje. Fahamu fika kwamba, silaha haziuzwi kama Pipi na Biskuti. Unapoagiza silaha nje ya nchi, unaweka order kabisa na zinazalishwa na kuanza kuletwa kwa miezi kadhaa.

TATC-NYUMBU hawawezi kuchonga risasi katika ngazi ya kiviwanda (An Industrial Scale), hawana watu wengi hivyo pia hata materials wanaagiza nje. Hivyo serikali ya Tanzania ingetumia mbinu ya kwenda kununua kwa majirani kama Zimbabwe, Mozambique, Burundi, au kuomba kwa Uchina, Urusi na Korea-Kaskazini jambo ambalo lingechukua muda mrefu sana.

NAMALIZIA NA HILI: Maandamano yalivyokuwa yanaanza, wanajeshi wengi kule MWENGE walikuwa wanawahamasisha watanzania watoke nje. Sehemu nyingine wanawaambia watanzania msichome kwanza, toeni mitungi ya gesi. Sehemy nyingine kama Sinza-Remi Ongala alishuka mzee na gari yake akatoa mapesa kuwapa vijana kama hongera ya kuandamana.

=================================================================
SIYO RAHISI KUANGUSHA DOLA, lakini miaka yote hapa Tanganyika serikali imetawala kimabavu kwasababu watu wamekuwa hawana vitu vikubwa viwili: UJASIRI na SILAHA. Matukio ya kutokea tarehe 29 Oktoba 2025, yamewapa Watanganyika kitu ambacho hawakuwa nacho kwa muda mrefu, UJASIRI. Matukio mliowafanyia yamepelekea wao kutafuta kitu cha pili ambacho ni SILAHA.

DOLA ingechanga karata zake vizuri kama Kenya na Ruto, maandamano yangeishia kuwa baina ya Gen-Z na serikali. Hata wazazi wangetumiwa kuwakemea watoto wao kwa madhara waliyoyasababisha au kufuata mkumbo. Lakini bahati mbaya sana ni kwamba mlipoanza kuwauwa hawa watato mlitengeneza MAELFU YA MISIBA. Hapa kwetu Tanganyika MISIBA ni suala la jamii nzima na siku zote MAREHEMU HUWA HANA DHAMBI, hata awe ni mkorofi kivipi.

Umemuaa AIKAMBE wa Kimara, ambaye ni mtoto kwenye familia ya SHIRIMA yenye watoto 4. Hao watoto wana marafiki zao wengine ambao watakuja kwenye msiba. Hata wazazi wa AIKAMBE hata kama wanafahamu mtoto wao ni Mkorofi watapata sababu ya kuhalalisha ukorofi wake kwa jinsi ambavyo ameuwawa kikatili. Mwezi wa 12 familia ya SHIRIMA huwa inakutana Krismasi kule Kilimanjaro.

Hivyo watapeleka huu msiba na mazungumzo makubwa huko yatakua ni jinsi AIKAMBE aliuwawa kwa amri ya SAMIA na KIKWETE. Ugomvi unageuka kuwa wa UKOO dhidi ya SERIKALI, jambo ambalo linaenda kutokea Kilimanjaro yote.

Sasa jambo kama hili linaendelea kutokea kule MBEYA kwa wakina Gwakisa na wazazi wake. Kule Mwanza kwa marehemu Mwololoku na Mzazi wake MAZIKU. Kule Mara kwa marehemu Masiko na wazazi wake kina MWITA. Hicho nachokisema hapa ni moja ya sababu kubwa kwanini vita haiwezi kuisha kule IRAQ, YEMEN, SYRIA na LEBANON.

=================================================================
Kila nikifiria siku za mbeleni moyo wangu hugubikwa na majonzi na woga mkubwa. Siku hizi nashindwa hadi kulala vizuri, nalala saa kumi usiku nakuwa kwenye mawazo mengi sana. The Tanzania we grew up in, is gone and it will never come back.

=========================================================
NB: Maafisa Usalama wa Tanzania walishindwa kusoma alama za nyakati. Dalili kubwa kabisa ya vurugu hizi ilionekana siku ile vitu vya Mwendokasi na Mabasi yake vilivyoshambuliwa kwa Mawe. Ili ilitosha kuwakumbusha kwamba ni watu wa aina gani mnaoshughulika nao kipindi hiki. Walipoilazimisa serikali kinguvu kutoa mabasi walifahamu fika kwamba serikali inaogopa.

Wale walioandamana kutoka Kimara tarehe 29 Oktoba 2025, ndiyo haohao watumiaji wakubwa wa Mwendokasi ambao miezi miwili nyuma walishambulia mabasi hayo kwa mawe na kupambana na polisi. Hili liliwapita kichwani au aidha mlilipuuza. Kuna kitu tunaita The Salami Slicing Tactic, ambapo unaanza kumshambulia adui kidogo-kidogo, siku anaamka ushamkata mwili mzima. Watanganyika walianza na Mwendokasi, wakaja Uchaguzi, kinachofuata hakitapendeza kabisa.

CC: Chamoto , Bush Dokta , baz kaiza ​
Click to expand...
Asante sana MALCOM LUMUMBA.
Waliopo kwenye nafasi za kimaamuzi kwenye hili taifa, wameshapoteana na mbaya zaidi waendelea kuchochora kusiko eleweka.
 
Muhimbu said:
Kitendo tu cha wao kuzima internet na kisha kutumia silaha za moto kuwakabili waandamanaji ambao hawana silaha zozote, kimeonesha vyombo vyetu vya usalama vina watu wapumbavu mno, hawana waledi, ni wavivu wa kufikiri ndio maana waka opt njia ya shortcut iliyogharimu maelfu ya watu ambao ni nguvu kazi ya taifa na mbaya zaidi hata hawajali.

Ukiongeza na lile la kuruhusu mamluki kutoka nje waje wasaidie kutuliza ghasia ndio kabisa limeonesha hili taifa linaloongozwa na wajinga.
Click to expand...
Shida kubwa ni ile kufata watu majumbani usiku, kupiga mageti risasi
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register