Roving Journalist
JF Roving Journalist
- Apr 18, 2017
- 5,352
- 15,876
TAARIFA KWA UMMA
Hoja ilianzia hapa ~ Shule ya Msingi Kishangazi (Tanga) ina Mwalimu mmoja, wengine wanashinda tu mtaani
Kufuatia taarifa hiyo Ofisi ya Mkurugenzi Mtendaji kupitia Idara ya Elimu Awali na Msingi imeanza kufanya ufuatiliaji ili kutambua kiini cha tatizo. Iwapo itabainika kuna mtumishi yoyote ambaye hatekelezi wajibu wake hatua za kinidhamu na kisheria zitachukuliwa kwa mujibu wa sheria na miongozo ya utumishi wa umma.
Aidha, Ofisi ya Mkurugenzi Mtendaji inatoa wito kwa wananchi wa Lushoto kuwasilisha kero kupitia Ofisi za Vijiji na Kata zao, ikiwa watakosa ushirikiano wafike Halmashauri kwa msaada zaidi au wanaweza kuwasiliana kwa mawasiliano yafuatayo; Simu namba: 027-2977216/ 027-297721, Barua pepe: [email protected], au barua ya kawaida kwa sanduku la Posta 32, Lushoto, au kuwasiliana moja kwa moja na Mkurugenzi Mtendaji kwa namba ya simu 0755-723 374.
Ili kuendelea kuwafikia wananchi na kutatua kero zao, Ofisi ya Mkurugenzi Mtendaji wa Halmashuari ya Wilaya ya Lushoto imeitenga siku ya Jumatano ya kila wiki kama siku maalum ya kusikiliza kero na kuzitafutia ufumbuzi ambapo kupitia ratiba maalum Timu ya Wataalam itapita Kata hadi Kata kwa lengo la kusikikiliza na kutatua kero za wananchi.
Imetolewa na:
Selemani S. Selemani
Kaimu Mkuu wa Kitengo cha Mawasiliano