Nyerere, Mwinyi na Kikwete walimhujumu nini Mengi?
Soma vizuri nilichoandika.
Mengi nimemtolea mfano katika awamu ya JK ,liko wazi kama unakumbuka alifukia mahali akaamua kuwataja Mafisadi Papa.
Mafisdi Papa ulitegemea walikua wako nyuma nani na tenda zote za serikali walishika wao mpaka kuagiza vifaa muhimu sana kwa usalama wa nchi .Yaani serikali inajenga mfumo wa Kibepari kwa kutumia wageni badala ya wenyeji wanaoumizwa na kodi na ushuru .
Nyerere alitaifisha Mali nyingi sana za watu wa kaskazini japo ilikuwa nia njema kwa ajili ya umoja wa kitaifa . Lakini. Mwinyi alipoileta Azimio la Zanzibar alitelekeza viwanda na vyama vya ushirika imara sana na wakulima wa kanda ya Kaskazini ikiwemo wakulima wa kahawa ,Ngano ,shayiri , wafugaji waliokua wanauza maziwa kwenye viwanda vya maziwa pale Arusha , wakulima wa mahindi na maharage n.k . Wananchi wakakoseshwa soko kwa makusudi na hayo mazao yakaokekana hayana soko kokote ndani na nje ya nchi .
Mkapa akauza mpaka nyumba za NHC .Eti sinaendeshwa kwa hasara . Akauza viwanda vyote vya Arusha na Moshi vilivyokuwa vinatoa ajira kwa maelfu ya vijana na akina mama wa Tanzania hasa wa ukanda huo . Wakabaki vijana wakabaji ,wavuta bangi wanaotembea na visu na bisibis mfukoni .
Mkapa aliwafulisi wafanyabiashara wengi pale Arusha akiwemo Verani Tango kwa kisingizio kuwa alikua anakwepa kodi .
Palikua na mtu anaitwa askofu alifilisiwa kwa tuhuma kuwa alimuunga mkono Mrema .Chuki za kisiasa .
Mkapa akawafukiza wazawa kwenye machimbo ya mererani kwa sababu tu walimzomea wakati wa Kampeni mwaka 1995 na kusukuma gari la Mrema.
Vijana wa mirereani wakageuka kuwa vibaka na wavuta bangi wasio na hela uchumi wa wenyeji wa Arusha ukayumba sana.
Mkoa wa Arusha ukageuka kuwa eneo la uhakifu na ujambazi wa kuuana kwa sababu uchumi wao ulivurugwa sana.
Akaja JK , alipomtoa Lowasa kwa sababu ya fitina za kisiasa na maslahi binafsi ndipo alipowapa Nguvu Hawa wahuni na wavamizi wa rasilimali xa umma wakiwemo waarabu wa Loliondo na wamisri waliokua wanamchukia Lowasa kwa sababu alifanya maamuzi magumu kutumia maji ya Ziwa Victoria kuwanufaisha watanganyika . Vita ikaanza chini chini kuhakikisha Lowasa hatoboi maana walijua akitoboa Nchi ya Loliondo itatarudi katika utawala wa Tanzania .
Mengi akawa ni mtu jasiri na msema kweli akapigwa vita sana . Walijaribu kumfanya awe chawa akakataa kuwa chawa wa wanasiasa.
Akaja JPM , huyo alifunga mpaka Mirerani eneo ambalo wenyeji walilivumbua wenyewe na kuchimba madini kwa juhudi zao wenyewe bila msàada wowote wa serikali zaidi ya aerikali kushindwa kuweka mfumo wa kukusanya kodi kwa haki bila hila na rushwa kwa maafisa wa Kodi.
Huyu pamoja na nia yake nzuri kwa Taifa lakni alikosea kutumia mguvu kubwa kuua upinzani ma uhuru wa watu wa Arusha kuchagua Mtu wa kusemea kero zao kwa wazi bila unafiki ambaye alikua ni Mtoto wao anayejua shida zao yaani Godbless Lema .
Matajiri wengi wakafa vifo vya utata kwa sababu ya mali zao kuhujumiwa . Hata Ndesamburo hatujajua nini kilitokea na Regnald Mengi pia mchezo gani ulichezwa ; Anyway Kifo ni kifo tu tuachane na hayo .
Awamu ya Sita inatumia nguvu kubwa kuwaziba wananchi midomo,kuwatisha watu,kuwapoteza na hata kuwaweka ndani na kuwajaza hofu lakni kwa drama ya hali ya juu sana ili ionekane kuwa wananchi wanafurahia uhuni huo .
Awamu ya Sita imepora ardhi kunwa sana ya wamasai na kuwapa Waarabu na wazungu .
Hatujawahi kusikia makonda akisema chochote kuhusu Ardhi ya Loliondo zaidi ya kwenda kula Bata kwenye nchi jirani ya falme za Kiarabu iliyoko Loliondo . Makonda akishinda ubunge na Samia akarudi tena kwa kishindo bila kuwa na bunge lenye wapinzani halisi ni wazi kuwa Mpango wa kuwahamisha wamasaidi utarudi kwa kasi na wataongezeka na Wahazabe kuondolewa kwenye ardhi yao yenye rutuba na mazingira ya asili yenye neema kubwa ili wapewe Waarabu na Wazungu .
Hakuna mtu mwenye akili timamamu anayependa kuona watu wanauawa au kupotezwa wakati kuna sheria .
Usanii wa awamu hii ni mkubwa sana na unafanyika Kwa kutumia mbinu nyingi ikiwemo ile ya kumpeleka Makonda pale Arusha ili aonyeshe kuwa anapambana na ufisadi wakati ananufaika na mafisadi na mabilionea wakubwa huku akijifanya kusikizliza shida ambazo kimsingi zinasababishwa na mifumo mibovu waliyoiasisi wao wenyewe ili kuwafanya wananchi kuwa watu wasiojua haki zao.
Kama wapinzani hasa Chadema hawana mpango wa kugombea basi ni bora kumchagua Mbunge wa ACT kuliko kuacha jimbo hilo kikaenda kwa Makonda wa CCM . Wanaarusha mtalia na kusaga meno hasa huyo mtu kwa bahati mbaya sana akawa waziri . Atawaumiza sana wale wanayoipinga serikali na pia atatumia kila mbinu kuwamaliza wapinzani wake kisiasa kwa namna yoyote ile . Ni kati ya watu hatari sana kwa uhai wa binadam. Binadamu Ukiingia kwenye anga za Makonda ni bora uingie kwenye mto wenye mamba maana anaweza akatokea kiboko akakuokoa.
Wana wa Arusha na Wapenda Haki na umoja, upendo na mshkamano msipokuwa makini Mtakuja kukumbuka shuka asubuhi kukiwa kumepambazuka
