Rais wa Jamhui ya Muungano wa Tanzania, Samia Suluhu Hassan akutana kuzungumza na waandishi wa habari Ikulu, Dar es Salaam leo Juni 28, 2021
Updates:
Deodatus Balile, Mwenyekiti - Jukwaa la Wahariri
Tangu ulivyoingia madarakani hakuna redio iliyofungiwa, gazeti lililofungiwa, mtandao au akaunti iliyofungiwa wala Mtanzania aliyefikishwa mahakamani kutokana na kutoa maoni mtandaoni. Tunakushukuru sana.
Tuna changamoto nyingi. Kwa uchache sana naomba nipitie mambo ya msingi ambayo yanaathiri vyombo vya habari ambayo naamini yote yanatugusa.
Hali ya Uchumi wa Vyombo vya Habari
Kuna baadhi ya magazeti na redio ambayo yameamua kujifunga wenyewe kutokana na uchumi ambao ni mbaya sana kwa vyombo vya habari kwa miaka 6 iliyopita. Na hii ni pamoja na magazeti ya Habari Corporation kujifunga na kushindwa kujiendesha.
Kulikuwepo kanuni ya kimyakimya kuwa vyombo vya habari vya binafsi visipewe matangazo na matokeo yake serikali ndiyo mtangazaji mkuu, vimeishia kufa kifo cha asili.
Bahati mbaya hata wale waliopata matangazo, bahati mbaya hayalipwi kwa wakati.
Tunaomba kumshukuru Waziri Mkuu Kassim Majaliwa kuwa alipokuja Morogoro kufungua Mkutano wa Jukwaa la Wahariri Tanzania, Mei 20, alituambia tukusanye hayo madeni yote na tuyapeleke ofisini kwake. Tumeyakusanya; jumla kampuni 8 zimewasilisha madeni na deni lipo kati ya Shilingi Bilioni 6.5 hadi Bilioni 6.8
Waziri Mkuu alisema angeangalia namna kufikia Juni 30 deni hili liwe limelipwa.
Mh. Rais, tunaomba uongezee nguvu uamuzi hu una nia njema ya Waziri Mkuu tuone kama tunaweza kuvikomboa vyombo vya habari, maana vinakufa kifo cha asili.
Tunaomba utusaidie kufuta hii kanuni ya kimyakimya ya kuvinyima matangazo vyombo vya habari binafsi
Tunaomba urejeshe utaratibu wa Serikali kutangaza na vyombo vya habari bila kujali ni binafsi au serikali.
Kwa nchi za wenzetu wameangalia hali za waandishi wa habari na vyombo vyao na wakaweka ka-stimulus package ili kuvipa ruzuku ya kuvirejeshea uhai ambavyo vinakufa. Ikikupendeza Mh. Rais, uliangalie hilo kwa hapa Tanzania.
Idara ya Habari kuna Vyombo vinne ambavyo wakati mwingine vinafanya kazi zinazofanana na ni vigumu kutekelezeka
Mbaya zaidi hilo linaloitwa Baraza Huru la Vyombo vya Habari halina chanzo cha mapato, wanasema tutatafuta kwa Wafadhili waweze kuliendesha
Nchi nyingine Baraza hili linapata pesa kutoka kwa Serikali lakini hapa kwetu kuna hoja dhaifu kuwa, likipata fedha kutoka kwa Serikali litawekwa mfukoni
Jukwaa la Wahariri tunajiuliza, mbona Bunge inapata pesa kutoka kwa Serikali na halijawekwa mfukoni?
Kwa bahati mbaya hata Mpango wa Dira ya Maendeleo ya Taifa ya 2025 haina hata kifungu kimoja kwenye kurasa 42 za Mpango huo kinachoonesha jinsi ya kushirikisha Vyombo vya Habari
Matokeo yake wanatarajia Vyombo vya Habari vitangaze Mpango huo
Innocent Bashungwa, Waziri - Habari Utamaduni, Sanaa na Michezo
Tupo kwenye hatua za mwisho kufanya vetting ili tuweze kuanzisha Bodi ya Ithibati. Pamoja na kuanzishwa huko, tutakuwa na Baraza huru la Wanahabari na Mh. Rais , Sheria hii iliangalia hili jambo ili kuweza kuleta mazingira ya Utawala Bora kwenye tasnia ya habari kama ilivyo kwenye Wizara ya Elimu tuna TCU.
Bodi hii ya Ithibati ya wanahabari ni chombo ambacho kinakuwa independent na kinatatua changamoto za tasnia ya habari kwa kupitia wadau wenyewe. Haraka iwezekanavyo tumemuomba Katibu Mkuu Kiongozi atusaidie kukamilisha utaratibu wa kupata wajumbe na lipo katika hatua za mwisho.
Samia Suluhu Hassan, Rais - Jamhuri ya Muungano wa Tanzania
Vyombo vya Habari vina mchango mkubwa kulinda Umoja wa Kitaifa, Usalama Nchi, Kuchochea shughuli za maendeleo. Vinasaidia Kufichua Maovu kwenye Jamii ikiwemo uzembe kazini, rushwa na ubadhirifu wa mali za Umma
Nawapongeza kwa kazi nzuri mnayoifanya kwa nchi yetu
i. Vyombo vya habari kunyimwa matangazo
Hili la Vyombo vya Habari kunyimwa matangazo, sijalikuta mezani kwangu
Kuna ushindani katika kupata matangazo
Kule Zanzibar tunayo Suluhu Network TV, mpaka leo mishahara tunachanga! Hatujapata matangazo ya kuendesha kituo
ii. Madeni
Suala la Madeni, nitashirikiana na Waziri Mkuu yalipwe kidogokidogo. Lakini lazima tuyahakiki kama ni madeni halali
iii. Stimulus package
Stimulus package kwaajili ya athari za #COVID19 kwakweli ni changamoto
Tunaweza kuliangalia huko mbeleni, hata Uchumi wenyewe wa Taifa unapitia wakati mgumu
iv. Leseni kulipiwa kwa Dola
Suala la Leseni kulipwa kwa Dola hata nami naliona kuwa ni changamoto > Hatuwezi kuwa Watumwa wa Sheria tunazozitunga. Tutakaa kitako tuangalie tunakwendaje
v. Kazi ya Urais
Kazi ya Urais ni ngumu, lakini urais ni Taasisi
Rais hafanyi kazi peke yake; ndani ya Ofisi yake kuna Wasaidizi kadhaa lakini si rahisi kihivyo. Inabidi ujue kila kitu kinachotokea, usome na utafute
Inakuwa ngumu zaidi kama hukujipanga kuichukua
vi. Siku 100 Madarakani
Katika siku 100 nilizokaa madarakani, kuna ambayo nami nimesikia yamefanyika nami nikashangaa
Tumehimili vishindo; thamani ya pesa yetu bado iko imara na mfumuko wa bei umedhibitika
Tuna akiba ya takribani Dola Bilioni 4.97 hivyo uhakika wa kujiendesha miezi 6 upo
vii. Idara ya Habari kwenda Wizara ya Teknolojia ya Habari
Kuhusu pendekezo la Idara ya Habari iende kwenye Wizara ya Teknolojia ya Habari, tutakaa tuyaangalie kwa pamoja
Tukiwa na 'justification' ya kutosha basi tunaweza tukaamua vinginevyo
viii. Kukabiliana na Covid 19
Kuna wanaoona hatuko serious ktk mapambano dhidi ya Covid 19
Nilipoingia madarakani nilitamani tupambane na ugonjwa huu kama wanavyofanya mataifa mengine
Tanzania tuna wagonjwa zaidi ya 100 wenye wimbi la tatu la Covid 19
Tumeamua tukubali chanjo kwa walio tayari
Tanzania tumeingia kwenye COVAX community
Wataalamu wetu wanafanyia kazi Chanjo ipi inafaa kwa Watanzania
Kuna mashirika mengi wamejitokeza kutaka kusaidia Watanzania lakini lazima wataalamu wetu ndio watoe ushauri kitaalamu
Mapambano ya Covid 19 si ya Serikali tu. Sisi kama Serikali tunahimiza yale yanayoshauriwa na wataalamu; kama unaamini kwenye kupiga nyungu - wewe piga. Kila mmoja atekeleze wajibu wake. Jikingeni sana na wakingeni watoto
Tuna $470m za kuagiza chanjo na vifaa vya kupambana na Covid 19
ix. Teuzi za viongozi
Kwenye teuzi hatuwezi kumchukua kila aliyesema “CCM OYEE”
Kwenye teuzi kuna waliokuwa wapinzani, kuna wasiokuwa na vyama na hata wana CCM. None is left behind
x. Uwekezaji nchini
Wawekezaji waliosajiliwa kuanzia Machi hadi Mei ni mara mbili ya waliojitokeza kipindi kama hiki mwaka jana
Naendelea kufungua milango ya kukuza uchumi
xi. Katiba Mpya
Naomba nipeni muda kwanza niisimamishe nchi kiuchumi halafu tutashughulikia mengine
Tutashughulikia Katiba Mpya lakini Vyama vya Siasa viendelee kufanya Siasa kwenye maeneo yao > Sisemi Katiba sio ya maana, ni ya maana sana
