Roving Journalist
JF Roving Journalist
- Apr 18, 2017
- 5,352
- 15,876
Rais Samia akitembelea Barabara ya Mzunguko Dodoma (Km. 112.3) na Kuzungumza na Wananchi, leo tarehe 14 Juni, 2025.
====
Rais Samia ametembelea na kukagua maendeleo ya ujenzi wa barabara ya mzunguko wa Dodoma yenye urefu wa kilomita 112.3. Akiwa katika hafla hiyo iliyofanyika Mtumba, Dodoma, Rais Samia alizungumza na wananchi na kueleza dhamira ya serikali kuendeleza miradi ya kimkakati kwa ajili ya maendeleo ya taifa.
Hafla hiyo fupi ilihudhuriwa pia na Rais Mstaafu wa Awamu ya Nne, Dkt. Jakaya Mrisho Kikwete, pamoja na mgeni rasmi wa Rais Samia, Rais wa Benki ya Maendeleo ya Afrika (AfDB), Dkt. Akinwumi Adesina. Rais Samia alisema kuwa mradi huo ni mkubwa na muhimu kwa maendeleo ya Tanzania, hivyo serikali inaendelea kutafuta mkopo nafuu, yaani mkopo usio na riba kubwa ili kuhakikisha utekelezaji wake unafanikiwa kwa wakati.
Akitoa taarifa kuhusu mradi huo, Waziri wa Ujenzi, Abdallah Ulega, alisema kuwa barabara hiyo ya mzunguko itapunguza kwa kiwango kikubwa msongamano wa magari jijini Dodoma. Aidha, itasaidia kuunganisha ushoroba wa kati wa nchi na barabara kuu ya Afrika inayotoka Afrika Kusini hadi Misri (Cape to Cairo).
Waziri Ulega aliongeza kuwa mradi huo unakadiriwa kugharimu takriban shilingi bilioni 131 hadi kukamilika kwake. Serikali inaendelea na mazungumzo ya upatikanaji wa fedha za hisani na mikopo nafuu kutoka kwa wadau mbalimbali wa maendeleo, hususan Benki ya Maendeleo ya Afrika.
====
Rais Samia ametembelea na kukagua maendeleo ya ujenzi wa barabara ya mzunguko wa Dodoma yenye urefu wa kilomita 112.3. Akiwa katika hafla hiyo iliyofanyika Mtumba, Dodoma, Rais Samia alizungumza na wananchi na kueleza dhamira ya serikali kuendeleza miradi ya kimkakati kwa ajili ya maendeleo ya taifa.
Hafla hiyo fupi ilihudhuriwa pia na Rais Mstaafu wa Awamu ya Nne, Dkt. Jakaya Mrisho Kikwete, pamoja na mgeni rasmi wa Rais Samia, Rais wa Benki ya Maendeleo ya Afrika (AfDB), Dkt. Akinwumi Adesina. Rais Samia alisema kuwa mradi huo ni mkubwa na muhimu kwa maendeleo ya Tanzania, hivyo serikali inaendelea kutafuta mkopo nafuu, yaani mkopo usio na riba kubwa ili kuhakikisha utekelezaji wake unafanikiwa kwa wakati.
Akitoa taarifa kuhusu mradi huo, Waziri wa Ujenzi, Abdallah Ulega, alisema kuwa barabara hiyo ya mzunguko itapunguza kwa kiwango kikubwa msongamano wa magari jijini Dodoma. Aidha, itasaidia kuunganisha ushoroba wa kati wa nchi na barabara kuu ya Afrika inayotoka Afrika Kusini hadi Misri (Cape to Cairo).
Waziri Ulega aliongeza kuwa mradi huo unakadiriwa kugharimu takriban shilingi bilioni 131 hadi kukamilika kwake. Serikali inaendelea na mazungumzo ya upatikanaji wa fedha za hisani na mikopo nafuu kutoka kwa wadau mbalimbali wa maendeleo, hususan Benki ya Maendeleo ya Afrika.