Mihula mitatu ya uongozi wa mwanamama shupavu aliyekuwa Waziri mkuu wa Uingereza Magareth Thatcher kutoka 1979-1990 ilihitimishwa kwa mabadiliko makubwa nchini Uingereza. Ni misimamo yake mikali iliyopelekea akapewa jina la 'The iron Lady'
Historia ya Margareth Thatcher ni ya kusisimua sana, kutoka watu kufikiri ataweza kweli mpaka kuwa kiongozi wa kuheshimika sana nchini Uingereza kwa kuleta mabadiliko na mageuzi makubwa mno kwenye Elimu, serikali za mitaa na Afya na hayo yalishuhudiwa kwenye muhula wa tatu wa uongozi wake ulioanza 1987 mpaka 1990. Kwa kifupi, ni kiongozi aliyeacha alama ya utumishi.
Kabla na baada ya kumaliza utumishi wake mijadala ilikuwa mingi juu ya sera za Margareth Thatcher kama ilikuwa ni muafaka kwa Uingereza, kuna waliombeza lakini leo hii kumbukumbu inayoishi juu ya Thatcher ni ya mazuri tu.
Baada ya kuisoma historia fupi ya Margareth Thatcher hususani juu ya mageuzi makubwa aliyofanya katika Elimu, afya na uongozi serikali za mitaa nimefarijika kwamba Rais Samia anaweza kuwa ni Thatcher wa leo.
Tanzania ya leo inahitaji Mapinduzi na mageuzi makubwa kwenye sekta mbalimbali. Kiu ya mabadiliko aliyokuwa nayo Thatcher kwa Uingereza ipo leo kwa Rais Samia kwa Tanzania.
Mageuzi katika sekta ya Afya kupitia 'bima ya Afya kwa wote' itasaidia upatikanaji wa huduma za Afya bora kwa kila mtanzania. Muswada wa bima ya Afya kwa wote ukipitishwa utawasaidia sana watanzania.
Mageuzi kwe kilimo, kupitia ajenda 10/30 ya kilimo biashara na ukuzaji wa pato la Taifa kupitia kilimi. Mageuzi hayo yatachochea uchumi wa nchi kukua kwa kasi.
Mageuzi katika sekta ya utalii ya kuhamasisha utalii na kufikia lengo la watalii milioni 5 kwa mwaka kufikia mwaka 2025 kutoka watalii milioni 1.4 kwa mwaka kwa idadi ya sasa.
Maboresho ya sheria mbalimbali na panapo Majaliwa ya Mwenyezi Mungu upatikanaji wa Katiba mpya yanasaidia nchi kuwa na utawala bora wa katiba na Sheria nzuri.
Kwa hakika Kuna mageuzi makubwa mno nchini , mageuzi yatakayobadili maisha ya watanzania na mtazamo wao juu ya Rais Samia kwa miaka ya baadae. Kama vile waingereza wa sasa wanavyomkumba Margaret Thatcher ndivyo ambavyo watanzania wa kesho watakavyomkumbuka Rais Samia.
Uongozi wa Rais Samia utakiheshimisha kizazi kijacho na pengine ataitwa 'The iron Lady"