Katika jamii yetu, ni kawaida kwa wanaume kuwekeza katika mali na kuhifadhi fedha zao. Hata hivyo, wengi hujikuta katika mawimbi ya maamuzi magumu kuhusu ni nani anapaswa kuwa mshiriki katika mali hizo. Kwa baadhi ya watu, chaguo lao ni kuweka mali zao na fedha zao kwenye jina la mama zao badala ya mpenzi wao.
Hapa kuna sababu tano ambazo zimenitia moyo kutamani kufanya hivyo:
1. Ulinzi wa Mali katika Nyakati za Mgogoro
Moja ya sababu kuu za kuweka mali kwenye jina la mama ni kulinda mali hizo wakati wa mgogoro, hasa wakati wa talaka au kutengana. Kwa kuwa mama sio mshiriki katika uhusiano wa kimapenzi, mali hiyo itakuwa nje ya mzozo wowote wa kisheria unaoweza kutokea. Hii inasaidia kuhakikisha kuwa mali yako inabaki salama na inalindwa.
2. Uhakika wa Urithi wa mali na fedha zako.
Kuweka mali kwenye jina la mama kunaweza kurahisisha mchakato wa kurithi. Kwa kawaida, sheria nyingi hupa wazazi haki ya kurithi mali za watoto wao. Kwa hivyo, kwa kuweka mali kwenye jina la mama, unahakikisha kuwa itakuwa sehemu ya urithi wake na inapita kwa familia yako.
Ni mara mia ukikata moto mali zote ziwe chini ya bi mkubwa kuliko kwenda kwa bi mdada ambaye kiasili atakwenda kwa mtu mwingine punde tu baada ya wewe kuondoka. Unaweza kuacha nusu ya mali ziende kwa mwanamke endapo kama mmepata baraka ya watoto.
3. Uaminifu na Utulivu wa Kifedha
Mama mara nyingi huwa mtu wa kuaminika na mwenye utulivu wa kifedha. Kwa kuweka mali na fedha zako kwenye akaunti yake, unaweza kuwa na uhakika kuwa fedha zako ziko salama na zitatumika kwa busara.
Mama wako anaweza kukusaidia kusimamia fedha zako, pamoja na miradi yako huku akiwa mstari wa mbele kuhakikisha kuwa zinatumika kwa mahitaji muhimu na kuwekeza kwa busara na wakati mwingine bila kuweka shurti wala mikwara ya kugoma.
4. Kuimarisha mahusiano na Mzazi wako.
Kuweka mali kwenye jina la mama ni njia nzuri ya kuimarisha uhusiano wako na mama yako. Unaonyesha uaminifu wako kwake na uthamini wako kwa mchango wake katika maisha yako. Pia, unahakikisha kuwa ana usalama wa kifedha na anaweza kutegemea msaada wako wakati wowote, ukizingatia ni mama ni mtu ambaye atakuwa nawe kwa uzima na ugonjwa.
Kwa kumalizia, kuweka mali kwenye jina la mama ni chaguo la kibinafsi ambalo linapaswa kufanywa kwa uangalifu. Kwa kuzingatia sababu hizi tano, unaweza kufanya uamuzi sahihi ambao utafaidika wewe na familia yako kwa muda mrefu.
Kwenye purukushani ambazo Ashraf Hakimi pamoja na Ben Zobrist wamezipitia basi wanaume tuna mengi ya kujifunza, muda wowote kinaweza kukuramba mapema sana.